Dr. Vahan Vardapetyan

22/02/2026

Վիեննա` երաժշտարվեստի և հոգևոր աշխարհի էպիկենտրոնից

Վիեննայի մթնոլորտը պարտադրում է քեզ ավելի հոգևոր, էլեգանտ, դասական, շքեղ, ճաշակով, ձգված ու կոկիկ ներկայանալ։
Երաժշտարվեստի և հոգևոր աշխարհի էպիկենտրոնում շնչում ես ավելի ազատ, ուրախ և անհոգ, զգում և վայելում ես եվրոպական հոգեհարազատությունը, Եվրոպացի լինելու հաստատակամությունը և Եվրոպայի հետ չլինելու անհնարինությունը։
Ամեն մի բջջով, արյունով ու քաղաքակրթական արմատներով, հոգեկերտվածքով Եվրոպայի հետ ենք, Եվրոպացի հայեր ենք կամ հայ եվրոպացիներ ենք։
Աղոթում եմ առ Աստված, սա է մեր տեղը, այստեղ մեր շնչառությունը, տրամադրությունը, կյանքը ավելի եվրոպական և ավելի քան հայկական են։
Իսկ ես խնամքով նախապատրաստվում եմ Վիեննայի օպերային թատրոնում վայելել հրաշալի ներկայացումներ լավագույն միջազգային արտիստների մասնակցությամբ։
Ներկայացումից կամ համերգից առաջ զգուշացնում եմ` մի խանգարեք,ես պատրաստվում եմ համերգի կամ ներկայացման, շատերին տարօրինակ ու զարմանալի է թվում։
Բայց զարմանալի ոչինչ չկա, նախապես պետք է տրամադրվես, պատկերացնես, հիշես քո նախորդ ունկնդրումների տպավորությունները, «ճանաչես» արտիստական կազմին և դիրիժորին, էլ չեմ ասում համարժեք հագուկապի մասին։
Մտնել օպերային թատրոն կամ համերգասրահ, նույնն է և միգուցե առավել` Սրբավայրը, աղոթատեղին, հոգևոր հարստացման տաճարը…

20/02/2026

Լսեք, զգացեք, ապրեք, աղոթեք...
Խոսքերն ավելորդ են

Գրիգորի Սոկոլովի ֆանտաստիկ համերգից գերված և զմայլված, շփոթված և պապանձված մոտեցա, խոնարհվեցի ու հուզված ասացի`
սիրելի, թանկագին, հարազատ մաեստրո...
ուրիշ ոչինչ ավելացնել չկարողացա, խոնարհվեցի իր աստվածային օժտվածության և հանճարի... մարդկային առաքինության ու անբասիրության առջև։

Լսեք, զգացեք, ապրեք... խոսքերն ավելորդ են։
Նրա յուրաքանչյուր հնչյուն բացում է հոգու ամենախոր դռները, և դահլիճը շունչը պահած ունկնդրում էր... Խոնարհվում եմ նրա մատների կախարդանքի առաջ. այս երեկո դաշնամուրը պարզապես գործիք չէր, այլ կենդանի էակ, որ նրա հպումով շնչում էր, ցավում, սիրում ու ներվում։
Եվ ես դեռ երկար կմնամ այդ հնչյունների լույսի մեջ՝ երախտապարտ, խոնարհ, լռությամբ։

Enjoy the videos and music that you love, upload original content and share it all with friends, family and the world on YouTube.

19/02/2026

Ուխտագնացություն դեպի աստվածային երաժշտություն

Բարսելոնա, կատալոնական համերգասրահ (Palau de la musica Catalana), 1905 թվին կառուցված ճարտարապետական հրաշալիք` արտասովոր գրավիչ ակուստիկայով։ Մեծ հուզմունքով եմ սպասում իմ պաշտելի դաշնակահար Գրիգորի Սոկոլովի մենահամերգին։ Բեթհովենի ու Շուբերտի հետ իր աստվածային երկխոսությունն ուկնդրելը մեծագույն վայելք ու երջանկություն է, ու նաև աղոթք` մաեստրոյի հոգու և զգացմունքների հաղորդակցությամբ։
Խորագույն փիլիսոփայական ներթափանցում յուրաքանչյուր հնչյունի մեջ, յուրաքանչյուր ֆրազա շնչում է, յուրաքանչյուր դադար` խոսում, յուրաքանչյուր պիանիսիմո դառնում գաղտնի խոստովանություն։ Նրա յուրաքանչյուր հնչյունից ծնվում է վեհություն, ազնվություն ու ներքին լույս։ Սոկոլովի արվեստը հանդիսատեսին ոչ միայն հմայում ու հիացնում է, այլ փոխակերպում՝ դարձնելով համերգը յուրօրինակ ուխտագնացություն դեպի երաժշտության խորքը։

Այս սրահում երեկ իր նվագախումբն էր ղեկավարում լեգենդար դիրիժոր Զուբին Մեհթան, իսկ երեք օրից մեր ժամանակների մեծագույն դաշնակահար Անդրաս Շիֆի համերգն է։

▪️▪️▪️

Pilgrimage to Divine Music

Barcelona — the Catalan concert hall Palau de la Música Catalana, an architectural marvel built in 1905, with extraordinarily captivating acoustics. With great excitement, I await the solo recital of my beloved pianist Grigory Sokolov. Listening to his divine dialogue with Ludwig van Beethoven and Franz Schubert is the greatest pleasure and happiness — and also a prayer, through communion with the maestro’s soul and emotions.

A profound philosophical pe*******on into every sound; each phrase breathes, each pause speaks, every pianissimo becomes a secret confession. From each of his tones arise grandeur, nobility, and an inner light. Sokolov’s art not only enchants and amazes the audience, but transforms them, turning the concert into a unique pilgrimage into the depths of music.

In this very hall yesterday, the orchestra was conducted by the legendary maestro Zubin Mehta, and in three days’ time, a concert by one of the greatest pianists of our era, András Schiff, will take place.

19/02/2026

Հիասքանչ համերգ Նադին Սիերայի և Լյուդովիգ Տեզիեի մասնակցությամբ

Բարսելոնայի օպերային թատրոնում /Gran teatre del Liceu/ ներկա գտնվեցի ամերիկացի սոպրանո Նադին Սիերայի և ֆրանսիացի բարիտոն Լյուդովիգ Տեզիեի համերգին, համաշխարհային օպերային անուններ, որոնց տպավորիչ ու վառ կատարումները երկար կմնան իմ հիշողության մեջ։
Ինձ հաջողվեց մի քանի ձայնագրություն,անգամ տեսագրություն կատարել համերգի ընթացքում։

Համերգի մնացած տեսա-ձայնագրությունը կտեղադրեմ իմ յութուբյան էջում։

18/02/2026

Շնորհավորում եմ, Վիտտորիո

2025 թվականն իմ կյանքում նշանավորվեց կարևոր մշակութային իրադարձությամբ` ծանոթացա հռչակավոր իտալացի երգիչ Վիտտորիո Գրիգոլոյի հետ, ում բացառիկ տպավորիչ համերգը կայացավ Երևանում` ֆիլհարմոնիկ նվագախմբի հետ։ Մեծագույն վայելք էր այս համերգը մեր արվեստասեր հասարակության համար։
Թանկագին Վիտտորիո, հայ հանդիսատեսը շատ սիրեց ու գնահատեց քեզ։
Փառք Աստծո, որ ճակատագրի բերումով և արվեստի հզոր ազդակներով ձեռք բերեցի հմայիչ, լուսավոր ու տաղանդավոր իտալացի բարեկամ, թեև հեռավոր, սակայն հոգեհարազատ ու սրտակից, ում մշտապես լսում եմ չափազանց հաճախ, ում ձայնային տեմբրում գտնում եմ հոգեհարազատ հույզեր և մեծ հոգի։
Սիրելի Վիտտորիո, քո հմայիչ ու գերող ձայնով, վառ արտիստականությամբ երկար-երկար միավորես մեր սրտերը և խանդավառես մեր հոգիները։

▪️▪️▪️

Happy Birthday, Vittorio!

The year 2025 was marked in my life by an important cultural event: I had the honor of meeting the renowned Italian singer Vittorio Grigolo, whose exceptionally impressive concert took place in Yerevan together with the Philharmonic Orchestra. It was a great delight for our art-loving audience.

Dear Vittorio, the Armenian public truly loved and appreciated you.

Thank God, through destiny and the powerful inspiration of art, I have gained a charming, bright, and talented Italian friend — distant, yet spiritually close and dear to my heart. I listen to you very often, and in the timbre of your voice I find kindred emotions and a great soul.

Dear Vittorio, may your captivating and enchanting voice, and your vivid artistry, unite our hearts for a long time and continue to inspire our souls.

18/02/2026

Առաջին անգամ ունկնդրեցի այս փառահեղ օպերան

Բարսելոնայի օպերային թատրոնում /Gran Teatre del Liceu/ երեկ ներկա էի Amilcare Ponchielli-ի «Ջոկոնդա» օպերայի ներկայացմանը։ Այս ստեղծագործությունը, իրոք, իտալական դրամատիկական օպերայի գագաթներից մեկն է,որը պահանջում է ոչ միայն վոկալ բացառիկ կարողություններ, այլև` բեմական խոր դրամատիզմ, կերպարային լարվածություն և հոգեբանական ճշգրտություն։
Դիրիժոր Daniel Oren-ը հանդես եկավ կրքոտ, հուզական և լայնաշունչ մեկնաբանությամբ։ Նրա ղեկավարությամբ նվագախումբը «շնչում» էր երգիչների հետ՝ ստեղծելով կենդանի, լարված և ամբողջական երաժշտական հյուսվածք։
«Ջոկոնդան» բացառիկ փորձություն է յուրաքանչյուր կատարողի համար։ Հատկապես սոպրանոյի գլխավոր դերը համարվում է ռեպերտուարի բարդագույններից մեկը՝ պահանջելով հսկայական ձայնային դիմացկունություն, լայն դինամիկ դիապազոն և խոր արտահայտչականություն։ Դրամատիկական պոռթկումները, լիրիկական պահերը և ինտենսիվ դուետներն անընդհատ պահում էին դերակատարին ծայրահեղ լարվածության մեջ։

Գլխավոր դերակատարները`

🎼 Ջոկոնդա (Gioconda) — Saioa Hernández
🎶 Էնցո Գրիմալդո (Enzo Grimaldo) — Michael Fabiano
👩 Լաուրա Ադորնո (Laura Adorno) — Ksenia Dudnikova
🎭 Ալվիզե Բադոերո (Alvise Badoero) — John Relyea
🪶 Լա Ցչեկա (La Cieca) — Violeta Urmana
🎤 Բառնաբա (Barnaba) — Gabriele Viviani
🎼 Իսէպո (Isèpo) — Roberto Covatta

Շատ եմ ցավում, որ չհասցրեցի նախորդ օրվա ներկայացմանը Լաուրայի դերում ունկնդրել մեր հիասքանչ Վարդուհի Աբրահամյանին։

Այսօր, այս շքեղ օպերային թատրոնում, ներկա կգտնվեմ միջազգային բարձրակարգ օպերային երգիչներ Նադին Սիերայի և Լյուդովիգ Տեզիեի համերգին։

17/02/2026

Շնորհավորանքներ Սուրբ Խաչի և Եվլալիայի տաճարից

Բարսելոնայի մայր տաճարում իմ աղոթքներով ու խոհերով շրջում էի, չհասած եկեղեցու գմբեթ, հեռախոսիս զանգից սթափվեցի ու դեռ նեղվեցի, որ հանգիստ չեն տալիս։ Բայց երբ կարդացի մեր աշխատակցուհու՝ Արմինե Թելոյանի գրությունը, ուրախությունից առանձնացա և շնորհավորեցի մեր երկու այցելուներին հենց այդ պահին հաստատված հղիության կապակցությամբ (Անի Մալոյան և Ելենա Քոսակյան)։
Տեսե՛ք ինչ խորհրդանշական պահ է, իմ շնորհավորանքը և օրհնությունը հղեցի Բարսելոնայի Մայր տաճարի գմբեթից։
Կա՞ ավելի շնորհակալ և ազգօգուտ գործ, իհարկե՝ ոչ, յուրաքանչյուրդ սիրեք ու պաշտեք ձեր գործը։

17/02/2026

Մշակութային օրեր
Բարսելոնա

Սուրբ ընտանիքի քավության եկեղեցի (Սագրադա ֆամիլիա)
Ճարտարապետ՝ Անտոնիո Գաուդի
Կառուցվում է 1882 թվականից մինչ օրս, հավատացյալների նվիրատվության միջոցով, աշխարհի ամենաբարձր եկեղեցին է (162 մետր), մնում է վերջին 10 մետրը։

Հ.Գ. Որքան էլ զարմանահրաշ, ազդեցիկ, բարձր, սքանչելի ու անկրկնելի լինեն այս և այլ հոգևոր տաճարներ, մեր եկեղեցու հոգևոր և Սուրբ խորհուրդը ոչ մի տեղ չկա, մանավանդ եթե «մաքրվի» չարից, օտարից, այլասերվածից…

16/02/2026

Հաղթարշավը շարունակվում է, Աստծո օրհնությունը մեզ

Երկու անհավանական դեպք, որից ես ցնծում եմ, իսկ իրենք` այս երկու ամուսնական զույգը ավելի շատ հուզված են, «չեն ուզում» հավատալ, որ արդեն հղի են, այն էլ առանց արտամարմնային բեղմնավորման, ՍԵՓԱԿԱՆ ձվաբջջով։
Տեր Աստված, քո ուժն ու զորությունը մեզ, բնություն ամենազոր` պարգևիր մեզ քո անսպառ հրաշքները։

15/02/2026

Հաղթանակների օր

Ոչ թե պետք էր արտամարմնային բեղմնավորում իրականացնել, այլ`նվազեցնել քաշը 20 կգ֊ով
Շնորհավորում եմ

Չզարգացող հղիության, անէմբրիոնիայի և բշտիկային զանգվածի երեք անհաջող դեպքերից հետո վերջապես նորմալ զարգացող հղիություն:
Շնորհավորում եմ:

Իմ և ձեր երջանկության պահերը, որոնք ուժ և հզոր լիցքեր են հաղորդում ինձ:

14/02/2026

Հրաշալի երեկո և բովանդակալից զրույց

Անկեղծ ու սրտամոտ բարեկամների հետ զրույցը վայելք է, մանավանդ եթե արվեստի զարգացման և երկրի ապագայի վերաբերյալ մտահոգություններն ու տեսակետները հակասական չեն: Ճանաչված ու անվանի արտիստներ Լիանա Հարությունյանն ու Լիանա Ալեքսանյանը տարիներ շարունակ փայլել են ամենահայտնի միջազգային բեմերում, հասել օպերային արվեստի բարձունքներին, մշտապես մնալով պարզ, անմիջական ու հմայիչ: Մեր ընկերական կազմը ընդլայնվեց հրաշալի երիտասարդ զույգով՝ օպերային երգիչներ Նավասարդ Հակոբյան և Անի Կուշչյան, ովքեր դեռ շատ են ուրախացնելու մեզ օպերային արվեստում իրենց բացառիկ հաջողություններով:
Եվ ինչպես միշտ, միմյանց հրաժեշտ տվեցինք Օհան Դուրյանի արձանի մոտ: