Dr. Arshakyan

04/12/2024

02/11/2024

Փսիխոսոմատիկա- բժշկության մեջ այն ուղղվածությունն է, որն ուսումնասիրում է հոգեբանական գործոնների և ֆիզիկական առողջության միջև կապը:
Այդ կապի մասին տեսակետը առաջ է քաշվել դեռ հարյուրամյակներ առաջ և, բարեբախտաբար, շարունակել է զարգանալ և հասնել մինչև մեր օրեր))))

1950-ականներին առաջ է քաշվել հիվանդություննրի շարք, որոնց հիմքում ընկած է փսիխոսոմոտիկան.
✅️ Շաքարային դիաբետ,
✅️Զարկերակային հիպերտենզիա, ✅️12-մատնյա աղու խոցային հիվանդություն, ✅️Ոչ սպեցիֆիկ կոլիտ և այլն:

Ներկայում հիվանդությունների շարքը շատ ավելի մեծ է /բոլոր հիվանդությունների 60-80% դեպքերում առաջ է քաշվում հոգեբանական գործոնի այս կամ այն չափով անդրադարձը ֆիզիկական առողջության վրա/:

💡Այս և մի շարք այլ փաստեր վկայում են այն մասին, որ մարդը ՄԵԿ ամբողջականություն է. և պետք չէ տարանջատել Ֆիզիկականը, գիտակցությունը և ենթագիտակցությունը միմյանցից💞

Եվ այն խոսում է այն մասին, որ մի շարք հիվանդությունների բուժումներ պահանջում են միջդիսցիպլինար մոտեցում, այսինքն տարբեր մասնագետների, այդ թվում հոգեբանի մասնակցություն հիվանդության վարման մեջ, քանի որ ,ինչպես ասում են,
,,Բուժում են հիվանդին, ոչ թե հիվանդությունը,,:

Գոյություն ունի նաև ,,Սոմատոփսիխիկա,, ասվածը. այն իրենից ներկայացնում է ֆիզիկական առողջության անդրադարձը հոգեբանության վրա:

🌼Եղեք առողջ,
🌼Իրազեկված,
☘️Հետևեք Ձեր փսիխոհիգիենային
🪷Եվ հիշեք Ձեր կյանքի ամենակարևոր մարդը Դուք Ինքներդ եք🫂
Սիրով` Ձեր Dr. Arshakyan💛 Հետաքրքիր էր նյութը՞՞՞

20/10/2024

Այս գրառումը նրա մասին չէ, թե ինչքան "լավ" մարդ եմ ես, տեսեք, կերակրում եմ անտուն, խնամքից զրկված կենդանիներին։ Չէ!
Քանի որ շատ հաճախ եմ կերակրում մեր փողոցի, բակի կենդանիներին։

Ուղղակի ես ինձ "բռնեցի" այն մտքի վրա, որ այս կենդանիներին հանդիպել եմ ինտուիցայիս կամ ներքին ձայնիս լսելով` ճանապրհս սովորական երթուղուց փոխելու արդյունքում։

Այս գրառումով փորձում եմ նյութը կարդացող մարդկանց հասցնել հետևյալ միտքը.

Լսենք մեր ներքին ձայնը. Միգուցե Տիեզերքը կամ Աստված (ամեն մեկս իր ընկալմամբ) մեր միջոցով ուրիշ մեկին ցանկանում է օգնել։

17/10/2024

Բակտերիալ Վագինոզ!
Վիճակ, որը խաթարում է կնոջ կյանքի որակը։ Եվ որի պատճառնորից մեկը կարող են լինել ամենօրյա միջադիրները #կին

08/09/2024

Հերթական անգամ "Հայաստանի Հանրային Ռադիոյի " Ես առողջ եմ" հաղորդման հյուրն էի։ Շնորհակալություն Lucy Kocharyan -ին հրավերի և ,իհարկե, շատ կարևոր հարցեր բարձրացնելու համար։
Հ.գ նշեմ` մեծ սիրով եմ ընդունում հրավերները և շատ կարևորում եմ կանանց շրջանում առողջությանը վերաբերող հարցերի լուսաբանմանը։
Սիրով` Dr. Arshakyn 🫶

24/08/2024

Огромный привет и спасибо моим новым топовым поклонникам! 💎 Гаяне Ромян

Добавьте комментарий, чтобы поприветствовать их в нашем сообществе. @топовые поклонники

24/07/2024

Մենարխե կամ 1֊ին դաշտան
(Մաս2)

Մենարխեի դրսևորվելուց հետո, որպես այդպիսին, կանոնավոր դաշտանային ցիկլը ձևավորվում է 1 տարվա ընթացքում:
Մինչ այդ դաշտանը կարող է ունենալ անկանոն բնույթ` տևողության, ինտերվալի, առատության իմաստով:
Եթե մենարխեից հետո մեկ տարվա ընթացքում դաշտանային կանոնավոր ցիկլ չի ձևավորվում, ապա դա նույնպես պատճառ է բժշկի դիմելու համար:

Եղեք առողջ և իրազեկված
Սիրով` Dr. Arshakyan

22/07/2024

Մենարխե կամ առաջին դաշտան

Մենարխեն աղջիկ երեխաների մոտ դրսևորվող 1-ին դաշտանն է։

Այն տարբեր երեխաների մոտ դրսևորվում է տարբեր տարիքներում, միջինում 11-14 տարեկան հասակում: Դա կախված է երեխայի ֆիզիկական կազմվածքից, սննդից, կրած հիվանդություններից, ժառանգականությունից և այլն:

Եթե այն դրսևորվում է նշված ինտերվալից դուրս, այսինքն` ավելի վաղ քան 10տարեկանը կամ 14-ից ավելի ուշ, ապա դա համարվում է ահազանգ` բժշկի դիմելու համար:

Մինչև 10 տաեկան դրսևորվող մենարխեն կարող է պայմանավորված լինել գլխուղեղի ուռոցքով: ԿԱՐՈՂ Է, բայց դա չի նշանակում` հստակ դա է: Այդ իսկ պատճառով բժշկի դիմել պարտադիր է:❗️

🌱Մինչ առաջին դաշտանը երխաների մոտ սկսում են ձևավորվել երկրորդային սեռական հատկանիշները` կրծքագեղձերի մեծացում, ցայլքի շրջանի, անութափոսերի բնորոշ մազակալում և այլն...

🪷Երեխայի մոտ նմանատիպ փոփոխություններ նկատելուց հետո, անհրաժեշտ է երախային տրամադրել սպասվող իրադարձությանը` զրուցել, իրեն հասկանալի մակարդակով բացատրել սպասվող իրադարձության մասին, որպեսզի դա նրա համար շոկային չլինի:
Շատ կարևոր է, որ աղջիկ երեխան հասունություն ոտք դնի իր տարիքին համապատասխան իրազեկման մակարդակով և կարևոր է, որ այդ իրազեկումը լինի ծնողի, խնամակալի, այսինքն` երեխայի համար հեղինակություն ունեցող անձի կողմից:

Շարունակելի.....

Եղե՜ք իրազեկված։
Սիրով` Dr. Arshakyan🫶

06/07/2024

Դաշտան/Դաշտանային ցիկլ

Դաշտանային ցիկլը այն պարբերաշրջանն է, որը պարբերաբար կրկնվում է մանկածնական տարիքի կանանց և աղջիկների մոտ։ Դաշտանային ցիկլը միջինում տևում է 28֊30օր, բայց տարբեր կանանց և աղջիկների մոտ կարող տատանվել 21֊35օր միջակայքում։ Ինչը նշանակում է, որ, օրինակ` մի կնոջ մոտ այն կարող է լինել 21֊24 օրը մեկ, մյուսի մոտ` 32֊35օրը մեկ և այլն։

Երբեմն կանայք/աղջիկները նշում են, թե ցիկլը կանոնավոր չէ, բայց անամնեզի, այսինքն բժշկական հարց ու փորձի ընթացքում պարզվում է, որ լավ էլ կանոնավոր է, ուղղակի ընդունված` "ամիսը մեկ անգամ" տարբերակով չէ, այլ` վերոնշյալ տարբերակներից որևէ մեկով։



Իսկ Դաշտանը կամ մենստրուացիան դաշտանային ցիկլի այն օրերն են, երբ կինը/աղջիկը ունենում է արյունային արտադրություն։ Այն միջինում տևում է 3֊5 օր։

Դաշտանային ցիկլի և դաշտանի առաջին օրեը նույն օրն է)))։

Այս ու նմանատիպ այլ գրառումներ անելու միտքը ծագում է բուժառուների հետ աշխատելու ընթացքում))

Եղեք առողջ և իրազեկված։

Սիրով` Dr. Arshakyan🫶🪷

11/06/2024

Բժիշկ -բուժառու

Բժշկի դիմելիս կարևոր է հիշել հետևյալը,
Որ բժշկի ,,խնդիրն է,, բուժառուին օգնել գտնել բուժման համար ամենակարճ ճանապարհն ու ամենաօպտիմալ եղանակը: Յուրաքանչյուր բուժառու ունի պատասխանատվության իր մեծ բաժինը` իր բուժման համար. (բժշկի ցուցումներին հետևելը, դեղորայքի կանոնավոր ընդունումը, անհրաժեշտության դեպքում սննդային ռեժիմին հետևելը և այլն):

Եթե այս կամ այն հարցով Ձեր ու Բժշկի հայացքները չեն համընկնում, այլ կերպ ասած ,, սիմպաԾիան,, չի բռնում))), ապա եղեք հոգատար, խնայեք և Ձեր, և Բժշկի ռեսուրսները` ժամանակը, էնեևգիան......և դիմեք այլ մասնագետի:

Հիշենք` չկա ,,լավ,, կամ ,,վատ,,: Կա այն, թե ինչպես ենք մենք վերաբերվում, ընդունում մարդուն, երևույթը և այլն.....

Կարճ ասած, եթե ունեք գանգատ, խնդիր և ունեցել եք բժշկի մոտ գնալու ,,վատ,, փորձառություն, ապա հաղթահարեք տվյալ հիշողությունները, դիմեք այլ մասնագետի, քանի որ ցանկացած խնդիր վաղ հայտնաբերելու դեպքում
✅️բուժումը ավելի արագ է
✅️մատչելի
✅️լիարժեք բուժման շանսերն էլ ավելի մեծ են:
Եղեք իրազեկված🌱
Սիրով` Dr. Arshakyan

14/05/2024

Մենք`բժիշկներս, հաճախ ենք լսում այն մասին, որ բուժառուները ձգձգել են բժշկին այցելելը մի շարք պատճառներից ելնելով, ինչպիսիք են`

✔️ Որևէ խնդրի հայտնաբերելու վախը

✔️Ամոթը

✔️Ժամանակ չունենալը

✔️Գանգատ չունենալը

և այլն։

Պատճառներից մեկն էլ
❗️բժշկի կողմից` գանգատի պատճառով իրենց հասցեին մեղադրանք լսելու մտավախությունն է❗️։(((

Սիրելի բուժառուներ, հիշե՜ք,

✔️Բժշկի սենյակը դատարան Չի))) իսկ մենք`բժիշկներս, դատավորներ չենք ու չենք մեղադրում)))։

✔️ Մեզ` բժիշկներիս համար, չկա գանգատ, որը
կլինի ամոթի կամ մեղադրանքի առարկա։
Մեր մասնագիտությունն է` օգնել Ձեզ, տալ Ձեր խնդրին լուծում։

Այնպես որ, Ձեր ունեցած խնդրին մի ավելացրեք հոգեբանական բռնության զգացումը` ձեր անձի հանդեպ մեղադրանքի զգացողությունը և մի հետաձգեք այցը։ Քանի որ ուշացումը կարող է էականորեն ազդել Ձեր հետագա կյանքի որակի վրա։

Հ.գ. Եղե՜ք առողջ, եթե ունեք գանգատ` մի հետաձգեք բժշկի գնալը)

Հ.գ.գ Այս նյութը գրելու պատճառն այն է, որ նախորդ շաբաթվա ընթացքում ինձ դիմած բուժառուներից 4ը (իսկ %֊ային իմաստով դա բավականին մեծ թիվ է` ~30%,), հետաձգել էին բժշկի դեմելը 1֊2տարի` ամոթի, քննադատվելու վախի պատճառով։

Հ.գ.գ.գ. Կյանքը հեշտ է, մի բարդացրեք այն)))

Եղե՜ք առողջ և իրազեկված։)

Սիրով` Dr. Arshakyan

25/04/2024

Սթրես/Անպտղություն/հիպերպրոլակտինեմիա

Հաճախ են լինում դեպքեր, երբ Սթրեսսային իրավիճակից հետո նկատվում է դաշտանային ցիկլի խանգարում` մասնավորապես դաշտանի ուշացում, դաշտանային արտադրության քչացում կամ դաշտանի բացակայություն /նույն ինքը ամենորեա/: Այս ամենը իր հերթին կարող է ուղեկցվել`
✔️օվուլյացիայի խանգարումով,
✔️սեռական ցանկության` լիբիդոյի ընկճմամբ:

Իրավիճակի պատճառներից մեկը պրոլակտինի քանակի բարձրացումն է` հիպերպրոլակտինեմիան, որը կարող է ուղեկցվել նաև`
✔️տրամադրության անկմամբ,
✔️քաշի ավելացումով,
✔️մազաթափությամբ,
✔️կաթնարտադրությամբ,
✔️հաճախակի գլխացավերով,
✔️տեսողության խանգարումով
և այլ ախտանշաններով:

🍀Պրոլակտինը շատ զգայուն հորմոն է, այսինքն շատ հեշտ է ենթարկվում տատանումների սթրեսսին ի պատասխան: Եվ տևական սթրեսսները կարող են խորացնել նշված գանգատները:

❗️Սթրեսից բացի պրոլատինի քանակի բարձրացման պատճառ կարող են լինել նաև պրոլակտին արտադրող բջիջների ուռուցքային գոյացությունները` մակրո- և միկրո-պրոլակտինոմաները:

Այս և նման այլ խնդիրները կյանքին կարող են վտանգ չսպառնալ, բայց զգալի նվազեցնում են կյանքի որակը:

Այս և նման այլ գանգատների դեպքում անհրաժեշտ է անցնել հորմոնալ քննություն:

Իսկ ավելի գրագետ է դիմել բժշկի:

Եղեք առողջ և իրազեկված:
Սիրով` Dr. Arshakyan