27/07/2025
Հաստ աղիքի ինֆեկցիոն հիվանդությունները կամ ինֆեկցիոն կոլիտը հաստ աղիքի լորձաթաղանթի բորբոքում է, որն առաջանում է տարբեր հարուցիչներից՝ մանրէներից, վիրուսներից կամ մակաբույծներից։ Այս վարակները կարող են լինել սուր կամ քրոնիկ և ունենալ ախտանիշների լայն սպեկտր՝ սկսած մեղմ անհարմարությունից մինչև ծանր համակարգային դրսևորումներ:
Ինֆեկցիոն կոլիտի հիմնական տեսակներն են։
🧪 Բակտերիալ կոլիտ - հաճախ առաջանում է վարակված սննդի կամ ջրի օգտագործման պատճառով, ինչպես նաև վարակված կենդանիների կամ մարդկանց հետ շփման միջոցով։
🧪 Վիրուսային կոլիտ - հիվանդության հարուցիչները կարող են լինել էնտերովիրուսները, ռոտավիրուսները, ադենովիրուսները և այլն։ Վարակը սովորաբար տեղի է ունենում ֆեկալ-բերանային ճանապարհով։
🧪 Պարազիտիկ կոլիտ - առաջանում է այնպիսի մակաբույծներից, ինչպիսիք են Giardia-ն, Entamoeba histolytica-ն և այլն։ Վարակը տեղի է ունենում աղտոտված ջրի կամ սննդի օգտագործման պատճառով։
Ինֆեկցիոն կոլիտի ախտանիշներն են։
🩺 Լուծ (հաճախ արյունով կամ լորձով)
🩺 Փորի ցավ, սպազմեր
🩺 Բարձր ջերմություն
🩺 Սրտխառնոց և փսխում
🩺 Ջրազրկում
🩺 Ընդհանուր թուլություն և հոգնածություն
🩺 Ծանր դեպքերում՝ արյան արտահոսք ուղիղ աղիքից, թունավորման նշաններ
Ինֆեկցիոն կոլիտի ախտորոշումը ներառում է.
💊 Անամնեզի հավաքագրում և ֆիզիկական զննում
💊 Կղանքի վերլուծություն մանրէների, վիրուսների, մակաբույծների, արյան, լորձի, լեյկոցիտների առկայության համար
💊 Կոլոնոսկոպիա կամ ռեկտորոմանոսկոպիա՝ հաստ աղիքի վիճակի վիզուալ գնահատման համար
💊 Հաստ աղիքի լորձաթաղանթի բիոպսիա (անհրաժեշտության դեպքում)
👉 Անհրաժեշտության դեպքում կատարվում է խորհրդատվություն ԵՊԲՀ մասնագետների կողմից
Կոնսուլտացիայի համար անհրաժեշտ է նախօրօք զանգահարել:
📍 Աբովյան 58, "Հերացի" թիվ 1 հիվանդանոցային համալիր
📞 +374 91 32 56 58
⏱ Երկուշաբթիից ուրբաթ 09:00-15:00
