https://www.facebook.com/100264808510772/

Dr. Roza G. Tsarukyan, Մաշտոցի պող. , 22, Yerevan (2025)

14/12/2022

Սիրելի հետևորդներ, եկեք այսօր հասկանանք, թե որ դեպքերում է կատարվում ՄՌՏ հետազոտություն:

Գինեկոլոգիայում հիմնական ախտորոշիչ մեթոդը, իհարկե, ուլտրաձայնային մեթոդն է, մինչդեռ որպես հստակեցնող մեթոդ՝ երկրորդ տեղում ՄՌՏ-ն է (մագնիսառեզոնանսային տոմոգրաֆիա): ⁣
⁣
Այս մեթոդին հիմնականում դիմում ենք այն ժամանակ, երբ ուլտրաձայնային հետազոտության միջոցով ձեռք բերված ինֆորմացիան համարում ենք անբավարար, կամ երբ ⁣կա կլինիկական պատկերի անհամապատասխանություն, կամ երբ անհրաժեշտ է գնահատել պաթոլոգիական գործընթացի տարածվածությունը:
⁣
Հետևյալ հիվանդությունների համար ՄՌՏ-ն ավելի տեղեկատվական է, քան ուլտրաձայնը` ⁣
✔️արատներ, ⁣
✔️էնդոմետրիոզ,⁣
✔️բարորակ և չարորակ ուռուցքներ կոնքի շրջանում,
✔️նախկինում կատարված միջամտությունների արդյունավետության գնահատում:

Եթե կան հարցեր, գրեք մեկնաբանություններում՝ քննարկենք։😊

12/12/2022

Ինչպե՞ս իմանալ հղիության մասին մինչև դաշտանի ուշացումը

Հնարավո՞ր է արդյոք իմանալ հղիության մասին մինչև ցիկլի ուշացումը:

Հնարավոր է, բայց արդյո՞ք անհրաժեշտ է: Օրինակ՝ դուք կարող եք նախատեսված ցիկլից 3-4 օր առաջ կատարել թեստավորում, և արդյունքը լինի դրական (+) կամ նույնիսկ բացասական (-), բայց սա դեռ չի նշանակում, որ հղիություն առկա չէ:

Կարող եք հանձնել արյան անալիզ և հանդիպել նաև այնպիսի երևույթի, ինչպիսին է կենսաքիմիական հղիությունը, երբ սկսվել է HCG-ի արտադրությունը, բայց հետո այն ընդհատվել է: Դա տեղի է ունենում գրեթե յուրաքանչյուր կնոջ մոտ, բայց մեծ մասը դա չի նկատում, քանի որ դաշտանը սկսվում է ժամանակային շատ փոքր շեղմամբ:

08/12/2022

«Երկվորյակ երեխաներ եմ ուզում»
Երկվորյակների մասին երազելը հաճախ հանդիպող երևույթ է: Կանայք բազմիցս հարցնում են, թե ինչպես կարելի է հղիանալ երկվորյակներով:⁣⁣
⁣
Իրականում բազմակի հղիությունն առավել հաճախ փոխանցվում է ժառանգաբար: Կարծիք կա, որ երկու երեխայի միաժամանակ ծննդաբերելը ավելի հեշտ է, բայց դա այդպես չէ: Բարդությունների առաջացման ռիսկը ինչպես մոր, այնպես էլ պտղի համար 3 անգամ ավելի մեծ է, երբ զարգանում է բազմակի հղիություն: ⁣
⁣
Այնուամենայնիվ կա՞ արդյոք բազմակի հղիություն պլանավորելու միջոց:
⁣Պատասխանը մեկն է՝ չկա այնպիսի եղանակ, որը 100%-ով կերաշխավորի երկվորյակներով հղիանալու հնարավորությունը:

Սոց. ցանցերում կան բազմաթիվ մեթոդներ, որոնք ներառում են հատուկ սնունդ, ցիկլի որոշակի օրեր ու եղանակներ և այլն: Սակայն այդ մոտեցումները ոչ մի ապացույց չունեն: Սակայն պետք չէ դադարել երազել երկվորյակների մասին․ գուցե ձեր երազանքը շատ մոտ է:

06/12/2022

Ինչպե՞ս քնել հղիության ընթացքում․

1-ին եռամսյակ ⁣
⁣Կարող եք քնել այնպես, ինչպես ցանկանում եք․ ոչինչ չի պատահի, և դուք ոչ մի կերպ չեք կարող վնասել երեխային և հղիության զարգացմանը:
⁣
2️️-րդ և 3️️-րդ եռամսյակներ ⁣
Այս շրջանում արգանդը ակտիվորեն աճում է, ինչը կանանց ճնշող մեծամասնության համար պարզապես անհարմար է, ուստի ավելի լավ է հրաժարվել որովայնի վրա քնելու տարբերակից: ⁣
⁣
Հետաքրքիր է, բայց մեջքի վրա քնելը ևս խորհուրդ չի տրվում․ հատկապես մեջքի վրա պառկած ժամանակ ընդլայնված արգանդը կարող է սեղմել ստորին երակային խոռոչը, ինչը կարող է հանգեցնել որոշակի խնդիրների։
⁣Թեև մեջքի վրա քնելը խիստ հակացուցված չէ, այնուամենայնիվ խորհուրդ չի տրվում:
⁣
Այսպիսով, հղի կնոջ քնելու օպտիմալ դիրքը կողքի վրա պառկելն է։ Համաձա՞յն եք:

02/12/2022

Աղեկապը (բանդաժ)՝ որպես օգնություն

⁣Սովորաբար կանայք բաժանվում են երկու խմբի՝ նրանք, ովքեր «հավատում են» բանդաժի էֆեկտիվությանը, և նրանք, ովքեր՝ ոչ: Բանդաժի արդյունավետությունը 100%-ով ապացուցված չէ, այնուամենայնիվ այն կարող է թեթևացնել ձեր վիճակը՝
• եթե մտահոգված եք ծանրության զգացումով
• եթե ունեք մեջքի և կոնքի ցավ
• երկար զբոսանքների ժամանակ
• ծննդաբերությունից հետո։

Իրականում, մկանների զարգացման տեսանկյունից խորհուրդ է տրվում, որպեսզի մկանները իրենք իրենցով վերականգնվեն: Սակայն, դա նույնպես ինդիվիդուալ է:

29/11/2022

Ե՞րբ կլինի դաշտանադադարը

Եթե դեռ շատ երիտասարդ եք այդ մասին մտածելու համար, կիսվեք գրառմամբ ձեր մայրիկների հետ
⁣
43-50 տարեկան (սա ձվարանների գործունեության մարման
տարիքն է) շատ կանանց հետաքրքրում է, թե երբ տեղի կունենա դաշտանադադարը։
⁣
Դաշտանադադարի սկիզբը ճշգրիտ կանխատեսել հնարավոր չէ։ Մենք խոսում ենք դրա մասին, երբ վերջին դաշտանից անցել է 1 տարի։ Մինչ այդ կնոջ օրգանիզմում տեղի են ունենում բնական ինվորյուցիոն փոփոխություններ, որոնց միջոցով կարելի է կասկածել դաշտանադադարի մասին:

Ամեն դեպքում պետք չէ շտապել և դաշտանային ցիկլի որոշակի խանգարումները շփոթել դաշտանադադարի հետ: Մի մոռացեք անցնել ստուգումներ բժշկի մոտ և լինել հնարավորինս ինֆորմացված ձեր օրգանիզմի մասին:

28/11/2022

Հնարավո՞ր է կանխատեսել օվուլյացիան

Օվուլյացիան դաշտանային ցիկլի այն շրջանն է, երբ տեղի է ունենում ձվազատում, և օրգանիզմը պատրաստ է բեղմնավորմանը: ⁣Շատերը հաշվարկում են օվուլյացիոն շրջանը, մինչդեռ ոմանք «զգում» են այն:
Ի վերջո ինչպե՞ս հասկանալ, թե երբ է օվուլյացիա․ կա մի քանի հնարավոր նշան՝
⁣
• հեշտոցային արտադրությունը դառնում է ավելի առատ, հիշեցնում է հում ձվի սպիտակուց
• սեռական ցանկությունը բարձրանում է
• որովայնի ստորին հատվածում՝ աջ կամ ձախ կողմում, ցավ՝ կախված նրանից, թե որ ձվարանում է տեղի ունենում
օվուլյացիան. այս ցավը սովորաբար չի տևում մեկ օրից ավելի և անցնում է ինքնուրույն ⁣
• որոշ կանայք նկատում են փքվածություն իրենց նորմալ սնվելու ֆոնին։ ⁣
⁣
Իսկ ե՞րբ է տեղի ունենում օվուլյացիան

️Օվուլյացիան տեղի է ունենում հաջորդ դաշտանից 12-14 օր առաջ (և դա միշտ չէ, որ ցիկլի կեսն է): Ի դեպ՝ օվուլյացիայի ժամանակահատվածը հղիության առաջացման առավել բարենպաստ ժամանակն է:

25/11/2022

Պտղի շարժում

Իսկ դուք գիտե՞ք, որ հնարավոր է տեսնել պտղի շարժումները հղիության արդեն 8-9-րդ շաբաթների ընթացքում՝ ուլտրաձայնային հետազոտության ժամանակ: Սակայն ապագա մայրիկը այդ ժամանակ դեռևս չի զգում պտղի շարժումները:
⁣⁣
Հիմնականում կանայք սկսում են զգալ շարժումները հղիության 20-րդ շաբաթվանից, բայց դա հնարավոր է նաև 16-18-րդ շաբաթների ընթացքում, հատկապես եթե ծննդաբերություն արդեն եղել է: ⁣22-24 շաբաթ անց շարժումները դառնում են ավելի հստակ և կանոնավոր: 36 շաբաթ անց շարժումներն ավելի պարզ են զգացվում, բայց դրանք կարող են ավելի քիչ լինել, ինչը պայմանավորված է պտղի աճով և նորմալ է: ⁣

23/11/2022

Կեսարյան հատումը ծննդաբերության վիրաբուժական միջոց է, որի ընթացքում պտուղը դուրս է հանվում արգանդի կտրվածքի միջոցով:⁣⁣ Վիճակագրության համաձայն՝ յուրաքանչյուր 3-րդ կնոջ մոտ կեսարյան ծննդաբերություն է տեղի ունենում:⁣ ⁣ Հիմնականում այս վիրահատությունն իրականացվում է ցուցումներով:

Պլանավորված կեսարյան հատման հնարավոր ցուցումնեեր:
- հղիության ընթացքում խնդիրների առկայություն;
- բնական ծննդաբերության վտանգ ՝ կապված մոր հիվանդության հետ;
- բնական ծննդաբերության վտանգ ' կապված երեխայի հիվանդության հետ;
-երեխայի դիրքի պատճառով բնական ծննդաբերության անհնարինությունը
-կրկնակի կեսարյան հատում;
-պլասենցայի գտնվելու վայրը, ինչը արգելափակում է երեխայի ելքը;

Կեսարյան վիրահատությունը, ինչպես ցանկացած այլ վիրահատություն, ռիսկային է: Այնուամենայնիվ ցուցումների դեպքում այն ցանկալի է:

21/11/2022

Միֆ թե իրականություն՝ գրառումների ամենասիրված շարքը: Ահա
3 միֆ հղիության մասին: Թերթել:

08/11/2022

Իսկ դուք գիտեի՞ք…🤔

04/11/2022

Բջջային հավելվածները այսօր շատ հարմար գործիքներ են դաշտանի օրերը վերահսկելու համար, այնուամենայնիվ դրանք չեն կարող ճշգրիտ որոշել օվուլյացիայի օրը:

Բոլոր կանայք տարբեր են․ ինչ-որ մեկը կարող է վաղ օվուլյացիա ունենալ, ինչ-որ մեկը՝ ուշ, և այս տատանումները շատ մեծ են:

Մենք գիտենք, որ այն սովորաբար տեղի է ունենում ցիկլի կեսին: Բայց սա շատ պայմանական է։

Երբեմն խորհուրդ է տրվում օգտագործել հավելվածներ էլեկտրոնային ջերմաչափերի հետ մեկտեղ՝ ուղիղ աղիքի ջերմաստիճանը չափելու համար:

Բանն այն է, որ օվուլյացիայից անմիջապես հետո ուղիղ աղիքում ջերմաստիճանը բարձրանում է 0,25-0,5 աստիճանով: Հետևաբար եթե հավելվածը ոչ միայն թույլ է տալիս նշել դաշտանի սկզբի օրերը, այլև ջերմաստիճանը, նշեք այն։ Դրանով կարող եք մեծացնել հավելվածի աշխատանքի ճշգրտությունը։

Ամփոփելով ուզում եմ նշել, որ հավելվածներից օգտվելու նպատակահարմար լինելը կախված է նրանից, թե ինչ ակնկալիքներ ունեք դրանցից։

30/10/2022

3️⃣ հաճախ տրվող հարցեր էպիդուրալ անզգայացման վերբերյալ

Արդյո՞ք էպիդուրալ անզգայացումը վտանգավոր է մոր կամ երեխայի համար։

❕Ո՛չ, այն վտանգավոր չէ ո՛չ մոր, ո՛չ էլ երեխայի համար, սակայն էպիդուրալ անզգայացումը պետք է կատարվի ժամանակին։

Ի՞նչ բարդություններ կարող են զարգանալ:

Էպիդուրալ անզգայացումը կարող է դառնալ մի շարք լուրջ և կայուն բարդությունների պատճառ, այդ թվում՝

• անզգայացման խափանում
• արյան ցածր ճնշում (հիպոտենզիա)
• գլխացավեր
• շնչառության վատթարացում, երբ շնչառությունը խիստ դանդաղում է
• դժվարամիզություն
• ոտքերի ժամանակավոր թուլություն
• մեջքի (գոտկային) ցավեր և այլն։

❔Որքա՞ն շուտ է կինը վերականգնվում։

Էպիդուրալ անզգայացումը կարող է ազդել ռեակցիաների վրա: Ուստի, մինչև զգացողությունների լիարժեք վերականգնվելը պետք է խուսափել ավտոմեքենա վարելուց, հնարավոր այլ վտանգավոր (այդ թվում՝ խոհանոցային գործեր) կամ այնպիսի աշխատանքներից, որոնք պահանջում են շարժումներ և հավասարակշռություն:

Ոնե՞ք հարցեր։ Գրեք մեկնաբանություններում⤵️

28/10/2022

Հաճախ լսում ենք, որ հղիության ընթացքում պետք է զերծ մնալ հնարավորինս սթրեսից եւ դեպրեսսիայից։

Եկեք հասկանանք, թե ինչ ազդեցություն է ունեն սթրեսները պտղի վրա։

1️⃣ Ուժեղ նյարդային փորձառությունները առաջին եռամսյակում կարող է հանգեցնել վիժման, վերջին եռամսյակում՝ վաղաժամ ծննդաբերություն։

2️⃣ Հղիության ընթացքում սթրեսն ու նյարդերը թուլացնում են իմունիտետը, ինչը մեծացնում է մրսածության հաճախականությունը, սրում քրոնիկական հիվանդությունները։

3️⃣ Հղիության ընթացքում անընդհատ նյարդայնացած կանանց մոտ ավելի հաճախ են ծնվում արատներով երեխաներ։

4️⃣ Հղիության ընթացքում մշտական սթրեսը առաջացնում է պտղի ականջների, մատների, վերջույթների տեղակայման ասիմետրիա։

Այսպիսով պետք չէ անտեսել սթեսից խուսափելու կոչերը՝ բարդություններից խուսափելու համար։

Եղեք առողջ 😊

18/10/2022

հակաբեղմնավորիչների ընդունումը բացարձակապես անվտանգ է այն դեպքում, երբ դրանք բժշկի կողմից հենց ձեզ համար են նշանակված. մինչև դրանց ընդունումը կինը հակացուցումներ չի ունեցել, և հակացուցումներ չեն առաջացել նաև ընդունման ընթացքում:

Կարծիք կա, որ ինչ-որ պահի անհրաժեշտ է ընդմիջել հակաբեղմնավորիչ հաբերի ընդունումը, հակառակ դեպքում դրանք կդադարեն աշխատել։
Բայց սա սկզբունքորեն սխալ գաղափար է։

Հաբեր ընդունելու առաջին երեք ամիսները հարմարվողականության շրջան են: Այդ ընթացքում կրծքագեղձերը կարող են չափազանց զգայուն լինել, ցավոտ, կարող են առաջանալ սրտխառնոց և կողմնակի այլ բարդություններ:

Բացի այդ՝ հաբերի ընդունման առաջին երեք ամիսներին մեծանում է նաև թրոմբոզի վտանգը։

Եթե դուք պարբերաբար դադարեցնեք հակաբեղմնավորիչների ընդունումը և նորից սկսեք, ամեն անգամ կմեծացնեք թրոմբոզի ռիսկը:

Հետևաբար եթե դուք հակացուցումներ չունեք հակաբեղմնավորիչների նկատմամբ, և, ամենակարևորը, դրանք անձամբ ձեզ հարմար են նշանակված, ապա հաբերը պետք է ընդունեք կամ մինչև հղիության պլանավորումը կամ մինչև բնական դաշտանադադարի տարիքը։

Ունե՞ք հարցեր։
Գրեք մեկնաբանություններում։⤵️

15/10/2022

Կանանց առաջին հղիության միջին տարիքը տարեցտարի ավելանում է։ Դրա հետ մեկտեղ՝ աճում է 30 տարեկանից հետո երեխայի ծննդաբերության հետ կապված սարսափելի առասպելների և ենթադրությունների թիվը:

30 տարեկանից հետո՝ հատկապես 40-ին մոտ, հղիանալը դժվար չէ, սակայն մեծանում է բնածին պաթոլոգիայով (սրտի, նյարդային խողովակի, աղեստամոքսային տրակտի, մկանային-կմախքային համակարգի արատներ) երեխայի ծնելու վտանգը:

Ի դեպ՝ շատ երկրներում արդեն 9 շաբաթականից հղի կնոջ արյան (երակից) ոչ ինվազիվ նախածննդյան NIPT թեստ են անում՝ պտղի որոշ քրոմոսոմային անոմալիաների բացահայտման համար։

Բացի այդ՝ այժմ կանանց ռեպրոդուկտիվ տարիքը գնալով կրճատվում է, ինչի բացատրությունը դեռևս հստակ տրված չէ։

Մենոպաուզա կարող է առաջանալ նաև 30-35 տարեկանում, մինչդեռ նորման հիմնականում 45-55-ն է։

Եթե ունեք հարցեր գրեք մեկնաբանություններում😊

12/10/2022

Թերթիր]

Դուք և՞ս լսել էիք այս միֆերը։

🤔Իսկ ի՞նչ միֆեր մտաբերեցիք դուք։

Կիսվեք մեկնաբանություններում⤵️

Dr. Roza G. Tsarukyan