Gyumri Medical center

Gyumri Medical center Contact information, map and directions, contact form, opening hours, services, ratings, photos, videos and announcements from Gyumri Medical center, Hospital, Gyumri.

Առողջապահության նախարար Անահիտ Ավանեսյանը այցելել է Գյումրու բժշկական կենտրոն։ Կենտրոնի տնօրեն Արմեն Իսահակյանի ուղեկցու...
28/04/2026

Առողջապահության նախարար Անահիտ Ավանեսյանը այցելել է Գյումրու բժշկական կենտրոն։

Կենտրոնի տնօրեն Արմեն Իսահակյանի ուղեկցությամբ նա շրջել է բուժհաստատությունում, հանդիպել բուժանձնակազմին և բուժառուներին, ծանոթացել աշխատանքային պայմաններին ու ընթացող գործընթացներին։

Նախարարը ծանոթացել է առողջապահության համընդհանուր ապահովագրության ներդրման արդյունքներին ու դրանց ազդեցությանը մատուցվող ծառայությունների վրա։

Առողջապահության նախարարության կողմից Գյումրու բժշկական կենտրոնին տրամադրվել է ժամանակակից էնդոսկոպիկ համակարգ, որը հնարավորություն է տալիս իրականացնել ներքին օրգանների բարձր ճշգրտությամբ ախտորոշում՝ բարձրացնելով բժշկական ծառայությունների որակը և ապահովելով ավելի արդյունավետ բուժօգնություն։

Նախարարը ծանոթացել է նաև Գյումրու բժշկական կենտրոնի ծննդատան նոր շենքի աշխատանքների ընթացքին։

Գյումրու բժշկական կենտրոնը խոր վշտով հայտնում է վիրաբույժ Հրանտ Ներսիսյանի մահվան մասին։Բժիշկ Ներսիսյանը տարիներ շարունա...
26/04/2026

Գյումրու բժշկական կենտրոնը խոր վշտով հայտնում է վիրաբույժ Հրանտ Ներսիսյանի մահվան մասին։

Բժիշկ Ներսիսյանը տարիներ շարունակ իր մասնագիտական բարձր պատրաստվածությամբ, նվիրումով և պատասխանատվությամբ ծառայել է առողջապահության ոլորտին՝ արժանանալով գործընկերների հարգանքին և բազմաթիվ պացիենտների վստահությանը։ Նրա մարդկային բարձր որակներն ու բժիշկ լինելու կոչմանը նվիրվածությունը միշտ կմնան մեր հիշողության մեջ։

Կենտրոնի ամբողջ անձնակազմի և անձամբ իմ անունից խորին ցավակցություն եմ հայտնում Հրանտ Ներսիսյանի ընտանիքին, հարազատներին և բոլոր մերձավորներին՝ կիսելով նրանց վիշտը այս ծանր պահին։

Արմեն Իսահակյան
Գյումրու բժշկական կենտրոնի տնօրեն

📢Աշխատանքի հնարավորությունԲժշկական կենտրոնը փնտրում է պատասխանատու և մասնագիտական հմտություններով օժտված ռենտգեն տեխնիկ,...
23/04/2026

📢Աշխատանքի հնարավորություն

Բժշկական կենտրոնը փնտրում է պատասխանատու և մասնագիտական հմտություններով օժտված ռենտգեն տեխնիկ, ով նաև կիրականացնի ՀՏ (համակարգչային տոմոգրաֆիա) օպերատորի գործառույթներ։

📌Պարտականություններ`

Կատարել ռենտգեն հետազոտություններ՝ ըստ սահմանված պրոտոկոլների

▪️Իրականացնել ՀՏ հետազոտություններ և ապահովել սարքավորումների ճիշտ շահագործում

▪️Ապահովել հիվանդների ճիշտ դիրքավորում և նախապատրաստում

▪️Պահպանել անվտանգության և ճառագայթային պաշտպանության նորմերը

▪️Համագործակցել բժիշկ-ռադիոլոգների և բժշկական անձնակազմի հետ
Վարել համապատասխան փաստաթղթավորում

📌 Պահանջներ՝

▪️Բարձրագույն կամ միջին մասնագիտական բժշկական կրթություն, վերամասնագիտացման և հավաստագրի առկայություն

▪️Ռենտգեն տեխնիկի աշխատանքային փորձ (ՀՏ փորձը դիտարկվում է որպես առավելություն)

▪️Սարքավորումների հետ աշխատելու հմտություններ

▪️Պատասխանատվություն, ուշադրություն մանրուքներին

▪️Թիմում աշխատելու կարողություն

▪️Անգլերեն լեզվի բավարար գիտելիքներ բժշկական ժամանակակից թվային սարքավորումներով աշխատելու համար,

▪️Լավ ֆիզիկական դիմացկունություն և պատրաստակամություն աշխատելու ինտենսիվ, հերթափոխային (ներառյալ՝ 24-ժամյա) գրաֆիկով տարբեր մասնաշենքերում միաժամանակ

▪️Սթրեսակայունություն և արագ կողմնորոշվելու կարողություն բարձր ծանրաբեռնված միջավայրում

📌Մենք առաջարկում ենք՝

▪️Մրցունակ աշխատավարձ
Կայուն աշխատանք բժշկական հաստատությունում

▪️Մասնագիտական աճի և զարգացման հնարավորություն

▪️Բարեկամական և աջակցող թիմ

📩Հետաքրքրված թեկնածուները կարող են ուղարկել իրենց ինքնակենսագրականը (CV)՝ hrgyumrimc@gmail.com հասցեին՝ նշելով «Ռենտգեն տեխնիկ / ՀՏ օպերատոր» թեմայում մինչև 2026 թվականի մայիսի 31-ներառյալ։

Ընտրված թեկնածուները կհրավիրվեն հարցազրույցի:

Հարգարժան պարոն Քուշկյան,Ձեր ծննդյան օրվա առթիվ ջերմորեն շնորհավորում եմ Ձեզ՝ մաղթելով ամուր առողջություն, անսպառ եռանդ ...
14/04/2026

Հարգարժան պարոն Քուշկյան,

Ձեր ծննդյան օրվա առթիվ ջերմորեն շնորհավորում եմ Ձեզ՝ մաղթելով ամուր առողջություն, անսպառ եռանդ և նորանոր հաջողություններ Ձեր պատասխանատու և կարևոր գործունեության մեջ։

Ձեր բազմամյա աշխատանքը, թե՛ առողջապահության նախարարի պաշտոնում, թե՛ որպես «Էրեբունի» բժշկական կենտրոնի հիմնադիր տնօրեն, մեծ ներդրում է ունեցել Հայաստանի առողջապահական համակարգի զարգացման գործում։ Ձեր նախաձեռնություններով կյանքի են կոչվել կարևոր բարեփոխումներ, ներդրվել ժամանակակից մոտեցումներ և ապահովվել որակյալ բժշկական ծառայությունների հասանելիություն հանրապետության տարբեր մարզերում։

Գյումրու բժշկական կենտրոնի և «Էրեբունի» ԲԿ-ի միջև համագործակցության հուշագիրը ևս վկայում է Ձեր հեռատեսության և համակարգային մտածողության մասին։ Այդ համագործակցության շնորհիվ զգալիորեն նվազել է Գյումրիից Երևան բուժօգնության նպատակով տեղափոխվող քաղաքացիների հոսքը՝ պայմանավորված տեղում մատուցվող ծառայությունների ընդլայնմամբ և որակի բարձրացմամբ։

Բարձր գնահատելով Ձեր ավանդը՝ ուզում եմ ընդգծել, որ Դուք իրավամբ համարվում եք ոլորտի առաջատար կազմակերպիչներից մեկը։ Ձեր ղեկավարությամբ ձևավորված արդյունավետ կառավարման մոդելը կարևոր հիմք է հանդիսանում նաև մեր կենտրոնների միջև համագործակցության ամրապնդման համար։

Մեկ անգամ ևս շնորհավորում եմ Ձեզ՝ մաղթելով, որ Ձեր գործունեությունը շարունակվի նույն նվիրումով և հաջողություններով՝ ի շահ մեր երկրի և մեր քաղաքացիների առողջության պահպանման։

Հարգանքով՝
Արմեն Իսահակյան
Գյումրու բժշկական կենտրոնի տնօրեն

Սիրելի՛ մայրեր, քույրեր և դուստրեր,Սրտանց շնորհավորում եմ ձեզ ապրիլի 7-ի՝ Մայրության և գեղեցկության օրվա առթիվ։Այս տոնը ...
07/04/2026

Սիրելի՛ մայրեր, քույրեր և դուստրեր,

Սրտանց շնորհավորում եմ ձեզ ապրիլի 7-ի՝ Մայրության և գեղեցկության օրվա առթիվ։

Այս տոնը ևս մեկ գեղեցիկ առիթ է՝ արժևորելու ձեր անփոխարինելի դերը մեր կյանքում, ընտանիքներում և հասարակության մեջ։ Ձեր հոգատարությունը, նվիրվածությունն ու ուժը յուրաքանչյուր օր դարձնում են ավելի ջերմ ու լիարժեք։

Առանձնահատուկ երախտագիտությամբ եմ ցանկանում շնորհավորել նաև առողջապահության ոլորտում աշխատող մեր բոլոր կին գործընկերներին, ովքեր իրենց մասնագիտական պարտքը համատեղում են մարդկային մեծ սրտի, համբերության և անսահման նվիրումի հետ։

Թող ձեր կյանքը լցված լինի սիրով, ջերմությամբ և խաղաղությամբ, իսկ ձեր ժպիտը միշտ ուղեկցի ձեզ և ձեր հարազատներին։

Սիրով և լավագույն մաղթանքներով՝
Արմեն Իսահակյան
Գյումրու բժշկական կենտրոնի գործադիր տնօրեն

05/04/2026

Հիպոֆիզի ադենոմա, մակերիկամների ուռուցքներ, կրիպտորխիզմ: Այս և այլ հիվանդությունների մասին խոսել է Գյումրու ԲԿ ներզատաբան Գևորգ Նիկողոսյանը

Գյումրու բժշկական կենտրոնի մանկաբարձագինեկոլոգիական բաժանմունքում մարտ ամսվա ընթացքում ծնվել է 89 երեխա։Բաժանմունքը շարո...
03/04/2026

Գյումրու բժշկական կենտրոնի մանկաբարձագինեկոլոգիական բաժանմունքում մարտ ամսվա ընթացքում ծնվել է 89 երեխա։

Բաժանմունքը շարունակում է ապահովել որակյալ բուժօգնություն՝ նպաստելով անվտանգ մայրությանը և նորածինների պատշաճ խնամքին։

Գյումրու բժշկական կենտրոնի ավստրիական մանկական բաժանմունքի ներզատաբան, մանկական էնդոկրին ծառայության պատասխանատու Գայանե...
01/04/2026

Գյումրու բժշկական կենտրոնի ավստրիական մանկական բաժանմունքի ներզատաբան, մանկական էնդոկրին ծառայության պատասխանատու Գայանե Պետրոսյանը վերապատրաստում է անցել Ավստրիայում։

2026 թվականի հունվարի 19-ից փետրվարի 27-ը նա մասնակցել է կլինիկական վերապատրաստման ծրագրի Universitätsklinikum St. Pölten համալսարանական կլինիկայում։

Ծրագրի շրջանակում բժիշկ Պետրոսյանը ներգրավված է եղել էնդոկրինոլոգիական բաժանմունքի կլինիկական աշխատանքներին՝ մասնակցելով պացիենտների հետազոտությանը, ախտորոշմանը և բուժմանը, ինչպես նաև լաբորատոր և գործիքային հետազոտությունների արդյունքների վերլուծությանը։ Նա նաև մասնակցել է ֆունկցիոնալ թեստերի իրականացմանն ու բուժման անհատական պլանների մշակմանը։

Վերապատրաստման ընթացքում ընդգրկված թեմաներն են եղել՝

1-ին և 2-րդ տիպի շաքարային դիաբետ, ներառյալ ինսուլինային պոմպային թերապիա

հիպոֆիզի հիվանդություններ
վահանաձև և պարավահանաձև գեղձերի պաթոլոգիաներ

մակերիկամների հիվանդություններ
ճարպակալում և մետաբոլիկ բարդություններ
հիպերանդրոգենեմիա և այլ էնդոկրին խանգարումներ

Կլինիկայի գնահատմամբ՝ բժիշկ Պետրոսյանը դրսևորել է բարձր մասնագիտական պատրաստվածություն, ակտիվ ներգրավվածություն և առանձնահատուկ հետաքրքրություն էնդոկրինոլոգիայի և դիաբետոլոգիայի ոլորտներում։ Նա մասնակցել է նաև կլինիկական քննարկումների և բարդ դեպքերի վերլուծությանը։

Վերապատրաստման արդյունքում ձեռք բերված գիտելիքներն ու փորձը կծառայեն Գյումրու բժշկական կենտրոնում էնդոկրին ծառայության զարգացմանն ու բուժօգնության որակի բարձրացմանը։

Նշենք, որ վերապատրաստումը կազմակերպվել է ավստրիացի բարերար Գյունթեր Պետերի անմիջական ջանքերով, որի երկարամյա աջակցությունը շարունակում է կարևոր դեր ունենալ ոլորտի զարգացման գործում։ Գյումրու բժշկական կենտրոնը շնորհակալ է պարոն Պետերին աջակցության համար։

27/03/2026

ԱՆ ենթակայությամբ գործող մարզային և երևանյան բուժհաստատությունների ղեկավարների հետ առցանց խորհրդակցություն արեցինք` նախնական ամփոփելու ապահովագրության ներդրումից հետո բուժաշխատողների առաջին երկու ամիսների աշխատավարձերի ցուցանիշները:

✍️Նախնական արձանագրումները.

1. Ընտանեկան բժիշկների, թերապևտների, մանկաբույժների աշխատավարձերը բարձրացել են 20-40 տոկոսով:

2. ⁠Նեղ մասնագետների աշխատավարձերը միջինում բարձրացել են 50 տոկոսից մինչև կրկնակիի չափով:

3. Պոլիկլինիկաների հոգեբույժների, ֆթիզիատրների, մանկական սրտաբանների, համաճարակաբանների և մանկական գինեկոլոգների աշխատավարձերը մի մասում կոմպենսացվել են ԲԿ-ների կողմից կամ ջանքեր են ձեռնարկվում ապահովելու խորհրդատվությունների տրամադրումը: ⁠Առաջիկայում կներկայացնենք վերապրոֆիլավորման և մի քանի այլ միջոցառումներ` լուծելու խնդիրը:

📊Տարվում են աշխատանքներ` լուծումներ գտնելու, որպեսզի հաջորդ ամիսներից արդեն աշխատավարձի բարձրացում արձանագրեն նաև այս նեղ մասնագետները:

ԱՆ ենթակայությամբ գործող բժշկական կենտրոնների բուժքույրերի և մայրապետերի աշխատավարձերի վերաբերյալ կդիտարկվի մեկ միասնական ձևաչափ:

Առցանց հանդիպմանը մասնակցել են ԱՆ ենթակայության մարզային և երևանյան 55 բուժկենտրոնի ղեկավարներ:

Հայկական ակնաբուժության նախագծի (ՀԱՆ) Օհաննես Ջոն Խաչիկյանի անվան Գյումրիի մարզային ակնաբուժական կենտրոնը տեղափոխվել է Գ...
24/03/2026

Հայկական ակնաբուժության նախագծի (ՀԱՆ) Օհաննես Ջոն Խաչիկյանի անվան Գյումրիի մարզային ակնաբուժական կենտրոնը տեղափոխվել է Գյումրու բժշկական կենտրոնում նոր՝ ավելի ընդարձակ և հարմարավետ տարածք։ Երեկ տեղի ունեցած վերաբացման միջոցառման ընթացքում ներկայացվել են կենտրոնի անցած ուղին, արձանագրած արդյունքներն ու զարգացման հեռանկարները։

Գերժամանակակից սարքավորումներով հագեցած այս կենտրոնը հիմնադրվել է 2018 թվականին Օհաննես Ջոն Խաչիկյանի որդի Լութեր Խաչիկյանի նվիրատվության շնորհիվ։ Կենտրոնը տարիներ շարունակ ապահովել է Շիրակի մարզի բնակիչների համար բարձրորակ ակնաբուժական ծառայությունների հասանելիությունը, իսկ նոր տարածք տեղափոխվելով՝ այն այժմ առավել հարմար պայմաններում կշարունակի իր գործունեությունը՝ ընդլայնելով ծառայությունների մատուցման հնարավորությունները։

«Այս կենտրոնը հիմնվել է ՀԱՆ-ի կողմից 2015 թվականին մեկնարկած մարզային ակնաբուժական ենթակառուցվածքների վերականգնման լայնածավալ ծրագրի շրջանակում։ Մեր երկարամյա գործընկերների հետ գործակցությամբ շարունակաբար զարգացնում ենք մարզային ակնաբուժական ծառայությունները՝ դրանք դարձնելով ավելի հասանելի։ Այս տարի նախատեսում ենք ստեղծել ևս մեկ մարզային ակնաբուժական ախտորոշման կլինիկա Արարատի մարզում, ինչի արդյունքում Հայաստանի Հանրապետության բոլոր մարզերում ՀԱՆ-ը կունենա նշանակալի ներկայություն և կապահովի ակնաբուժական բարձրորակ ծառայությունների հասանելիությունը», - ասաց Հայկական ակնաբուժության նախագծի տնօրեն Նունե Եղիազարյանը։

Ի լրումն կենտրոնի տեխնիկական հագեցվածության՝ Հայկական ակնաբուժության նախագիծը 2021 թվականին Գյումրիի մարզային ակնաբուժական կենտրոնը համալրեց ցանցաթաղանթի վիրահատությունների համար նախատեսված վերջին սերնդի համակարգերով և նորագույն միկրոսկոպով՝ ստեղծելով կենտրոնում վիտրեոռետինալ ծառայության զարգացման նոր հնարավորություն։ Կարևոր է, որ այս տարիներին ՀԱՆ-ը նշանակալի ներդրում է ունեցել նաև տեղի բուժանձնակազմի մասնագիտական վերապատրաստման գործում։ Պարբերաբար Գյումրի են այցելել բժիշկ կամավորներ՝ առաջատար վիրաբույժներ ԱՄՆ-ից և ՌԴ-ից, ովքեր տեղի մասնագետների հետ քննարկել են բարդ դեպքեր, իրականացրել համատեղ վիրահատություններ և նպաստել կենտրոնի կարողությունների շարունակական զարգացմանը։ Միջոցառմանը ներկա էին նաև կամավոր բժիշկներ Ռուբեն Գրիգորյանը (ԱՄՆ) և Ալեքսանդր Գոլովին (ՌԴ), ովքեր առաջիկա օրերին տեղի գործընկերների հետ կքննարկեն բարդ դեպքեր և վիրահատություններ կիրականացնեն կենտրոնում, առաջիկայում բժշկական առաքելությամբ Հայաստան կժամանի նաև վիրաբույժ Արփենիկ Ավագյանը (ԱՄՆ)։

Armenian EyeCare Project

20/03/2026

Հերթական հանդիպումն է տեղի ունեցել շտապօգնության օղակի բուժաշխատողների և Գյումրու բժշկական կենտրոնի կաթվածի թիմի միջև։

Մասնակիցներին ողջունել է Գյումրու ԲԿ տնօրեն Արմեն Իսահակյանը, որից հետո ծավալվել են ակտիվ քննարկումներ՝ կաթվածի կասկածով հիվանդների բուժօգնության կազմակերպման թեմայով։

Դասախոսությամբ հանդես է եկել Գյումրու բժշկական կենտրոնի կաթվածի և նյարդաբանական հիվանդությունների բաժանմունքի ղեկավար Ժորա Բաղդասարյանը։
Կաթվածի բուժումը Գյումրու բժշկական կենտրոնում իրականացվում է միջազգային լավագույն ստանդարտներին համապատասխան, և կենտրոնը սպասարկում է Շիրակի և հարակից մարզերի բնակիչներին։

Գյումրու բժշկական կենտրոնի տնօրինությունն ու ողջ աշխատակազմը խոր վշտով ընդունեցին բժշկական գիտությունների թեկնածու, առող...
17/03/2026

Գյումրու բժշկական կենտրոնի տնօրինությունն ու ողջ աշխատակազմը խոր վշտով ընդունեցին բժշկական գիտությունների թեկնածու, առողջապահության ոլորտի նվիրյալ Նոննա Արսենի Սիմոնյանի մահվան ցավալի լուրը։

Նոննա Սիմոնյանը իր երկար ու բեղմնավոր գործունեությամբ անգնահատելի ներդրում է ունեցել հայրենի առողջապահության զարգացման, բժշկական կրթության առաջընթացի և երիտասարդ մասնագետների ձևավորման գործում։ Ավելի քան կես դար նա անմնացորդ նվիրումով ծառայել է բժշկագիտությանը՝ դառնալով բազմաթիվ բժիշկների ուսուցիչն ու օրինակելի մասնագետը։

Նրա մասնագիտական բարձր որակները, մարդկային ազնվությունն ու նվիրվածությունը արժանիորեն գնահատվել են թե՛ պետական, թե՛ մասնագիտական շրջանակների կողմից։

Կիսում ենք հարազատների, մտերիմների և գործընկերների ծանր վիշտը։
Նոննա Սիմոնյանի հիշատակը վառ կմնա նրան ճանաչողների սրտերում։

Խորին ցավակցություն ենք հայտնում։

Address

Gyumri

Telephone

+37431230311

Website

Alerts

Be the first to know and let us send you an email when Gyumri Medical center posts news and promotions. Your email address will not be used for any other purpose, and you can unsubscribe at any time.

Shortcuts

Share

Category