Dr. Evelina Bakhshinyan/ Էվելինա Բախշինյան, ճառագայթային օնկոգինեկոլոգ

05/11/2025

🩺 Վուլվայի քաղցկեղ․

Վուլվայի քաղցկեղը կանանց արտաքին սեռական օրգանների չարորակ նորագոյացություն է, որը կազմում է գինեկոլոգիական քաղցկեղների մոտ 1-5%-ը։ Այն հաճախ զարգանում է նախաքաղցկեղային փոփոխություններից (ներէպիթելային նեոպլազիա, լեյկոպլակիա, կրաուռոզ), որոնք կլինիկորեն դրսևորվում են կարծես «անվնաս» ախտանիշներով, ինչպիսիք են քորը, այրոցը, դիսկոմֆորտը, մաշկի հաստացումը կամ գույնի փոփոխությունը։

⚠️ Վուլվայի քաղցկեղը գինեկոլոգիական մյուս քաղցկեղներից առանձնանում է արագ մետաստազավորումով, կրկնողությունների հաճախադեպությամբ, ինչպես նաև առավել դժվար է ենթարկվում բուժման։

🎯 Բրախիթերապիան վուլվայի քաղցկեղի բուժման մեթոդներից է և կիրառվում է հետևյալ դեպքերում.

✅ Հանդիսանում է բուժման լրացուցիչ մեթոդ վիրահատությունից և/կամ հեռահար ճառագայթային թերապիայից հետո

✅ Հանդիսանում է բուժման միակ եղանակը հիվանդության կրկնողության (ռեցիդիվ) դեպքում

✅ Երբ առկա են հակացուցումներ վիրահատության կամ հեռահար ճառագայթային թերապիայի համար։

🏥 Մեր բաժանմունքի մոտեցումը վուլվայի քաղցկեղի բուժման ժամանակ.

🔹 Իրականացվում է անհատականացված բրախիթերապիա գերմանական BEBIG ընկերության SagiNova (Co-60) սարքով

🔹 Օգտագործվում են հատուկ ներհյուսվածքային և ինդիվիդուալ ապլիկատորների հավաքածուներ

🔹 Կատարվում է 3D պլանավորում (ՀՇ և ՄՌՏ վիզուալիզացիայով)՝ հաշվի առնելով հիվանդի անատոմիան և քաղցկեղային պրոցեսի առանձնահատկությունները։

📌 Այսպիսով, բրախիթերապիան վուլվայի քաղցկեղի բուժման մեթոդ է, որն ապահում է՝ բուժում + կյանքի որակ + օրգան-պահպանում հավասարակշռությունը։


ՆԵՐԽՈՌՈՉԱՅԻՆ ԵՎ ՆԵՐՀՅՈւՍՎԱԾՔԱՅԻՆ ՃԱՌԱԳԱՅԹԱՅԻՆ ԹԵՐԱՊԻԱՅԻ ԲԱԺԱՆՄՈՒՆՔԻ ՂԵԿԱՎԱՐ, Բ.Գ.Դ. ՊՐՈՖԵՍՈՐ Է.Ռ. ԲԱԽՇԻՆՅԱՆ

24/10/2025

Հարգելի հետևորդներ,

Սիրով տեղեկացնում ենք, որ Վ.Ա. Ֆանարջյանի անվան ուռուցքաբանության ազգային կենտրոնը համալրվել է բրախիթերապիայի ժամանակակից ապլիկատորների հավաքածուներով, որոնք հնարավորություն են տալիս ընդլայնել մատուցվող ծառայությունների շրջանակը։

Այսուհետ բաժանմունքում կարող են իրականացվել հետևյալ բրախիթերապևտիկ միջամտությունները՝ տարբեր նպատակներով․

• արտաքին սեռական օրգանների (վուլվայի) ներհյուսվածքային մոդեռն բրախիթերապիա

• մաշկի ոչ մելանոմային քաղցկեղների (տափակաբջջային և բազալ բջջային) և կելոիդների մակերեսային և ներհյուսվածքային բրախիթերապիա

• սարկոմաների ներհյուսվածքային բրախիթերապիա

• հետանցքային խողովակի և ուղիղ աղու չարորակ նորագոյացությունների ներխոռոչային և ներհյուսվածքային բրախիթերապիա։

Նորից ուզում եմ հիշեցնել, որ բրախիթերապիան ճառագայթային բուժման տեսակ է, որը հնարավորություն է տալիս բարձր ճշգրտությամբ նպատակաուղղել ճառագայթումը թիրախի վրա՝ չվնասելով շրջակա առողջ օրգաններն ու հյուսվածքները: Բացի այդ ունի բարձր արդյունավետություն (local control 98-99%) և բարելավում է բուժառուների կյանքի որակը։

Ներխոռոչային և ներհյուսվածքային ճառագայթային թերապիայի բաժանմունքի ղեկավար, բգդ, պրոֆեսոր Է.Ռ. Բախշինյան

28/02/2025

17/02/2025

🎗Սքրինինգը հայտնաբերում է արգանդի պարանոցի նախաքաղցկեղային հիվանդությունները և քաղցկեղը վաղ փուլերում։
Նախաքաղցկեղային հիվանդությունները լիովին բուժելի են, իսկ քաղցկեղի վաղ հայտնաբերումը զգալիորեն բարելավում է բուժման արդյունավետությունը։ Այդ նպատակով խորհուրդ է տրվում դիմել բժշկի, անցնել համապատասխան հետազոտություններ` ՊԱՊ քսուք և մարդու պապիլոմավիրուսի (ՄՊՎ) որոշում:
Այն կանայք, ովքեր ունեն իմունային համակարգի տարբեր ծագման անբավարարություն պետք է ավելի զգոն լինեն և ավելի հաճախ դիմեն բժշկի:
📍ՈւԱԿ-ի Ճառագայթային գինեկոլոգիայի բաժանմունքի բանիմաց մասնագետներն անցնում են համապատասխան վերապատրաստումներ, իսկ կենտրոնը հագեցած է անհրաժեշտ բոլոր սարքավորումներով:

Obstetrician-Gynecologist (OBGYN)

29/07/2022

Վերջերս որպես Ուռուցքաբանության ազգային կենտրոնի ներկայացուցիչ մասնակցել եմ «Շինոն» ընկերության կազմակերպած կարևոր բժշկական համաժողովի:
«Շինոն» կազմակերպությունը առաջատար է աշխարհում և համագործակցում է ավելի քան 400 բժշկական կենտրոնների հետ։ Վերջերս, այդ ընկերությունը ուռուցքաբանության ոլորտի մասնագետների համար կազմապերպել էր հանդիպում-քննարկումներ՝ աշխարհի գերզարգացած մասնագիտացված 3 կլինիկաներում՝ Հնդկաստանի «Apollo Proton Cancer Centre»-ում , Դուբայի «American Hospital»-ում և Աբու Դաբիի «Burjeel Hospital»-ում:
Կիսվելով այցի տպավորություններով՝ պիտի առանձնացնեմ ճառագայթային գերժամանակակից՝ պրոտոնային թերապիայի ներկայացումը, որը կատարվում է Հնդկաստանի «Apollo Proton Cancer Centre»-ում: Այս կենտրոնը առաջինն ու միակն է Հարավային Ասիայում և Միջին Արևելքում, որտեղ բուժում են ստանում ավելի քան 35 երկրների բուժառուներ: Պրոտոնային թերապիայի առավելությունները շատ են, ամենակարևորը՝ դրա շնորհիվ հնարավոր է թիրախին տալ մաքսիմալ թումորոցիդ ճառագայթում՝ նվազեցնելով ճառագայթային դոզան շրջակա առողջ հյուսվածքների և օրգանների վրա:
Պրոտոնային թերապիան կիրառվում է տարբեր ուռուցքային տեղւմների դեպքում՝ կենտրոնական նյարդային համակարգի (աստրոցիտոմա, խոնդրոսարկոմա,խոնդրոմա, գլիոմա, մեդուլոբլաստոմա և այլն), ոսկրերի և փափուկ հյուսվածքների (խորդոմա, փափուկ հյուսվածքների և Էվինգի սարկոմա,խոնդրոսարկոմա և այլն), թոքերի, գլխի և պարանոցի, ողնաշարի, ստամոքսաղիքային համակարգի (կերակրափող, լյարդ),շագանակագեղձի և գինեկոլոգիական քաղցկեղների դեպքում:
Հաշվի առնելով պրոտոնային թերապիայի առավելությունը՝ երկրորդային ազդեցությունների բացակայությունը, համեմատ ավանդական ճառագայթային բուժմանը, այն հնարավորություն է տալիս լայնորեն օգտագործել նաև երեխաների բարորակ և չարորակ նորագոյացությունների բուժման ժամանակ: Կենտրոնի բուժված դեպքերի 24 %-ը կազմում է մանկական օնկոպաթոլոգիան (Յուինգի սարկոմա, աստրոցիտոմա, գլիոբլաստոմա, մենինգիոմա և այլն ):
Կենտրոնում փոքրիկ բուժառուների համար նաև օգտագործվում է «Pencil beam scanning» մեթոդը, որն ավելի գերճշգրիտ և արդյունավետ է պրոտոնային թերապիայի մեջ:
Պրոտոնային թերապիան իր ուրույն դերն ունի ուռուցքային հիվանդությունների կրկնության ժամանակ, 50 % -ը արդեն իսկ դիմել են հիվանդության առաջին կրկնությամբ, 22 % ՝ երկրորդ կրկնությամբ, իսկ 20%՝ նախկինում ստացած ճառագայթային բուժումից հետո:
Այցի ընթացքում ձեռք են բերվել պայմանավորվածություններ ինչպես բժշկական կենտրոնների, այնպես էլ այցերին մասնակցած ոլորտային մասնագետների հետ:

11/07/2022

«ԱՐՄԵՆԻԱ ԹԻ-ՎԻ»-ով հեռարձակվող ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնի հեղինակային «Իմ բժիշկը» հաղորդաշարի անդրադարձը մեր բաժանմունքին։

Ես և բժիշկ Հասմիկ Ավետիսյանը ներկայացրել ենք բաժանմունքի աշխատանքը, պատմել, թե ինչ է բրախիթերապիան և ինչպես է այն իրականացվում։

25/06/2022

Հայաստանի Հանրային Ռադիոյի «Ես առողջ եմ» հաղորդման շրջանակում ներկայացրել եմ, թե ինչ է բրախիթերապիան։

01/06/2022

Այսօր մեր բաժանմունքը լուսավորել է այս արևը, այս լույսի կտորը։ Նա որոշել է բժշկուհի դառնալ և եկել է տատիկի հետ հիվանդներին զննելու։

Ի դեմս այս հրաշքի շնորհավորում եմ բոլոր բալիկներին Երեխաների պաշտպանության միջազգային օրվա առթիվ։

Թող բոլոր երեխաները, նրանց մամա-պապաներն ու տատիկ-պապիկները ապրեն անվտանգ ու ապահով, առողջ ու երջանիկ։

Ամուր գրկում եմ բոլոր բալիկներին։

13/05/2022

07/04/2022

Սիրելի կանայք։

Սրտանց շնորհավորում եմ Ձեզ Մայրության և գեղեցկության տոնի առթիվ։ Եղեք միշտ երիտասարդ, գեղեցիկ, սիրված և հաջողակ։ Մի մոռացեք, որ այս ամենի համար Դուք առաջին հերթին պետք է հետևեք Ձեր առողջությանը։

Ձեր զավակների կողքին լինելու, նրանց հաջողությունը կիսելու, նրանց միշտ սատար կանգնելու համար Դուք պետք է լինեք առողջ։