Armavir Medical Center / Արմավիրի Բժշկական Կենտրոն

Home
Armenia
Armavir
Armavir Medical Center / Արմավիրի Բժշկական Կենտրոն

Արմավիրի բժշկական կենտրոն՝ առողջության պահպանման քո երաշխավորը։

29/04/2026

ՀՀ առողջապահության նախարար Անահիտ Ավանեսյանի ասուլիսը:
ԹԵՄԱ՝ Ամբուլատորիաների, հիվանդանոցային օղակի վերազինում, կապիտալ շինարարության աշխատանքներ:

28/04/2026

Արմավիրի բժշկական կենտրոն է դիմել 52տարեկան պացիենտ՝ գանգատվելով աջ թուլակողի սուր նոպայաձև ցավերից, ընդհանուր թուլությունից, սրտխառնոցից:

Կատարվել են բոլոր անհրաժեշտ լաբորատոր և գործիքային հետազոտությունները, որի արդյունքում ախտորոշվել է սուր քարային խոլեցիստիտ:

Հիվանդը նախապատրաստվել է վիրահատության: Կատարվել է լապարոսկոպիկ խոլեցիստէկտոմիա, որովայնի խոռոչի դրենավորում:
Հիվանդի մոտ լեղապարկը կրկնակի մեծացած էր, ուներ ներլյարդային դասավորվածություն, լեղապարկի պատերը հաստացած էին, փխրուն, շերտազատված, լեղապարկում կային բազմաթիվ քարեր մինչ 3,5-4 սմ տրամագծով:

Հետվիրահատական ընթացքն անցել է առանց բարդությունների, հիվանդը դուրս է գրվել հիվանդանոցից մեկ օր անց լավացումով:

Վիրահատող թիմ՝
Վիրաբույժ՝ Արտուշ Մանուկյան
Վիրաբույժ՝ Էդգար Հարությունյան
Անեսթեզիոլոգ-ռեանիմատոլոգ՝ Կարեն Անտոնյան

27/04/2026

Սպիրոմետրիան թոքերի ֆունկցիոնալ ամենատարածված և ամենաարդյունավետ թեստերից է։ Բնորոշվում է բարձր զգայունությամբ, ոչ միջամտական բնույթով, պարզությամբ և կրկնելիությամբ։

Այն ցուցված է, եթե առկա է.
✅երկարատև, ձգձված հազ,
✅հևոց,
✅բրոնխիալ ասթմա,
✅թոքերի քրոնիկ օբստրուկտիվ հիվանդություն,
✅թոքերի այլ քրոնիկ հիվանդություններ,
✅բժշկի ցուցում` վիրահատությունից առաջ,
✅մարզիկների պատրաստվածությունը ստուգելու անհրաժեշտություն:

Եթե ունեք շնչառության հետ կապված գանգատներ, կարող եք դիմել Արմավիրի բժշկական կենտրոն և անցնել սպիրոմետրիա։

23/04/2026

Ի՞նչ է հոլտեր մոնիթորինգը.
Ե՞րբ է այն խորհուրդ տրվում կատարել և ինչպե՞ս է իրականացվում:

Պարզաբանում է Արմավիրի բժշկական կենտրոնի սրտաբան Նարետա Մարտիրոսյանը:

18/04/2026

Արմավիրի բժշկական կենտրոնն իր թիմը համալրելու նպատակով աշխատանքի է հրավիրում անոթների դուպլեքս հետազոտություն կատարող սոնոգրաֆիստի։

Աշխատանքային փորձը ցանկալի է։

ՊԱՀԱՆՋՎՈՂ ՈՐԱԿՆԵՐԸ
✅ Բարձր մասնագիտական որակներ
✅ Թիմում աշխատելու կարողություն
✅ Թիմակիցների և բուժառուների հետ գրագետ և ճիշտ հաղորդակցվելու կարողություն
✅ Պատասխանատվություն
✅ Արագ կողմնորոշվելու ունակություն

Համապատասխան բժշկական կրթությամբ ցանկացած անձ կարող է դիմել՝ իր CV-ն ուղարկելով
📧 hr.armavirmed@gmail.com էլ. հասցեին
📞 (374) 93 595649, (0237)23560
Կամ այցելել
📍Շահումյան 3՝ պոլիկլինիկայի մասնաշենք, 2-րդ հարկ, 21 սենյակ
___________________
🏥 Արմավիրի բժշկական կենտրոն՝ առողջության պահպանման Քո երաշխավորը

16/04/2026

Էպիդուրալ անզգայացումը ծննդաբերության ժամանակ. ի՞նչ ազդեցություն ունի և որո՞նք են առավելությունները:

Պարզաբանում է կանանց կոնսուլտացիայի ավագ մանկաբարձ-գինեկոլոգ Երանուհի Եղիազարյանը։

14/04/2026

Արմավիրի բժշկական կենտրոնի մասնագիտական թիմին միացել է հոգեբան Ուլյանա Բաբայանը։

Մեր կենտրոնում այժմ հասանելի է հոգեբանական խորհրդատվություն հղիության նախածննդյան և հետծննդյան շրջանում գտնվող կանանց համար։ Հոգեբանը կօգնի անցնել այս կարևոր փուլն ավելի հանգիստ, վստահ և հավասարակշռված։

Հոգեբանի աշխատանքը ուղղված է՝
• հղիության ընթացքում առաջացող անհանգստության, վախերի և հուզական լարվածության նվազեցմանը
• մայրության դերի ընդունման և ներքին պատրաստվածության ձևավորմանը
• սթրեսի կառավարմանը և հոգեկան հավասարակշռության պահպանմանը
• հետծննդյան զգացմունքային փոփոխությունների (տրամադրության տատանումներ) մեղմմանը
• մայր-երեխա կապի ձևավորմանն ու ամրապնդմանը:

Սա ևս մեկ կարևոր քայլ է՝ ուղղված ապագա և նորաթուխ մայրիկների հոգեկան առողջության պահպանմանը, ներքին հավասարակշռության ամրապնդմանը և մայրության ճանապարհն առավել գիտակցված ու խաղաղ դարձնելուն:

10/04/2026

Արմավիրի բժշկական կենտրոնի պոլիկլինիկական մասնաշենքի շինարարական աշխատանքները շարունակվում են։

Բժշկական կենտրոնի տնօրինությունը մշտապես հետևում է վերանորոգման աշխատանքների ընթացքին։

Շատ շուտով կունենանք ամբողջությամբ վերանորոգված, ժամանակակից և հարմարավետ պոլիկլինիկական մասնաշենք՝ հագեցած նորագույն սարքավորումներով։

07/04/2026

Սիրելի՛ մայրեր և քույրեր, կանայք և աղջիկներ

Սրտանց շնորհավորում եմ ձեզ ապրիլի 7-ի՝ Մայրության և գեղեցկության տոնի կապակցությամբ։

Այս գեղեցիկ օրը ևս մեկ առիթ է արժևորելու ձեր սերը, հոգատարությունն ու նվիրվածությունը, որոնք լուսավորում են մեր կյանքը։ Դուք եք ընտանիքի ջերմության աղբյուրը, կյանքի շարունակության խորհրդանիշը և մեր հասարակության ամուր հիմքը։

Մաղթում եմ ձեզ քաջառողջություն, անսպառ ուժ, ընտանեկան երջանկություն և խաղաղություն։ Թող ձեր յուրաքանչյուր օրը լցված լինի սիրով, ժպիտով և գնահատանքով։

Շնորհավորում և շնորհակալություն եմ հայտնում Արմավիրի բժշկական կենտրոնի բոլոր կանանց, մայրերին ՝ իրենց նվիրված աշխատանքի, հոգատար վերաբերմունքի և ջերմության համար։ Ձեր առաքելությունը անգնահատելի է։

Սիրով և խորին հարգանքով՝
Արմավիրի բժշկական կենտրոնի տնօրեն Հարություն Հովհաննիսյան

06/04/2026

Արմավիրի բժշկական կենտրոնում մեկնարկել է ինսուլինային գրիչների, թեստ-երիզների և գրիչ-ներարկիչների ասեղների բաշխումը։

29–40 տարեկան առաջին տիպի շաքարային դիաբետ ունեցող այն բուժառուները, ովքեր հաշվառված են մեր կենտրոնում, կարող են մոտենալ և ստանալ անհրաժեշտ պարագաները։

04/04/2026

Քրիստոս Հարեավ ի Մեռելոց,
Օրհնեալ է Տիրոջ Հրաշափառ Հարությունը:

02/04/2026

Սիրելի՛ քաղաքացիներ,
կարող եք մասնակցել առողջության համընդհանուր ապահովագրության վերաբերյալ անանուն հարցմանը՝ սկանավորելով QR կոդը։

Address

Շահումյան 3
Armavir
0901

Telephone

+37423722640

Website

https://armavirmed.com/

Alerts

Be the first to know and let us send you an email when Armavir Medical Center / Արմավիրի Բժշկական Կենտրոն posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Armavir Medical Center / Արմավիրի Բժշկական Կենտրոն:

Want your practice to be the top-listed Clinic in Armavir?