Zenith Med Diagnostic Clinic

18/07/2023

Մասնագետի խորհուրդ. Խորհուրդներ սրտանոթային խնդիրներ ունեցողներին հանգիստը կազմակերպելիս

Տապը դա փորձություն է սրտի և անոթների համար։ Առատ քրտնարտադրության պատճառով օրգանիզմը կարող է ջրազրկվել, որը բերում է արյան խտացման և թրոմբագոյացման ռիսկի ավելացման, զարկերակային ճնշման տատանումների։

Սիրտ-անոթային հիվանդները ամռան շոգին պետք է խուսափեն․

♦ Արևի տակ մնալուց, հատկապես ժամը 12-17-ի սահմաններում
♦ Ակտիվ ծովային հանգստից և արևայրուք ընդունելուց
♦ Ֆիզիկական ծանրաբեռնվածությունից
♦ Սպիրտային և էներգետիկ խմիչքներ օգտագործելուց
♦Երկարատև օդային թռիչքներից, իսկ նման դեպքերում նախապես հագնել կոմպրեսիոն գուլպաներ։ Ավտոմոբիլային ճանապարհորդությունների ժամանակ յուրաքանչյուր երկու ժամը մեկ դադար առնել, դուրս գալ մեքենայից և քայլել 5-10 րոպե
♦ Խուսափել 20 աստիճանից բարձր ջերմաստիճանով ծովի ջուրը մտնելուց
♦ Օդի ջերմաստիճանի 8-10 աստիճանից ավել կտրուկ տատանումներից

Առողջ եղեք 🥰

12/07/2023

Ընտրելով առողջ ապրելակերպ` կարելի է կանխել մի շարք հիվանդություններ ⤵️

07/07/2023

Ճարպակալման պատճառները, կանխարգելումը

Ճարպարակալում առաջանում է, երբ մարդն ավելի շատ կալորիա է օգտագործում, քան այրում է` ֆիզիկական վարժությունների ու սովորական առօրյա գործողությունների միջոցով: Օրգանիզմն այս հավելյալ կալորիաները կուտակում է ճարպի ձևով:

Մարմնի քաշի վրա ազդում են նաև գենետիկական, վարքագծային, մետաբոլիկ և հորմոնալ գործոնները`

• գենետիկ նախատրամադրվածություն, սովորություններ

• անառողջ սնունդ

• ֆիզիկական ակտիվության պակաս

• քնի անկանոն ռեժիմ

Ճարպակալում ունեցող մարդկանց մոտ ծանր հիվանդություններ ձեռք բերելու հավանականությունն ավելի մեծ է:

Քաշի ավելացումը կանխելու և նիհարելու քայլերը.

• օգտագործե՛ք ցածր կալորիականությամբ և սննդարար նյութերով հարուստ մթերք` միրգ, բանջարեղեն և ամբողջական հացահատիկներ,

• սահմանափակե՛ք հագեցած ճարպերի, քաղցրավենիքի օգտագործումը,

• յուղոտ միսն ու մսամթերքը փոխարինե՛ք լոբազգիներով, ձկնամթերքով, թռչնամսով կամ անյուղ մսով,

• հրաժարվե՛ք ալկոհոլից,

• քաղցր գազավորված ըմպելիքի և հյութերի փոխարեն օգտագործե՛ք ջուր,

• ամեն օր կատարե՛ք ֆիզիկական վարժություններ` արագ քայլք, լող (չափավոր ինտենսիվության, 150 րոպե շաբաթական),

• օգտագործե՛ք ցածր յուղայնությամբ կաթնամթերք:

????Ինչպե՞ս հասկանալ, որ ունեք ճարպակալում

Հաշվելով մարմնի զանգվածի ինդեքսը (BMI)

Ճարպակալումն ախտորոշվում է, երբ մարմնի զանգվածի ինդեքսը (BMI) 30 կամ ավելի է:

04/07/2023

Ամռանը հաճախ հանդիպող հիվանդություններ և վիճակներ

- Ջերմային հարված
- Սննդային թունավորումներ
- Աղիքային վարակներ
- Ջերմային ցան
- Արևայրուք
- Ջրազրկում

ԻՆՉՊԵ՞Ս ԿԱՆԽԵԼ

- Խուսափել արևի տակ երկար մնալուց
- Օգտագործել միայն թարմ սնունդ
- Պահպանել հիգիենայի կանոնները
- Օգտագործել արևապաշտպան կրեմներ
- Օգտագործել շատ ջուր, հեղուկներ

Առողջ եղեք🥰

30/06/2023

📢 Եվս 6 հիվանդության բուժման համար անհրաժեշտ ԴԵՂԵՐԸ պետության կողմից շահառուներին կհատկացվեն ԱՆՎՃԱՐ` 2024 թվականից:

Այդ հիվանդություններն են`
1) պատանեկան իդիոպաթիկ արթրիտ
2) առաջնային իմունոդեֆիցիտ
3) կավասակի հիվանդություն
4) նյարդաբանական խնդիրներով պայմանավորված հիվանդություն - սուր պոլիռադիկուլիտ
5) անհաս նորածինների դեղերի կարիք ունեցող պացիենտներ
6) ցրված սկլերոզ

♻️ Արդյունքում՝ շուրջ 486 շահառու, այդ թվում` մեծամասնությունը երեխաներ`

✅ԱՆՎՃԱՐ կապահովվեն նախկինում պետության կողմից երբևէ չտրամադրած դեղերով,
✅ կկանխարգելվի հիվանդության զարգացումը,
✅ կնվազեն հաշմանդամության և մահացության ցուցանիշները:

28/06/2023

26/06/2023

Թմրամիջոցների չարաշահման և ապօրինի շրջանառության դեմ պայքարի համաշխարհային օրն է

Ներկայումս մշակվում է թմրամիջոցների չարաշահման և թմրամիջոցների ապօրինի շրջանառության դեմ պայքարի նոր ազգային ռազմավարություն` հաշվի առնելով հիմնախնդրի հետ կապված նոր մարտահրավերները:

Ռազմավարությամբ մատնանշվելու են թմրամիջոցների չարաշահման և դրանց ապօրինի շրջանառության դեմ պայքարի ուղղությունները:

Ռազմավարության մշակման գործընթացում ներգրավված են թմրամիջոցների հիմնախնդրի հետ առնչվող բոլոր գերատեսչությունները, այդ թվում՝ նաև առողջապահության նախարարությունը։

2023 թվականի հունվարի 1-ի դրությամբ Հայաստանում հաշվառված է 7854 անձ, որոնցից 7612-ը` թմրամիջոցներով, իսկ 242-ը` հոգեներգործուն նյութերի և հոգեխթանիչների գործածմամբ պայմանավորված:

Նրանցից 2914-ը հաշվառված է ափիոնատիպ նյութերի գործածման հետևանքով, 4687-ը՝ կանաբինոիդային թմրամիջոցների գործածման հետևանքով, 11-ը՝ կոկաինի գործածման հետևանքով։

Հայաստանի Հանրապետության քաղաքացիներին տրամադրվող նարկոլոգիական բուժումն իրականացվում է պետության կողմից երաշխավորված անվճար բժշկական օգնության և սպասարկման շրջանակներում։

Ափիոնատիպ կախվածության համախտանիշ ունեցող 822 անձ ներկայումս ստանում է փոխարինող բուժում։

Զերծ մնացե՛ք թմրամիջոցներից, քանի որ դրանց գործածման անգամ մեկ փորձը կարող է դառնալ ճակատագրական և անդառնալի վնաս հասցնել առողջությանը։

22/06/2023

Ու՞մ համար է վտանգավոր կարմրուկը
Կարմրուկով կարող է հիվանդանալ ցանկացած անձ, ով չի պատվաստվել կամ նախկինում չի հիվանդացել:
Առավել խոցելի են երեխաները` հատկապես մինչև 1 տարեկան, հղիները և ուղեկցող հիվանդություններ ունեցող անձինք:

Ինչո՞ւ է վտանգավոր կարմրուկը

Կարմրուկը վտանգավոր է իր բարդություններով: Այն կարող է առաջացնել ուղեղի բորբոքում, կուրություն, խլություն, իմունային իմունային հիշողության կորուստ, երբ կարմրուկի վիրուսը ջնջում է նախկինում ձեռք բերված իմունիտետը և տվյալ անձը խոցելի է դառնում տարբեր վարակների նկատմամբ, ենթասուր ձգձգվող պանէնցեֆալիտ, որը կարող է առաջանալ հիվանդանալուց մի քանի տարի անց և հանգեցնել մահվան:

Ովքե՞ր պետք է պատվաստվեն կարմրուկի դեմ

Առանցքային է կարմրուկի դեմ երկու դեղաչափ պատվաստումը ստանալ օրացույցով սահմանված ժամկետներում, որը կնպաստի կոլեկտիվ իմունիտետի ձևավորմանը`

♦ 1 տարեկանում
♦ 4-6 տարեկանում:

Պատվաստվում են նաև չպատվաստված և թերի պատվաստված անձինք`


♦18 տարեկան և բարձր տարիքի անձինք, ովքեր չունեն փաստագրված պատվաստման կամ կարմրուկով հիվանդացման փաստ,
♦ 4 տարեկանից 18 տարեկան անձինք, ովքեր չունեն 2 դեղաչափ պատվաստում,
♦ 1-ից 4 տարեկան երեխաներ, ովքեր չունեն 1 դեղաչափ պատվաստում,
♦ բուժաշխատողներ, ովքեր չունեն փաստագրված պատվաստման կամ կարմրուկով հիվանդացման փաստ:

Հղիություն պլանավորելու դեպքում

Թերի պատվաստված կամ նախկինում չհիվանդացած անձանց խորհուրդ է տրվում ստանալ ԿԿԽ պատվաստում՝ հղիություն պլանավորելուց առնվազն 1 ամիս առաջ:

Պատվաստվելով` պաշտպանում ենք ոչ միայն մեզ, այլև պատվաստման հակացուցումներ ունեցող անձանց (մինչև 6 ամսական երեխաներ, հղիներ, իմունային անբավարարությամբ անձինք):

Առողջ եղեք🙏

19/06/2023

🔵Սննդամթերքի անվտանգությունն ուղղակիորեն ազդում է մարդկանց առողջության վրա։

‼Սննդամթերքի անվտանգ չլինելու դեպքում, մարդիկ չեն ստանում իրենց անհրաժեշտ սննդանյութերը, և աշխարհում յուրաքանչյուր տարի 10 մարդկանցից 1-ը առողջական խնդիր է ունենում դրա պատճառով։

14/06/2023

Որոշել եք ճամփորդե՞լ
🔹Չմոռանա՛ք վերցնել առաջին օգնության դեղատուփը։
🔹 Ճամփորդելուց առաջ խորհրդակցե՛ք Ձեր տեղամասային թերապևտի կամ ընտանեկան բժշկի հետ:
🔹 Հաշվի առնելով աշխարհում կարմրուկով պայմանավորված համաճարակային իրավիճակը` ճամփորդելուց առաջ պատվաստվե՛ք կարմրուկի դեմ:
🔹 Ճամփորդելիս ցանկալի է բժշկական ապահովագրություն ունենալ:

12/06/2023

📢Հունիսի 24-ին «Զենիթմեդ» ախտորոշիչ կենտրոնում կկատարվի ստամոքսի հետազոտություն և բուժում բժիշկ-էնդոսկոպիստ Անդրանիկ Ղազարյանի կողմից։ Հերթագրման համար խնդրում ենք նախապես զանգահարել 055909058/ 060-75-05-05 հեռախոսահամարներով։
ք. Տաշիր, Ջահուկյան փ.8/1