21/08/2025
Ճառագայթող ցավերը գինեկոլոգիայում ✨
Գինեկոլոգիայում հաճախ հանդիպող երևույթ է, երբ ցավը չի զգացվում հենց այն հատվածում, որտեղ խնդիրն է, այլ տարածվում է դեպի հարևան կամ նույնիսկ հեռու օրգաններ։ Սա կոչվում է ճառագայթող ցավ։
🔹 Ինչպե՞ս է դա լինում🤔
Փոքր կոնքի օրգանները սերտորեն կապված են նյարդային ուղիներով։ Երբ որևէ օրգանում առաջանում է բորբոքային կամ այլ խնդիր, նյարդային ազդակները կարող են «շփոթեցնել» օրգանիզմին,և ցավը կարող է զգացվել այլ տեղում։
🔹 Հատկապես փոքր տարիքում աղջիկների մոտ նյարդային համակարգը դեռ լիարժեք ձևավորված չէ, և նրանք հաճախ կարող են շփոթել կամ սխալ ձևով ներկայացնել ցավի բնութը։
🔹 Օրինակներ՝
✔️ Ձվարանային ցավերը հաճախ ճառագայթվում են դեպի գոտկային հատված կամ ազդր
✔️Արգանդի ցավը կարող է տարածվել դեպի մեջք կամ որովայնի ստորին շրջան
✔️Բորբոքային պրոցեսների ժամանակ երբեմն ցավը ճառագայթվում է նույնիսկ դեպի ուս կամ պարանոց (օր․՝ որովայնի խոռոչում հեղուկի կուտակումից)։
🔹 Ինչու՞ է սա կարևոր👇🏻
Շատ կանայք կարծում են, թե մեջքի կամ ոտքի ցավը կապ չունի գինեկոլոգիական առողջության հետ։ Բայց իրականում նման ցավերը հաճախ լինում են հենց գինեկոլոգիական հիվանդությունների նշան։
💡Միշտ հիշեք
Եթե ցավերը կրկնվող են, ուժգնանում կամ ուղեկցվում են այլ ախտանշաններով (անկանոն ցիկլ, արտադրություն, ջերմություն և այլն), անպայման դիմեք գինեկոլոգի։ Վաղ ախտորոշումը թույլ է տալիս խուսափել լուրջ բարդություններից։
