17/08/2023
🎭 «Նևրոզ» տերմինն օգտագործվում է պաթոլոգիաների մի ամբողջ խումբ նշելու համար, որոնք հիմնված են ժամանակավոր դարձելի հոգեկան խանգարումների վրա, որոնք առաջանում են հիմնական նյարդային պրոցեսների՝ գրգռման և արգելակման հետևանքով: ‹‹Նևրոզները›› ֆունկցիոնալ հիվանդություններ են, որոնք հիմնված չեն կառուցվածքային խանգարումների վրա (որևիցե առողջական խնդիր չկա):
💔 Հնարավոր ախտանշանները՝
• անհիմն դյուրագրգռություն, հիշողության հետ կապված խնդիրներ
• հոգնածության, թուլության զգացողություն
• մշտական վեճեր սիրելիների, գործընկերների հետ
• սուր արձագանք ամենաաննշան գրգռիչներին, ինքնատիրապետման կորուստ
• տրամադրության հանկարծակի փոփոխություններ
• քնի խանգարումնեև
• սննդային խանգարումներ
• դող, սրտխփոց, շնչարգելություն և այլն
Կլինիկական պատկերը մեծապես կախված է հիվանդության փուլից։
Առաջին փուլ. Դրսևորվում է քնի խանգարմամբ, դյուրագրգռությամբ։ Անձը միշտ «նյարդերի վրա» է, սուր ձայները կամ վառ լույսերը նրան ցավ են պատճառում։ Առկա է գլխացավ, գլխապտույտ, հուզմունք, սիրտն ուժեղ բաբախում է։
Երկրորդ փուլ. Նյարդային համակարգը սպառված է, մարդն անընդհատ թուլություն է զգում, պետք է լարվի, որ ապրի սովորականի պես։ Առավոտյան դժվար է վեր կենալ անկողնուց, նա ստիպված է իրեն ստիպել գնալ աշխատանքի, կատարել տնային գործերը։
Երրորդ փուլ. Աճում է թուլությունն ու անտարբերությունը։ Վերոնշյալ ախտանշաններին ավելանում են կոնֆլիկտը, լացկանությունը, տրամադրության հանկարծակի փոփոխությունները։ Ոչինչ մարդուն չի ուրախացնում կամ մոտիվացնում
👇 Ամենատարածված պատճառներն են.
• հոգեբանական տրավմա (ամուսնալուծություն, սիրելիների մահ, աշխատանքից ազատում, դավաճանություն և այլն)
• քրոնիկական սթրես, որը հանգեցնում է նյարդային համակարգի աստիճանական հյուծմանը
• ֆիզիոլոգիական խնդիրներ, գանգուղեղային տրավմա
• լուրջ հիվանդություններ (վարակներ, ուռուցքաբանություն և մի շարք այլ հիվանդություններ)
• ներգանգային ճնշման բարձրացում
• վատ սովորություններ (ծխախոտ, ալկոհոլիզմ, խաղամալություն)
• աշխատել վտանգավոր, թունավոր արտադրության մեջ
• աշխատանքի և հանգստի ռեժիմին չհամապատասխանելը, ֆիզիկական և մտավոր գերլարվածությունը
👌 Ինչպե՞ս հաղթահարել և բուժել․
Այն ներառում է ինչպես դեղորայքային բուժում, այնպես էլ հոգեթերապիա: Միայն այս մոտեցումը կտա ցանկալի արդյունք։
Հոգեթերապիայի հիմնական նպատակն է այցելուի հետ համատեղ հասկանալ, ինչ է ընկած նրա խնդիրների հիմքում և ինչու է այս ամենը կատարվում նրա հետ: Հաջորդը, անհրաժեշտ է փոխել մարդու վերաբերմունքը այն հրահրող գործոնների նկատմամբ (փոխել վերաբերմունքը տրիգերների հանդեպ): Սովորեցնել ճիշտ արձագանքել կյանքի դժվարություններին և դրդել փոխել ապրելակերպը։ Բուժման մեթոդները կարող են շատ տարբեր լինել (կոգնիտիվ-վարքային թերապիա, հոգեվերլուծություն, հոգեթերապիա և այլն):
Դեղորայքային բուժումը կրում է օժանդակ բնույթ։ Կախված կլինիկական պատկերից՝ մասնագետը կարող է նշանակել նեյրոէլպտիկներ, հանգստացնողներ, հակադեպրեսանտներ, մուլտիվիտամիններ։ Բացի դեղորայքային թերապիայից, անհրաժեշտ է սկսել պահպանել աշխատանքի և հանգստի ճիշը ռեժիմը, վերահսկել քաշը, ճիշտ սնվել, ավելի շատ շարժվել, հրաժարվել վատ սովորություններից: Լավ ազդեցություն է տալիս առողջարանային բուժումը, մերսումները, սպորտով զբաղվելը, շնչառական տեխնիկաները։
Երեխաների և դեռահասների մոտ հիվանդության կանխարգելումը ներառում է ներդաշնակ ընտանիքում մեծանալը, երեխայի ուժեղ կողմերի զարգացումը և գերխնամքի/թերխնամքի բացակայությունը: Անհրաժեշտ է նրա մեջ զարգացնել մտածողության ճկունությունը, անկախությունը, իր գործողություններն ու արարքները վերլուծելու կարողությունը, դրական մտածելու և ապագային լավատեսորեն նայելու կարողությունը, ինքնուրույնությունը։
📍 Մեծահասակների մոտ հիվանդության զարգացման հավանականությունը նվազեցնելու համար պետք է հետևել հետևյալ առաջարկություններին.
առողջ սնունդ - ավելի շատ թարմ մրգեր և բանջարեղեն, խորհուրդ է տրվում հրաժարվել կամ զգալիորեն նվազեցնել արագ սննդի, աղի, տապակած, ապխտած, թթու մթերքների օգտագործումը.
մի զբաղվեք ինքնաբուժմամբ. երբ ի հայտ գան առաջին տհաճ ախտանիշները, Դուք պետք է անհապաղ դիմեք մասնագետին և անցնեք հետազոտություն, դա մեծապես կնպաստի հետագա բուժմանը և կբարելավի ընթացքը.
հրաժարվել նստակյաց ապրելակերպից, ավելի շատ շարժվել, զբաղվել ֆիզիկական մարմնի առողջությամբ.
ամենօրյա զբոսանք մաքուր օդում, գտնել սիրելի հոբբի․
հնարավորինս խուսափել սթրեսից (նվազեցնել վատ նորություններ ընթերցելը, դիտելը, կոնֆլիկտային միջավայրը)․
ամրապնդել իմունիտետը.
#նևրոզ #նևրասթենիա
#невроз #неврастения
