16/09/2024
#Հղիության սքրինինգային հետազոտություններ
#Պրենատալ ախտորոշումն իրենից ներկայացնում է հետազոտությունների մի համալիր, որը թույլ է տալիս գնահատել դեռևս չծնված պտղի առողջությունը և ախտաբանական վիճակները (զարգացման արատներ, քրոմոսոմային և գենային անոմալիաներ):
Ներկայումս ամբողջ աշխարհում ըստ ընդունված ուղեցույցի` հղիության ընթացքում կատարվում է 3 սքրինինգային հետազոտություն.
✅առաջին եռամսյակի սքրինինգ՝ հղիության 10- 13 շաբաթական 6 օրականը, որը ներառում է`
🔗արյան մեջ հղիության հետ կապված պրոտեին A-ի (PAPP-A) և խորիոնալ գոնադոտրոպինի β ենթամիավորի որոշում (β-HCG free)
🔗ՈւՁՀ-ի միջոցով պտղի օձիքային գործակցի չափում և քթոսկրի հայտնաբերում։
✅երկրորդ եռամսյակի սքրինինգ՝ հղիության 18- 22 շաբաթականը. ներառում է՝
🔗արյան մեջ ալֆա–ֆետոպրոտեինի (AFP), մարդու խորիոնային գոնադոտրոպինի (հCG) , ազատ էստրիոլի (E3 Free) և Ինհիբին-A-ի որոշում։
🔗ՈւՁՀ, որը հնարավորություն է տալիս ստուգել պտղի բոլոր օրգան-համակարգերը, արդեն ավարտված օրգանոգենեզի հիման վրա
✅Երրորդ եռամսյակի սքրինինգ, որն արդեն ինքնին ծննդաբերության նախապատրաստումն է ենթադրում և կատարվում է 32-34 շաբաթում։ Որոշվում է պտղի քաշը, դիրքը, դրությունը, առաջադրությունը, պտղաջրերի քանակը, ընկերքի տեղակայումը, պտղի առաջադրի մասի և կնոջ կոնքի համատեղելիությունը, պորտալարի վիճակը։
Սքինինգային հետազոտությունները չեն կարող տալ այն հարցի պատասխանը, թե արդյոք Ձեր դեռ չծնված երեխան ունի որևէ կոնկրետ հիվանդություն թե ոչ: Դրանք պարզապես տեղեկատվություն են տալիս ռիսկերի մասին, որոնցից ելնելով Դուք կարող եք պատկերացում կազմել՝ արդյոք երեխայի մոտ որոշ հիվանդությունների հավանականությունը բարձր է, թե ցածր: Եվ դրանից հետո է միայն, որ բարձր ռիսկի խմբի հղիներին առաջարկվում են ախտորոշիչ հետազոտություններ, ինչպիսիք են`
🧪 #խորիոնի բիոպսիան
🧪 #ամնիոցենտեզը :
Առողջ եղեք👼👼👼
Մանկաբարձ-գինեկոլոգ
Տաթևիկ Արշակյան
☎+374 91 555 305 կամ 💌
#սքրինինգ #հղիության20րդշաբաթ #հղիությանսքրինինգ #ուձհ gynecology
