20/04/2023
Շուտով մենք կլինենք 9 տարեկան և ի՞նչ կարողացանք անել այդ 9 տարիների ընթացքում:
Նախ` ունենալով պրոֆեսիոնալ աշխատակազմ, հայտնի, ճանաչված բժիշկներ և ժամանակակից բուժ. սարքավորումներ, կարողացանք ընդհանուր առմամբ մտնել առողջապահության համակարգ, Վանաձորի` այսպես ասած առողջապահության դաշտ, և ոչ միայն կայանալ, այլ նաև հստակ մեր տեղն ունենալ:
Այս ընթացքում բուժվեցին հազարավոր մարդիկ, հիվանդներ, ովքեր դիմեցին Լոռիմեդ, և կարծում ենք մեծագույն մասը գոհ էր և´ բուժական արդյունքից, և´ վերաբերմունքից:
Բայց, անշուշտ, նաև խնդիրներ ունեցանք: Մենք միշտ կողմ ենք եղել առողջ մրցակցությանը, բայց հաճախ նաև ունեցել ենք ոչ առողջ մրցակցության դեպքեր, որոնք ևս կարողացել ենք հաղթահարել: Ինչևիցե, մեր հիմնական գերխնդիրը առողջապահության բժշկական, բուժական հարցն է, և այդ հարցում կարծում ենք, որ մենք միանշանակ կայացել ենք և կարողացել ենք օգտակար լինել ազգաբնակչությանը:
Մենք միշտ առաջնորդվել ենք թիրախային սկզբունքներով, միշտ հաշվի առնելով մեր մարզի առողջապահության ուժեղ և թույլ կողմերը, կարիքները, ուղղորդված աշխատել ենք հենց այդ ուղղությամբ, և հավատացնում ենք` դա շատ արդյունավետ է եղել:
Ծառայության գները բարձր չեն, այնուամենայնիվ, վճարովի ծառայությունները կազմում են մեր հիմնական բյուջեի մեծ մասը։ Սակայն միանշանակ պետք է նշել, որ պետ. պատվերային փոքր սահմանը, որը հատկացնում են մեզ հատուկ և դժվարամատչելի հետազոտություններ կատարելու համար, ևս նպատակային է օգտագործվում և սոցիալապես անապահով անձինք ևս կարող են օգտվել մեր ծառայություններից:
Այս մասով նաև պետք է նշել, որ շատ պետական իրավաբանական անձիք, ինչպես նաև մասնավոր բժշկական ընկերություններ նույնպես օգտվում են մեր բժշկական ծառայություններից՝ պայմանագրային եղանակով։
Հետևեք մեր էջին և եղեք առողջ
📲0322 2 31 11
📲099 02 43 39
📲094 31 11 65
ք. Վանաձոր, թատերական 6/1
