11/12/2022
Արտադրություն սեռական ճեղքից. նորմա, թե ախտաբանություն
Մանկաբարձ-գինեկոլոգի էջ
#Մանկաբարձ- #գինեկոլոգ Հայկուհի Խաչատրյան
Բջջ. (098)171404
Viber` +37498171404
Նորմայում վերարտադրողական տարիքի կնոջ հեշտոցը չոր չէ. հեշտոցի լորձաթաղանթի գեղձերն արտադրում են սեկրետ, ինչը խոնավեցնում է այն և ունի պաշտպանական նշանակություն: Նորմայում արտադրությունը չի ուղեկցվում քորով, այրոցի, ցավի զգացումով, կարմրությամբ, չի ունենում տհաճ հոտ:
Դաշտաանային ցիկլի ընթացքում արտադրության բնույթը փոխվում է. դաշտանից հետո այն աղքատ է, թափանցիկ, չունի արտահայտված հոտ: Ցիկլի միջնամասում այն առատանում է, ձեռք է բերում լորձային բնույթ, ձգվող է դառնում: Այնուհետև արտադրությունը քչանում է, դառնում ավելի թանձր, կրեմանման: Սպասվող դաշտանից առաջ կրկին շատանում է:
Հղիների մոտ արտադրությունը, որպես կանոն, շատանում է, այն ավելի ջրիկ է:
Եթե կինն օգտագործում է հակաբեղմնավորիչ հաբեր, արտադրությունն ավելի քիչ է, ինչը վերականգնվում է հաբերի ընդունումը դադարեցնելուց հետո:
Արտադրության բնույթը փոխվում է նաև սեռական հարաբերության ժամանակ. Անպաշտպան հարաբերությունից հետո թափանցիկ մակարդուկների է նմանվում, իսկ մի քանի ժամ անց՝ դառնում ավելի առատ, ջրիկ, սպիտակավուն: Պաշտպանված հարաբերությունից հետո արտադրությունն ավելի սակավ է, կրեմանման:
Եթե արտադդրոությունն ուղեկցվում է քորով, այրոցի զգացումով, ցավով սեռական հարաբերության և միզարձակման ժամանակ, փոխվում է արտադրության հոտը, գույնը կոնսիստենցիան, ապա պետք է դիմել գինեկոլոգի, ով կնշանակի համապատասխան հետազոտություններ և բուժում:
Մանկաբարձ-գինեկոլոգ Հայկուհի Խաչատրյան
Բջջ. (098)171404
Viber` +37498171404
