06/04/2023
#վիտամիններ
❤️Fe-Երկաթը նպաստում է էրիթրոցիտների (արյան կարմիր գնդիկների) ձևավորմանը, հեմոգլոբինի նորմալ մակարդակի պահպանմանը, օրգանիզմում թթվածնի փոխադրմանը, օրգանիզմում բջիջների բաժանման և էներգիայի փոխանակման բնականոն գործընթացին, նորմալ կոգնիտիվ ֆունկցիայի պահպանմանը։
💙Zn-Ցինկը անհրաժեշտ է մարդու առողջության համար: Այն մասնակցում է 300 ֆերմենտների սինթեզի կարգին, որոնք նպաստում են ուղեղի գործունեության կարգավորմանը, բջիջների աճին, նյութափոխանակությանը և մարսողությանը։ Բացի այդ, ցինկը պաշտպանում է սրտանոթային հիվանդություններից, աջակցում է իմունային համակարգին, նպաստում է հյուսվածքների վերականգնմանը, ինչպես նաև բարելավում է տեսողությունը:
💙Ca-Կալցիումը մեր օրգանիզմի ամենատարածված միկրոէլեմենտն է, որը ապահովում է ատամների և ոսկրերի ամրությունը, ինչպես նաև շատ կարևոր է նյարդային, մկանային, սիրտ—անոթային համակարգերի, էնդոկրի համակարգի աշխատանքի և արյան մակարդելիության համար: Կալցիումի նյութափոխանակությունը կարգավորվում է աղեստամոքսային տրակտով, երիկամներով և ոսկրային համակարգով: Եթե օրգանիզմը չի ստանում բավարար քանակությամբ կալցիում, դա հանգեցնում է նրան, որ ոսկրերից այն սկսում է դուրս գալ և ոսկրերը դարձնում փխրուն:
🧡Mg-Մագնեզիումը մեր օրգանիզմի կարևոր հանքային տարրերից է, որի 50%-ը տեղակայված է ոսկրերում, 1%-ը արյան մեջ, իսկ մնացած մասը փափուկ հյուսվածքներում:
Մագնեզիումն ունի առանցքային նշանակություն մարդու օրգանիզմում իրականացվող ավելի քան 300 կենսաքիմիական ռեակցիաների համար:
Մագնեզիումն անհրաժեշտ է սրտի, անոթների, մկանների և աղիների նորմալ աշխատանքի համար: Այն մասնակցում է նյարդային և իմունային համակարգերի գործունեությանը, նպաստում է ոսկրերի ամրությանը: Մագնեզիումը կարգավորում է նաև արյան մեջ շաքարի քանակը և նպաստում է նորմալ զարկերակային ճնշմանը: Մագնեզիումը մասնակցում է այլ հանքային տարրերի փոխանակմանն օրգանիզմում, սպիտակուցների սինթեզի ժամանակ ունի կարևոր դերակատարություն:
