Wigmore Women's and Children's Hospital

20/12/2025

Ուրախ ենք տեղեկացնել, որ մեր թիմին է միացել նյարդավիրաբույժ Մարտա Քալաշյանը:

💚Բարի գալուստ Ուիգմոր ընտանիք և արդյունավետ աշխատանք:

20/12/2025

Ուրախ ենք տեղեկացնել, որ մեր թիմին է միացել նյարդավիրաբույժ Անուշկա Զաքարյանը:

💚Բարի գալուստ Ուիգմոր ընտանիք և արդյունավետ աշխատանք:

18/12/2025

⚪ ՈւՇԱԳՆԱՑՈՒԹՅՈՒՆ
Ի՞նչ անել և ի՞նչ չի կարելի անել ուշագնացության ժամանակ։

💚 Եղե՛ք իրազեկ, արագ արձագանքեք և պահպանե՛ք առողջությունը։

16/12/2025

🦷 Ի՞նչ գիտենք երեխաների ատամների խնամքի մասին։

❓ Պե՞տք է արդյոք լվանալ կաթնատամները։
🍭 Ի՞նչ ազդեցություն ունի քաղցրը մանկական ատամնաշարի վրա։
👶 Ինչո՞ւ են կարևոր ստոմատոլոգի մոտ ծանոթացման առաջին այցերը։

🩺Այս և մանկական ատամնաշարի առողջությանը վերաբերող բազմաթիվ այլ կարևոր հարցերի մասին Բուն ԹՎ-ի «Առողջ փոդքաստ»-ում պատմում է «Ուիգմոր կանանց և երեխաների հիվանդանոց»-ի մանկական ստոմատոլոգիական ծառայության պատասխանատու
Աշխեն Մաշուրյանը։

💙📹 Դիտե՛ք տեսանյութը և իմացեք՝ ինչպես ճիշտ խնամել ձեր փոքրիկի ժպիտը հենց առաջին ատամից։

15/12/2025

❔ԱՐԴՅՈ՞Ք ՁՄՌԱՆԸ ԵՐԵԽԱՆԵՐԻՆ ԱՎԵԼԻ ՇԱՏ ՎԻՏԱՄԻՆ D Է ԱՆՀՐԱԺԵՇՏ

Հարցը մեկնաբանում է «Ուիգմոր կանանց և երեխաների հիվանդանոց»-ի բուժական գծով փոխտնօրեն, մանկաբույժ Հրաչուհի Ղազարյանը:

💊 Վիտամին D-ի պակասի կանխարգելումը հաճախ մեզ մտահոգում է հենց ձմեռային սեզոնին․ սակայն պետք է նշել, որ այս խնդիրը միայն սեզոն-կախյալ չէ։
💊 Կան տարիքներ և իրավիճակներ, երբ կանխարգելիչ վիտամին D պետք է տրվի անկախ սեզոնից։
Օրինակ՝
✅ Կրծքահասակ երեխաները մինչև մեկ տարեկան պետք է ստանան օրական 400-500 միավոր վիտամին D․ սա վիտամին D-ի պակասի և ռախիտի կանխարգելման հիմնական գործողությունն է կրծքահասակ երեխաների շրջանում։
✅ Հաջորդ տարիքային խումբը, երբ կանխարգելիչ վիտամին D է ցուցված, կրկին անկախ սեզոնից՝ դա դեռահասներն են, և այս տարիքային խմբում խորհուրդ է տրվում ընդունել օրական 600 միավոր վիտամին D։

🩺 վիտամին D-ի կանխարգելիչ նշանակում նաև կարող է պահանջվել հատուկ իրավիճակներում, օրինակ․
💊 եթե կա ստամոքս-աղիքային համակարգի հիվանդություն, կամ որևէ թերներծծում, երբ հիվանդությամբ պայմանավորված աղիներից սննդանյութերը չեն ներծծվում։
💊 եթե կան այնպիսի քրոնիկ հիվանդություններ, երբ վիտամին D-ի և կալցիումի ներծծումը արգելակող այլ դեղեր ենք նշանակում, այդ դեպքում բժիշկը ևս ցուցելու է վիտամին D-ի ընդունում։
💊 եթե երեխան ունի խիստ ընտրողական սննդակարգ, սննդակարգում բացառված են կալցիում և վիտամին D պարունակող սննդատեսակները, ինչպիսիք են ձուն, ձուկը և կաթնամթերքը:

⬆️Վերոնշյալ ցանկացած իրավիճակում կամ կասկածի դեպքում պարտադիր անհրաժեշտ է խորհրդակցել մանկաբույժի հետ։

💚 Առողջ եղեք:

12/12/2025

🎉«Ուիգմոր կանանց և երեխաների հիվանդանոց»-ը երեք տարեկան է: «Ուիգմոր»-ի շենքերում պահված են բազում անձնական պատմություններ, որոնք ուժ են տալիս բուժանձնակազմին շարունակելու իրենց աշխատանքը նույնիսկ ամենածանր օրերին։ Այդ պատմություններում մարդու լավագույն դրսեւորումներն են, անմար հույսը, փրկված կյանքերը, շնորհակալական հայացքները, կոկորդը խեղդող դրական հույզերը, անխոս ձեռքսեղմումներն ու երջանկության արցունքներ։
Հենց այս կենդանի պատմությունների շնորհիվ է բժշկական համայնքը մնում համառ, մարդասեր եւ անսահման նվիրված՝ կրկին ու կրկին ընտրելով օգնելու ճանապարհը։

«Մտածել լայն եւ համարձակ». Ուիգմոր կանանց եւ երեխաների հիվանդանոցը 3 տարեկան է

11/12/2025

Ստոմատիտը ցավոտ, անհարմարություն պատճառող, բայց մեծամասամբ ինքնալավացման ենթակա ախտահարում է: Առաջացման պատճառների, կարելիների ու չիկարելիների մասին խոսում է «Ուիգմոր կանանց և երեխաների հիվանդանոց»-ի անհետաձգելի բուժօգնության ծառայության պատասխանատու Անի Պետրոսյանը:

11/12/2025

ՎԻՐԱՀԱՏԱՐԱՆԻ ԲՈՒԺՔՈՒՅՐ
«Ուիգմոր կանանց և երեխաների հիվանդանոց»-ը աշխատանքի է հրավիրում վիրահատարանի բուժքույրերի:

ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐ
• Վիրահատությունների ընթացքում բժշկին աջակցություն,
• Գործիքների ախտահանում, նախամանրէազերծում և մանրէազերծում,
• Մանրէազերծող սարքավորումների աշխատանքի հսկողության իրականացում,
• Վիրահատական գործիքների, նյութերի ծախսի կառավարում և համապատասխան գրառումների վարում,
• Վիրահատական բլոկի սանիտարական ռեժիմի ապահովում,
• Ընկերության կանոնակարգերի պահպանում։

ՊԱՀԱՆՋՎՈՂ ՀՄՏՈՒԹՅՈՒՆՆԵՐ
• Բուժքրոջ որակավորում, հավաստագիր,
• Վիրահատական սրահում աշխատանքի առնվազն 1 տարվա փորձ,
• Քիմիական ախտահանիչ նյութերի հետ աշխատանքի հմտություն,
• Պարտաճանաչություն, բծախնդրություն և աչալրջություն,
• Նոր գիտելիքներ սովորելու պատրաստակամություն։

📍 «Ուիգմոր կանանց և երեխաների հիվանդանոց»-ի գտնվելու վայրը՝
Երեւան, Ներսիսյան 10/7։
📍 Աշխատանքային գրաֆիկ՝ ցերեկային։

Համապատասխան մասնագետները կարող են ուղարկել իրենց CV-ն careers@wigmore.am էլ. հասցեին՝ վերնագիր դաշտում գրելով «Վիրահատարանի բուժքույր»: CV չունենալու դեպքում կարող եք մոտենալ հիվանդանոցի ընդունարան և տեղում լրացնել աշխատանքի ընդունման դիմում-հայտը։

Դիմելու վերջնաժամկետը՝ 25 դեկտեմբերի 2025թ․
Հարցազրույցի կհրավիրվեն միայն պահանջներին համապատասխանող դիմորդները։

11/12/2025

❄️Ցուրտ եղանակի ազդեցությամբ ձմռան ամիսներին մաշկն ավելի զգայուն է դառնում, ինչի հետևանքով հաճախ առաջանում են տարբեր մաշկային խնդիրներ։

💧Մաշկի չորությունը հենց ամենատարածված խնդիրն է։

📌Հետևելով մեր էջերին՝ այս և հաջորդ հրապարակումներում կծանոթանաք մաշկի չորությունից խուսափելու մեթոդներին, ինչպես նաև մաշկը ճիշտ պաշտպանելու կարևոր քայլերին։

10/12/2025

❓ Ո՞վ է զարգացման մանկաբույժը և ե՞րբ դիմել նրան

👶 Զարգացման մանկաբույժը գնահատում է երեխայի աճն ու զարգացումը՝
🗣️ խոսք • 🚶 շարժումներ • 🤝 սոցիալական հմտություններ • 🧠 ուշադրություն ու սովորելու ունակություն։

⚠️ Դիմել է պետք, եթե նկատում եք՝
🔹 խոսքի կամ վարքի դժվարություններ,
🔹 կենտրոնացման խնդիրներ,
🔹 շփման և խաղային հմտությունները այլ կերպ են ընթանում,
🔹 զարգացման հապաղման կասկած։

🩺 Մասնագետը կատարում է համալիր գնահատում, ուղղորդում ճիշտ մասնագետներին և ապահովում վաղ միջամտություն՝ լավագույն արդյունքի համար։

🎥 Դիտեք տեսանյութը՝ թեման ավելի լավ հասկանալու և կարևոր նշանները ճանաչելու համար։

09/12/2025

🎥Տեսանյութում ներկայացնում ենք «Մանկաբուժությունը գործնականում» դասընթացի մասնակիցների անկեղծ ու ոգեշնչող կարծիքները:

09/12/2025

📚Ամփոփում ենք տարեվերջյան «Մանկաբուժությունը գործնականում» անվճար, ՇՄԶ կրեդիտավորված դասընթացը։

2025թ․-ին Ուիգմորի «Մանկաբուժությունը գործնականում» նախաձեռնության շրջանակում իրականացվեցին`

🔹 9 դասընթաց (21 թեմա), որին
🔹 մասնակցեցին 1325 մանկաբույժ և ընտանեկան բժիշկ Երևանից և Հայաստանի բոլոր մարզերից։

🙏 Շնորհակալություն ենք հայտնում մասնակիցներին վստահության, ակտիվ մասնակցության և մասնագիտական աճի պատրաստակամության համար։

✨Ուրախ ենք, որ մեր կրթական հարթակը շարունակում է նպաստել որակյալ մանկաբուժական ծառայությունների զարգացմանը։