Վարդենիսի ԲԿ

06/03/2026

06/02/2026

📌 Տելեգրամյան «armgeopolitic» ալիքում հրապարակված լուրը, թե Առողջապահության նախարարությունը բժիշկների աշխատավարձը կրճատող սկանդալային նախագիծ է շրջանառում, չի համապատասխանում իրականությանը:

Առողջության համընդհանուր ապահովագրության ներդրման շրջանակում սահմանվել է փոխհատուցման նվազագույն չափաքանակ: Նշենք, որ փոխահատուցվող գներով չի սահմանվում աշխատավարձի չափը: Բժշկական կազմակերպությունն ինքնուրույն է որոշում յուրաքանչյուր բժշկի աշխատավարձի չափը. այն պետք է ավելի ցածր չլինի, քան Հիմնադրամի հոգաբարձուների խորհրդի կողմից հաստատված չափաբաժինը: Հավանաբար, սա է դարձել տելեգրամյան ալիքում շրջանառվող լուրի համար շահարկման առիթ:

Ինչ վերաբերում է բուժկենտրոնների սեփականատերերի կողմից աշխատավարձի հաշվարկին, ապա աշխատավարձը տրվում է` համաձայն գործատուի և աշխատակցի միջև կնքված պայմանագրի:

ԱՆ ենթակայությամբ գործող բուժկենտրոններում, որը կազմում է ընդհանուր բուժկենտրոնների ընդգրկվածության 60 տոկոսը, աշխատավարձի կրճատում չի եղել:

30/01/2026

💗Եվ օրն ավարտենք դրական նոտայով.
Վարդենիսի բժշկական կենտրոնում լույս աշխարհ է եկել ընտանիքի 10-րդ զավակը:

3530.0 գ քաշով, 51 սմ հասակով փոքրիկն ու մայրիկն իրենց լավ են զգում և առաջիկայում դուրս կգրվեն:

Բարի ու խաղաղ գիշեր:

28/01/2026

🖥👨‍⚕️Առցանց հանդիպում` ԱԱՊ տնօրենների, բուժաշխատողների համար։

📆Հունվարի 29-ին, ժամը` 11:00-ին:

Թեման` Առողջության համընդհանուր ապահովագրության շրջանակում Արմեդում գրանցումների, ուղեգրումների կազմակերպում, մատյանների վարում, ընթացիկ այլ հարցեր։

Խնդրում ենք անցնել հղումով, լրացնել և նշված ժամին միանալ քննարկմանը zoom հարթակում։

🔗 Հղումը` https://us02web.zoom.us/meeting/register/zgHx-W0lTZWClOoIXDPJaw

25/01/2026

16/01/2026

🤱 Առողջապահության նախարարությունը կարևորում է և հետևողական է կանխարգելիչ միջոցառումների իրականացման հարցում` միտված երեխաների առողջության պահպանմանը, խնդիրների վաղ հայտնաբերմանը և վաղ միջամտությունների իրականացմանը:

Ծննդատանն իրականացվող հիմնական կանխարգելիչ միջոցառումներն են.
1️⃣ Նորածնի պորտալարի սեղմում կյանքի 1-3 րոպեների ընթացքում (ոչ ավելի շուտ)` անեմիայի կանխարգելման նպատակով
2️⃣ Նորածնի վաղ մոտեցում կրծքին` առաջին 30 րոպեի ընթացքում
3️⃣ Մաշկ-մաշկին շփման ապահովում` նորածնի մարմնի ջերմաստիճանի, մաշկի առողջ միկրոֆլորայի ձևավորման և մայր-նորածին հոգեբանական կապի ստեղծում
4️⃣ Նորածնի զննում, վիճակի գնահատում
5️⃣ Աչքերի մշակում` գոնոբլեֆորեայի կանխարգելում
6️⃣ Պատվաստումներ
▪️ ՎՀԲ ` վիրուսային հեպատիտ Բ-ի կանխարգելման նպատակով
▪️ ԲՑԺ` տուբերկուլոզի կանխարգելման նպատակով
7️⃣ Սքրինինգներ
▪️ բնածին հիպոթիրեոզի,
▪️ ֆենիլկետոնուրիայի,
▪️ լսողության բնածին խանգարումների հայտնաբերման նպատակով,
▪️ անհասության ռետինոպաթիա (միայն անհաս նրածիններին),
▪️ սրտի բնածին արատների,
▪️ կոնքազդրային հոդի բնածին հոդախախտի,
▪️ ադրենոգենիտալ համախտանիշի վաղ հայտնաբերում
▪️ նորածնային ակնային սքրինինգ
8️⃣ Վիտամին Կ-ի ներարկում` նորածինների հեմոռագիկ համախտանիշի կանխարգելում
9️⃣ Կրծքով կերակրման դիտարկում և գնահատում (ըստ անհրաժեշտության` կրծքով կերակրման խորհրդատուի աջակցություն)
🔟 Նորածնի անվտանգության ապահովման մասին իրազեկում, այդ թվում` մեքենայում հատուկ մանկական նստատեղերի կիրառմամբ անվտանգ տուն տեղափոխելու մասին:

13/01/2026

Գեղարքունիքի մարզի Սոթք, Շատվան և հարակից գյուղերի հարգելի’ բնակիչներ,

«Հեռաբժշկություն» ծրագրի շրջանակներում VIVA բարեգործական հիմնադրամի բժիշկների խումբը հունվարի 17-ին և 18-ին կայցելի ձեր համայնքներ։

Ձեզ կընդունեն հետևյալ մասնագիտությունների բժիշկներ՝

• սրտաբան

• էնդոկրինոլոգ

• նյարդաբան

• մանկաբույժ

• ՈՒՁՀ բժիշկ

• ակնաբույժ

• ՔԿԱ բժիշկ

ԱՆՎՃԱՐ կտրամադրվեն խորհրդատվություններ, կիրականացվեն անհրաժեշտ հետազոտություններ, կնշանակվի բուժում և կտրամադրվեն անհրաժեշտ դեղամիջոցներ։

⚠️ ՊԱՐՏԱԴԻՐ է ունենալ անձնագիր կամ ID քարտ։

Ընդունման ժամանակն ու վայրը․

Հունվարի 17, շաբաթ

📍 գ. Սոթք — ժամը 11:00 – 18:00

Հունվարի 18, կիրակի

📍 գ. Շատվան — ժամը 10:00 – 17:00

25/12/2025

🏥 Ընդամենը մի քանի օրից՝ հունվարի 1-ից, Հայաստանում կգործարկվի առողջության համընդհանուր ապահովագրության համակարգը։

Այն Կառավարության սոցիալական քաղաքականության առանցքային բարեփոխումներից է, որի նպատակն է ապահովել հասանելի, հուսալի և որակյալ առողջապահական համակարգ մեր քաղաքացիների համար։

ℹ️ Մանրամասները՝ մեկ էջանոց ամփոփագրում։