Dr. Armine Misakyan

20/12/2025

Պատասխանում եմ հաճախ հնչող հարցերից մեկին!

🔸 Անօվուլյացիոն ցիկլ․ ի՞նչ է դա

Անօվուլյացիոն ցիկլը այն դաշտանային ցիկլն է, որի ընթացքում
👉 օվուլյացիա չի տեղի ունենում
այսինքն՝ ձվաբջիջը չի ազատվում։

🩸 Դաշտան կարող է լինել, բայց առանց օվուլյացիայի։

🔸 Ե՞րբ կարող է լինել նորմա

✔️ դեռահասների մոտ
✔️ կրծքով կերակրման շրջանում
✔️ նախամենոպաուզայի ժամանակ
✔️ սթրեսի կամ քաշի կտրուկ փոփոխության դեպքում

🔸 Հնարավոր պատճառներից են.

▫️ հորմոնալ խանգարումներ
▫️ պոլիկիստոզ ձվարանների համախտանիշ (PCOS)
▫️ սթրես
▫️ ինտենսիվ մարզումներ
▫️ քաշի խնդիրները

🔸 Ինչպե՞ս կարող է արտահայտվել

անկանոն դաշտան
-երկարատև կամ առատ արյունահոսություն
-դաշտանի բացակայություն
-հղիանալու դժվարություն

🔸 ՈւՁ հետազոտության դերը

📌 ՈւՁ-ով հնարավոր է գնահատել՝
• ֆոլիկուլների զարգացումը
• օվուլյացիայի առկայությունը կամ բացակայությունըԷ
• դեղին մարմնի ձևավորումը

🩺 Դինամիկ ՈւՁ-ն ամենաինֆորմատիվ մեթոդներից է:

02/12/2025

02/12/2025

Մի փոքր տեղեկություն լեղապարկի կառուցվածքային առանձնահատկությունների մասին!

Այն լեղու յուրահատուկ ռեզերվուար է:
Տանձաձև օրգան, որն ունի հատակ և մարմին( կանգնած ժամանակ դեպի ներքև ուղղված) և վզիկը արտատար ծորանով( վերև ուղղված):
Լեղապարկն ունի բարակ պատեր ( 3-4 մմ) , որի մեջ բացակայում է մկանային շերտը:

Լեղապարկի ֆունկցիաները.
- լեղու կուտակում( 60-80 մլ)
- էվակուատոր( լեղի փոխադրող)
- խտացնող( խտացնում է լեղու որակը 10- 20 անգամ)
- սեկրետոր( արտադրում է լորձ, մուցին ֆերմենտը):

Լեղապարկի հատակում լեղին ավելի թանձր է( հին) , որով էլ պայմանավորված է նստվածքի, քարերի առաջացումը:
Իսկ նեղուցի շրջանում ավելի ջրիկ( թարմ ) լեղի է:

Սոնոգրաֆիկ տեսանելի խնդիրները.
- քարերի առկայություն( լեղու արտահոսքի խանգարումով կամ առանց դրա)
- լեղապարկի պատերի բորբոքում` հաստացումով և լեղու անհամասեռությամբ)
- օջախային ախտահարումներ` ինչպես լեղապարկում , այնպես էլ ծորանում:

Պետք է նշել, որ լեղապարկի խնդիրները կարող են ընթանալ ինչպես գանգատներով( ցավ, դեղնուկ, փսխում), այնպես էլ առանց գանգատների( ուռուցքային պրոցեսի վաղ շրջանում):
Ուստի անհրաժեշտ է գոնե տարին մեկ անգամ անցնել պրոֆիլակտիկ հետազոտություն` լեղապարկի խնդիրները ժամանակին կանխելու համար:

Առողջ եղեք💛

26/09/2025

Իմպլանտներ կրծքագեղձերում ` հղիության, այնուհետև կրծքով կերակրման ժամանակ 💡

Հետծննդաբերական 6- րդ. ամիսն է, երիտասարդ.կին է, առաջին ծննդաբերությունն է:
Կրծքագեղձերում շարունակական ցավի և այտուցվածության առիթով դիմել է սոնոգրաֆիայի:

Կրծքով կերակրումը դադարեցրել է արդեն 20 օր` կրծքում առկա ծանր ցավի պատճառով:
Հետազոտման ժամանակ հայտնաբերում եմ ազատ հեղուկի կուտակում` գեղձային հյուսվածքի և.իմպլանտի միջև մի 100 մլ- ի չափով` կրծքագեղձի առավելմ ցավոտ կողմում:
Իմպլանտի թաղանթի տեսանելի վնասում չեմ արձանագրում:

Բուժառուն ուղղորդվում է կրծքաբանի կոնսուլտացիայի, որտեղ կատարվում է ազատ հեղուկի ասպիրացիա( այսինքն հեռացում գեղձից):

☑️Մոռացա նշեմ, որ հետծննդյան վաղ շրջանում 1-3 ամիսներին, կինը պատմում է կրած սուր մատիտի պատմություններ` կոնկրետ ազատ հեղուկ կուտակված կրծքում:

Որպեսզի նյութը չհոգնեցրի կարդացողին` շարունակությունը և առհասարակ նմանատիպ խնդիրներից խուսափելու մի շարք կարևոր քննարկումներ կանեմ հաջորդ պոստում:

📌Առողջ ու տեղեկացված ապրեք:
Խոստանում եմ այս ամիս շատ հետաքրքիր դեպքեր պատմեմ ու հա, մեկ էլ` վիդեոների վատ որակին չխաբվեք, կարևորը բնական են ու ինֆորմացիայով լի:

12/09/2025

Ինքը դեռ 5 մմ- անոց բաբախող « սրտիկ» էր, երբ հայտնաբերեցի մայրիկի արգանդում ու երջանկացրի իրենց:

Էսօր,մարդու տղեն սենց լուրջ- լուրջ դեմքով մամային բերել ա մոտս` իրենց ընտանիք եկող ևս մեկ նոր բաբախող սրտիկ լսելու😇

Ոչինչ, որ սենց խիստ դեմքով էլ մնաց մինչև վերջ ու հրաժարվեց գիրկս գալուց, բայց մեկա իրենք են իմ աշխատանքը սիրելու ամենամեծ մոտիվացիան🤍

Շատ ու շատ ծնվել անպայման ինձ հյուր եկեք ձեր մայրիկների հետ :
Ձեր ամեն ապրող բջջի մեջ ես իմ Սիրո բաժինն ունեմ🤍

15/08/2025

Բուժառու 35 տ, սոնոգրաֆիկ հետազոտության է դիմել որովայնի ներքևի հատվածի մեծացման, տեղային ցավերի գանգատով։
Հետազոտության ընթացքում հայտնաբերվել է արգանդիառաջային պատից դեպի դուրս աճով հսկա միոմատոզ հանգույց , մոտավորապես 15սմ տրամագծով, որն ունի խառը կառուցվածք՝ մեռուկացած անկանոն օջախներով կոմպակտ հյուսվածքի հաստության մեջ առկա, խառը և շատ ակտիվ արյունահոսքով։
Ձվարանների կառուցվածքը նորմալ էր, ձախից հայտնաբերվեց մեկ փոքրիկ/2,8սմ/ ֆոլկուլյար կիստա։

Քանի որ միոմատոզ հանգույցը ուներ ոչ համասեռ կառուցվածք , տեսանելիորեն կար արյունամատակարարման խանգարման վտանգ և արտաքին ցավոտություն շոշափելիս, ուստի դիագնոզի հիմնավորման հետ ՝ խորհուրդ տրվեց վիրաբույժ գինեկոլոգի շտապ կոնսուլտացիա։

Դե մինչ մեր բուժառուն 2-3 օրվա ընթացքում կպատրաստվեր գինեկոլոգի մոտ այցին՝ ցավերը թույլ չտվեցին երկար սպասել։
Դինամիկ պատկերը հետևյալն էր ․
Սաստիկ ցավեր որովայնի ստորին սեգմենտում, որովայնի պատը լարված, փոքր կոնքի խոռոչում զգալի քանակի ազատ հեղուկի կուտակում, ձվարանների տեսանելիության նվազում՝ սուր ցավերի պատճառով հետազոտության սահմանափակման հետ կապված։

Շտապ ցուցումով վիրահատություն։

Վիրահատության ժամանակ հայտնաբերվել է ձվարանի պատի վնասում՝ ապոպլեքսիա /հավանաբար կիստայի պատռում/, որն էլ պատճառ է դարձել սուր ցավերի և ներքին արյունահոսության։

Բուժառուն վիրահատվել է կյանքի կենսական ցուցումով ,որի ժամանակ փոքր կոնքից հեռացվել է մեծ քանակի կուտակված արյուն, ձվարանի պատի վերականգնում։
Իսկ միոմայի հեռացումը պլանային կարգով կիրականացվի հաջորդ էտապում։

Բուժառուն մեծ քանակի արյան կորդտի առիթով ստանում է վերականգնող բուժում։

Առողջ եղեք, սիրելի կանայք և երբեք մի անտեսեք ձեր առողջական խնդիրները։

Սիրով՝ ձեր բժիշկ- Արմինե Միսակյան

08/08/2025

Կարևորելով առողջությունը✔️
Medines clinic

25/09/2024

Այսօր կպատմեմ ձվարանային կիստայի պատռման մասին, որը շատ տարածված է գինեկոլոգիական պրակտիկայում և կրում է ապոպլեքսիա անվանումը։

Ապոպլեքսիան արյունազեղված /ֆունկցիոնալ/ կիստայի պատռումն է ՝ ձվարանային թաղանթի վնասումով և վնասված անոթի արյունահոսությամբ, որի ընթացքից և աստիճանից էլ կախված՝ որոշվում է բուժման ընթացքն ու տեսակը, այսինքն վիրահատական է՞ թե ոչ։

Գանգատները
1․ցավերն են որովայնի ներքևի շրջանում, որոնք կարող են լինել թույլ կամ ուժեղ՝ չթուլացող։
2․ Որովայնի ձվածություն։
Ավելի բարդացած դեպքերում
․ Թուլության պրոգրես , սրտխառնոց։

Դիագնոստիկ փայլուն մեթոդ է ՈՒՁՀ-ն , որի ժամանակ գնահատվում է ձվարանի թաղանթի պատռման չափը և ազատ հեղուկի/արյուն/ քանակը փոքր կոնքի խոռոչում։
Եթե կուտակված արյան քանակը զգալի է, իսկ ցավերն ուժգնացող, ապա անհրաժեշտ է հրատապ վիրահատական միջամտություն, որի ժամանակ վերականգնվում է վնասված ձվարանի թաղանթը։

Այսքանը՝ կարևորի մասին։

Եղեք ուշադիր ձեր առողջական խնդիրներին և մի զլացեք ժամանակին դիմել բժշկի։

24/09/2024

Բարի երեկո, երկարատև դադարից հետո վերսկսում եմ բժշկական հետաքրքրաշարժ նյութերի մեկնաբանումն այս մասնագիտական էջում։
Հուսով եմ սպասում եք նոր նյութերի/որոնք այնքան շատ են/ և այսպիսով բացումը կանեմ մի հետաքրքիր ախտորոշմամբ, որը լատիներեն անվանումով կոչվում է Isthmocele, կամ հայերեն տարածում գտած տերմինով՝ արգանդի անկայուն սպի՝ առաջացած Կեսարյան հատումից հետո։

Քանի, որ ծննդատանը հաճախ եմ բախվում այս անդուր խնդրի հետ և հաճախ սպիի դեֆեկտը հայտնաբերում եմ կրկին մայրանալ պատրաստվող կանանց մոտ, այդ պատճառով հարկ համարեցի բացատրել ու իրազեկել իմ լսարանին հիվանդության մանրամասները։

Արգանդի անկայուն սպի- անունն իսկ ենթադրում է , որ առաջանում է արգանդի վիրահատական կարից հետո՝ սպիի ողջ ամբողջական ձևավորմամբ։

Հիմնական պատճառներն են․
📌․ Կեսարյանի ժամանակ արգանդի ցածր կտրվածքը։
📌․ Արգանդի վզիկի չափից շատ բացումը/ուշ ֆազայում/
📌․ Պտղի գլխի ցածր ֆիքսված դիրքը
📌 ․Որովայնամզի թերի վերականգնումը կարելու ընթացքում։
📌 ․ Միզապարկի պատի հետ լոսկուտի ձևավորումը․
📌. Էնդոմետրիոզ հիվանդությունը և այլն։

Կլինիկական դրսևորումներից հիմնականը կնոջ մոտ երկարատև, չմաքրվող դաշտանային արյունային արտադրությունն է, որը շարունակաբար կրկնվում է ցիկլի միջին փուլերում նույնպես՝ հաճախ մուգ շագանակագույն քսվող արտադրության պես։

Հայտնաբերվում ՈՒՁՀ մեթոդով՝ ինչպես որովայնային, այնպես էլ ներվագինալ տվիչների օգնությամբ։
Եթե սպիի բացված խոռոչը /ниша/ բավականաչափ մեծ է/2սմ և ավելի/, ապա խորհուրդ է տրվոմ վերցնել վիրաբույժ գինեկոլոգի կոնսուլտացիա, որն էլ կարող է գնահատել հաջորդ հղիության կրման ռիսկը ՝ոչ կայուն սպիի պայմաններում կամ նշանակել սպիի վերականգնման կրկնակի վիրահատություն։

Այնպես, որ , սիրելի կանայք, եթե ձեզ մոտ սոնոգրաֆիկ հայտնաբերվել է արգանդի սպիի անկայունություն, անկախ նրա չափերից՝ հղիություն պլանավորելուց առաջ անպայման խորհրդակցեք գինեկոլոգի հետ։

04/07/2024

Էջում էլի ունեմ տեղադրած նյութ՝ միոմայի և զուգահեռ զարգացող հղիության վերաբերյալ և հակիրճ փորձել եմ զարգացման բացատրել պատճառներն ու հետագա ռիսկերը՝ հղիության ընթացքի վերաբերյալ:
Սակայն այս մեկը իմ պրակտիկայում շատ հետաքրքիր էր , ուզեցի մասնագիտական էջում նույնպես կիսվել՝ ոչ այնքան հաջող արված տեսանյութովս:
Սպասվող հարցերին միանգամից պատասխանելով ասեմ, որ դեռ ընթացքը պարզ չէ ոչ մեկին, հղին գտնվում է հսկողության տակ, ռադիկալ/վիրահատական/ բուժական մեթոդներ առայժմ չեն պլանավովում:
Հղիությունը 11-12 շաբաթական է , զարգացող պտղով, հղին ունեցել էր ճնշող ցավեր արգանդի շրջանում, որի կապակցությամբ դիմել էր մեզ:

📌📌📌📌📌📌📌📌📌📌📌📌📌
Սիրելի կանայք, տարիներ ի վեր շարունակ իրազեկվում է մարդկանց, որ հղիություն պլանավորելուց առաջ անցեք որոշակի հետազոտություններ և անպայման ունեցեք գինեկոլոգի խորհրդատվություն` խուսափելու նմանօրինակ տխուր դեպքերից:

24/02/2024

Վերջերս Բեգլարյան բժշկական կենտրոնում, 11-12 շաբաթական պտղի առաջին սքրինինգի ժամանակ պտղի մոտ հայտնաբերեցի համակցված արատ՝ միզուղիների անոմալիա և կոնքոսկրերի ու ստորին վերջույթների դիսպլազիա։
Միզուղիների անոմալիան տվյալ ժամկետում դրսևորվում էր մեծ չափերի միզապարկով/megacystis/ , ի դեպ այն հաճախ հանդիպում է Պրունե-Բելլի սինդրոմի ժամանակ, երբ հետագայում զարգանում է երիկամների երկկողմանի պոլիկիստոզ և երկկողմանի կրիպտորխիզմ/ ի դեպ պտուղը հենց տղա էր/ և որովայնի առաջային պատի թերզարգացում /արտաքին կնճռոտվածություն/։
Կենքոսկրերի թերզարգացածությունն ու վերջույթների դիսպլազիան՝ համակցված վերոնշյալ պաթոլոգիայի հետ , պատկանում են բարձր ռիսկի խմբի արատներին և վաղ ժամկետում հայտնաբերումը հնարավորություն է տալիս կատարել հղիության արհեստական ընդհատում։