Dr. Ruzanna Sahakyan

18/02/2024

Քայլը արված է…

15/01/2024

09/01/2024

Մեր բժշկականը 👍

26/12/2022

Տարեվերջյան ջղայն գրառում․․․
Կարծում եմ մի քանի կետ կա, որ բուժառուն պետք է մեկ&միշտ ընդունի և հետևի․․․ ուրիշ տարբերակ չկա
1․ Չքննարկել բժշկի նշանակումները - բացարձակ միևնույն է, թե դուք հարգելի բուժառուներ ինչ կրթություն ունեք, ինչքան լավ եք տիրապետում գուգլելու նուրբ արվեստին և Ձեր դիմացի հարևանը նույն խնդրով բուժվել է լրիվ ուրիշ ձևով։ Եթե ես եմ Ձեր բժիշկը, ապա վերջ․․․ չեք ուզում․․․ խնդրեմ․․․
2․ Բժիշկը ունի անձնական կյանք ու ժամանակ - ես հասկանում եմ, որ դուք չափազանց անհանգիստ եք ձեր, ձեր երեխայի, ձեր ծնողի կամ ցանկացած այլ հարազատի առողջությամբ, բայց եթե հարց ունեք իրոք շտապ - զանգում եք 1-03․․․ կամ էլ սպասեք հաջորդ օրվան․․․ եթե բժիշկը պատասխանել է Ձեր ժամանակին շատ շատ ու էլի շատ տգեղ է հիշեցնել, որ երեկ կամ ինչ-որ մի օր ես զանգել եմ, ու դու էլ չես պատասխանել․․․ այո չեմ պատասխանել, քանի որ հենց այդ պահին հնարավոր է եղել եմ զուգարանում կամ էլ ավելի կարևոր գործով եմ զբաղվել, օրինակ այդ պահին մեկ ուրիշ բուժառու էի զննում․․․
3․ Գրեցի հետո ջնջեցի․․․ շատ վատ բաներ էի գրել
4․ Ոչ մի օնլայն խորհրդատվություն - ամեն անգամ ասում եմ, բայց չեմ անում - եթե Ձեզ հարմար չի աշխատանքից դուրս գալ, եթե հեռու եք ապրում, ու էլի շատ եթեներ, ապա ես բացարձակ պարտավորված չեմ Ձեր խնդիրը կարևորել և զբաղվել - բացառությամբ - տեղաշարժման խնդիր ունեցողները - հաշմանդամները, արտերկրի մեր հայրենակիցները, որոնք չունեն հնարավորություն տեղում դիմել մասնագետի, Արցախի մեր հայրենակիցները (չնայած տեղում շատ լավ մասնագետներ կան)։ Չզարմանաք, որ Ձեր հարցերին ինչ անեմ այս կամ այն դեպքում ստանալու եք պատասխան, մոտեցեք տեսնեմ
5․ Միմիայն հայատառ․․․ վերջ․․․ հունվարի մեկից բացառվում է այլ լեզվով պատասխանել․․․ նեղանալ չլինի․․․ ես իհարկե հեռում եմ գրագիտությունից, բայց իմ լեզուն շատ ավելի շատ եմ սիրում ու հարգում․․․
6․ Հաջորդ տարի - ոչ մի այցելու առանց հերթագրման․․․ չէ ու վերջ․․․ ով ուզում է լինի․․․ չկա տարբերակ․․․ փակ է․․․ հատկապես դիմում եմ իմ սիրելի ընկերներ բժիշկներին, ովքեր հուսով եմ վստահելով են ինձ այցելուներ ուղարկում․․․ բայց չեմ ընդունի․․․ միայն հերթագրում․․․
7․ Արդեն ժամանակն է մի քիչ էլ ես ինձ գնահատեմ․․․ թե չէ ինչ ուզում ես արա․․․ մեկա բուժառուն դժգոհ է․․․

Հ․Գ․ Ես գիտեմ, հիմա գրելու եք, որ իմ նմանը չկա, ես սենց, ես նենց - բայց արդեն լավ էլ հասկացել եմ․․․ դա մանիպուլյացիայի ձև է․․․ կարող է առանց հասկանալու եք անում․․․ բայց անում եք․․․

Հ․Հ․Գ․ Սիրում եմ բոլորին․․․ մինչև տոները, որ տրամադրություն լինի, մի լավ դրական պոստ էլ կանեմ․․․

Հ․Հ․Հ․Գ․ գրեթե բոլորիդ

28/08/2022

Վիրուսների ակտիվացման ֆոնին անհրաժեշտ է իմանալ 🦠

21/06/2022

🏖Ակտիվ ու օգտակար աշխատանքից հետո շատերի նման ես էլ չդիմացա ամառվա գայթակղությանը և որոշեցի մի փոքր հանգստանալ:⁣⁣⠀
⁣⁣⠀
🏝Բոլորիդ մաղթում եմ բարի հանգիստ: Կհանդիպենք աշնանը՝ վստահեցնում եմ ձեզ համար նոր ու հետաքրքիր բացահայտումներով:⁣⁣⠀
⁣⁣⠀
📑Հարցերին միշտ պատրաստ եմ պատասխանելու:⁣⁣⠀
⁣⁣⠀
Ապրեք առողջ և երջանիկ:⁣⁣⠀
⁣⁣⠀
_______________⁣⁣⠀
Հարգանքներով՝⁣⁣⠀
⁣⁣⠀
Dr. ʀᴜᴢᴀɴɴᴀ sᴀʜᴀᴋʏᴀɴ ⁣⁣⠀
🥼ᴅᴇʀᴍᴀᴛᴏʟᴏɢɪsᴛ⁣⁣⠀
📍sᴏᴜʀʙ ᴀsᴛᴠᴀᴛsᴀᴍᴀʏʀ ᴍᴇᴅɪᴄᴀʟ ᴄᴇɴᴛʀᴇ⁣⁣⠀
☎️+(𝟯𝟳𝟰)𝟵𝟭-𝟬𝟬𝟳𝟳𝟮𝟮

16/06/2022

Ծանոթացեք, իմ փոքրիկ պացիենտը, այժմ իմ լավ բարեկամը, որն ապրելով օվկիանոսից այն կողմ, Հայաստան հյուր գալիս՝ չի մոռանում այցելել նաև իր բժշկուհուն: ⁣⁣⠀
⁣⁣⠀
Չեմ ժխտի, իսկապես շոյված եմ...
•
•
•

07/06/2022

🔎ՔՐՏՆԱԽԱՇ⁣⁣⠀
⁣⁣⠀
Գործնականորեն բոլոր երեխաները առընչվում են այս ախտահարման հետ, իսկ մայրիկները կիրառում են հնարավոր և անհնարին բոլոր միջոցները՝ նրանից զերծ մնալու համար:⁣⁣⠀
⁣⁣⠀
⁉️Իսկ ի՞նչ է քրտնախաշը:⁣⁣⠀
⁣⁣⠀
Այն օրգանիզմի արձագանքն է հավելյալ ջերմության և քրտինքի նկատմամբ, որը արտահայտվում է մաշկի ցանավորմամբ (սպիտակից կարմիր): Նորածնային տարիքում այն պայմանավորված է նաև երեխայի ջերմակարգավորման անկայունությամբ:⁣⁣⠀
⁣⁣⠀
ՊԱՏՃԱՌՆԵՐԸ⁣⁣⠀
⁣⁣⠀
ℹ️Տաք և սինթետիկ հագուստ,⁣⁣⠀
ℹ️Տակդիրների ուշացած փոխում,⁣⁣⠀
ℹ️Անբավարար օդային և ջրային լոգանքներ⁣⁣⠀
ℹ️Խիստ ճարպոտ խնամքի միջոցներ՝ հատկապես շոգ եղանակներին:⁣⁣⠀
⁣⁣⠀
ՄԵԽԱՆԻԶՄԸ⁣⁣⠀
⁣⁣⠀
🟡Քրտնագեղձերի ծորանների ժամանակավոր խցանում, որը բերում է մաշկի բորբոքային ցանավորման:⁣⁣⠀
⁣⁣⠀
ՏԵՍԱԿՆԵՐԸ⁣⁣⠀
⁣⁣⠀
🔺Բյուրեղային (առանց գանգատների)⁣⁣⠀
🔺Կարմիր (բորբոքում, քոր, երկրոդային ինֆեկցիայի վտանգ):⁣⁣⠀
⁣⁣⠀
ՊՐՈՖԻԼԱԿՏԻԿԱ⁣⁣⠀
⁣⁣⠀
🟠Ճիշտ հիգիենա և խնամք օդային լոգանքներ (10-15 րոպե), ⁣⁣⠀
ջրային լոգանքներ՝ օճառը կիրառել անհրաժեշտության դեպքում⁣⁣⠀
⁣⁣⠀
🔎🔺Հատուկ բուժում միայն բարդացած դեպքերում՝ մասնագետի նշանակումով և հսկողությամբ:⁣⁣⠀
⁣⁣⠀
_______________⁣⁣⠀
Հարգանքներով՝⁣⁣⠀
⁣⁣⠀
Dr. ʀᴜᴢᴀɴɴᴀ sᴀʜᴀᴋʏᴀɴ ⁣⁣⠀
🥼ᴅᴇʀᴍᴀᴛᴏʟᴏɢɪsᴛ⁣⁣⠀
📍sᴏᴜʀʙ ᴀsᴛᴠᴀᴛsᴀᴍᴀʏʀ ᴍᴇᴅɪᴄᴀʟ ᴄᴇɴᴛʀᴇ⁣⁣⠀
☎️+(𝟯𝟳𝟰)𝟵𝟭-𝟬𝟬𝟳𝟳𝟮𝟮⁣⁣⠀
⁣⁣⠀
⁣⁣

30/05/2022

🧴ՔՍՈՒՔՆԵՐ. ՈՏՔԵՐԻ ԵՎ ՁԵՌՔԵՐԻ⁣⁣⠀
Արդյոք գիտե՞ք տարբերությունը⁣⁣⠀
⁣⁣⠀
🔎Տարբերությունը ձեռքերի և ոտքերի քսուքների միջև պայմանավորված է մաշկի կառուցվածքային և ֆունկցիոնալ տարբերությամբ։⁣⁣⠀
⁣⁣⠀
🤲🏻Ձեռքերի մաշկը ավելի բարակ է, արտաքին միջավայրի հետ շփվելիս հիմնականում բաց և ավելի արագ է կորցնում հեղուկը։ Այդ իսկ պատճառով ձեռքերի քսուքները ունեն ավելի շատ խոնավեցնող հատկություն, հարուստ են էմոլենտներով (չորությունը և կնճիռները կանխարգելու համար): ⁣⁣⠀
⁣⁣⠀
🦶🏻Ոտքերի մաշկը ավելի հաստ է, աղքատ ճարպագեղձերով, քայլելիս ենթարկվում է մեխանիկական ճնշման, որի ժամանակ կարող են առաջանալ ճաքեր և կոշտուկներ։ Ոտքերի քսուքները առավել հագեցած են ճարպով, սնուցող և վերականգնող նյութերով (պանտենոլ, եթերայուղեր), որոնք ապահովում են մաշկի ակտիվ վերականգնումը։⁣⁣⠀
⁣⁣⠀
🔬Գիտության առաջընթացը նպաստում է նաև խնամքի միջոցների արդիականացմանը: Շուկայում առկա խնամքի միջոցները հագեցած են ոչ միայն խոնավեցնող և սնուցող այլև շերտազատող, հակատարիքային, սպիտակեցնող և այլն նյութերով: Այդ իսկ պատճառով շատ կարևոր է քսուքի ճիշտ ընտրությունը և առկա խառնուրդների անվտանգությունը։⁣⁣⠀
⁣⁣⠀
🗞Խորհուրդս՝ կարդացեք քսուքների բաղադրությունը, ինչի համար են նախատեսված, պարունակում են արդյո՞ք արևապաշտպան բաղադրիչ, ստուգեք անհատական զգայունությունը։⁣⁣⠀
⁣⁣⠀
ԱՊՐԵՔ ԱՌՈՂՋ Եւ ԳԵՂԵՑԻԿ⁣⁣⠀
_______________⁣⁣⠀
Հարգանքներով՝⁣⁣⠀
⁣⁣⠀
Dr. ʀᴜᴢᴀɴɴᴀ sᴀʜᴀᴋʏᴀɴ ⁣⁣⠀
🥼ᴅᴇʀᴍᴀᴛᴏʟᴏɢɪsᴛ⁣⁣⠀
📍sᴏᴜʀʙ ᴀsᴛᴠᴀᴛsᴀᴍᴀʏʀ ᴍᴇᴅɪᴄᴀʟ ᴄᴇɴᴛʀᴇ⁣⁣⠀
☎️+(𝟯𝟳𝟰)𝟵𝟭-𝟬𝟬𝟳𝟳𝟮𝟮
•
•

25/05/2022

18/05/2022

🔎Ռոզացեա⁣⁣⠀
⁣⁣⠀
Խրոնիկական մաշկային հիվանդություն է, որը արտահայտվում է մաշկի կարմրությամբ, մանր անոթների լայնացումներով (տելեանգիէկտազիաներ),⁣⁣⠀
պապուլո-պուստուլյոզ ցանավորմամբ։⁣⁣⠀
⁣⁣⠀
ՏԵՂԱԿԱՅՈՒՄ⁣⁣⠀
⁣⁣⠀
🔺Դեմք-այտոսկրի շրջան, կզակ, քիթ, շուրջբերանային հատված⁣⁣⠀
🔺Գլխի մազածածկ հատված⁣⁣⠀
🔺Ականջախեցիներ⁣⁣⠀
🔺Ուսագոտի⁣⁣⠀
🔺Շատ հազվադեպ էպիգաստրալ շրջան ⁣⁣⠀
⁣⁣⠀
ՊԱՏՃԱՌԱԳԻՏՈՒԹՅՈՒՆ⁣⁣⠀
⁣⁣⠀
🧬Մաշկի գենետիկ վիճակ՝ մազանոթների պատի կառուցվածքային և ռեակտիվականության առանձնահատկություններ⁣⁣⠀
⁣⁣⠀
ԱՐՏԱՔԻՆ ՊԱՏՃԱՌՆԵՐ⁣⁣⠀
⁣⁣⠀
1️⃣Կծու կամ խիստ համեմված աննդի հաճախակի օգտագործում⁣⁣⠀
2️⃣Քիմիական պիլինգ⁣⁣⠀
3️⃣Տաքի (ջուր,օդ) երկարատև ազդեցություն⁣⁣⠀
4️⃣Հորմոնոթերապիա⁣⁣⠀
5️⃣Ալկոհոլի չարաշահում և այլն ⁣⁣⠀
⁣⁣⠀
ՆԵՐՔԻՆ ՊԱՏՃԱՌՆԵՐ⁣⁣⠀
⁣⁣⠀
🔎Աղեստամոքսային տրակտի հիվանդություններ⁣⁣⠀
🔎Էնդոկրին խանգարումներ⁣⁣⠀
🔎Ֆոտոզգայնություն⁣⁣⠀
🔎Ծայրամասային միկրոցիրկուլյացիայի խանգարումներ․․․⁣⁣⠀
⁣⁣⠀
📌Կարող է համատեղվել ակնեի հետ։ ⁣⁣⠀
Ավելի հաճախ հանդիպում է 30-40 տարեկանում։⁣⁣⠀
⁣⁣⠀
Ախտորոշումը դժվարություն չէ, պետք է բացառել դեմոդեքսի տիզի առկայությունը, դիֆերենցել կարմիր գայլախտից, շուրջբերանային և սեբորեային դերմատիտներից։⁣⁣⠀
⁣⁣⠀
__________⁣⁣⠀
🔎ԲՈՒԺՈՒՄ⁣⁣⠀
⁣⁣⠀
Դժվար է ենթարկվում բուժման․⁣⁣⠀
Պետք է բացառել պատճառները, դեղորայքային բուժումը և ֆիզիոթերապիան նշանակվում է բժշկի կողմից՝ դինամիկ հսկողությամբ։⁣⁣⠀
⁣⁣⠀
_______________⁣⁣⠀
Հարգանքներով՝⁣⁣⠀
⁣⁣⠀
Dr. ʀᴜᴢᴀɴɴᴀ sᴀʜᴀᴋʏᴀɴ ⁣⁣⠀
🥼ᴅᴇʀᴍᴀᴛᴏʟᴏɢɪsᴛ⁣⁣⠀
📍sᴏᴜʀʙ ᴀsᴛᴠᴀᴛsᴀᴍᴀʏʀ ᴍᴇᴅɪᴄᴀʟ ᴄᴇɴᴛʀᴇ⁣⁣⠀
☎️+(𝟯𝟳𝟰)𝟵𝟭-𝟬𝟬𝟳𝟳𝟮𝟮

13/05/2022

💅ԳԵԼ-ԼԱՔ.⁣⁣⠀
ՕԳՈՒՏ ԹԵ՞ ՎՆԱՍ⁣⁣⠀
⁣⁣⠀
Գել-լաքը բավականին դյուրացնելով եղունգների խնամքն ու պահպանելով գեղեցիկ տեսքը, ունի իր բացասական ազդեցությունը եղունգների վրա:⁣⁣⠀
⁣⁣⠀
🔎Այն իրենից ներկայացնում է բարդ քիմիական բաղադրությամբ հիդրոլիզացված կոլագեն, որը ուլտրամանուշակագույն լույսի ազդեցության տակ «հալվում» և կարծես ձուլվում է եղնգաթիթեղի վերին շերտի հետ: Եվ այդ պատճառով այն հեռացնելու ժամանակ վնասվում է նաև եղունգի վերին շերտը՝ իր բոլոր տհաճ հետևանքներով.⁣⁣⠀
⁣⁣⠀
📌Եղունգների բարակում և չորություն,⁣⁣⠀
📌շերտավորում,⁣⁣⠀
📌գույնի և ձևի փոփոխություն,⁣⁣⠀
📌ուլտրամանուշակագույն լույսի⁣⁣⠀
բացասական ազդեցություն ձեռքերի մաշկի վրա:⁣⁣⠀
⁣⁣⠀
Այս իսկ պատճառով ցանկալի է իմանալ գել-լաքից ԱՆՎՆԱՍ օգտվելու մի քանի կանոն: ⁣⁣⠀
⁣⁣⠀
🍃Գել-լաքից օգտվելուց առաջ ձեռքերին քսել արևապաշտպան քսուք (SPF 30 և բարձր), հատկապես եթե ձեռքերին կամ ոտքերին առկա են խալեր:⁣⁣⠀
⁣⁣⠀
🍃2 անգամ անընդմեջ գել-լաքից օգտվելուց հետո անհրաժեշտ է 3 ամիս դադար: ⁣⁣⠀
⁣⁣⠀
🍃Սնվել կալցիումով և ցինկով հարուստ սննդամթերքով (բժշկի խորհրդատվությամբ):⁣⁣⠀
⁣⁣⠀
🍃Դիմակ եղունգների համար.⁣⁣⠀
Լիմոնի կամ նարնջի պտղամիսը տրորել, քսել եղունգներին և թողնել 30 րոպե:⁣⁣⠀
⁣⁣⠀
🍃Եղունգները մշակել ծիրանի կամ ձիթապտղի յուղով:⁣⁣⠀
⁣⁣⠀
Եղե՛ք առողջ և գեղեցիկ⁣⁣⠀
_______________⁣⁣⠀
Հարգանքներով՝⁣⁣⠀
⁣⁣⠀
Dr. ʀᴜᴢᴀɴɴᴀ sᴀʜᴀᴋʏᴀɴ ⁣⁣⠀
🥼ᴅᴇʀᴍᴀᴛᴏʟᴏɢɪsᴛ⁣⁣⠀
📍sᴏᴜʀʙ ᴀsᴛᴠᴀᴛsᴀᴍᴀʏʀ ᴍᴇᴅɪᴄᴀʟ ᴄᴇɴᴛʀᴇ⁣⁣⠀
☎️+(𝟯𝟳𝟰)𝟵𝟭-𝟬𝟬𝟳𝟳𝟮𝟮

06/05/2022

🔎ՍԹՐԵՍԸ ԵՒ ՄԱՇԿԸ⁣⁣⠀
⁣⁣⠀
Սթրեսը օրգանիզմի հոգեբանական և ֆիզիկական լարվածության վիճակն է ի պատասխան արտաքին նեգատիվ ազդեցությունների: ⁣⁣⠀
⁣⁣⠀
Այն առաջանում է՝⁣⁣⠀
⁣⁣⠀
📌դժվար իրավիճակներում, ⁣⁣⠀
📌էմոցիոնալ լարվածության, ⁣⁣⠀
📌մոնոտոն գործունեության ժամանակ և այլն:⁣⁣⠀
⁣⁣⠀
📊Սթրեսային իրավիճակներում օրգանիզմում ավելանում են սթրեսային հորմոնները (կորտիզոլ, ադրենալին), գրգռվում է սիմպատիկ նյարդային համակարգը, որը բերում է մաշկի իմուն բջիջների գործունեության խաթարմանը և պաշտպանական ֆունկցիայի ընկճմանը:⁣⁣⠀
⁣⁣⠀
📢ԱՅՍՊԻՍՈՎ⁣⁣⠀
⁣⁣⠀
Սթրեսը նպաստում է մաշկի բորբոքային, ալերգիկ ինֆեկցիոն հիվանդությունների սրացմանը կամ առաջացմանը:⁣⁣⠀
Օրինակ՝ պսորիազի 40%-ի պարագայում առաջին դեպքերը նկատվում են սթրեսից հետո:⁣⁣⠀
⁣⁣⠀
🔎Սթրեսի արդյունքում խաթարվում է մաշկի ճարպագոյացման պրոցեսը, որը նպաստում է ակնեի սրացմանը, սրանում են ալերգիաները, հորմոնալ դիսբալանսի արդյունքում կարող է նկատվել մազաթափություն գլխամաշկի վրա, մազերի աճ դեմքին և մարմնին:⁣⁣⠀
🔎Սթրեսի արդյունքում⠀առաջացած գերքրտնարտադրությունից մաշկը ջրազրկվում է, որի արդյունքում առաջանում է մաշկի չորություն, քոր, կնճիռների առաջացում:⁣⁣⠀
⁣⁣⠀
🌀Այսպիսով շատ կարևոր է հոգու և մարմնի ներդաշնակությունը:⁣⁣⠀
⁣⁣⠀
Եղեք առողջ և գեղեցիկ⁣⁣⠀
______________________⁣⁣⠀
Հարգանքներով՝⁣⁣⠀
⁣⁣⠀
Dr. ʀᴜᴢᴀɴɴᴀ sᴀʜᴀᴋʏᴀɴ ⁣⁣⠀
🥼ᴅᴇʀᴍᴀᴛᴏʟᴏɢɪsᴛ⁣⁣⠀
📍sᴏᴜʀʙ ᴀsᴛᴠᴀᴛsᴀᴍᴀʏʀ ᴍᴇᴅɪᴄᴀʟ ᴄᴇɴᴛʀᴇ⁣⁣⠀
☎️+(𝟯𝟳𝟰)𝟵𝟭-𝟬𝟬𝟳𝟳𝟮𝟮
•
•

01/05/2022

📢ՊՍՈՐԻԱԶ ԿԱՄ ԱՌՈՂՋ ՄԱՐԴՈՒ ՀԻՎԱՆԴՈՒԹՅՈՒՆ⁣⁣⠀
⁣⁣⠀
❓Իսկ դուք գիտե՞ք⁣⁣⠀
⁣⁣⠀
✔️«Հրեշի վարդեր»⁣⁣⠀
⁣⁣⠀
Հին ժամանակներում այպես են կոչել հիվանդությունը, որը ուղեկցվում էր մաշկի կարմրությամբ և թեփոտումով:⁣⁣⠀
⁣⁣⠀
✔️Պսորիազը դասվում էր քոսի, վիտիլիգոյի, լեպրայի հետ միևնույն շարքում և պսորիզով հիվանդ մարդկանց ստիպում էին կրել հատուկ հագուստ կամ զանգ կախել իրենց վրա:⁣⁣⠀
⁣⁣⠀
✔️Երկիր մոլորակի գոյության ընթացքում պսորիազով հիվանդների թիվը հասել է 5,5 մլրդ-ի:⁣⁣⠀
⁣⁣⠀
✔️Համարվում էր, որ պսորիազը Աստծո «նշան է» բնորոշ արտիստական տաղանդ ունեցողներին:⁣⁣⠀
⁣⁣⠀
✔️Հայտնի պսորիատիկներ՝ Իոսիֆ Ստալին, Բենջամին Ֆրանկլին, Ուինստոն Չերչիլ , Ջոն Ռոքֆելլեր, Քիմ Քարդաշյան:⁣⁣⠀
⁣⁣⠀
✔️Մուգ մաշկով մարդիկ ավելի հազվադեպ են հիվանդանում պսորիազով, քան սպիտակամորթները:⁣⁣⠀
⁣⁣⠀
✔️Կանաչ թեյի օգտագործումը նվազեցնում է պսորիազով հիվանդանալու ռիսկը:⁣⁣⠀
⁣⁣⠀
✔️Ծխող կանանց մոտ 78%-ով բարձր է պսորիազով հիվանդանալու հաճախականությունը:⁣⁣⠀
⁣⁣⠀
✔️Հղիության ընթացքում հիվանդության սրացումները գնում են ինքնալավացման:⁣⁣⠀
⁣⁣⠀
✔️Պատերազմների ժամանակ պսորիազով հիվանդացությունը նվազում է:⁣⁣⠀
⁣⁣⠀
✔️Մարդկության պատմության ընթացքում չի եղել գեթ մեկ դեպք, երբ պսորիազը հիվանդ մարդուց անցնի առողջին, նույնիսկ արյան փոխներարկման դեպքում:⁣⁣⠀
⁣⁣⠀
Ապրեք առողջ և գեղեցիկ⁣⁣⠀
_______________⁣⁣⠀
Հարգանքներով՝⁣⁣⠀
⁣⁣⠀
Dr. ʀᴜᴢᴀɴɴᴀ sᴀʜᴀᴋʏᴀɴ ⁣⁣⠀
🥼ᴅᴇʀᴍᴀᴛᴏʟᴏɢɪsᴛ⁣⁣⠀
📍sᴏᴜʀʙ ᴀsᴛᴠᴀᴛsᴀᴍᴀʏʀ ᴍᴇᴅɪᴄᴀʟ ᴄᴇɴᴛʀᴇ⁣⁣⠀
☎️+(𝟯𝟳𝟰)𝟵𝟭-𝟬𝟬𝟳𝟳𝟮𝟮
•
•

25/04/2022

🔔ԳՈՏԵՒՈՐՈՂ ՀԵՐՊԵՍ ԿԱՄ ⁣⁣⠀
(գոտևորող որքին)⁣⁣⠀
⁣⁣⠀
Ինֆեկցիոն հիվանդություն է, հարուցիչը նույն ջրծաղիկի վիրուսը: Հիվանդանում են հիմնականում այն մարդիկ, որոնք նախկինում ունեցել են կոնտակտ վիրուսի հետ (հիվանդացել են ջրծաղիկով):⁣⁣⠀
⁣⁣⠀
🔎ԿԼԻՆԻԿԱ⁣⁣⠀
⁣⁣⠀
Մանրբշտիկային ցանավորում, տեղակայված ախտահարված նյարդի երկայնքով: Կարող է ախտահարվել մարմնի ցանկացած հատված: ⁣⁣⠀
Կարող են նկատվել մանր, կարմիր, թեթև այտուցված բծեր, որոնց վրա առաջանում են բշտիկներ: Ուղեկցվում է բութ, երբեմն այրող ցավով, որը նկատվում է ցանի առաջացումից առաջ և կարող է շարունակվել առողջանանալուց հետո:⁣⁣⠀
⁣⁣⠀
📌ԲՈՒԺՈՒՄ⁣⁣⠀
⁣⁣⠀
✅Տեղային և ընդհանուր հակավիրուսային բուժում, բշտիկների մշակում անիլինային ներկերով: ✅Վիտամինոթերապիա, ոչ ստերիոդային հակաբորբոքային միջոցներ, անալգետիկներ:⁣⁣⠀
✅Դինամիկ հսկողություն բժշկի կողմից:⁣⁣⠀
⁣⁣⠀
❗️Դրական արդյունք է տալիս ճիշտ ժամանակին նշանակված ֆիզիոթերապիան:⁣⁣⠀
⁣⁣⠀
Եղե՛ք առողջ⁣⁣⠀
_______________⁣⁣⠀
Հարգանքներով՝⁣⁣⠀
⁣⁣⠀
Dr. ʀᴜᴢᴀɴɴᴀ sᴀʜᴀᴋʏᴀɴ ⁣⁣⠀
🥼ᴅᴇʀᴍᴀᴛᴏʟᴏɢɪsᴛ⁣⁣⠀
📍sᴏᴜʀʙ ᴀsᴛᴠᴀᴛsᴀᴍᴀʏʀ ᴍᴇᴅɪᴄᴀʟ ᴄᴇɴᴛʀᴇ⁣⁣⠀
☎️+(𝟯𝟳𝟰)𝟵𝟭-𝟬𝟬𝟳𝟳𝟮𝟮
•

20/04/2022

🥼Որպես պրակտիկ բժիշկ, որը զբաղվում է նաև մանկական մաշկաբանությամբ շատ հաճախ եմ լսում այսպես կոչված череда-ի (հայերեն անունը՝ կատվալեզու) մասին։⁣⁣⠀
⁣⁣⠀
🔎Կատվալեզվի բուժական ազդեցությունը հայտնի է եղել դեռ շատ վաղուց: Չինացիները մաշկի ախտահարումների ժամանակ կիրառել են թե՛ թուրմը, թե՛ ծաղիկները, ճապոնացիները՝ որպես ջերմիջեցնող միջոց, իսկ Տիբեթում բուժել են տրոֆիկ և սիբիրյան խոցերը, համարվել է բուժիչ միջոց օձի կծելու դեմ։⁣⁣⠀
⁣⁣⠀
📊Այսպիսով կատվալեզուն ունի հակաբորբոքային և անտիսեպտիկ ազդեցություն, հարուստ է Vit C-ով,⠀⠀ դադարեցնում է արյունահոսությունը, մաքրում է անոթները, օրգանիզմից հեռացնում է թույները, ռադիոակտիվ նյութերը, պայքարում է միզաքարային և լեղաքարային հիվանդությունների մազաթափության դեմ։⁣⁣⠀
⁣⁣⠀
📑Շատ լայն կիրառություն ունի մաշկաբանության մեջ որպես տեղային հակաալերգիկ միջոց թուրմի և քսուքների ձևով։⁣⁣⠀
⁣⁣⠀
🔰Կիրառվում է մանկական պրակտիկայում քրտնախաշի ժամանակ։ ⁣⁣⠀
🔰Ունի նաև հակակորյակային (угри) հատկություն։⁣⁣⠀
⁣⁣⠀
ՀԱԿԱՑՈՒՑՈՒՄՆԵՐ⁣⁣⠀
___________________⁣⁣⠀
⁣⁣⠀
📌Մաշկի չորություն,⁣⁣⠀
📌Անհատական բարձր զգայունություն⁣⁣⠀
📌Հղիներ, կերակրող մայրեր, ⁣⁣⠀
📌Արյան ցածր ճնշում,⁣⁣⠀
📌Խրոնիկական անքնություն,⁣⁣⠀
📌Ներընդունման ձևով մինչև 3 տարեկան երեխաներ:⁣⁣⠀
⁣⁣⠀
Եղե՛ք առողջ⁣⁣⠀
_______________⁣⁣⠀
Հարգանքներով՝⁣⁣⠀
⁣⁣⠀
Dr. ʀᴜᴢᴀɴɴᴀ sᴀʜᴀᴋʏᴀɴ ⁣⁣⠀
🥼ᴅᴇʀᴍᴀᴛᴏʟᴏɢɪsᴛ⁣⁣⠀
📍sᴏᴜʀʙ ᴀsᴛᴠᴀᴛsᴀᴍᴀʏʀ ᴍᴇᴅɪᴄᴀʟ ᴄᴇɴᴛʀᴇ⁣⁣⠀
☎️+(𝟯𝟳𝟰)𝟵𝟭-𝟬𝟬𝟳𝟳𝟮𝟮
•

16/04/2022

🪺Քրիստոս Հարյավ ի Մեռելոց

-Օրհնյալ է Հարությունը Քրիստոսի