13/06/2023
Երևանում աշխատող հարգելի կոլեգաներ, հատկապես պրոֆեսորներ, ամբիոնի կամ բաժանմունքի ղեկավարներ, հարգե՛ք մարզերում աշխատող բժիշկներին։ Ձեր տիտղոսներին հասել եք բժշկի պատիվը բարձր պահելու համար, այլ ոչ՝ բարձրից նայելու։
Հավատացե՛ք, մեզ մոտ վերադառնում են նաև ձեր "բուժած" հիվանդները։ Մենք ևս կարող ենք վարկաբեկել ձեր անունը, բայց չենք անում դա, քանի որ կրում ենք և՛ մարդ, և՛ բժիշկ կոչումները, ունենք և՛ տարրական, և՛ բարձրագույն, և՛ մասնագիտական դաստիարակություն։
Այլապես ստիպված եք լինելու դեմառդեմ մի մե՜ծ շրջապատում հիմնավորել "մարզի տված պատասխանն էդքան էլ ինֆորմատիվ չի, պիտի մեր հիվանդանոցում կրկնեք հետազոտությունները" բառակույտը։
Ամեն ինչ փողով չի չափվում, մի՛ դատարկեք հիվանդի գրպանի վերջին պարունակությունը։
