Ուռուցքաբանության ֆրանսիական ինստիտուտ / IFCE

09/07/2025

«Հիվանդն իրավունք ունի իմանալու իր հիվանդության մասին այնքան, որքան պատրաստ է». Ուռուցքաբանության ֆրանսիական ինստիտուտի տնօրեն, բժիշկ Շուշանիկ Մակարյան («Սպուտնիկ Արմենիային» տված հարցազրույցից)։

08/07/2025

Երբևէ կգտնվի՞ քաղցկեղի 100 տոկոսանոց բուժում
#բժշկագիտություն

Որոշ մասնագետներ կարծում են, որ մի օր մարդկությանը հասու կդառնա քաղցկեղի լիակատար բուժումը, իսկ ոմանց կարծիքով, այն կմնա որպես քրոնիկ հիվանդություն, որի 100 տոկոսանոց բուժումն անհնար է։ Մի բան հստակ է՝ քաղցկեղի բազմաթիվ տեսակների առկայությունն ու մարդկանց օրգանիզմների տարբերություններն ավելի ու ավելի են մղում դեպի քաղցկեղի բուժման անհատական մոտեցումը։

Հաղթահարված քաղցկեղն այսօր չի համարվում լիովին բուժված, որովհետև մի օր այն հանկարծ կարող է «վերադառնալ»։ Ուստի համարվում է, որ այն ռեմիսիայի մեջ է կամ գնահատվում է որպես որևէ նշանով չարտահայտվող, ինչը նշանակում է, որ օրգանիզմում հայտնաբերելի քաղցկեղ չկա։

Նույնիսկ եթե քաղցկեղը 100 տոկոսանոց բուժում չունի էլ, վաղ հայտնաբերվելու դեպքում դրա բազմաթիվ տեսակներ արդյունավետ բուժում են ունենում։ Խիստ վաղ՝ զրո փուլում, հայտնաբերված քաղցկեղի որոշ տեսակներ նույնիսկ 100 տոկոսանոց բուժման հեռանկար ունեն։

Բացի այդ, ուռուցքաբաններն, օրինակ, կարող են քաղցկեղը համարել լիովին բուժված, եթե տվյալ մարդը փոքր ժամանակ ունեցել է սուր լիմֆոբլաստային լեյկոզ՝ քանի որ հաջող բուժումից հետո մեծ տարիքում կրկնության հավանականությունը ցածր է:
Ստորև բերված են քաղցկեղի այն տեսակները, որոնք համարվում են հաղթահարելուց հետո հինգ տարվա ապրելիության ցուցանիշ ունեցող.

1. Կրծքագեղձի քաղցկեղ
2. Մելանոմա
3. Վահանաձև գեղձի քաղցկեղ
4. Հոջկինի լիմֆոմա
5. Ամորձու քաղցկեղ
6. Շագանակագեղձի քաղցկեղ

Բայց պետք է չմոռանալ որ շատ կարևոր է, թե որ փուլում է հայտնաբերվում քաղցկեղը, կա՞ն արդյոք մետաստազներ և ո՞ր չափով են դրանք տարածված։

Օրինակ, կրծքագեղձի 1-ից 3-րդ փուլերում հայտնաբերված քաղցկեղը, որն էստրոգենային ընկալիչների համար դրական է, ավելի հավանական է, որ կրկնվի ախտորոշումից հինգից տասը տարի հետո, քան առաջին հինգ տարիների ընթացքում: Երբեմն կրկնվում է նույնիսկ տասնամյակներ անց:

Ուռուցքաբանության ֆրանսիական ինստիտուտը Երևանում հետևում է համաշխարհային նորագույն և փորձարկված մեթոդներին, կիրառում դրանք և դեղամիջոցները, որոնք հասանելի են Հայաստանում։ Ինստիտուտ կարող եք զանգել (+374) 10 20 96 16 և (+374) 99 660 260 համարներով։

07/07/2025

Մեր ինստիտուտում սկսվեց աշխատանքային շաբաթը. բարի սկիզբ ու բարի աշխատանք բոլորին ու հատկապես նրանց, ովքեր զբաղված են մարդկանց կյանք վերադարձնելու, բուժելու, ցավերը մեղմելու գործով։

Ուռուցքաբանության ֆրանսիական ինստիտուտ կարող եք զանգել (+374) 10 20 96 16 և (+374) 99 660 260 համարներով։

04/07/2025

#շաբաթավերջ
Մեր ինստիտուտում ավարտին է մոտենում աշխատանքային շաբաթը։ Այն այս անգամ հագեցած էր ոչ միայն մասնագիտական ծառայությունների մատուցմամբ, այլև մեր գործունեության հանրայնացմամբ։ Ինստիտուտի տնօրեն, ուռուցքաբան Շուշանիկ Մակարյանը հինգշաբթի հարցազրույցի հյուրընկալվեց «Սպուտնիկ Արմենիայում», իսկ այսօր մեկ այլ նկարահանող խումբ ինստիտուտում էր՝ մասնագիտական ֆիլմի համար բժշկի կարծիքը տեսագրելու։

Բարի շաբաթ-կիրակի, բարի հանգիստ բոլորին։ Երկուշաբթի կվերադառնանք նոր ավյունով ու ավելի բարձր տրամադրությամբ։

Մեզ կարող եք զանգել աշխատանքային օրերին, քաղաքային 20 96 16 և բջջային 099 660 260 համարներով։

04/07/2025

«Չարորակ գոյացություններն այժմ դասվում են քրոնիկ հիվանդությունների շարքին»․ հիվանդության և բժշկության տեսանելի ու անտեսանելի կողմերը
#հարցազրույց
Ուռուցքաբանության ֆրանսիական ինստիտուտի տնօրեն, ուռուցքաբան Շուշանիկ Մակարյանը վստահ է՝ յուրաքանչյուր ոք պետք է ինքը ցանկանա տեղեկացված ու իրազեկված լինել։

«Այսօր շատ մարդիկ դեռ վախենում են «չգնամ՝ չիմանամ» տրամաբանությամբ։ Մինչդեռ ժամանակակից գիտությունը հասել է մի մակարդակի, որ ուռուցք ունենալն այլևս դատավճիռ չէ», - Սպուտնիկ Արմենիայի «Ուրիշ նորություններ» հաղորդմանն ասել է բժիշկը (զրույցը վարում է լրագրող Սուսաննա Հովհաննիսյանը) ։

Բժիշկ Մակարյանի խոսքով, առողջապահության համակարգն արդեն ուղղվում է համապարփակ ապահովագրության մոդելին, երբ նույնիսկ եթե մարդը չի ցանկանում, պարտավոր է անցնել CheckUp-ներ։ Շատ դեպքերում հենց այդ հետազոտությունների ընթացքում են հայտնաբերվում լուրջ խնդիրները։ Այդ գործընթացի մաս են կազմում նաև սոցիալական փաթեթները։

«Չարորակ հիվանդությունները թե՛ Հայաստանում, թե՛ ամբողջ աշխարհում համարվում են թանկարժեք։ Այդ համատեքստում պետության դերն անփոխարինելի է»,- ասում է ուռուցքաբանը՝ հորդորելով ժամանակին հետազոտվել, ու մաղթելով բժշկից լսել, որ ամեն ինչ լավ է։

Զրույցի տեսագրությունն ամբողջովին կարող եք դիտել մեկնաբանությունների բաժնում տեղադրված հղումով։

| LIVE 106.0FM

03/07/2025

Լավ քնել, շատ շարժվել, ստրեսներից հեռու մնալ (եթե իհարկե հնարավոր է) և պարբերաբար հետազոտվել. սրանք չհիվանդանալու, իսկ հիվանդանալու դեպքում գոնե վաղ փուլերում բուժումը սկսելու և քաղցկեղը հաղթահարելու նախապայմանների ոչ լրիվ ցանկն է, որն այսօր Շուշանիկ Մակարյանը ներկայացրեց «Սպուտնիկ Արմենիայի» եթերում հյուրընկալվելով լրագրող Սուսաննա Հովհաննիսյանին։

03/07/2025

Քիչ հետո Սպուտնիկ Արմենիայի եթերում կարող եք լսել մեր ինստիտուտի տնօրեն, ուռուցքաբան Շուշանիկ Մակարյանի հարցազրույցը։ Այն լսելու համար սեղմեք նկարի վրա։
Հ.Գ. Հարցազրույցի տեսատարբերակի հղումը՝ մեկնաբանությունների բաժնում։

Օպերատիվ և ստույգ տեղեկատվություն աշխարհում և երկրում տեղի ունեցող իրադարձությունների մասին

03/07/2025

Ֆիզկուլտուրան կարող է նվազեցնել մետաստազավորման ռիսկը
(ճարպակալման դեմ բուժումները՝ նույնպես )
#բժշկագիտություն
Cancer Research գիտական հանդեսում Թել Ավիվի համալսարանի գիտնականների հրապարակած հոդվածի եզրակացությունն է, որ ֆիզիկական ակտիվ վարժություններով զբաղվելը 72 տոկոսով կարող է նվազեցնել քաղցկեղի բջիջների մետաստազավորումը։

Ուսումնասիրության հեղինակները հիմնավորում են, որ ֆիզիկական վարժությունները «վերածրագրավորում են» ներքին օրգանների նյութափոխանակությունը, ինչը մեծացնում է սնուցող նյութերի պահանջը՝ միաժամանակ սահմանափակելով քաղցկի բջիջների սնվելու հնարավորությունը և կազմելով նյութափոխանակության պաշտպանիչ շերտ (վահան)։

Սա բավական հետաքրքիր է դառնում, երբ համադրում ենք նույնպես վերջերս հրապարակված մեկ այլ հետազոտության արդյունքի հետ, ըստ որի, ճարպակալման դեմ բուժումները կարող են սահմանափակել քաղցկեղի բջիջների մետաստազավորման ռիսկը։ Լուվենի կաթոլիկական համալսարանի (UCLovain , Բելգիա) բժշկական գիտահետազոտական կենտրոնի գիտական խմբի ղեկավար Օլիվիե Ֆերոնն ասել է.

«Քաղցկեղի բջիջներին խանգարել օգտագործել լիպիդները, կնշանակի՝ կանխել նրանց մետաստազավորումը։ Դա նրանց կզրկի էներգիայից, որն անհրաժեշտ է ուռուցքի սկզբնական միջավայրը լքելու և օրգանիզմում տեղաշարժվելու, տարածվելու համար։ Դեռ պետք է պարզել, թե ինչպես կարելի է քաղցկեղի բջիջներին զրկել մեր լիպիդներով սնվելու հնարավորությունից»։

Առավել մանրամասն՝ այստեղ. https://www.facebook.com/IFCErevan/photos/a.1926260710748977/8776604455714534/

Մեր ինստիտուտ կարող եք զանգել (+374) 10 20 96 16 կամ (+374) 99 660 260։

⁉ Հնարավո՞ր է մետաստազների տարածումը կանխել ճարպակալումը բուժելու միջոցով

#բժշկագիտություն

ℹ Լուվենի կաթոլիկական համալսարանի (UCLovain , Բելգիա) բժշկական գիտահետազոտական կենտրոնի գիտնական Օլիվիե Ֆերոնն իր գիտական թիմի հետ պարզել է, որ հնարավոր է մետաստազների տարածումը կանխել ճարպակալումը բուժելու միջոցով։

«Դեռ տարիներ առաջ հայտնի էր, որ քաղցկեղի որոշ բջիջներ կարող են օգտագործել լիպիդները։ Պարզել ենք, որ քաղցկեղի բջիջները կարող են ոչ միայն օգտագործել, այլև կուտակել լիպիդներ։ Բջիջները, պահպանելով այդ լիպիդները, վերջին հաշվով, ձևավորում են էներգետիկ պահեստարաններ, որոնք դրանց թույլ կտան ավելի հեշտ մետաստազավորվել»,- բացատրում է Օլիվիե Ֆերոնը։

Ավելի լավ պատկերացնելու համար, հետազոտողն առաջարկում է դիտարկել քաղցկեղի ուռուցքը, որը բաղկացած է երկու տեսակի բջիջներից.

«Ձախ կողմում այնպիսիք են, որոնք սնվում են մեր շաքարով. դրանք համեմատաբար կայուն են։ Աջ կողմում գտնվողները օգտագործում են մեր լիպիդները։ Այդ բջիջներն անհամեմատ ավելի շարժուն են և ագրեսիվ։
Հենց օգտագործվող ու պահեստավորվող այդ լիպիդների շնորհիվ էլ դրանք առաջացնում են մետաստազներ»։

Նոր հետազոտության նպատակն է՝ ճարպակալումը բուժելու միջոցով փորձել կանխել մետաստազների առաջացումը։

«Քաղցկեղի բջիջներին խանգարել օգտագործել լիպիդները, կնշանակի՝ կանխել դրանց մետաստազավորումը։ Դա բջիջներին կզրկի էներգիայից, որն անհրաժեշտ է ուռուցքի սկզբնական միջավայրը լքելու, օրգանիզմում տեղաշարժվելու և տարածվելու համար։ Դեռ պետք է պարզել, թե ինչպես կարելի է քաղցկեղի բջիջներին զրկել մեր լիպիդներով սնվելու հնարավորությունից»,- ասում է Օլիվիե Ֆերոնը՝ շարունակելով.

«Ակնհայտ կապ գոյություն ունի ճարպակալման, բորբոքման և քաղցկեղի միջև։ Մյուս կողմից, այդքան հեռուն գնալ և ի սկզբանե պնդել, որ ճարպի նվազագույն քանակության օգտագործումը մետաստազների առաջացման հավանականությունը կփոքրացնի, ես չեմ կարող։ Բայց և կարող եմ պնդել, որ ճարպակալումը բուժելու մեթոդները՝ հենվելով մեր հայտնագործությունների վրա, կարող են կիրառվել մետաստազների տարածումը կրճատելու համար»։

🔻 ԹԲԻԼԻՍՅԱՆ ԽՃՈՒՂԻ 5/1
☎ 010 209616, 099 660260

02/07/2025

Բժշկի «հարցազրույցը» բուժառուի հետ
(Մի՛ վախեցեք բուժումից՝ մի՛ կորցրեք ձեր երկրորդ շանսը

63-ամյա Արմինե Վանյանի պատմությունը նորից հիշեցնում է՝ ճիշտ ժամանակին մասնագիտական բուժում ստանալը փրկում է կյանքեր։

Երբ տիկին Արմինեն կրծքագեղձում գոյացություն էր հայտնաբերել, դիմեց Ուռուցքաբանության ֆրանսիական ինստիտուտ, բայց հրաժարվեց բժշկի նշանակած բիոպսիայից՝ վախից ու իր քրոջ դժվար փորձից ելնելով։ Փոխարենը վստահեց բուսաբույժի թուրմերին, ինչի հետևանքով հիվանդությունը խորացավ, ոտքերը թմրեցին, և հետագայում ախտորոշվեց չարորակ ուռուցք՝ ոսկրերի մետաստազներով։

Ինստիտուտի տնօրեն, ուռուցքաբան Շուշանիկ Մակարյանի վերահսկողությամբ դեղորայքային բուժումը տվեց իր արդյունքը՝ հինգ ամսից Արմինեն սկսեց քայլել, ցավն ու ծանր վիճակը մեղմացան։ Բայց բժիշկը կարևորում է՝ նման դեպքերից խուսափելու համար մարդիկ պետք է չվախենան բժշկական միջամտություններից, պետք էվստահեն մասնագետներին, և չկորցնեն հիվանդությունը հաղթահարելու լավագույն ժամանակը։

💬 Արմինե Վանյան․

«Դեռ էդ քայլելը չի, բայց էն դժոխային վիճակն անցավ։ Կյանք եմ վերադարձել։ Միլիմետր առ միլիմետր սկսվեց արթնացումս»։

📞 Ուռուցքաբանության ֆրանսիական ինստիտուտ՝
(+374) 10 20 96 16
(+374) 99 660 260

#ապրեցնող #առողջություն #քաղցկեղ #Հայաստան

01/07/2025

🌍 Արգանդի վզիկի քաղցկեղի հաղթահարման համաշխարհային բեկում
#բժշկագիտություն

Բրազիլիայի, Հնդկաստանի, Իտալիայի, Մեքսիկայի և Մեծ Բրիտանիայի 32 բուժկենտրոններում անցկացված փորձարկումները հանգեցրել են բժշկագիտության ոլորտում վերջին 20 տարվա ամենամեծ առաջընթացին արգանդի վզիկի քաղցկեղի բուժման գործում։
2024 թվականի աշնանը հրապարակված տվյալները ցույց տվեցին, որ ստանդարտ բուժումը սկսելուց առաջ քիմիաթերապիայի կարճ կուրս ստանալը
✅ 40%-ով նվազեցնում է մահվան ռիսկը
✅ 35%-ով կրճատում է քաղցկեղի կրկնվելու հավանականությունը։

Կիրառված քիմիաթերապիայի երկու դեղամիջոցներն էժան, մատչելի են և շատ երկրներում արդեն հաստատված են օգտագործման համար։

Այս տարի Համաշխարհային տնտեսական ֆորումը արգանդի վզիկի քաղցկեղի հաղթահարման այս նոր մոտեցումը ներառել է այն 12 մեթոդների շարքում, որոնք համաշխարհային մակարդակով նշանակալի առաջընթաց են ապահովում քաղցկեղի դեմ պայքարում։ Մյուս մեթոդների մասին հակիրճ տեղեկություններին կարող եք ծանոթանալ մեր՝ Ուռուցքաբանության ֆրանսիական ինստիտուտի Ֆեյսբուքյան էջում։

📍 Ուռուցքաբանության ֆրանսիական ինստիտուտը Երևանում հետևում է համաշխարհային նորագույն և փորձարկված մեթոդներին, կիրառելով Հայաստանում հասանելի դեղամիջոցները։
📞 Մեզ հետ կապվելու համար զանգահարեք՝
(+374) 10 20 96 16
(+374) 99 660 260

30/06/2025

#ապրեցնող
76-ամյա Կարապետ Փաշիկյանն այսօր մեր ինստիտուտում է՝ քիմիաթերապիայի հերթական կուրսը ստանալու։ Բժիշկ Շուշանիկ Մակարյանը և բուժառուն բուն հիվանդության հաղթահարման ընթացքից գոհ են՝ հիվանդն իրեն լավ է զգում, բայց դեղերի կողմնակի ազդեցությունն իրեն զգացնել է տալիս՝ ընդհանուր թուլություն ունի.

«Նորից կրկնեմ, որ նման վիճակում գտնվող հիվանդները, լավ կլինի, որ քիմիաթերապիայի հերթական կուրսը ստանալուց հետո մի քանի օր անցկացնեն վերականգնողական կենտրոնում (պալիատիվում)։ Նախորդ անգամ Փաշիկյանը այդպես էլ վարվել էր, բավական լավ էր զգում իրեն, այս անգամ մի քիչ թույլ է, փորձենք վերականգնել ուժերն ու տրամադրությունը, լավ ինքնազգացողությունը»։

Նախորդ տարի թոքաբորբի դեմ երկարատև բուժումներից հետո Կարապետ Փաշիկյանի գանգատները չէին անցել, ապա համակարգչային հետազոտությունը (ԿՏ) թոքի ուռուցք էր հայտնաբերել, և բիոպսիան հաստատել էր ախտորոշումը։ Մեր ինստիտուտում քաղցկեղի հաղթահարման բուժումները նա վերջին ամիսներին է սկսել։

Մեզ զանգեք աշխատանքային օրերին՝ քաղաքային 10 20 96 16 և բջջային 99 66 02 60 համարներով։

30/06/2025

Սիրելի՛ բուժառուներ կամ նրանց հարազատնե՛ր, մտերիմնե՛ր…,

մեր ինստիտուտում իրականացնում ենք հետևյալ ծառայությունները՝ միջազգային չափորոշիչներին և բժշկական էթիկայի նորմերին համապատասխան՝
բժշկական խորհրդատվություն, ֆրանսիացի գործընկերների պարբերական այցեր Երևան, ուլտրաձայնային հետազոտություններ (սոնոգրաֆիա, անոթների դուպլեքս սքանավորում, էխո-սրտագրություն), ուռուցքային հիվանդությունների դեղորայքային բուժում (իմունաթերապիա, թարգեթ թերապիա, քիմիաթերապիա, հորմոնաթերապիա) ֆրանսիական չափորոշիչներով, ինչը նշանակում է յուրաքանչյուր հիվանդի համար անհատական սխեմայի ընտրություն՝ հաշվի առնելով քաղցկեղի տեսակը, նրա առողջական վիճակն ու ֆիզիոլոգիական հատկանիշները։

Սիրով՝ Ձեր Շուշանիկ Մակարյան
Ուռուցքաբանության ֆրանսիական ինստիտուտի տնօրեն, ուռուցքաբան
Հեռախոս՝ 099 660 260
(+374) 99 660 260