30/12/2025
Հարգելի՛ գործընկերներ, սիրելի՛ բուժառուներ,
Շնորհավորում եմ Ամանորի և Սուրբ Ծննդյան տոների կապակցությամբ:
Այս տոնական օրերը մեզ հիշեցնում են առողջության, սիրո և բարեկեցության անփոխարինելի արժեքների մասին, և տալիս են նոր հնարավորություն՝ անցած տարվա ձեռքբերումները գնահատելու և նոր նպատակներ ու առաջնահերթություններ սահմանելու համար:
Անցնող տարին լի էր մարտահրավերներով և կարևոր փորձառություններով, սակայն մեր պոլիկլինիկայի անձնակազմի նվիրված աշխատանքը և Ձեր՝ քաղաքացիներիդ, վստահությունն ու աջակցությունը թույլ տվեցին պահպանել բժշկական ծառայությունների բարձր որակն ու մատուցման պատասխանատվությունը:
Թող 2026 թվականը մեզ բերի նոր հաջողություններ, առողջություն, բարօրություն, խաղաղություն և հաջողություն յուրաքանչյուր ընտանիքում:
Համատեղ ուժերով շարունակենք զարգացնել Բեռլին պոլիկլինիկան՝ պահպանելով այն բարձր արժեքները, որոնց վրա հիմնված է մեր աշխատանքը՝ազնվություն, նվիրվածություն և վստահություն:
👏Շնորհակալություն եմ հայտնում մեր աշխատակիցներին՝ պատասխանատվության և անձնուրաց աշխատանքի համար, ինչպես նաև մեր բուժառուներին՝ ցուցաբերած վստահության և համագործակցության համար:
Համատեղ առաջ շարժվելով, մենք կարող ենք հաղթահարել ցանկացած մարտահրավեր և ապահովել առողջ և բարեկեցիկ հասարակություն:
Շնորհավոր Ամանոր և Սուրբ Ծնունդ
Հարգանքով՝
«Բեռլին պոլիկլինիկա» ՓԲԸ-ի տնօրեն՝ Դ. Դավոյան
