Էնդոկրինոլոգ Համեստ Վլադիմիրի Աղաբաբյան / Dr.Hamest Aghababyan

31/05/2025

Օնլայն դասընթաց բժիշկների համար։ Քննարկելու ենք իհարկե միայն ապացուցահեն բժշկություն և իրական կլինիկական դեպքեր։

Ինչպես հայտնի է, հղիները հանդիսանում են պացիենտների առավել խոցելի և անհատական մոտեցում պահանջող խմբերից մեկը, քանի որ նրանց մոտ առկա էնդոկրին խանգարումները պահանջում են արագ ու ճշգրիտ ախտորոշում և բուժում, ինչպես նաև մոր և պտղի համար անվտանգ դեղորայքների կիրառում։‍⚕️🤰🧬

Միացե՛ք մեր «ՀՂԻՈՒԹՅՈՒՆ ԵՎ ԷՆԴՈԿՐԻՆ ԽԱՆԳԱՐՈՒՄՆԵՐ» թեմայով դասընթացին և խորացրե՛ք Ձեր գիտելիքները էնդոկրին պաթոլոգիաներով հղիների վարման վերաբերյալ:

Ո՞ւմ համար է նախատեսված դասընթացը․
• ‍⚕️✔️ էնդոկրինոլոգներ
• ‍⚕️✔️ընտանեկան բժիշկներ
• ‍⚕️✔️մանկաբարձ-գինեկոլոգներ

Ի՞նչ կստանան դասընթացից մասնակիցները
• 📘 Ժամանակակից ԱՀԿ ուղեցույցներին համահունչ, ապացուցողական բժշկության վրա հիմնված գիտելիքներ
• 🤝 բժշկական համայնքի հետ կապերի հաստատում (Networking) և փորձի փոխանակում
• 📜 ՇՄԶ կրեդիտներ

Միջոցառումը կրեդիտավորվել է ՀՀ առողջապահության նախարարության կողմից։
Դասընթացի մասնակիցներին կշնորհվի 20 ՇՄԶ տեսական կրեդիտ։

Մեկնարկը՝ 🗓 04 հունիսի 2025թ.
Տևողությունը՝ ⏱ 8 օր (20 ժամ)
Անցկացման ձևաչափը՝ 💻 առցանց (Zoom)
Մասնակցության վճարը՝ 💵 30.000 ՀՀ դրամ

Դասընթացներն անց են կացվում 🕕 երեկոյան ժամը 18։00–ից հետո։

Դասընթացին մասնակցության համար անցեք հետևյալ հղումով՝👇🏻
https://forms.gle/9Lamo7nsdkkf6LkN7

06/10/2024

Քննարկելու ենք ապացուցողական բժշկություն, ուղեցուցային խորհուրդներ և իրական պացիենտների կլինիկական դեպքեր։ Դասընթացի տևողությունը 8 օր , դասընթացի ժամերը երկ-ուրբ ժամը 17:00-19:45 ։

📢 Սիրով հրավիրում ենք մասնակցելու «ՀՂԻՈՒԹՅՈՒՆ ԵՎ ԷՆԴՈԿՐԻՆ ԽԱՆԳԱՐՈՒՄՆԵՐ» թեմայով դասընթացին, որը հագեցած է հղիների վարման վերաբերյալ մասնագիտական տեղեկատվությամբ և, վստահաբար, կնպաստի նեղ մասնագետների գիտելիքների և կոմպետենտության կատարելագործմանը, էլ ավելի կբարձրացնի ազգային և միջազգային պահանջների, չափորոշիչների, բուժման ալգորիթմների վերաբերյալ նրանց իրազեկվածությունը։

Ինչպես հայտնի է հղիները հանդիսանում են պացիենտների առավել խոցելի և անհատական մոտեցում պահանջող խմբերից մեկը, քանի որ նրանց մոտ առկա էնդոկրին խանգարումները պահանջում են արագ ու ճշգրիտ ախտորոշում և բուժում, ինչպես նաև մոր և պտղի համար անվտանգ դեղորայքների կիրառում։

❓ Ո՞ւմ համար է նախատեսված դասընթացը․
🔹 էնդոկրինոլոգներ
🔹 ընտանեկան բժիշկներ
🔹 մանկաբարձ-գինեկոլոգներ

Ի՞նչ կստանան դասընթացից մասնակիցները
✅ Ժամանակակից ԱՀԿ ուղեցույցներին համահունչ, ապացուցողահենք մասնագիտական գիտելիքներ
✅ փորձի փոխանակում
✅ բժշկական համայնքի հետ կապերի հաստատում (Networking)
✅ ՇՄԶ կրեդիտներ

Միջոցառումը կրեդիտավորվել է ՀՀ առողջապահության նախարարության կողմից։ Դասընթացի մասնակիցներին կշնորհվի 20 ՇՄԶ տեսական կրեդիտ։

🕔 Մեկնարկը` 14 հոկտեմբերի 2024թ.
📅 Տևողությունը՝ 8 օր (20 ժամ)
🌐 Անցկացման ձևաչափը` առցանց (Zoom)
🔺 Մասնակցության վճարը՝ 30.000 ՀՀ դրամ

Գրանցվելու համար գրել անձնական նամակ կամ զանգահարել`
☎️ 𝟬𝟵𝟴 𝟴𝟴𝟳𝟴𝟯𝟰

#դասընթաց #էնդոկրինոլոգ #վերապատրաստում #ՇՄԶ #առցանց #ուսուցում

21/06/2024

📢 Էնդոկրինոլոգ Հ․Վ․ ԱՂԱԲԱԲՅԱՆԸ կներկայացնի զեկուցում «ԷՆԴՈԿՐԻՆ ԽԱՆԳԱՐՈՒՄՆԵՐԻ ՍԵՌԱԿԱՆ ԴՐՍԵՎՈՐՈՒՄՆԵՐԸ» վերնագրով։
👉 Բաց չթողնեք։ Հունիսի 21-ին՝ «ԱՆԻ ՊԼԱԶԱ» ՀՈԹԵԼՈՒՄ

♀♂ «ՍԵՌԱԿԱՆ ԽԱՆԳԱՐՈՒՄՆԵՐԻ ԷՆԴՈԿՐԻՆՈԼՈԳԻԱԿԱՆ ԵՎ ԱՆԴՐՈԼՈԳԻԱԿԱՆ ԱՍՊԵԿՏՆԵՐԸ» Միջդիսցիպլինարային գիտաժողով

01/06/2024

Սիրով տեղեկացնում եմ նոր դասընթացի մեկնարկի մասին , որը նախատեսված է էնդոկրինոլոգների ,գինեկոլոգների և բոլոր նրանց համար ովքեր հետաքրքված են հղիների մոտ էնդոկրին խնդիրների ախտորոշման և բուժման առանձնահատկությումներով։
Թիրախային մաանագետներին կտրվի 20 ՇՄԶ կրեդիտ։
Քննարկելու ենք միայն ապացուցողական բժշկության փաստեր և ուղեցույցներ։ Դասընթացը վարելու եմ ես , օնլայն Zoom հարթակով։
Մասնակցության համար զանգահարեք +37444776701

Դասընթացի կազմակերպիչ՝
https://www.facebook.com/CollaborativeHealthcareInnovationsCentre?mibextid=LQQJ4d

23/12/2023

Սիրելի հետևորդներ,

Արդեն մի քանի ամիս է ինչ էջը կոտրել էին հակերները և հասանելիություն չունեի էջին, չկար հնարավորություն ձեր նամակներին պատասխանելու և էջում նոր գրառումներ կատարելու։ Այսօր վերջապես ֆեյսբուքի ադմինիտտրացիան վերականգնեց այն։
Խնդրում եմ բոլոր նրանք ովքեր տեսնում են այս գրառումը,մեկնաբանության մեջ դրեք + նշան, որպեսզի էջի ակտիվությունը և տեսանելիությունը վերականգնենք։
Շնորհակալություն ❤️

27/06/2023

Էնդոկրինոլոգիան արվեստում կամ հիվանդությունը որպես գեղեցկության չափանիշ

#խպիպ #զոբ #արվեստ #ռենեսանս #ԼեոնարդոԴաՎինչի #էնդոկրինոլոգ

17/05/2023

Մայիսի 17-20 Իռլանդիայում կայանում է Ճարպակալման եվրոպական ասոցիացիայի կոնգրեսը։ Հայաստանի ներկայացուցիչն եմ :

01/05/2023

Կարո՞ղ է արդյոք վահանաձև գեղձը ցավալ ❓
☑️ ԱՅՈ , կարող է։

Հիվանդության անունն է ՝ ենթասուր թիրեոիդիտ:
Պատճառը վիրուսային ինֆեկցիան է։ Վիրուսն ախտահարում է վահանաձև գեղձի բջիջները ՝ առաջացնելով բորբոքում, այտուց և ցավ ։
Ընդ որում ` գրիպանման երևույթները ինչպիսիք են քթահոսությունը և հազը, հաճախ բացակայում են ։
Հիվանդությունը կարող է զարգանալ նաև շնչառական վարակ` գրիպ տանելուց և լավանալուց ՀԵՏՈ։

Ե՞րբ դիմել էնդոկրինոլոգի
Երբ կան հետևյալ ախտանիշները ՝

☑️ ՑԱՎ պարանոցի առաջային մակերեսին (կարող է ճառագայթել նաև դեպի ականջ)
☑️ Ջերմություն ( պարտադիր չէ)
☑️ Սրտխփոց
------------------------------
Բժիշկ-Էնդոկրինոլոգ Համեստ Աղաբաբյան

📞 +37493744108
Հր.Քոչար 7/3
Հերացի 10

#էնդոկրինոլոգ #վահանաձևգեղձ #զոբ #ցավկոկորդում #հորմոններ #ջերմություն #սրտփխոց #эндокринологонлайн
#эндокринологереван

16/04/2023

Սիրելի հետևորդներ,

Ապրիլի 19-ին աշխատանքային այցով կլինեմ ք․Մարտունիում ։ Հասանելի է լինելու նաև սոնոգրաֆիկ ծառայությունը։

☎️Հարցերի և գրանցումների համար կարող եք զանգահարել նշված հեռախոսահամարով՝ 8676, 043561040 , 093744108

Բժիշկ-էնդոկրինոլոգ

20/03/2023

Այսօր Երջանկության Միջազգային Օրն է:

Երջանկությունը կարելի է բնորոշել որպես կյանքից գոհունակության և բավարարվածության զգացում:
Յուրաքանչյուրս ձգտում ենք երջանկության և այն մարդու կյանքի հիմնական նպատակներից մեկն է :

Ամեն մարդ ունի երջանկության իր բանաձևը: Հաճախ երջանկությունը պետք չէ փնտրել, այլ ուղղակի նկատել է պետք : Հոգեբանները խորհուրդ են տալիս երջանիկ զգալու համար կենտրոնանալ այն ամենի վրա, ինչ այժմ ունեք, այլ ոչ թե այն ամենի՝ ինչ պակասում է:

😊 ԵՐՋԱՆԿՈՒԹՅՈՒՆ է շնչելը, տեսնելը, լսելը, ընտանիքը, ընկերները, սիրելի աշխատանքը, արարելու ու ստեղծելու կարողությունը:
Ցավոք, երբեմն երջանկության իրական արժեքն իմանում ենք միայն այն ժամանակ, երբ այն արդեն կորցնում ենք, ինչպես օրինակ առողջության դեպքում :

✅ Օգտակար խորհուրդ, որն ինքս էլ կիրառում եմ ավելի երջանիկ զգալու համար:
Երեկոյան քնելուց առաջ հիշեք այն ամենը, ինչն այս պահին ունեք ձեր կյանքում և որի համար շնորհակալ եք ու երախտապարտ❤️

Իսկ ինչ է ձե՞զ համար երջանկությունը ։

#երջանկություն

08/03/2023

Ազգությամբ ռուս այցելուիս հետ

- Բարև Ձեզ Համեստ Վլադիմիրովնա
- Բարև Ձեզ, ինչ գանգատներ ունեք
- Ես ոչ մի գանգատ էլ չունեմ
- Իսկ ինչու եք ինձ դիմել, ինչով կարող եմ օգնել
- Կինս ասում է պետք է բժշկի գնամ, դեմքիս գույնը կարծում է, որ փոխվել է, ու վախենում է առողջական խնդրից լինի , նա է ստիպել գամ: Անգամ հարցերի ցանկ է գրել, որ հարցնեմ Ձեզ:

Հանում է գրպանից թուղթը հարցերով:
- Հետաքրքիր է, մեզ մոտ էլ հայ ընտանիքներում տղամարդկանց հիմնականում կանայք են ստիպում գալ բժշկի և հետևել առողջությանը, փաստորեն ձեզ մոտ էլ է այդպես, ռուս կանայք են ամուսիններին համոզում բժշկի գնալ:
Այցելուս ժպտում է
- Բժշկուհի ջան, իմ կինը հայուհի է :)

Սիրելի' հայ կանայք,

Շնորհավորում եմ բոլորիդ տոնը:
Աշխատանքիս ընթացքում հաճախ եմ ականատես լինում ինչքան զգոն ու ուշադիր եք ընտանիքի անդամների` ձեր ամուսինների, ծնողների, երեխաների առողջության հանդեպ և առաջին իսկ գանգատների դեպքում ժամանակին բժշկի "բերում" նրանց : Ուզում եմ առողջություն ձեզ մաղթել և խնդրել, որ նույն հոգատարությամբ ու զգոնությամբ հոգ տանեք նաև ձեր ֆիզիկական և հոգևոր առողջության մասին, քանի որ առողջ կինը առողջ ընտանիքի և առողջ հասարակության հիմքն է :
Շնորհավոր ՄԱՐՏԻ 8 🌹
_________________________________

#մարտի8

05/03/2023

Քիչ էր մնում բաց թողնեինք քաղցկեղը : Կլինիկական դեպք իմ պրակտիկայից:

🔽 Հոգնածություն և թուլություն
🔽 Ինչ է ցույց տալիս արյան ընդհանուր քննությունը
🔽 Ինչու բժիշկները միայն անալիզի պատասխանով ախտորոշում չեն դնում
🔽 Ինչ է անամնեզը և ինչու է այն կարևոր