Դիմածնոտային վիրաբուժության կլինիկա

25/07/2020

Կատաղած շան կծելու արդյունքում, վնասվել է պացիենտի արտաքին քիթը, լատերալ և թևակերպ աճառների հետ միասին։ Կատարվել է քթի ֆունքցիոնալ և էսթետիկ ռեկոնստրուկցիա։

14/07/2020

Գիտեի՞ք, որ տիտանից պատրաստված ատամնային իմպլանտի մակերեսը կարելի է ակտիվացնել ուլտրամանուշակագույն ճառագայթներով, որի արդյունքում բարելավվում է օստեոինտեգրացիայի ժամանակը, նվազեցվում է բարդությունների հավանականությունը:

Տիտանը (Ti) իդեալական մետաղ է ատամնային իմպլանտների համար` գլխավորապես իր իներտության և կենսահամատեղելիության շնորհիվ:

Այնուամենայինիվ` ատամնային իմպլանտի օստեոինտեգրացիայի կանխատեսելիությունը և լավացման ժամանակը բարելավելու համար մշակվել են և մշակվում են իմպլանտի մակերեսի տարատեսակ մակրո-, միկրո- և նանոմոդիֆիկացիաներ:

Այդ մոդիֆիկացիաներն ի վերջո ուղղված են իմպլանտի մակերեսի այնպիսի հատկանիշներին, որոնց բարելավման արդյունքում մեծանում է իոնների, լիպիդների, ածխաջրերի և սպիտակուցների աբսորբցիան: Դա էլ իր հերթին խթանում է բջիջների աճը և միգրացիան` դեպի իմպլանտի մակերես:

Վերջնական արդյունքը լինում է ոսկրի և իմպլանտի կոնտակտի ավելի մեծ բաժին, որը հիմնական գործոնն է` լավ օստեոինտեգրացիայի համար:
Հատկանշական է, որ իմպլանտի մակերեսը կարող է փոփոխվել ժամանակի ընթացքում` նույնիսկ գործարանային ստերիլ փաթեթի մեջ (իմպլանտի հնեցում):

Դա պայմանավորված է ստերիլ փաթեթում առկա մթնոլորտային ածխաջրածինների մոլեկուլներով, որոնք ժամանակի ընթացքում կապվում են տիտանի օքսիդի շերտին և առաջացնում են հիդրոֆոբ («ջրավախ») շերտ:

Հիդրոֆոբ շերտը կարող է մինչև 50% նվազեցնել մակերեսի աբսորբցիայի ունակությունը և ազդել օստեոինտեգրացիայի վրա:
Այս երևույթը դիտվում է գործարանային արտադրումից սկսած` 4-րդ շաբաթից, համարվում է անխուսափելի և կախված է պահպանման ժամկետից:

Ահա այս հիդրոֆոբ շերտի վերացման համար էլ 1997թ.ին առաջարկվել է ուլտրամանուշակագույն ճառագայթների կիրառումը, որի միջոցով հնարավոր է վերականգնել մակերեսի հիդրոֆիլությունը (խնամակցությունը` ջրային միջավայրի նկատմամբ):

Այդ պրոցեդուրան կոչվում է ֆոտոֆունկցիոնալիզացիա, նրա իմաստը` տիտանի մակերեսին Ti3+ -իոնների առաջացումն է, որոնք օժտված են ուժեղ հիդրոֆիլ ունակություններով:

Ըստ որոշ հետազոտությունների արդյունքների` ֆոտոֆունկցիոնալիզացիան մեծացնում է ոսկրի և իմպլանտի կոնտակտը, ինչպես նաև մեծացնում է հակառակ պտտող ուժը, որը անհրաժեշտ է` օստեոինտեգրացիան ընդհանտելու համար:

#Իմպլանտացիա #ՈւՄ #ֆոտոֆունկցիոնալիզացիա #դիմածնոտային #վիրաբուժություն #Имплантация #фотфункционализация

18/06/2020

Բերանի խոռոչի բազմաթիվ ֆունկցիոնալ և էսթետիկ խնդիրներ կարելի է վերացնել վիրահատական եղանակով: 👨‍⚕️📖🙂

Այդ վիրահատական միջամտությունների միջոցով դիմածնոտային վիրաբույժը կարող է բարելավել ծամողական և խոսքի ֆունկցիաները, վերացնել էսթետիկ խնդիրները, ինչպես նաև` բուժել բորբոքային խնդիրները:

Դիմածնոտային վիրաբույժների ամերիկյան ասոցիացիան (facebook.com/aaoms.org) պատրաստել է մի ինֆորմատիվ սխեմա՝ բերանի խոռոչում կատարվող միջամտությունների մասին։

Ծանոթացեք այդ միջամտություններին․․․

Եղեք առողջ․․․

#Իմպլանտացիա #իմպլանտ #имплантация #пародонтит

10/06/2020

Կորոնավիրուսի ախտանատոմիական հետազոտության արդյունքները

Autopsies of deceased with a confirmed severe acute respiratory syndrome coronavirus 2 (SARS-CoV-2) infection can provide important insights into the novel disease and its course. Furthermore, autopsies are essential for the correct statistical recording of the coronavirus disease 2019 (COVID-19) de...

23/05/2020

20/05/2020

Գիտեի՞ք, որ պարոդոնտիտի ոչ վիրահատական բուժման ընթացքում անօգուտ է նշանակել Ամոքսիցիլին/Մետրոնիդազոլ համակցման բարձր (500/500 մգ կամ 500/400 մգ) դեղաչափեր երկար ժամկետով (14 օր), քանի որ արդյունքը նույնն է` համեմատած ցածր դեղաչափերով և կարճատև (7 օր) կիրառման (250/200 մգ, 375/250 մգ, 375/500 մգ կամ 500/250 մգ)...

Նման եզրակացության է բերում վերջերս կատարված մի մետաանալիզ, որում ուսումնասիրվել են Ամոսքիցիլինի և Մետրոնիդազոլի համակցված կիրառումը` պարոդոնտիտի ոչ վիրահատական բուժման ընթացքում:

Պարոդոնտիտի ոչ վիրահատական բուժման ժամանակ Ամոսքիցիլինի և Մետրոնիդազոլի համակցված կիրառումը որպես լրացուցիչ թերապիա`միջին դրական արդյունք է տալիս ախտաբանական լնդագրպանիկների վերացման համար:

Մետաանալիզի ընթացքում համեմատվել է տարբեր դեղաչափերով և տարբեր տևողությամբ (7 օր և 14 օր) Ամոքսիցիլին/Մետրոնիդազոլ համակցման արդյունքը` բուժումից 3 ամիս անց:

Արդյունքում` ախտաբանական լնդագրպանիկի բարելավման մակարդակը նույնն է եղել բոլոր դեպքերում ( վերջինս ստուգվել է լնդագրպանիկի զոնդավորվող խորության և պարոդոնտի հյուսվածքի կլինիկական միացման կորստի ցուցանիշներով ), այն դեպքում` երբ դեղորայքի կողմնակի ազդեցության հաճախությունը բարձր է եղել` բարձր դեղաչափերի և երկարատև կիրառման դեպքում:

#անտիբիոտիկ #պարոդոնտիտ #բուժում #пародонтит #лечение #антибиотики

13/05/2020

Թունելային միջամտությամբ՝ մերկացած իմպլանտի "ծածկումը"։ 👨‍⚕️📖🦉

Այս միջամտությամբ՝ շարակցական հյուսվածքի տրանսպլանտատի օգնությամբ վերականգնվում է լնդեզրը՝ իմպլանտի շուրջ։

07/05/2020

Գոյություն ունի որոշակի կապ՝ դեպրեսիայի ու լարվածության և քունք-ստործնոտային հոդի խանգարումների միջև. խանգարումներ, որոնք ընդգրկում են այդ հոդի բաղադրիչ կազմող մկանային և հոդային տարրերը:

Համաձայն գերմանիայում կատարված մի հետազոտության, որում մասնակցել են գրեթե 4000 հիվանդ՝ դեպրեսիվ սիմպտոմները առավել ուժեղ կապված են քունք-ստործնոտային հոդի ցավի հետ քան թե՝ ծամիչ մկանների ցավի հետ, իսկ լարվածություն սիմպտոմները՝ առավել ուժեղ կապված են մկանային ցավի հետ:

Այդ հետազոտությունները հրապարակվել են The Journal of Pain ամսագրի հոդվածներից մեկում ( https://doi.org/10.1016/j.jpain.2012.09.004):

Համաձայն այդ հետազոտության՝ քունք-ստործնոտային հոդի ցավը կարող է լինել դեպրեսիայի և լարվածության ֆիզիկական արտահայտում:

Դրա հավանական պատճառներից է այն, որ նշված հոգեվիճակում նյարդային համակարգի յուրահատուկ վիճակը կարող է բերել հոդի հետ անմիջականորեն կապված ծամիչ մկանների գերֆունկցիային, որն էլ բերում է քունք-ստործնոտային հոդի բորբոքմանը և ցավին:

Բացի այդ՝ նշված վիճակում գլխուղեղում քիմիական միջնորդանյութերի հավասարակշռությունը խախտվում է, որից էլ կարող է փոխվել օրգանիզմում ցավի զգացողության ընկալումը:

Հետազոտության արդյունքները վկայում են միայն որոշակի կապի մասին քունք-ստործնոտային հոդի ցավային համախտանիշի և դեպրեսիայի ու լարվածության միջև և դեռ չեն նշանակում, որ նրանց միջև կա պատճառահետևանքային կապ:

Այնուամենայնիվ՝ արդյունքները ցույց են տալիս, որ դեպրեսիայի ու լարվածության վիճակները կարող են լինել ռիսկի գործոններ՝ քունք-ստրոծնոտային հոդի խանգարումների համար։

04/05/2020

Նայիր բնությանը և ամեն ինչ ավելի լավ կհասկանաս․․․

Look deep into nature, and then you will understand everything better. ...

29/04/2020

Քունք-ստործնոտային հոդը մարդու օրգանիզմի ամենաբարդ հոդերից մեկն է, որն օժտված է մեծ հարմարվողական պաշարներով և նուրբ կառուցվածքային տարրերով։
Վնասակար գործոնների երկարատև ազդեցության դեպքում խախտվում է հավասարակշռության վիճակը և սկսում են պրոցեսներ, որոնք մեկը մյուսին նպաստելով՝ հանգեցնում են հոդի խնդիրների առաջացմանը։ 👨🏻‍⚕️🦉📖
Լրացրեք այս հարցաթերթիկը քունք ստործնոտային հոդի խնդիրների մասին և կանխարգելեք հոդի հետագա հիվանդությունները։

Հետևյալ հարցաթերթի օգնությամբ կարող եք կանխարգելել Քունքստործնոտային հոդի ախտահարումները Ընտրեք Ձեզ բնորոշ գանգատները (Մենք կկապնվենք Ձեզ հետ, հորցաթերթի լրացնե...

29/04/2020