26/11/2025
🗝️ Ազատություն՝ միֆ, թե հոգեվիճակ
Ազատությունը միշտ թվացել է ինչ-որ հեռավոր բան՝ մարդկանցից, պայմաններից, համակարգերից դուրս։ Թվում է՝ եթե մի օր ամեն ինչ փոխվի, մենք կհասնենք ազատության։ Բայց իրականում ազատությունը շատ ավելի մոտ է, քան մենք պատկերացնում ենք:
Ազատությունը միֆ է դառնում միայն այն ժամանակ, երբ նրան փնտրում ենք այնտեղ, որտեղ այն չկա։
Երբ սպասում ենք
ուրիշների հաստատմանը,
ուրիշների ընտրությանը,
ուրիշների ձևակերպած երջանկությանը։
Երբ մեր ներքին դուռը փակ է, ազատությունն էլ դառնում է հեքիաթի հերոս՝ գեղեցիկ, բայց անհաս։
Իսկ երբ մի օր լռության մեջ նստած հասկանում ես, որ ոչ ոք քեզանից չի խլել ընտրելու իրավունքը, զգալու, մտածելու, կանգնելու ու գնալու հնարավորությունը — հենց այդ պահին ազատությունը հայտնվում է աննկատ:
Ազատությունն այն չէ ինչ չունենք, այլ այն՝ ինչ թույլ չենք տալիս ունենալ:
Թույլտվությունը գալիս է այն պահին, երբ ասում ես՝ «ես չեմ պարտավորվում ապրել ուրիշների սպասումների մեջ» և առաջին անգամ կանգնում ես քո կողքին։
Եվ հետաքրքիրն այն է, որ երբ ներսումդ ազատ ես, դրսում ոչինչ չի վախեցնում։
Ճանապարհները դառնում են բաց, մարդիկ՝ հասկանալի, իսկ կյանքը սկսում է հոսել առանց դիմադրության։
🪞Ազատությունը հոգեվիճակ է՝
որից սկսվում է իրական կյանքը։
Եվ ամեն անգամ, երբ վերադառնում ես քո ճշմարիտ ընտրությանը, այդ վիճակը նորից է հոգի ստանում։
Սիրով քեզ համար։ 💛
