17/08/2022
Ո՞րն է դիմածնոտային համակարգչային շերտագրության (CT) առավելությունը դասական ռենտգենի համեմատ😎
ԴԾՀՇ_ն համարվում է ստոմատոլոգիայում կիրառվող ամենաինֆորմատիվ ախտորոշիչ մեթոդներից մեկը, քանի որ այն հնարավորություն է տալիս հետազոտվող օբյեկտը դիտարկել եռաշերտ (3D) պատկերում, այն է՝ տեսնել այն դիմացից (ֆրոնտալ հարթություն), կողքից (սագիտալ հարթություն) և ներքևից (աքսիալ հարթություն), ինչը նշանակում է, որ հետազոտվող օբյեկտը վիզուալիզացվում է իր իրական պրոյեկցիայով։
Համեմատության համար ասենք, որ դասական ռենտգենը տալիս է միայն հարթ պատկեր։ Այսինքն օբյեկտը տվյալ դեպքում դիտարկվում է միայն 2 հարթության մեջ և 3րդ հարթության բացակայությունն ու դրա հետևանքով պատկերում ստացված շերտադրումները բերում են օբյեկտի իրական պրոյեկցիայի աղավաղման և, հետևաբար նաև, հետազոտության ինֆորմատիվության նվազման։ Դրա հետևանքով ճշգրիտ ախտորոշում անելը բավականին բարդանում է, իսկ երբեմն նույնիսկ դառնում անհնար։
Գուցե մատչելիության առումով դասական ռենտգենն ավելի մատչելի է, սակայն միշտ չէ, որ այն կարող է ընտրության միջոց լինել։
