12/04/2026
Հրդեհ դպրոցում՝ տարհանման քայլեր
✅️ Նկատելով բռնկված հրդեհ՝ անհապաղ ահազանգել 112
✅️ Ազդարարել՝ ներքին բարձրախոսներով, զանգի կամ այլ միջոցով
✅️ Կազմակերպված ձևով տարհանել բոլորին
✅️ Տարհանման ժամանակ՝
• պահպանել հանգստություն
• գործել ըստ մշակված պլանների
• չվազել, չստեղծել խուճապ
• չօգտվել վերելակից
• շարժվել արագ, բայց կարգապահ
• ծխի դեպքում շարժվել կռացած կամ սողալով
• շնչել խոնավ կտորի միջոցով՝ ծածկելով քիթը և բերանը
✅️ Կարևոր է ուղեկցել հատկապես՝
• փոքր տարիքի երեխաներին
• հաշմանդամություն ունեցող անձանց
(կարող են օգնել նախապես ուսուցանված բարձր դասարանցիները)
✅️ Ուսուցիչները նախապես որոշված երթուղով դուրս են հանում երեխաներին և համոզվում, որ դասասենյակում մարդ չի մնացել
✅️ Փակում են պատուհանները և դռները՝ հրդեհի տարածումը սահմանափակելու համար
✅️ Չպետք է վերցնել ավելորդ իրեր կամ ժամանակ ծախսել հագնվելու վրա,
✅️ Չի կարելի վերադառնալ դասասենյակ մոռացված իրի հետևից
✅️ Դպրոցներում որպես լրացուցիչ տարհանման ուղի կարող է նախատեսվել նաև սղարան
✅️ Սղարանի կիրառման դեպքում՝
• ներքևում պետք է լինի ընդունող անձ
• իջեցումը պետք է կարգավորվի ուսուցչի կամ պատասխանատուի կողմից
✅️ Շենքը լքելուց հետո բոլոր դասարանները գնում են նախապես որոշված հավաքակետ
📍 Հավաքակետում՝
• դասարանները տեղակայվում են կազմակերպված
• երեխաները չեն ցրվում
• պահպանվում է անվտանգ հեռավորություն շենքից
✅️ Ուսուցիչները կատարում են հաշվառում
✅️ Զեկուցում են ղեկավարին կամ պատասխանատուին ներկաների և բացակայողների մասին
✅️ Եթե կան ներսում մնացած անձինք՝ այդ մասին անհապաղ տեղեկացնում են համապատասխան ծառայություններին
✅️ Նշանակված անձը դիմավորում է փրկարարներին և տրամադրում տեղեկատվություն՝
• ներսում մնացած անձանց մասին
• հրդեհի տեղակայման մասին:
