Լուսաստղ ԲՀԿ

21/03/2026

Այսօր մեր արևների օրն էր ❤️

14/02/2026

Այս նյութը պատահաբար ընկավ աչքովս, չէի կարող չկիսվել ....
2003թ. Լուսաստղ և IFES՝ Հայաստանի ընտրությունները դարձնում ենք հասանելի բոլորի համար:
Շատ արդյունավետ, կառուցողական աշխատանք էր:

Against a backdrop of troubled Presidential elections in February and March of this year, and the more recent National Assembly elections on May 25, 2003, a small Armenian NGO shined its light on the electoral process, acting as a reminder that democracy’s work is not complete until all citizens c...

13/02/2026

👩‍🦽‍➡️ Եկեք միասին արվեստը դարձնենք հասանելի բոլոր երեխաներին։ 👉https://rearmenia.com/hy/fundraisers/art-as-a-healing-bridge-for-adolescents-with-disabilities?tab=story
Մեր արշավի շնորհիվ 2 տարվա ընթացքում ավելի քան 100 հաշմանդամություն ունեցող դեռահաս հնարավորություն կունենան ներառական արվեստի խմբակների։ Կենտրոնում կգործեն տարբեր ստեղծագործական ուղղություններ, որտեղ երեխաները կզարգացնեն իրենց հատկությունները։

🎨 նկարչության,

🧱 խեցեգործության,

🧵 ուլունքագործության,

🪵 փայտամշակման,

🧸 տիկնիկագործության

🧶 գորգագործության միջոցով։

13/02/2026

Շատ կարևոր փոփոխություն

📢 Ազգային Ժողովը երկրորդ ընթերցմամբ և ամբողջությամբ ընդունել է «Հաշմանդամություն ունեցող անձանց իրավունքների մասին» և «Անձի ֆունկցիոնալության գնահատման մասին» օրենքներում փոփոխություններ և լրացումներ կատարելու մասին» նախագծերի փաթեթը։

Ըստ այդմ՝

✅ աջակցող միջոցների տրամադրման կամ վերանորոգման համար փոխհատուցում տրամադրելու գործընթացում պետության հետ համատեղ կարող են ներգրավվել նաև ոչ պետական կազմակերպությունները,

✅ հստակեցվում է անկախ կյանքի կենտրոն հասկացությունը և գործունեությունը, սահմանվում են միասնական կանոններ ու մոտեցումներ՝ ուղղված հաշմանդամություն ունեցող անձանց համար մատչելի ու որակյալ ծառայությունների մատուցմանը,

✅ հստակեցվում է անձնական օգնականի ծառայությունների մատուցման գործընթացը․ այն կդառնա եռակողմ՝ մեկ պայմանագրի կնքմամբ,

✅ ֆունկցիոնալության գնահատում անցած և գործող գնահատման որոշում ունեցող անձինք նոր ծառայություն ստանալու համար կրկնակի գնահատում չեն անցնի․ փոփոխությունը կկատարվի միայն Ծառայությունների անհատական ծրագրում (ԾԱԾ)։

27/01/2026

Ներառական բյուջետավորումը համայնքներում «Լուսաստղ» ՀԿ-ի ռազմավարական ուղղություններից է։ Մեկնարկը տրված է, և մենք շարժվում ենք առաջ ...😉

26/01/2026

🎯«Մասնակցիր, ներառվի՛ր» ծրագրի ամփոփում՝ պանելային քննարկմամբ
«Լուսաստղ» ՀԿ «Մասնակցիր, ներառվի՛ր» ծրագրի շրջանակում իրականացված գործողությունները ամփոփեց
պանելային քննարկմամբ, որը դարձավ կարևոր հարթակ՝ համայնքային բյուջետավորման, ներառականության և
երիտասարդների մասնակցության վերաբերյալ բաց ու կառուցողական երկխոսության համար։
Քննարկման ընթացքում ծրագրի շահառու երիտասարդները ներկայացրին համայնքային բյուջեների
ուսումնասիրության արդյունքները, պարզեցված դիտարկումներն ու առաջարկները՝ շեշտադրելով ներառական
բյուջետավորման կարևորությունը։ Պանելին մասնակցեցին համայնքապետարանների ներկայացուցիչներ,
ոլորտային մասնագետներ և քաղաքացիական հասարակության ներկայացուցիչներ։
Քննարկման առանցքում էին՝
📌 հաշմանդամություն ունեցող երիտասարդների մասնակցությունը համայնքային որոշումների կայացման
գործընթացներին,
📌 բյուջեի դիտարկումը որպես սոցիալական և քաղաքական գործիք,
📌 ներառական բյուջետավորման կիրառման հնարավորությունները համայնքներում,
📌 համագործակցության և շարունակական երկխոսության ձևավորումը ՏԻՄ–երի և երիտասարդների միջև։
Պանելային քննարկումը ևս մեկ անգամ ցույց տվեց, որ երիտասարդները կարող են և պետք է լինեն ոչ միայն լսվող,
այլ նաև որոշումների ձևավորմանը մասնակցող դերակատարներ, իսկ ներառական բյուջետավորումը կարող է
դառնալ այդ մասնակցության իրական գործիք։
📍 Շնորհակալ ենք բոլոր պանելիստներին, մասնակիցներին և գործընկերներին՝ ակտիվ մասնակցության և
կառուցողական քննարկման համար։
📍 «Մասնակցիր, ներառվի՛ր» ծրագիրը ևս մեկ քայլ էր դեպի ավելի բաց, հասանելի և ներառական համայնքներ։
✨✨✨
Սույն հրապարակումը պատրաստվել է Գերմանիայի կառավարության և Եվրոպական միության ֆինանսական
աջակցությամբ իրականացվող «CSOs4SLD2. ՔՀԿ-ները հանուն կայուն տեղական զարգացման (դրամաշնորհների
կառավարում)» ծրագրի շրջանակում՝ «Քաղաքացիական հասարակության հզորացում Արևելյան գործընկերության
երկրներում» ծրագրի ներքո։ Վերջինս իրականացվում է Գերմանական միջազգային համագործակցության ընկերության
(GIZ) կողմից՝ «ՀԿ Կենտրոն» քաղաքացիական հասարակության զարգացման ՀԿ-ի հետ համագործակցությամբ:

26/01/2026

Մեր Կարինեն 😘❤️

🎯 Fellowship Stories 2: Երիտասարդ մասնագետների ճանապարհը

✅ Ներկայացնում ենք «Երիտասարդները գործելիս» ծրագրի շրջանակում «Աշխատանքային փորձառություն անցած երիտասարդ մասնագետների պատմություններ» շարքի 2️⃣-րդ մասը։ Եռամսյա վճարովի մասնագիտական փորձառության ( ) ընթացքում մրցակցային սկզբունքով ընտրված երիտասարդները ներգրավվել են տարբեր ոլորտներում գործող կազմակերպություններում՝ ձեռք բերելու գործնական փորձ, ամրապնդելու մասնագիտական գիտելիքները և զարգացնելու իրենց հմտությունները։

❓❗️Ովքե՞ր են այս երիտասարդ մասնագետները, և ի՞նչ արժեքավոր փորձառություն են ձեռք բերել այս ճանապարհին՝ բացահայտեք՝ հետևելով մեր շարքին։

—------------------------------------------------------------------------------------------------------------------------

«Երիտասարդները գործելիս. Հայաստանում երիտասարդների զորեղացման և առաջնորդության խթանման» ծրագիրը Եվրոպական միության և Կոնրադ Ադենաուեր հիմնադրամի կողմից ֆինանսավորվող նախաձեռնություն է, որն իրականացվում է Վորլդ Վիժն Հայաստանի, Մեդիա նախաձեռնությունների կենտրոնի և Գյումրու «Երիտասարդական նախաձեռնությունների կենտրոն»–ի հետ համատեղ:

European Union in Armenia
Konrad-Adenauer-Stiftung Armenia
YIC Armenia. Youth Initiative Centre NGO
Լուսաստղ ԲՀԿ | Vanadzor

#ԵրիտասարդներիԱռաջնորդություն

15/01/2026

📣 Դասընթացավարների հրավեր
«Լուսաստղ» ՀԿ-ն «Մատչելի և ներառական ընտրություններ՝ ընտրական իրավունքի իրազեկման և մասնակցության խթանում» ծրագրի շրջանակներում հրավիրում է փորձառու և մոտիվացված դասընթացավարների՝ վարելու հետևյալ թեմաներով դասընթացներ․
🎯 «Փաստահեն քաղաքականության մշակում և ադվոկացիա»
🎯 «Կամավորների հետ համագործակցության մշակույթ և մեխանիզմներ»
🎯 «Ինֆլուենսերների ներգրավման արդյունավետ մեթոդներ»
🎯 «Թվային հաղորդակցության գործիքներ և սոցիալական մեդիայի օգտագործում»
🎯 «Ընտրական օրենսգիրք և հաշմանդամություն ունեցող անձանց ներառական մասնակցությունը ընտրական գործընթացներին»

👤 Ո՞վ կարող է դիմել

Մենք փնտրում ենք դասընթացավարների, ովքեր՝
✔ ունեն համապատասխան թեմայով գործնական և/կամ ակադեմիական փորձ
✔ ունեն դասընթացների, աշխատարանների կամ խմբային ուսուցման փորձ
✔ կարողանում են ներկայացնել նյութը պարզ, կիրառելի և ինտերակտիվ ձևաչափով
✔ ծանոթ են քաղաքացիական հասարակության, մասնակցային կառավարման կամ քաղաքական գործընթացներին (ցանկալի է)

🧩 Դասընթացավարի պարտականությունները

🔹 մշակել և ներկայացնել դասընթացի ծրագիր (օրակարգ, մեթոդաբանություն)
🔹 վարել դասընթաց(ներ)ը՝ կիրառելով մասնակցային և գործնական մեթոդներ
🔹 ապահովել մասնակիցների ակտիվ ներգրավվածությունը
🔹 անհրաժեշտության դեպքում տրամադրել ուսումնական նյութեր

📩 Դիմելու կարգը

Հետաքրքրված անձինք կարող են lusastghhk@gmail.com էլ. Հասցեին ուղարկել՝
📌 ինքնակենսագրություն (CV)
📌 կարճ մոտիվացիոն նամակ կամ թեմայի վերաբերյալ փորձի նկարագրություն
📌 նախընտրելի թեման(երը), որոնց համար դիմում են
Նամակի վերնագրում նշելով այն դասընթացի անունը, որի համար դիմում են:

15/01/2026

14/01/2026

📢Հունվարի 12-ին Վանաձորում կայացավ «Լուսաստղ» հասարակական կազմակերպության կողմից նախաձեռնված պանելային քննարկումը՝ «Ներառական կրթության արձագանքման և հետադարձ կապի միասնական համակարգ» թեմայով։

✅Միջոցառումը կազմակերպվել էր «Լուսաստղ» ՀԿ-ի կողմից իրականացվող «Համընդհանուր ներառում 2․ բյուջեից քաղաքականություն» ծրագրի շրջանակներում՝ Եվրոպական միության ֆինանսական աջակցությամբ իրականացվող «Բյուջեներ քաղաքացիների համար» ծրագրի շրջանակներում տրամադրած ենթադրամաշնորհի միջոցով։

🧑‍💼Քննարկման ընթացքում մասնակիցները անդրադարձել են այն հարցին, թե որտեղից է սկսվում ներառական կրթության համակարգի «լռությունը» և ով պետք է լինի արձագանքման առաջնային պատասխանատուն։ Որոշ մասնակիցներ շեշտել են դպրոցների և ՏՄԱԿ-ների դերակատարումը, մյուսները՝ պետական կառույցների պատասխանատվությունը կամ անկախ վերահսկող մեխանիզմի անհրաժեշտությունը։ Չնայած տարբեր դիրքորոշումներին՝ մասնակիցների մեծ մասը համաձայնել է, որ գործող մեխանիզմները չեն ապահովում բավարար և համակարգված արձագանք և կարիք ունեն բարելավման։

Մանրամասները՝ https://budgets.am/6171.html

14/01/2026

Մարդու իրավունքների պաշտպանը իր 2025 թվականի տարեկան զեկույցում անդրադարձել է ներառական կրթության ոլորտում առկա խնդիրներին՝ ընդգծելով, որ դրանք կրում են համակարգային բնույթ և պահանջում են համապարփակ ու հետևողական լուծումներ։

Այս համատեքստում հատկապես կարևոր էր Մարդու իրավունքների պաշտպանի աշխատակազմի Լոռու մարզային ստորաբաժանման ղեկավար Զարինե Հովհաննիսյանի մասնակցությունն ու ելույթը «Ներառական կրթության արձագանքման և հետադարձ կապի միասնական համակարգ» թեմայով պանելային քննարկմանը, որտեղ նա խոսեց առանց խտրականության կրթության մատչելիության ապահովման՝ պետության պարտավորության, ինչպես նաև ոլորտում դեռևս առկա հիմնախնդիրների մասին։

Քննարկված խնդիրները ևս մեկ անգամ փաստում են, որ ներառական կրթության արդյունավետ իրականացումը պահանջում է համակարգային մոտեցում, քաղաքական կամք և գործնական քայլեր։

15/10/2025

Շնորհակալություն Վանաձորի համայքապետարանին Կարինեի ընտանիքին աջակցելու համար :