01/04/2025
Այսօր՝ աուտիզմ ունեցողների միջազգային օրը, հիշեցնենք, որ բոլոր երեխաները արժանի են հավասար հնարավորություններին։
Վանաձորում ապրում է 11-ամյա մի աղջնակ, ով ունի աուտիզմ և տաղանդ է դրսևորում նկարչության ու արվեստի մեջ։ Նրա ընտանիքն ու հովանավորները ձեռք բերեցին բոլոր անհրաժեշտ պարագաները՝ ներկեր, գունապտնակ, որպեսզի նա հաճախի արվեստի դպրոց և ստանա ֆորմալ կրթություն արվեստի ուղղությամբ։ Բայց, ցավոք, արվեստի որևէ դպրոց չի ընդունել նրան՝ պատճառաբանելով, որ երեխաներին ու դասապրոցեսին կխանգարի։
Այսօր այս աղջնակը կոտրված է։ Նա չի նկարում, չի ստեղծագործում, և մեկուսացած է։ Նրա միակ զբաղմունքը հեռախոսն ու հեռուստացույցն են։ Միակ վայրը, որտեղ նա կարողանում է ստեղծագործել, Ադա կենտրոնն է՝ մասնակցելով կավագործության խմբակին։
Մենք խոսում ենք համընդհանուր ներառման մասին, բայց միաժամանակ թույլ ենք տալիս, որ մարդիկ մենակ մնան իրենց ընդունակություններով և առանձնահատկություններով։ Հիշեցնենք, որ բոլոր երեխաները պետք է ունենան նույն հնարավորությունները՝ դրսևորելու իրենց ընդունակությունները ու ստանալու կրթություն։
#ԱՈւտիզմ #ՀամընդհանուրՆերառում #Մասնակցություն #Կրթություն #ՍոցիալականԱրդարություն
