Roza Khachatryan

23/10/2024

13/08/2024

🥦Բրոկոլիի օգտակարության մասին շատերդ եք լսել, իսկ գիտե՞ք, թե ինչու են այդքան խրախուսում այս բանջարեղենի օգտագործումը…
1️⃣ Ամրացնում է ոսկորներն ու հոդերը, քանի որ պարունակում է վիտամին K-ի մեծ պաշար։
2️⃣Բրոկոլին նպաստում է քաշի կորստին։
3️⃣Բարձրացնում է դիմադրողականությունը՝ շնորհիվ մեծ քանակությամբ վիտամինների։
4️⃣Կանխարգելում է քաղցկեղի առաջացումը։
5️⃣Պարունակում է մեծ քանակությամբ վիտամին C։
6️⃣Օգտակար է տեսողական համակարգի համար։
7️⃣Պարունակում է բետա-կարոտին, C և E վիտամիններ, կանխում է մաշկի ծերացումը և կնճիռների առաջացումը։
8️⃣Պաշտպանում է վարակներից։

🥦Մի մոռացեք սննդակարգում ներառել այս անչափ օգտակար բանջարեղենը։

#բրոկոլի #վիտամիններ #օգտակարէ

07/08/2024

🤰 Թունավոր հղիություն

Հղի կանանց մի մասը բախվում է ախտաբանական վիճակի՝ տոքսիկոզի։ Այն ենթադրում է թունավորմանը բնորոշ զգագողություններ։
▫️Տոքսիկոզի դեպքում կնոջ մոտ դրսևորվում է՝
• մշտական սրտխառնոց,
• հաճախակի փսխումներ,
• թքահոսություն,
• քնկոտություն,
• թուլություն,
• տրամադրության կտրուկ փոփոխություններ,
• հոտերի նկատմամբ գերզգայունություն,
• այտուցների առաջացում,
• համերի փոփոխություն
• զարկերակային ճնշման բարձրացում։

❗️Հարկավոր է լինել բժշկի հսկողության ներքո, եթե…
🔺փսխումների քանակը օրվա ընթացքում կազմում է 8 անգամ և ավելի,
🔺նկատվում է քաշի կորուստ,
🔺առաջանում է ինքնազգացողության վատթարացում ։

05/08/2024

Հղիությունը 35 + տարիքում

35 տարեկանից հետո հղիությունը կարող է ենթադրել ռիսկեր և՛ կնոջ, և՛ պտղի համար, ուստի կարևոր է լինել բժշկի հսկողության տակ, առավել ուշադիր լինել, ավելի հաճախ այցելել կոնսուլտացիաների։ Իսկ թե ինչ ռիսկերի մասին է խոսքը, այժմ կանդրադառնամ։👇

🔺Կնոջ տարիքի հետ մեծանում են նաև ձվաբջիջները՝ բարձրացնելով էմբրիոնի քրոմոսոմային անոմալիաների վտանգը: Ուստի պարտադիր է անցնել լրացուցիչ գենետիկական թեստավորում (NIPT):

🔺Հղիության ընթացքում կարող է առաջանալ պրեէկլամպսիա։ Այս բարդության դեպքում բարձրանում է արյան ճնշումը, առաջանում են այտուցներ, պրոտեինուրիա։ Այս բարդությունը կարող է վտանգավոր լինել ինչպես մոր, այնպես էլ երեխայի կյանքի համար: Դուք կարող եք նվազեցնել ռիսկը՝ աշխատելով ձեր ապրելակերպի վրա մինչև հղիությունը (քաշ, վարժություններ, առողջ ապրելակերպ, վիտամին D): Հղիության ընթացքում ձեր բժիշկը կարող է նշանակել ացետիլսալիցիլաթթու՝ պրեէկլամպսիայի կանխարգելման համար, որն իսկապես արդյունավետ է։

02/08/2024

Առաջին դաշտան⤵️

Առաջին դաշտանը՝ մենարխեն, հանդիսանում է սեռական հասունացման առաջին նշանը, որ կինը պատրաստ է բեղմնավորման։
👉Առաջին դաշտանը հիմնականում սկսվում է 12-14 տարեկանում. դա պայմանավորված է՝
• ժառանգականությամբ,
• սննդակարգով,
• օրգանիզմի ընդհանուր վիճակով։

✔️Առաջին 2 տարվա ընթացքում դաշտանը կարող է լինել անկանոն, և դա նորմալ է։
🆘 Հարկավոր է դիմել մասնագետի, եթե
• 2 տարուց ավել է դաշտանը չի կարգավորվում,
• ուղեկցվում է ուժգին ցավերով,
• արտադրությունը շատ առատ է։

#դաշտան

24/07/2024

Ինչպիսի՞ն է սեռական կյանքը ծննդաբերությունից հետո։

Ծննդաբերությունից հետո կնոջ օրգանիզմն ունի հանգստի կարիք, որպեսզի կարողանա վերականգնվել։ Սովորաբար սեռական հանգիստը պահանջում է 2-3 շաբաթ, իսկ եթե ծննդաբերության ժամանակ կինն ունեցել է պատռվածքներ, ճաքեր՝ 2 ամիս։
👉Երբեմն ծննդաբերությունից հետո «առաջին սեռական հարաբերությունը» ցավոտ է լինում, ինչի պատճառը կսրերն են կամ հեշտոցի չորությունը։
👉Այդ իսկ պատճառով խորհուրդ է տրվում ապահովել հեշտոցի խոնավությունը՝ կիրառելով հատուկ քսայուղեր։
❗️Իսկ եթե ցավն այնուամենայնիվ պահպանվում է, ապա այցելեք բժշկի։

22/07/2024

🤰 Արյան զարկերակային բարձր ճնշումը հղիության ընթացքում։
 
☝️Զարկերային ճնշումը հղիության ընթացքում շատ կարևոր ցուցանիշ է:

Հղիի արյան ճնշման չափումը կատարվում է մանկաբարձ-գինեկոլոգի մոտ յուրաքանչյուր այցելության ժամանակ:
❗️Իսկ անհրաժեշտության դեպքում բժիշկը կարող է հղիին առաջարկել օրվա ընթացքում հետևել արյան ճնշմամ ցուցանիշներին։
✔️Հղիության առաջին եռամսյակի ընթացքում կնոջարյան զարկերակային ճնշումը սովորականից ցածր է լինում։
✔️Հղիության Երկրորդ եռամսյակում կարգավորվում է։
✔️ Հղիության երրորդ եռամսյակում արյան ճնշումի փոքր-ինչ բարձրանում է։

👉Հղիության ընթացքում նորմալ է համարվում 140/90-ից ցածր ցուցանիշը:
Իսկ եթե 140/90 ցուցանիշ է գրանցվուշ օրվա ընթացքում 2 կամ ավելի անգամ, ապա համարվում է հիպերտոնիա։
Հիպերտոնիկ խանգարման դեպքում հարկավոր է համապատասխան բուժում ստանալ:
❗️Հղիության ընթացքում միայն բժիշկն է սահմանում զարկերակային հիպերտոնիայի բուժումը։

16/07/2024

Արգանդի պարանոցի քաղցկեղ։
Արգանդի պարանոցի քաղցկեղն ախտորոշվում է սքրինինգի միջոցով, որը ներառում է՝
• HVP թեստ,
• արգանդի վզիկի ցիտոլոգիա։

Արգանդի պարանոցի քաղցկեղին բնորոշ ախտանիշներն են՝

•Պապիլոմաներ
•Արտասովոր արտադրություն
•Ցավ և արյունահոսություն դաշտանային ցիկլերի ընթացքում
•Անեմիա
•Միզարձակման խնդիրներ
•Քաշի նվազում

✔️Խորհուրդ է տրվում 30 տարեկանից հետո տարին առնվազն 1 անգամ կատարել սքրինինգ, քանի որ հիվանդության ժամանակին հայտնաբերումը բուժումը դարձնում է առավել արդյունավետ։

#գինեկոլոգիա

09/07/2024

🤰 Ճիշտ շնչառությունը ծննդաբերության ընթացքում օգնում է մեղմել ցավը։
Սիրելիներս, շնչառությունը շատ կարևոր է ծննդաբերության ընթացքում, քանի որ օգնում է գտնել ներքին հավասարակշռություն ու հանգստություն։
Հիմա մի քանի խորհուրդ👇
▫️Ծննդաբերության սկզբնական փուլում փորձեք խորը, դանդաղ շնչել, այնուհետև դանդաղորեն արտաշնչել,
▫️Իսկ կծկումներն ինտենսիվ դառնալուց հետո՝ փորձեք շնչել բերանը բաց, շատ արագ,
▫️Ուժ տալու ժամանակ խորը շունչ քաշեք ու դանդաղ արտաշնչեք ուժ տալու պահին։