Armavir Medical Center / Արմավիրի Բժշկական Կենտրոն

12/02/2026

Առողջապահության նախարարն ասուլիսի ընթացքում անդրադարձել է համընդհանուր ապահովագրության շրջանակում հերթերի կառավարման թեմային:

10/02/2026

‼️Սիրելի կանայք և աղջիկներ, հիշեք, յուրաքանչյուր իգական սեռի ներկայացուցիչ, անկախ գանգատների բացակայությունից, ԱՄԵՆ ՏԱՐԻ պետք է դիմի մանկաբարձ-գինեկոլոգի հետազոտվելու նպատակով :

Ո՞ր գանգատների դեպքում է անհրաժեշտ դիմել մանկաբարձ-գինեկոլոգի
✅ եթե առկա է արտադրություն սեռական ուղիներից (ինչը կարող է ունենալ սպեցիֆիկ հոտ կամ գույն)
✅ եթե նկատվում է դաշտանային ցիկլի խանգարում
✅ քոր կամ մրմռոց սեռական օրգանների շրջանում
✅ ցավ որովայնի ստորին հատվածում կամ սեռական օրգանների շրջանում
✅ դաշտանից դուրս արյունային արտադրություն սեռական ուղիներից
✅ հղիության պլանավորման համար
✅և այլն

‼️հղիների դեպքում
✅ երբ նկատում եք պտղի խաղի ինտենսիվության կտրուկ փոփոխություն (խաղը ավելի շատ կամ ավելի քիչ սովորականից)
✅ սեռական ուղիներից արյունային արտադրություն
✅ ցավ որովայնի ստորին շրջանում
✅ զարկերակային ճնշման բարձրացում, գլխացավ, աչքերի դիմաց սև կետերի առկայություն
✅ վերջույթների և/կամ դեմքի այտուցվածություն

🏥Արմավիրի բժշկական կենտրոնում 24/7 ռեժիմով հերթապահում են մանկաբարձ-գինեկոլոգներ, գանգատների, հարցերի դեպքում կարող եք դիմել կամ կապ հաստատել ձեր տեղամասային մանկաբարձ-գինեկոլոգի հետ :

09/02/2026

Համընդհանուր ապահովագրությամբ մեկ ամսում Արմավիրի բժշկական կենտրոնում ավելի քան ինը տասնյակ վիրահատություն է կատարվել, որից հինգը՝ կոնքազդրային հոդի էնդոպրոթեզավորում, յուրաքանչյուրը 1200000 դրամ արժողությամբ:

08/02/2026

Շնորհակալական խոսքեր պացիենտներից

#ապահովագրություն

07/02/2026

Ազգերի ճակատագիրը փնտրեք մայրերի ափերի մեջ:

Արմավիրի բժշկական կենտրոնում ծնվել է 44-օրյա պատերազի ժամանակ զոհված Ժիրայր Մարգարյանի քույրը՝ բազմազավակ ընտանիքի 8-րդ աղջիկը:

05/02/2026

Տարիներ շարունակ առողջական խնդիրներ ունեցող պացիենտներն այժմ համընդհանուր ապահովագրության համակարգի ներդրմամբ ստանում են անհրաժեշտ բուժօգնություն:

05/02/2026

Առողջապահության նախարար Անահիտ Ավանեսյանն աշխատանքային այցով Արմավիրի բժշկական կենտրոնում էր: Նախարարը ծանոթացել է վերջերս կատարված փոփոխություններին և պայմաններին, ապահովագրության շրջանակում տրամադրվող ծառայություններին և ապահովագրության համակարգի գործարկման ընթացքին։

Անահիտ Ավանեսյանը զրուցել է Արմավիրի բժշկական կենտրոնի տարբեր բաժանմունքներում բուժում ստացող պացիենտների հետ, լսել նրանց խնդիրներն ու նկատառումները. դրանցից շատերը գոհունակության խոսքեր էին ապահովագրության համակարգի ներդրման վերաբերյալ :

Մեկ ամսում Արմավիրի բժշկական կենտրոնում համընդհանուր ապահովագրության շրջանակում ստացիոնար պայմաններում սպասարկվել է 370 բուժառու։

04/02/2026

🏥Առողջապահության նախարար Անահիտ Ավանեսյանն այցելեց Արմավիրի բժշկական կենտրոն՝ առողջության համընդհանուր ապահովագրության համակարգի ընթացիկ վիճակին հետևելու, ինչպես նաև տեղում իրավիճակին, խնդիրներին ու արձագանքներին ծանոթանալու նպատակով։

03/02/2026

📌Եվս մեկ փրկված կյանք

Բուժառուն ընդունվել է Արմավիրի բժշկական կենտրոն ծայրահեղ ծանր վիճակում՝ գանգատվելով որովայնի սաստիկ ցավերից, անզուսպ փսխումներից և ընդհանուր թուլությունից։ Անմիջապես իրականացվեցին համապատասխան կլինիկոլաբորատոր և գործիքային (ՀՇ) հետազոտություններ, ախտորոշվեց վերին միջընդերային զարկերակի թրոմբոզ, բարակ աղու նեկրոզ` պերֆորացիայով, շճաթարախային պերիտոնիտ։

Շտապ կարգով կատարվեց վիրահատություն` որովայնահատում, բարակ աղու սուբտոտալ մասնահատում, էնտերո- տրանսվերզո անաստամոզի ձևավորում, ո/խ սանացիա և դրենավորում։

🏥Չնայած բազմաթիվ ուղեկցող քրոնիկ հիվանդությունների առկայությանը, բուժառուն ապաքինվեց և դուրս գրվեց 16֊րդ օրը։

👨‍⚕️Վիրահատող թիմ
Օպերատոր` Էդվարդ Գինոսյան
Ասիստենտ` Հայկ Առաքելյսն
Ասիստենտ` Տիգրան Տիգրանյան
Անեսթեզիոլոգ` Անահիտ Պողոսյան

02/02/2026

Ինչպե՞ս Արմեդ համակարգում ծանոթանալ մատուցվող ծառայությունների և դեղորայքի ցանկին։

Թեմայի վերաբերյալ պարզաբանում է առողջապահության նախարարը։

02/02/2026

✨ 👶🏻 Արմավիրի բժշկական կենտրոնում 2026 թ.-ի հունվարին լույս աշխարհ է եկել 45 երեխա՝

👧🏻 19 աղջիկ
👦🏻 26 տղա

—————————————————————
🏥 Արմավիրի բժշկական կենտրոն՝ առողջության պահպանման Քո երաշխավորը։

02/02/2026