Dr. Narine Voskanyan/ Գինեկոլոգ Նարինե Ոսկանյան

  • Home
  • Armenia
  • Yerevan
  • Dr. Narine Voskanyan/ Գինեկոլոգ Նարինե Ոսկանյան

Dr. Narine Voskanyan/ Գինեկոլոգ Նարինե Ոսկանյան Մանկաբարձ-գինեկոլոգ, թիվ 4 պոլիկլինիկա ՓԲԸ

Քաշն արագ իջեցնելու առողջության համար անվտանգ միջոց է բեռնաթափման օրերի սահմանումը: Ընտրեք շաբաթվա մեջ ձեզ համար հարմար ...
28/12/2025

Քաշն արագ իջեցնելու առողջության համար անվտանգ միջոց է բեռնաթափման օրերի սահմանումը: Ընտրեք շաբաթվա մեջ ձեզ համար հարմար օր, ձեզ համար ընդունելի սննդամթերք, օրինակ՝ 1կգ վարունգ, կամ 1կգ կաղամբ, կամ 1 կգ բրոկոլի, կամ 1լ մածուն բաժանեք 6 մասի և կերեք ողջ օրվա ընթացքում այդ մեկ տեսակի սնունդը և 2լ հեղուկ միայն ջրի տեսքով, բացառելով նաև սուրճն ու թեյը:
Ամիսը 2 կգ-ով քաշի իջեցումը համարվում է անվտանգ օրգանիզմի համար: Լավ արդյունք է համարվում նախնական քաշի 10%-ի իջեցումը: Պետք չէ ձգտել մոդելային կազմվածքի, քանի որ յուրաքանչյուրն ունի գենետիկորեն կանխորոշված քաշ իր կյանքի որոշակի տարիքում: Գոյություն ունի մարմնի զանգվածի ինդեքս, որը նորմայում 18-26-ն է, ավելի բարձրը դիտվում է որպես քաշի ավելցուկ, իսկ ցածրը՝ քաշի դեֆիցիտ: Հաշվարկը կատարվում է հատուկ բանաձևով՝ քաշի հարաբերությունը հասակի մ2:
Կարևոր է նաև գոտկատեղի շրջագիծը, այն չպետք է գերազանցի 80 սմ-ը կանանց, 94 սմ-ը՝ տղամարդկանց մոտ: Սրտի հիվանդություններից մահացության, դիաբետի, քաղցկեղի բարձր ռիսկը մեծանում է, եթե գոտկատեղի շրջագիծը կանանց մոտ գերազանցում է 88սմ-ը, իսկ և տղամարդկանց մոտ՝ 102 սմ-ը:

Ինչ առողջական խնդիրներ կարող է առաջացնել ճարպակալումըՄարդկանց մեծ մասը ժամանակ չունենալու պատճառով սնվում է օրը1անգամ, ո...
25/12/2025

Ինչ առողջական խնդիրներ կարող է առաջացնել ճարպակալումը
Մարդկանց մեծ մասը ժամանակ չունենալու պատճառով սնվում է օրը1անգամ, որը սննդային վարքագծի ամենամեծ սխալն է:
Նման ռեժիմով սնվելու դեպքում շուտով կսկսվեն առողջական խնդիրներ՝
Նախ՝ խանգարվում է նյութափոխանակությունը. օրգանիզմն անցնում է խնայողկան ռեժիմի և բոլոր ներմուծվող կալորիաները կուտակվում են ճարպային դեպոյում, հետևաբար մարդն սկսում է հավաքել ավելորդ քաշ: Սա շաքարային դիաբետի առաջացմանը նպաստող վիճակ է: Երկրորդ՝ երկարաժամյա սովը բերում է, այսպես կոչված, «գայլի» ախորժակի և պահանջվածից ավելի մեծ քանակի սննդի կլանման, որը նույնպես մարսողական համակարգի խանգարման պատճառ է (փքվածություն, գազեր):
Սննդի ընդունումը լինում է մեծ մասամբ օրվա երեկոյան ժամերին, աշխատանքի ավարտից հետո, երբ մարդը կարիք ունի հանգստանալու և պասսիվ վիճակում է:Ընդունած սննդից ստացված էներգիան չի ծախսվում և, հետևաբար, կուտակվում է ճարպի տեքով:
Երրորդ՝ ռեժիմի բացակայույթունը և կիսաքաղցած վիճակը կարող է խթանել սննդային վարքագծի խանգարման: Տանջված օրգանիզմը կպահանջի նորմայից ավելի սնունդ կամ կհրաժարվի սնունդ ընդունել:
Շատ կարևոր է իմանալ, որ ընդունած սննդի և ծախսված էներգիայի կալորիաները պետք է լինեն համարժեք, այսինքն, որքան ընդունել եք՝ այդքան էլ պիտի ծախսեք, այլապես ավելորդ կալորիաները կպահեստավորվեն ճարպի տեսքով: Դա նշանակում է, որ սնունդ ընդունելուց հետո չպետք է պառկել, առավել ևս, քնել, այլ անհրաժեշտ է ֆիզիկական ակտիվություն:

Ցանկացած սննդակարգ, որին հետևում եք որոշակի ժամանակահատվածում, և որից հետո անցնում եք ձեր նախկին ռեժիմին, դուք կստանաք ժ...
22/12/2025

Ցանկացած սննդակարգ, որին հետևում եք որոշակի ժամանակահատվածում, և որից հետո անցնում եք ձեր նախկին ռեժիմին, դուք կստանաք ժամանակավոր էֆեկտ և այն դադարեցնելուց հետո շատ արագ քաշը կվերադառնա նախկին թվերին:
Դիետոլոգները (այժմ անվանում են նաև նուտրիցիոլոգ), խորհուրդ են տալիս մշակել սնման ռեժիմի հետևյալ կանոնները՝
• Ընդունել սնունդ օրվա նույն ժամերին;
• Սննդի մի քանի անգամյա ընդունում (օրական 3-4 անգամ)
• Սննդի ընդունման կոնկրետ ինտերվալների պահպանում (3-4 ժամը մեկ);
• Օրվա ընթացքում սննդի քանակի և որակի բաշխում կոնկրետ սննդատեսակներով:
Ինտերվալների ընթացքում թույլատրվում են միայն հեղուկներ ջրի կամ թեյերի ձևով:
Մարսողությունը ենթարկվում է օրգանիզմի ռիթմիկ աշխատանքին, այդ պատճառով սննդի ռեժիմը պետք է կառուցվի մարսողական օրգանների աշխատանքի ռիթմին համապատասխան:
Գիշերը և առավոտյան մարսողական համակարգը գտնվում է բնական հանգստի մեջ, այդ պատճառով խորհուրդ չի տրվում ուտել այդ ժամերին, իսկ առավոտյան պետք է սնվել արթնանալուց հետո մեկ ժամվա ընթացքում, երբ այն սկսում է ակտիվանալ, իր մաքսիմումին հասնում է կեսօրին, իսկ դեպի երեկո նորից սկսում է իջնել:
Սննդի ընդունման ամենաօպտիմալ ժամերն են. Նախաճաշ՝ 7:00-10:00, ճաշ` 12:00-14:00, ընթրիք` 17:00-20:00: Սննդի վերջին ընդունումը պետք է լինի քնելուց առաջ ոչ ուշ, քան 3 ժամը և յուրքանչյուր ընդունման չափաբաժինը չպետք է գերազնցի 200 գ-ը կանանց, 300գ-ը՝ տղամարդկանց համար:
Մշակեք օգտակար սովորություն՝ նախաճաշից 20 րոպե առաջ խմեք 1-2 բաժակ գոլ ջուր, որը կխթանի նյութափոխանակությունը, լեղու արտադրությունը և հեղուկի քանակը օրգանիզմում: Իսկ օրվա ընթացքում ջրի քանակը կախված եղանակից պետք է լինի 2-2,5լ:

Ավելորդ քաշ և դաշտանային ցիկլ Ճարպային հյուսվածքի քանակը ուղղակիորեն կապված է օրգանիզմում հորմոնալ պրոցեսների հետ: Այդ պ...
18/12/2025

Ավելորդ քաշ և դաշտանային ցիկլ
Ճարպային հյուսվածքի քանակը ուղղակիորեն կապված է օրգանիզմում հորմոնալ պրոցեսների հետ: Այդ պատճառով քաշի կտրուկ փոփոխությունը ավելացման կամ դեֆիցիտի ձևով կարող է անդրադառնալ դաշտանային ֆունկցիայի վրա:
Ճարպակալման ամենաանմեղ պատճառներից է շատակերությունն ու քաղցրի չարաշահումը, իսկ քաշի դեֆիցիտի դեպքում՝ չհիմնավորված, հյուծող խիստ դիետաները: Արդյունքում ստանում ենք դաշտանային ցիկլի անկանոնություն, ընդհուպ մինչև դրա բացակայություն կամ արյունահոսություն, անպտղություն և այլն:

Ինքնուրույն ծննդաբերությունը հղիության ավարտի լավագույն սցենարն է: Որո՞նք են բնական ծննդաբերության ֆիզիոլոգիական առանձն...
24/11/2025

Ինքնուրույն ծննդաբերությունը հղիության ավարտի լավագույն սցենարն է:
Որո՞նք են բնական ծննդաբերության ֆիզիոլոգիական առանձնահատկությունները.
• Ծննդաբերությունից հետո կինը վերականգնվում է ավելի արագ և 2-3 օր անց կարող է վերադառնալ տուն;
• Մոր և մանկան համատեղ լինելու շնորհիվ ավելի շուտ է սկսվում կրծքով կերակրումը, խթանվում է կաթնարտադրությունը;
• Բացակայում է դեղորայքային ոչ ցանկալի ազդեցությունը պտղի վրա, որն անխուսափելի է վիրահատության ժամանակ;
• Հետծննդաբերական բարդությունների հավանականությունն ավելի ցածր է;
• Ծննդաբերական նեղ ուղիների ճնշման տակ երեխայի թոքերից աստիճանաբար դուրս են մղվում պտղաջրերը, որի շնորհիվ նա ավելի հեշտ է կատարում իր առաջին շունչը և, հետևաբար, ավելի արագ է հարմարվում փոփոխված նոր միջավայրին;
• Մարսողական համակարգը ավելի արագ է բնակեցվում նորմալ միկրոֆլորայով, որի շնորհիվ ավելի քիչ են լինում մարսողական խնդիրներ:
Բնական ծննդաբերության ոչ այնքան հաճելի կողմերը՝
• Բնական ծննդաբերությունը ավելի երկար է տևում, հետևաբար նաև երկար է ցավերի շրջանը, սակայն, եթե ծնարանում կինը մտածում է, որ այլևս երբեք չի ծննդաբերի, ապա մի քանի ժամ կամ օր անց այդ ցավերը մոռացվում են;
• Հնարավոր է լինեն փափուկ հյուսվածքների պատռվածքներ, որոնք պետք է վերականգնվեն վիրաբուժական եղանակով: Այս դեպքում նույնպես կան վերքի լավացման հետ կապված անհարմարություններ, օրինակ, կարող է լինել կարի անբավարարություն, երբ սպին լիարժեք չի վերականգնվում, ինչն էլ հետագայոմ բերում է հեշտոցի պատերի իջեցման:
• Հնարավոր են պտղի տրավմաներ, անրակի կոտրվածք, հեմատոմաներ, որի ռիսկը մեծանում է սրընթաց կամ հակառակը՝ ձգձգված ծննդաբերության դեպքում:
Այսպիսով, ծննդալուծման եղանակի ընտրությունը անհատական մոտեցում է պահանջում:

Ծննդաբերություն բնական ուղիներով, թե՞ կեսարյան հատումով:Այս հարցը հուզում է մայրանալ պատրաստվող գրեթե բոլոր կանանց: Սակ...
21/11/2025

Ծննդաբերություն բնական ուղիներով, թե՞ կեսարյան հատումով:
Այս հարցը հուզում է մայրանալ պատրաստվող գրեթե բոլոր կանանց: Սակայն նման հարցադրումն ինքնին ճիշտ չէ:
Կեսարյան հատումը վիրահատություն է և, հետևաբար, պարտադրված միջոց է, որը կատարվում է մոր և, կամ պտղի կյանքը փրկելու համար: Այն ունի հստակ ցուցումներ, որով առաջնորդվում է ծնունդը վարող բժիշկը:
Տարբերում են բացարձակ ցուցումներ, որոնց առկայության դեպքում ծննդաբերությունը չի կարող ավարտվել բնական ճանապարհով և վիրահատությունը կիրականացվի , նույնիսկ, հղիի կամ հարազատների անհամաձայնության դեպքում:
Կան նաև հարաբերական ցուցումներ, երբ ծննդաբերությունը բնական ճանապարհով հնարավոր է, բայց կան ռիսկեր մոր և, կամ պտղի համար: Այս դեպքում արդեն բժիշկը հանգամանորեն կբացատրի սպասվող վտանգների մասին և դուք կկատարեք գիտակցված որոշում:
Պետք է հիշել, որ կեսարյան հատումը, ինչպես և ցանկացած այլ վիրահատություն, ունի իր հնարավոր բարդությունները: Եթե կինը պնդում է ծննդալուծման այս ձևը միայն նրա համար, որ վախենում է ծննդաբերական ցավերից, ապա պետք է իմանա, որ հետվիրահատական շրջանում նույնպես լինում են ցավեր, որոնք սկսվում են ցավազրկող դեղորայքի ազդեցության ավարտից անմիջապես հետո:
Եթե նույնիսկ չկան բարդություններ, (օրինակ, վերքի թարախասեպտիկ պրոցես, ներքին օրգանների վնասում, ներքին արյունահոսություն, թրոմբոէմբոլիա, ավելի ուշ՝ կպումային հիվանդություն` հետագայում անպտղություն) կեսարյան հատումից հետո վերականգնողական շրջանն ավելի երկար է (5-6 օր), ավելի հաճախ է լինում հիպոգալակտիան (սակավ կաթնարտադրություն), որի պատճառով ստիպված են լինում անցնել արհեստական սնուցման և այլն: Ի վերջո, հաջորդ հղիությունների ժամանակ մեծ է կրկնակի կեսարյան հատման հավանականությունը:

Ինչու՞ է կարևոր կրծքով կերակրումը Կաթի որակը փոխվում է ինչպես օրերի, այնպես էլ՝ մեկ կերակրման ընթացքում: Ծննդաբերություն...
08/11/2025

Ինչու՞ է կարևոր կրծքով կերակրումը
Կաթի որակը փոխվում է ինչպես օրերի, այնպես էլ՝ մեկ կերակրման ընթացքում: Ծննդաբերությունից հետո առաջին մի քանի օրերին արտադրվում է կաթնախեժ, որն ավելի դեղին է ու խիտ, և ճիշտ այն է, ինչի կարիքն ունի նորածինը: Գնալով այն նոսրանում է, գույնը՝ բացանում և ավելի ջրիկ տեսք ստանում, դա արդեն հասուն կաթն է: Շատ մայրեր անհանգստանում են մտածելով, որ իրենց կաթը բավարար սննդարար չէ, սակայն դա անհիմն մտահոգություն է: Բացի անհրաժեշտ սննդային նյութերից, այն պարունակում է նաև բավարար քանակի ջուր և, նույնիսկ, շոգ եղանակին միայն կրծքով կերակրվող երեխան ջրի կարիք չունի:
Կաթի որակը փոխվում է նաև մեկ կերակրման ընթացքում. սկզբում հոսում է առաջնային կաթը, որն ավելի ջրային է, հագեցնում է երեխայի ծարավը, աստիճանաբար այն փոխվում է երկրորդայինի, որն ավելի խիտ է ու սննդարար: Եթե երեխան ընդհատել է կերակրումը (հոգնել է կամ քնել) և լրիվ չի դատարկել կուրծքը, ապա կերակրումը շարունակեք նույն կրծքով:
Երեխային կերակրելու ամենալավ և ապահով ձևը բացառապես կրծքով սնուցումն է: Սովորաբար ծննդյան պահից մինչև 4-6 ամսական հասակը երեխան կրծքի կաթից բացի ուրիշ ոչնչի կարիք չունի:
Կրծքի կաթի փոխարինիչները պատրաստվում են կովի կաթի հիմքի վրա, որի բաղադրությունը խիստ տարբերվում է կրծքի կաթից՝ հաճախ պատճառ դառնալով մարսողական խանգարումների:
Կաթի ոչ մի փոխարինիչ, նույնիսկ ամենաթանկարժեքը, չի կարող մրցել մայրական կաթի հետ:

Կրծքով կերակրման առավելությունները • Կրծքի կաթը պարունակում է այն բոլոր սննդային բաղադրամասերը, որոնց կարիքն ունի երեխան...
08/11/2025

Կրծքով կերակրման առավելությունները
• Կրծքի կաթը պարունակում է այն բոլոր սննդային բաղադրամասերը, որոնց կարիքն ունի երեխան առաջին 6 ամիսների ընթացքում:
• Այն մաքուր է, չի պարունակում բակտերիաներ և չի կարող ինֆեկցիոն հիվանդությունների աղբյուր հանդիսանալ;
• Պարունակում է հակամարմիններ գրեթե բոլոր վիրուսային հիվանդությունների նկատմամբ, որով հիվանդացել, կամ պատվաստվել է մայրը: Այդ է պատճառը, որ կուրծք ուտող երեխաները մինչև մեկ տարեկանը գրեթե չեն հիվանդանում;
• Միշտ ձեզ հետ է և պատրաստ է օգտագործման համար ցանկացած պահին, ցանկացած տեղում (կարիք չկա պատրաստել, տաքացնել և այլն);
• Երբեք չի փչանում, չի թթվում, անգամ, եթե կինը մի քանի օր չկերակրի;
• Դյուրամարս է, բացառապես կրծքով սնվող երեխաների մոտ փորկապություն չի լինում;
• Ծախսեր չի պահանջում (արհեստական կաթը դուք ստիպված եք գնել);
• Նպաստում է մոր արգանդի կրճատմանը, դրանով իսկ քչացնելով արյան կորուստը;
• Նպաստում է մոր և մանկան միջև ֆիզիկական և հոգեբանական կապին:

Կրծքով կերակրումԵկել է երեխային կրծքով կերակրելու առաջին փորձի ժամանակը: Առաջնածինների մոտ կաթնարտադրությունը սկսվում է ...
04/11/2025

Կրծքով կերակրում
Եկել է երեխային կրծքով կերակրելու առաջին փորձի ժամանակը:
Առաջնածինների մոտ կաթնարտադրությունը սկսվում է ծննդաբերությունից մի քանի ժամ անց, իսկ կրկնածինների մոտ կրծքից խեժանման արտադրությունը կարող է սկսվել արդեն հղիության երրորդ եռամսյակից:
Մանկական բուժքույրը ձեզ կծանոթացնի կրծքով կերակրման տեխնիկային: Եթե, նույնիսկ, կաթնարտադրությունը դեռևս չի սկսվել, միևնույն է, պետք է փորձել կերակրել:
Կերակրելուց առաջ կուրծքը հատուկ մշակման կարիք չունի: Բավարար է ամենօրյա ցնցուղի ընդունումը:
Կերակրելիս պետք է ընդունեք հարմար և ճիշտ դիրք: Նստած, թե պառկած աշխատում եք երեխային գրկել այնպես, որ նա ողջ մարմնով շրջված լինի դեպի կուրծքը դեմ հանդիման:
Թեթևակի սեղմեք հարպտկային շրջանը (արեոլան), կաթով խոնավեցնելով պտուկը, ամբողջ ափով բարձրացրեք կրծքագեղձը և մոտեցրեք երեխային՝ երբ նա լայն կբացի բերանը և կբռնի ոչ թե պտուկը, այլ արեոլայի մեծ մասը: Եթե երեխան ծծում է ճիշտ դիրքով, դուք ցավ չեք զգա և կլսեք կլման ձայնը:
Երեխային կերակրեք ըստ նրա պահանջի. առանց կերակրման քանակի, տևողության և հաճախականության սահմանափակման: Աջ և ձախ կուրծքն առաջարկեք հաջորդաբար: Եթե երեխան մի կուրծքը դատարկելուց հետո էլի ուտել է ուզում, ուրեմն՝ մոտեցրեք մյուսը, առանց հաջորդ կերակրման համար անհանգստանալու: Այն շատ արագ կլցվի կրկին:

Հետծննդյան շրջանԴուք արդեն ապրել եք ձեր մանկիկի լույս աշխարհ գալու բերկրանքը: Սակայն ձեզ սպասում են նոր փորձություններ:Ծ...
28/10/2025

Հետծննդյան շրջան
Դուք արդեն ապրել եք ձեր մանկիկի լույս աշխարհ գալու բերկրանքը: Սակայն ձեզ սպասում են նոր փորձություններ:
Ծնարանում ձեզ կթողնեն 2 ժամ, որի ընթացքում բժիշկը կհետևի արգանդի կրճատմանն ու արյունային արտադրության քանակին: Նորմալ ընթացքի դեպքում ձեզ կտեղափոխեն հետծննդյան հիվանդասենյակ, որտեղ ձեր մահճակալի կողքին կլինի նաև մանկիկինը :
Այս ժամանակահատվածն անվանում են վաղ հետծննդյան շրջան, իսկ դրանից հետո մինչև 6 շաբաթ ընկած ժամանակահատվածը ՝ ուշ շրջան:
Հետծննդյան շրջանում նորմայում արգանդի խոռոչից լինում է արտադրություն, որը կոչվում է լոխիա: Այն առաջին 3-4 օրը լինում է արյունային բնույթի, որից հետո աստիճանաբար դառնում է շճային: Այս պրոցեսը տևում է 21-42 օր:
Սա այն ժամանակահատվածն է, որի ընթացքում արգանդի չափերը աստիճանաբար կրճատվելով, հասնում են մինչ հղիությունը եղած իր նախնական չափերին:
Կրծքով կերակրման ընթացքում կանանց մեծ մասը դաշտան չեն տեսնում, սակայն կան կանայք ՝ որոնց դաշտանային ֆունկցիան վերսկսվում է 6-րդ շաբաթից:
Հետծննդյան շրջանի ավարտից հետո լավ կլինի, որ կինն այցելի իր մանկաբարձ-գինեկոլոգին զննման և ընտանիքի պլանավորման խորհրդատվության համար, որի ընթացքում կընտրվի ձեր ամուսնական զույգին հարմար հակաբեղմնավորման մեթոդը:

Ծննդաբերության երկրորդ փուլ:Դուք արդեն ծննդատանն եք, գտնվում եք բժշկի և մանկաբարձուհու հսկողության տակ: Սակայն դա չի նշա...
25/10/2025

Ծննդաբերության երկրորդ փուլ:
Դուք արդեն ծննդատանն եք, գտնվում եք բժշկի և մանկաբարձուհու հսկողության տակ: Սակայն դա չի նշանակում, որ նրանք անընդմեջ ձեր կողքին պիտի լինեն:
Պետք է հիշել, որ ծննդաբերության ակտիվ մասնակիցը դուք եք, բուժաշխատողները միայն հետևելու են դրա ընթացքին:
Բժիշկի առաջին զննումը կատարվում է ընդունարանում, որից հետո, կախված վզիկի բացման աստիճանից, հետագա զննումները կլինեն 6 ժամը մեկ, իսկ պտղի սրտի զարկերի մոնիտորինգը՝ 2 ժամը մեկ անգամ:
Երբ կունենաք հետանցքի վրա ուժեղ ճնշման զգացում, (նման է զուգարան գնալու ուժեղ ցանկությանը), դա նշանակաում է, որ սկսվել է պտղի դուրս մղման կամ երկունքային ցավերի շրջանը: Այդ մասին տեղեկացրեք մանկաբարձուհուն: Նա կնախապատրաստի ծնունդ ընդունելու համար անհրաժեշտ պարագաները և ձեզ կօգնի բարձրանալ ծննդաբերական հատուկ բազկաթոռին:
Երկունքային ցավի ժամանակ ուշադիր հետևեք մանկաբարձուհու հրահանգներին: Աշխատեք հավաքել բոլոր ուժերը և առանց ավելորդ ճիչերի կամ խուճապի կենտրոնացեք ծննդաբերության ակտի վրա: Անհարկի աղմկելը ոչ միայն չեն օգնում գործին, այլև խանգարում են և բերում ուժերի վատնման:
Երեխայի ծնունդն ազդարարում է նրա առաջին ճիչը, որը նաև նրա առաջին ինքնուրույն շունչն է: Մանկաբարձուհին երեխային կդնի ձեր որովայնի վրա, դուք կծանոթանաք միմյանց, որից հետո կկատարի նորածնի առաջին տուալետը:
Երեխայի ծննդից հետո կլինի մի փոքր դադար, արգանդը կկրճատվի, ՛՛կհավաքի՛՛ իր ուժերը, և մոտ 15-30 րոպե անց կսկսվեն նոր, բայց համեմատաբար ավելի թույլ երկունքային ցավեր, որոնց արդյունքում դուրս կմղվի ընկերքը: Բժիշկը մանրակրկիտ կզննի այն, համոզվելու համար, որ ընկերքն ու պտղթաղանթները դուրս են եկել ամբողջությմաբ:
Առաջնածինների մոտ ծննդաբերությունը տևում է միջինը 12, իսկ կրկնածինների մոտ՝ 6-8 ժամ:
Շնորհավորու՛մ եմ, դուք արդեն մայրիկ եք:

Address

Arami 54
Yerevan
0002

Opening Hours

Monday 09:00 - 13:00
Tuesday 13:30 - 17:00
Wednesday 09:00 - 13:00
Thursday 09:00 - 13:00
Friday 13:30 - 17:00

Telephone

+37493514614

Website

Alerts

Be the first to know and let us send you an email when Dr. Narine Voskanyan/ Գինեկոլոգ Նարինե Ոսկանյան posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr. Narine Voskanyan/ Գինեկոլոգ Նարինե Ոսկանյան:

Shortcuts

Share

Category