Masis Hospice

08/04/2025

🤲 Պալիատիվ բժշկական օգնությունը կյանքին վտանգ սպառնացող կամ անբուժելի հիվանդություն ունեցող պացիենտի և նրա ընտանիքի կյանքի որակի բարելավմանն ուղղված բժշկական օգնության և սպասարկման տեսակ է, որը նպատակ ունի մեղմել պացիենտի ցավը և հիվանդության հետ կապված ֆիզիկական, սոցիալ-հոգեբանական, հոգևոր և այլ խնդիրներ:

Բնակչության սոցիալապես անապահով կամ հատուկ խմբերի ցանկում ընդգրկված շահառուներին պալիատիվ բուժօգնության շրջանակներում դեղերը հատկացվում են դրանց արժեքի լրիվ կամ մասնակի փոխհատուցմամբ: Պալիատիվ բուժօգնությունը պացիենտներին տրամադրվում է ինչպես պետության կողմից երաշխավորված անվճար բժշկական օգնության և սպասարկման շրջանակներում, այնպես էլ վճարովի հիմունքներով` շաբաթական 7 օր, 24 ժամ սկզբունքով:

🔹Պալիատիվ ծառայության հասանելիությունն ապահովելու նպատակով բժշկական օգնության այս տեսակով լիցենզավորվել է 36 բժշկական կազմակերպություն, որոնցից 15-ում (2024 թվականի տարեվերջի դրությամբ) Երևանում և հանրապետության տարբեր մարզերում պետական պատվերի շրջանակներում պալիատիվ բժշկական օգնություն ու սպասարկում է իրականացվում:

ՀՀ ԱՆ «Վ.Ա.Ֆանարջյանի անվան ուռուցքաբանության ազգային կենտրոնում» 2022 թվականից գործում է միջազգային ստանդարտներին համապատասխան Պալիատիվ ծառայության կլինիկա: Ստացիոնար ծառայությանը զուգահեռ կենտրոնում մատուցվում է վճարովի ամբուլատոր պալիատիվ ծառայություն՝ ցավի կառավարումը և հոգեսոցիալական օգնությունը հասանելի դարձնելով հենց պացիենտի բնակության վայրում։ Ցավազրկման կարիք ունեցող պացիենտներին տնային այցի ընթացքում մասնագիտական խումբն ապահովում է համապատասխան դեղերով, իրականացնում պառկելախոցերի, վերքերի արտաքին մշակում և այլ միջոցառումներ։

ՀՀ ԱՆ «Յոլյան» արյունաբանության և ուռուցքաբանության կենտրոնում» 2021 թվականից գործում է մանկական քաղցկեղի առաջին պալիատիվ ծառայությունը և պալիատիվ բժշկական օգնության բաժանմունքը: Կենտրոնում 2024 թվականից ներդրվել է մանկական պալիատիվ շարժական բուժօգնության ծրագիրը: Պետական պատվերի շրջանակներում փորձարարական ծրագրի շրջանակներում Երևանում և Հայաստանի Հանրապետության 4 մարզում (Արարատ, Արմավիր, Արագածոտն և Կոտայք)` մայրաքաղաքից 30կմ հեռավորության վրա գտնվող համայնքներում հաշվառված և բնակվող երեխաներին, ծրագրով սահմանված չափանիշների համաձայն, պալիատիվ բուժօգնություն է տրամադրվում նաև տնային պայմաններում:

Մանկական հիվանդանոցային պալիատիվ ծառայություն գործում է նաև «Արաբկիր» ԲՀ-ԵԴԱԻ-ում:

15/10/2024

⚪Պալիատիվ բժշկական օգնությունը կյանքին վտանգ սպառնացող կամ անբուժելի հիվանդություն ունեցող պացիենտի և նրա ընտանիքի կյանքի որակի բարելավմանն ուղղված բժշկական օգնության և սպասարկման տեսակ է, որը նպատակ ունի մեղմել պացիենտի ցավը, տառապանքը և հիվանդության հետ կապված ֆիզիկական, սոցիալ-հոգեբանական, հոգևոր և այլ խնդիրներ:

Ցանկացած անձ ունի առանց ցավի ապրելու իրավունք և կարող է ստանալ պալիատիվ բժշկական օգնություն:

🏥Պալիատիվ բուժօգնությունը պացիենտներին տրամադրվում է ինչպես պետության կողմից երաշխավորված անվճար բժշկական օգնության և սպասարկման շրջանակներում, այնպես էլ վճարովի հիմունքներով` շաբաթական 7 օր, 24 ժամ սկզբունքով:

Առողջապահության նախարարությունը կարևորում է Հայաստանի Հանրապետությունում պալիատիվ բժշկական օգնության ծառայության մատուցումը և իրականացվող բարեփոխումները միտված են նաև պալիատիվ բժշկության հետ կապված խնդիրների լուծմանը:

Ներկայումս Հայաստանում լիցենզավորվել է պալիատիվ բժշկական օգնություն և սպասարկում իրականացնող 36 բժշկական հաստատություն, որոնցից 15-ում պալիատիվ բժշկական օգնությունն ու սպասարկումն իրականացնում է պետական պատվերի շրջանակներում (Երևանում և հանրապետության տարբեր մարզերում):

✅ՀՀ ԱՆ «Վ.Ա.Ֆանարջյանի անվան ուռուցքաբանության ազգային կենտրոն»-ում 2022 թվականից գործում է պալիատիվ ծառայության կլինիկա:

✅ՀՀ ԱՆ «Յոլյան» արյունաբանության և ուռուցքաբանության կենտրոն»-ում 2021 թվականից գործում է Հայաստանում առաջին մանկական պալիատիվ խնամքի կլինիկան:

✅Մանկական հիվանդանոցային պալիատիվ ծառայություն գործում է նաև «Արաբկիր» ԲՀ-ԵԴԱԻ-ում:

Երկու տարին մեկ հոկտեմբերի երկրորդ շաբաթ օրը նշվում է Պալիատիվ օգնության համաշխարհային օրը:

05/10/2024

08/07/2024

🇦🇲 ՀՀ Սահմանադրության հոդված 84
«Յուրաքանչյուր կարիքավոր և տարեց մարդ, օրենքին համապատասխան, ունի արժանապատիվ գոյության իրավունք»:
🇦🇲 Հոդված 3
«ՀՀ-ում մարդը բարձրագույն արժեք է: Մարդու անօտարելի արժանապատվությունն իր իրավունքների և ազատությունների անքակտելի հիմքն է:»

#Հուլիսի5 #ՀՀՍահմանադրությանՕր

13/03/2022

Մեր հիմնադիր Սպարտակ Գասպարյանի հարցազրույցը «Մասիս Հոսպիս» սպը գործունեության մասին

31/08/2020

Masis Hospice Մասիս Հոսպիսը պալիատիվ խնամքի կարիք ունեցողներին տրամադրում է անվճար և վճարովի ամբուլատոր և շարժական (մոբիլ) խմբերով բուժօգնություն և սպասարկում։ Այն պալիատիվ խնամքի ծառայություններ կարող է միաժամանակ տրամադրել շուրջ 75 պացիենտի։
Սակայն առկա է տեսանելիության խնդիր՝ հանրության, մասնավորապես՝ տարածաշրջանի պացիենտների և բժիշկների շրջանում Կենտրոնի կողմից պալիատիվ խնամքի ծառայություններ տրամադրելու մասին ընդհանուր իրազեկվածությունն ապահովելու և ընդհանրապես, պալիատիվ բուժօգնություն մասին լուսաբանելու, պատկերացում կազմելու առումով։
Պետք է նշել, որ մասնագետները վերապատրաստվել և իրազեկ են ցավային համախտանիշի կառավարման, օփիոիդների դուրս գրման բժշկական և օրենսդրական կարգավորումներին։ Հայտնվում է, որ ըստ կարիքի՝ նշանակվում են համապատասխան չափի ու քանակի ուժեղ ցավազրկողներ։ Ավելին, կարող եք ծանոթանալ զանգահարելով՝ 091 406 399։

05/05/2020

Հարգելի հետևորդներ,
Կորոնավիրուսի պանդեմիայի հետ կապված կենտրոնի բացումը հետաձգվում է: Ներկա պահին կատարվում է միայն նախնական գրանցում:

18/02/2020

17/02/2020

Արարատ լեռան ներքո, Երևանի մերձակա Մասիս Քաղաքում շուտով բացվելու է խնամքի կարիք ունեցող անձանց համար յուրահատուկ կենտրոն: Այն գործում է նախկին օրթոպեդիկ հիվանդանոց ՓԲ ընկերության տարածքում: Կենտրոնը հոգատար խնամք և բժշկական ծառայություններ է առաջարկում բոլոր նրանց, ովքեր ունեն այդ ծառայությունների կարիքը:
Յուրաքանչյուր շաբաթ ստորև նշված նեղ մասնագետների կողմից տրամադրվում է խորհրդատվություն.
1. Նյարդաբան
2. Հոգեբույժ
3. Սրտաբան
4. Օրթոպեդ-վնասվածքաբան
Խնամքի կենտրոնում գործելու է վերականգնողական հետևյալ ծառայությունները՝
1.Կինեզոթերապիա
2.Ֆիզիոթերապիա
3.Մերսում
Կենտրոնի բուժական աշխատանքների կորդինատորն է հոգեբույժ Գերասիմ Վարդանյանը:
Եթե Ձեր հարազատը կարիք ունի խնամքի և բժշկական հսկողության, կարող եք դիմել մեզ:

🏥Հասցե: Ք.Մասիս/Գործարանային 2