20/07/2025
Վաղը ծնունդս է🎂
Ու նախքան օրը փոխվի, ուզում եմ մի պահ խոսել ինքս ինձ հետ։
✨Սիրելի «փոքրիկ ես»,
Ապրեեես։ Ապրես էն բոլոր օրերի համար, երբ հոգնած էիր, բայց շարունակում էիր ժպտալ։
Երբ ինքդ քեզ մի կողմ էիր դնում, որ կարողանաս օգնել ուրիշին։ Ու երբ մի երեխայի ձեռքը բռնելիս կամ մի մեծահասակի աչքերին նայելիս հիշեցնում էիր ինքդ քեզ՝ որ մանավանդ հիմա պիտի մնաս բարի, ուժեղ ,երդմանդ հավատարիմ:
✨Ես հպարտ եմ քեզնով՝
քո բարությամբ, որ երբեմն մի թեթև հայացք է, երբեմն՝ բժշկական օգնություն, բայց միշտ՝ սրտից։
քո ընկերասիրությամբ, որ երբեք ցուցադրական չի, բայց միշտ խորն է ու նվիրված։
քո նպատակասլացությամբ, որ չես գոռում դրա մասին, բայց ամեն օր մի փոքր քայլ անում ես դեպի երազանքդ։
քո հոգատարությամբ, որ նույնիսկ ցավ ունենալով՝ դու քաղցր ես մնում ուրիշների համար։
✨Չգիտեմ ինչպես ամփոփեմ այս տարին… մի տարում եղավ ամեն ինչ՝ կորուստներ, վերելքներ, լռություններ, անքուն մտքեր ու անսպասելի ուժ։
Բայց ամենաշատը ինքս ինձ ճանաչելու ու ինքս ինձ ընդունելու ճանապարհն էր։
✨Ես սովորեցի, որ ուժեղ լինելը միշտ բարձր խոսել չի, երբեմն ուղղակի լռելն ու շարունակելն է։
Որ մարդիկ կարող են գալ ու գնալ, բայց ինքդ քեզ պետք է միշտ ունենաս։
Որ երբեմն լացը ավելի ազնիվ է, քան արհեստական ժպիտը։
✨Այսօր, երբ նայում եմ ապագային՝ ոչ թե վախով, այլ սպասումով եմ նայում։
Ու թող դեռ շատ բան պարզ չլինի, բայց սիրտս լի է մի տեսակ լուռ հավատով, որ ամեն ինչ լավ կլինի՝ խաղաղ, իրական, թեթև։
✨Շնորհակալ եմ կյանքին՝ ամեն բան սովորեցնելու, ու ինձ՝ չկոտրելու համար։
Շնորհակալ եմ ընտանիքիս,ընկերներիս և հարազատներիս
Շնորհակալ եմ նրանց, ովքեր անցած տարում մնացին… ու նրանց, ովքեր գնացին։ Երկուսն էլ մի բան սովորեցրին
Եվ Շնորհակալ եմ ինքս ինձ, որ այսքան սիրուն մնացի՝ բազում փոթորիկների միջով անցնելով։
✨Ես չեմ սպասում, որ կյանքը հրաշք բերի։
Ես ինքս եմ դառնում էն փոփոխությունը, որը երազել եմ։
Ես պատրաստ եմ ընդունելու ամեն ինչ՝ հստակ, իմ արժեքին համարժեք։
Մնացածը թող աստղերը կարգավորեն։ Ես իմ մասը արել եմ 😄🌟
