02/09/2025
👁️ Ցանցաթաղանթի հիվանդությունների վերաբերյալ խորհրդատվություն «Ալիսա» Ակնաբուժական Կենտրոնում
Հավատարիմ մնալով աչքի հետազոտման և բուժման բարձր մակարդակ ապահովելու մեր առաքելությանը՝ սեպտեմբերի 7-ին «Ալիսա» Ակնաբուժական Կենտրոնում կկազմակերպվի ցանցաթաղանթի հիվանդությունների խորհրդատվության օր։
👩⚕️ Խորհրդատվությունները կանցկացնի վիտրոռետինալ մասնագիտացմամբ փորձառու ակնաբույժ ԱՐՓԵՆԻԿ ԱՎԱԳՅԱՆԸ։
Բժշկուհի Ավագյանը 1998 թվականից աշխատում է Սիեթլում (Վաշինգտոն նահանգ, ԱՄՆ)։ Նա ազատ տիրապետում է հայերենին, ինչն ապահովում է անմիջական հաղորդակցություն և հարմարավետ շփում։
«Ալիսա» Ակնաբուժական Կենտրոնը պարբերաբար հրավիրում է ակնաբուժության տարբեր ոլորտների փորձառու մասնագետների՝ մեր հիվանդներին բարձրակարգ խորհրդատվություն տրամադրելու և կենտրոնի ակնաբույժների մասնագիտական փորձը հարստացնելու նպատակով։
🗓️ Խորհրդատվության օրը հատուկ ընտրվել է ոչ աշխատանքային՝ կիրակի օրը, որպեսզի հնարավորինս շատ մարդիկ կարողանան օգտվել այս բացառիկ հնարավորությունից։
📞 Գրանցումների համար անհրաժեշտ է զանգահարել 077 371169, 0312 71169 հեռախոսահամարներով։
_________________________________
Վերջին երեք տարիների ընթացքում բժշկուհի Ավագյանը բազմաթիվ առցանց դասախոսություններ է անցկացրել Հայաստանի ակնաբույժների, ակնաբույժ-օրդինատորների և ընտանեկան բժիշկների համար՝ ներկայացնելով աչքի հիվանդությունների ախտորոշման և բուժման ժամանակակից մոտեցումներ։ 💻
Եթե դասընթացների մասնակիցներից որևէ մեկը ցանկանում է անձամբ հանդիպել Բժշկուհի Ավագյանին կամ մասնակցել «Ալիսա» Ակնաբուժական Կենտրոնում նախատեսված խորհրդատվություններին, խնդրում ենք կապ հաստատել բժշկուհու հետ 📧 arpenika@gmail.com էլեկտրոնային հասցեով։
‼️ Հաշվի առնելով կենտրոնի ընդունելության ձևաչափը՝ սեպտեմբերի 7-ի խորհրդատվություններին կհրավիրվեն միայն երեք ակնաբույժ կամ ակնաբույժ-օրդինատոր։ Սակայն անձնական հանդիպումների հնարավորությունները շատ ավելի լայն են։
__________________________________
📍 Հասցե` Շիրակի մարզ, գ. Ախուրյան, Ախուրյանի խճ. 20
📞 Հեռ․ 077 371169, 0312 71169
✨ Նայեք կյանքին պարզ աչքերով
