Dr. Tigran Avetisyan/ Տիգրան Ավետիսյան

24/09/2025

17/07/2025

⚡️3 օրով գտնվել եմ Վրաստանի Հանրապետության առաջատար Todua կլինիկայում ՝ մասնագիտական վերապատրաստման նպատակով:
Այդ ընթացքում հնարավորություն ունեցա աշխատելու և շփվելու փորձառու ու բարձրակարգ էնդոսկոպիստ՝ Վրաստանի Էնդոսկոպիայի ասոցիացիայի նախագահ, Եվրոպական գաստրոինտեստինալ էնդոսկոպիայի միության անդամ(ЕSGE) Մամուկա Գուրգենիձեյի հետ, ում տեխնիկական հմտությունները, մասնագիտական և ոչ ստանդարտ մոտեցումները ոգեշնչող էին:

🔥 Վերադառնում եմ նոր գիտելիքներով, գաղափարներով ու ավելի մեծ մոտիվացիայով՝ շարունակելով բարելավել իմ ծառայությունների որակը:

17/01/2025

❗️Տեսանյութում 49 տարեկան կին է, ով մոտ 30 տարի գանգատվել է լուծից, որովայնում հաճախակի կրկնվող ցավերից, քաշի կորստից և ընդհանուր թուլությունից:
Իրականացվել է աղիների էնդոսկոպիկ հետազոտություն և բարակ աղու տերմինալ հատվածում հատնաբերվել են բազմակի խոցեր ,բարակ աղիքի պատերի այտուցվածություն, պատերի ցիկուլյար հաստացում և լուսանցքի նեղացում: Կատարվել է բիոպսիա տվյալ հատվածից:
Համադրելով կլինիկո-լաբորատոր և գործիքային հետազոտությունների տվյալները՝ բուժառուի մոտ ախտորոշվել է ԿՐՈՆԻ հիվանդություն:

‼️Կրոնի հիվանդությունը աղիների քրոնիկ բորբոքային հիվանդություն է, որը ուղեկցվում է որովայնի շրջանի ցավերով, լուծով, ջերմության բարձրացումով, քաշի կորստով և այլն:
Առավել հաճախ հիվանդության առաջին դրսևորումները դիտվում են 15-25 տարեկան հասակում:
Գանգատների առկայության դեպքում անպայման պետք է դիմել բժշկի:

Առողջ եղեք👨‍⚕️

27/11/2024

❗️Հաստ աղու քաղցկեղի առաջացման պատճառ մոտ 90% դեպքերում հանդիսանում են հաստ աղու պոլիպները
❗️Հաստ աղու պոլիպների առկայության դեպքում հիմնականում չեն դիտվում գանգատներ կամ ախտանշաններ: Այդ իսկ պատճառով, խորհուրդ է տրվում 40 տարեկանից հետո իրականացնել հաստ աղու էնդոսկոպիկ հետազոտություն(կոլոնոսկոպիա)՝ պոլիպների հայտնաբերման և հեռացման նպատակով:
🎥 Տեսանյությում 53 տարեկան բուժառուի մոտ հայտնաբերվել է մոտ 2սմ չափի ադենոմատոզ պոլիպ, որը հեռացվել է հետազոտության ընթացքում:
❗️Էնդոսկոպիկ եղանակով պոլիպների հեռացումից հետո պացիենտի հոսպիտալիզացիա չի պահանջվում:

Քաջարանի ԲԿ
բժիշկ էնդոսկոպիստ Տիգրան Ավետիսյան

14/11/2023

‼️Վերջերս ինձ էր դիմել 70-ամյա մի տղամարդ գանգատվելով սուր ցավից էպիգաստրիալ շրջանում , սրտխառնոցից, փսխումներից, ընդհանուր թուլությունից և ախորժակի կորստից: Նշված գանգատները ի հայտ են եկել մոտ 4 օր առաջ:

❗️Էնդոսկոպիկ հետազոտության ժամանակ ստամոքսամուտքի մոտ առկա էր հսկա չափերի հասնող , պնդավուն կոնստիտենցիայի ֆիտոբեզոար, որը առաջացրել էր սննդի անցման անհնարինություն:
❗️Էնդոսկոպիկ հատուկ գործիքի միջոցով կատարվեց ֆիտոբեզոարի հատվածային մանրացում և վերականգնվեց ստամոքսի անցանելիությունը:
✅Ֆիտոբեզոարը իրենից ներկայացնում է բուսական ծագման չմարսված սննդի հետևանքով առաջացած , պնդավուն կոնստիտենցիայի գունդ, որը համարվում է արդեն օտար մարմին օրգանիզմի համար և կարող է հասնել հսկա չափսերի:

✅Մեր տարածաշրջանում առավել հաճախ ֆիտոբեզոար առաջանում է վայրի հատապտուղների՝ ալոճի և վայրի արքայանարնջի(хурма) օգտագործման հետևանքով:

06/04/2023

♻️Ստամոքսի Հետերոտոպիան դա հազվադեպ հանդիպող բարորակ, բնածին ծագման հիվանդություն է, որը դրսևորվում է ստամոքսի հյուսվածքի աճով, նրա սահմաններից դուրս:

✅Կարող է հանդիպվել ստամոքս-աղիքային տրակտի ցանկացած հատվածում
❗️12-մատնյա աղիքում հանդիպվում է 0,5-2% դեպքերում
✅Հիմնականում էնդոսկոպիկ պատկերը կարող է լինել բազմակի պոլիպների, հանգույցների կամ ուռուցքային աճի տեսքով
✅ Չնայած,որ հիմանականում անսիմպտոմ են, երբեմն կարող են առաջացնել ցավ , սրտխառնոց, փսխում և դիսպեպտիկ խանգարումների
❗️Կարող են պատճառ հանդիսանալ ստամոքս-աղիքային արյունահոսության

08/03/2023

Սրտանց շնորհավորում եմ բոլոր կանանց և աղջիկներին: Ցանկանում եմ բոլորիդ քաջառողջություն, հաջողություն, հարատև սեր և ջերմություն:
Շարունակեք ազնիվ և նվիրյալ ընթացքով ծառայել Ձեր ընտանիքների բարօրությանը, հայրենիքի զարթոնքին և առաջընթացին:

05/02/2023

‼️Դիելաֆոյ

❗️66 տարեկան տղամարդը, դիմել է գանգատվելով պարբերաբար կրկնվող ձյութանման կղանքից(կղանքում արյան առկայությունից), փսխումից( փսխման զանգվածում թարմ արյան առկայությունից), ընդհանուր թուլությունից և ախորժակի կորստից
❗️Անամնեզում նշում է ծխախոտի և ալկոհոլի չարաշահում:

Ստամոքսի էնդոսկոպիկ հետազոտության ժամանակ ամբողջ լուսանցքը պատված էր թարմ արյունով, և հնարավոր չէր վիզուալիզացնել արյունահոսության աղբույրը:
Որոշվեց տեղադրել նազոգաստրալ զոնդ և ներերակային ինֆուզիոն թերապիա( հեմոստատիկ պրեպարատ, պրոտոնային պոմպի ինհիբիտոր)։

❗️Կրկնակի հետազոտության ժամանակ ստամոքսի փոքր կորության հատվածում վիզուալիզացվում էր թրոմբոզի ենթարկված անոթը ( Դիելաֆոյի խոց)՝ շրջակա լորձաթաղանթը առանց տեսանելի փոփոխությունների։
❗️Էնդոսկոպիկ հեմոկլիպսի միջոցով փակվեց արյունահոսած անոթը։

‼️Դիելաֆոյի հիվանդությունը ստամոքս-աղիքային տրակտի ենթալորձային անոթների զարգացման արատ է: Այն իրենից ներկայացնում է նորմալ արյունատար անոթ, լայնացած դիամետրով, որը դուրս է ցցված ենթալորձային շերտից դեպի լորձաթաղանթ։
Հազվադեպ հանդիպվող հիվանդություն է, որը կազմում է մոտ 1-2% պատճառ, ամբողջ ստամոքս-աղիքային տրակտի արյունահոսությունների մեջ:
❗️Արյունահոսության նպաստող ֆակտորներն են՝ ալկոհոլը, ծխախոտը, անտիկոագուլյանտների և ՈՍՀԲ պրեպարատների օգտագործումը

Կարող է առաջացնել կյանքին վտանգ սպառնացող արյունահոսություն:
Նախկինում արյունահոսությունը դադարեցնում էին բաց վիրահատական եղանակով: Այժմ ժամանակակից էնդոսկոպիայի զարգացմամբ պայմանավորված, հնարավոր է դադարեցնել էնդոսկոպիկ տարբեր եղանակներով:

24/12/2022

‼️GIST( գաստրոինտեստինալ ստրոմալ ուռուցք)

❗️55 տարեկան տղամարդ , դիմել է գանգատվելով ստամոքսի շրջանում պարբերաբար կրկնվող բութ ցավերից

Ստամոքսի էնդոսկոպիկ հետազոտության ընթացքում, մարմնի միջին երրորդականում դիտվում էր մոտ 3սմ տրամագծով ենթալորձային գոյացություն: Նմուշառում իրականացնելու իմաստ չկար, քանի որ լորձաթաղանթը նորմայի սահմաններում էր:

❗️Նախնական ախտորոշումը դրվեց Ստամոքսի ենթալորձային գոյացություն (GIST հարցականով)
Էնդոսկոպիկ ՈՒՁՀ-ի միջոցով երևաց, որ գոյացությունը չի ընգրկում մկանային շերտը և հնարավոր է հեռացնել էնդոսկոպիկ եղանակով:
‼️Էնդոսկոպիկ դիսսեկցիայի եղանակով(ЕSD) գոյացությունը հեռացնելուց հետո ,այն ուղարկվեց հիստոլոգիական քննության , որտեղ և հաստատվեց՝ Գաստրոինտեստինալ ստրոմալ ուռուցք( GIST)

📌GIST-ը հազվադեպ հանդիպող, մեզենխիմալ նորագոյացություն է, չարորակացման մեծ հավանականությամբ:

📌 Մարսողական ընդհանուր նորագոյացությունների մեջ կազմում է 1-2%
📌Առավել հաճախ հանդիպում է ստամոքսում (50-70%)

06/11/2022

‼️55 տարեկան տղամարդ

📌Դիմել է գանգատվելով կլլման ակտի դժվարացումից, ցավից կլլման ակտի ժամանակ և քաշի կորստից։

❗️Ստամոքսի էնդոսկոպիկ հետազոտության ընթացքում գրեթե ամբողջ կերակրափողը պատված էր լորձաթաղանթից բարձրացած սպիտակավուն փառով:
Ախտորոշումը - Կերակրափողի կանդիդոզ III աստիճան ( ըստ Kodsi)

Կերակրափողի կանդիդոզի տարածվածությունը ընդհանուր պոպուլյացիայում 0,32- 5,2% է:

Կանդիդոզի առաջացումը պայմանավորված է իմունոդեֆիցիտային իրավիճակներից( ժողովրդի լեզվով ասած իմունիտետի թուլացումից😊)

Հիվանդության առաջացման հիմնական ռիսկի ֆակտորներն են ՝

✅ ՄԻԱՎ

✅քիմիոթերապիա և ճառագայթային թերապիա

✅ համակարգային կամ տեղային հորմոնալ պրեպարատների օգտագործումը(հատկապես ինհալացիոն կորտիկոստերոիդները)

✅ երկարատև անտիբիոտիկոթերապիա

✅ շաքարային դիաբետով հիվանդները( հատկապես I տիպ)

✅ տարեց տարիք

✅ մակերիկամային անբավարարություն