Dr.Hasmik Hayrapetyan/Էնդոկրինոլոգ-Դիետոլոգ

30/07/2025

29/06/2025

7th ANNUAL INTERNATIONAL CONGRESS ON CLINICAL ENDOCRINOLOGY

2 շատ հագեցած օր , գիտելիքների ամրապնդում, փորձի փոխանակում,նոր ծանոթություններ …
Այս ամենի հետեւում տանը հիվանդ երեխաներ , անվերջ բուժառուների նամակներ , կարեւորը գոհ վերադառնալու եմ ❤️

17/06/2025

12/06/2025

•Դժվար է ոտքով երկար ճանապարհ գնալ, կասեն շատերը, ԲԱՅՑ ամենադժվար ճանապարհը մենք անցնում ենք հոգով , ոչ թե ոտքերով…

•«Եթե մարդը խեղդվում է , իրեն այդ պահին լողալ մի սովորեցրու», փրկիր…մենք սիրում ենք խորհուրդներ բաժանել, մեր գլխում եղած «ճշտով » առաջնորդվել, բայց մենք բոլորս տարբեր կյանքեր ենք ապրում…

•Եթե դու ժպտում ես, բարի ես , կամեցող, ուրեմն երջանիկ ես, ոչ մի խնդիր չունես, բայց ի՞նչ կա թաքնված այդ «երջանկության» հետեւում…

•Մենք փորձում ենք իդեալական երեւալ, ԲԱՅՑ պետք չէ թաքցնել, կամ ամաչել անհաջողությունից,կոծկել տխրությունր, սա կյանք է, իսկ ես՝ ոչ դպրոցական…

•Մենք միշտ նպատակներ ու երազանքներ ունենք, որոնց ուզում ենք արագ եւ դյուրին հասնե, ԲԱՅՑ հիշի՜ր, միշտ չէ , որ ցանկալիին հեշտ է հասնել, գտնել, կամ գուցե գտել ես այն , բայց դեռ չե՞ս «ճանաչել»…

•Մենք մարդկանց լավ չենք ճանաչում , ինչպես Շիրազն է ասում «Ա՜խ , արեւն էլ է երբեմն խաբվում , մեռած լուսնյակին իր լույսով չափում…»

#բժշկիօրագիր #մայրիկիօրագիրը #մտորումներ #էնդոկրինոլոգհայրապետյան

04/06/2025

🤰 Գեստացիոն դիաբետը հղիության ընթացքում առաջացող Շաքարային դիաբետ է։ Սովորաբար ախտորոշվում է հղիության 24-28-րդ շաբաթում՝ գլյուկոզայի թեստի օգնությամբ։

🔍 Ինչու՞ է դա կարևոր․
Երբ արյան մեջ շաքարի մակարդակը բարձր է, դա կարող է ազդել թե՛ մոր, թե՛ պտղի առողջության վրա։

📊 Որ՞ թվերն են խոսում ԳԵՍՏԱՑԻՈՆ ԴԻԱԲԵՏԻ մասին.
Եթե հղիության ընթացքում անցկացված գլյուկոզայի հանդուրժողականության թեստի (OGTT) ժամանակ արձանագրվում են հետևյալ արժեքները
• 🩸 Սոված ժամանակ՝ > 5.1 mmol/L
• 1 ժամ անց՝ > 10.0 mmol/L
• 2 ժամ անց՝ > 8.5 mmol/L
(այդ արժեքներից գոնե մեկի գերազանցումը կարող է վկայել գեստացիոն դիաբետի մասին)

📈 Հնարավոր ռիսկեր․
• Մեծ քաշով պտուղ
• Վաղ ծննդաբերություն
• Բարդություններ ծննդաբերության ընթացքում
• Մոր մոտ տիպ 2 դիաբետի զարգացման ռիսկ՝ ապագայում

🍽 Ինչ անել․
• Հետևել սննդակարգի
• Սահմանափակել քաղցրեղենն ու վերամշակված մթերքները
• Շատ շարժվել (բժշկի համաձայնությամբ)
• Պահպանել բժշկի կողմից նշված վերահսկման ռեժիմը

❤️ Լավ նորություն․
Գեստացիոն դիաբետը շատ դեպքերում հնարավոր է վերահսկել ճիշտ սննդով և կենսակերպով։ Շատ հաճախ այն անցնում է ծննդաբերությունից հետո։

📞 Մի մոռացիր՝ ամեն հղիություն յուրահատուկ է։ Պարտադիր խորհրդակցի’ր բժշկի հետ։

#հղիություն #գեստացիոնդիաբետ #մայրություն #առողջհղիություն #դիաբետ #էնդոկրինոլոգ #էնդոկրինոլոգիա #հորմոններ #էնդոկրինոլոգհայրապետյան

21/05/2025

🗓 Մայիսի 26-ը վահանաձև գեղձի միջազգային օրն է:
Ցիտոն կրկին հայտարարում է Բաց դռների օր և հրավիրում Ձեզ անվճար խորհրդատվության այս անգամ էնդոկրինոլոգ Հասմիկ Հայրապետյանի մոտ:
⚕️ Եթե ունեք հորմոնալ խանգարումներ, վահանագեղձի խնդիրներ կամ տարատեսակ էնդոկրին հիվանդությունների կասկածներ, այս օրն առիթ է ստանալու մասնագիտական կարծիք ԱՆՎՃԱՐ։
📲 Նախապես գրանցումը պարտադիր է։
—————————————————
☎️ (+374) 44 32 00 23
🔗www.citomed.am
📩 info@citomed.am
📍 ք․ Երևան, Հր․ Ներսիսյան 14/1, Զաքյան 5
📍 ք․ Գյումրի, Գարեգին Նժդեհ 6/56
#լաբորատորիա #բժշկականկենտրոն #Ցիտո #ցիտոբժշկականկենտրոն #էնդոկրինոլոգ #անվճարխորհրդատվություն #վահանագեղձ #վահանաձևգեղձ

21/05/2025

🔎 TIRADS-ը (Thyroid Imaging Reporting and Data System)վահանաձև գեղձի հանգույցների գնահատման համակարգ է՝ Ուլտրաձայնային հետազոտությամբ։ Այն օգնում է հասկանալ քաղցկեղի ռիսկը և որոշել՝ պետք է՞ անել բիոպսիա, թե՞ անհրաժեշտ է պարզապես հսկել։

📌 Գնահատվում է 5 հատկանիշ՝
1. Կառուցվածք (հեղուկ, պինդ)
2. Էխոգենություն (որքան մուգ է հանգույցը)
3. Ձև (լայնությունն ավելի՞ մեծ է, թե՞ բարձրությունը)
4. Եզրեր (հարթ, թե անհարթ)
5. Կալցիֆիկատներ (կալցիումի կուտակումներ)

💡 Ամեն հատկանիշ ստանում է միավորներ։ Ընդհանուր միավորները որոշում են կատեգորիան.

✅TIRADS-ը հստակ գործիք է, որը օգնում է խուսափել ավելորդ բիոպսիաներից և չուշացնել վտանգավոր հանգույցների հայտնաբերումը։
Իսկ , որ՞ հանգույցներն են վտանգավոր…
TIRADS 1-0բալ (բարորակ է)
TIRADS2-2բալ (բարորակ է)
TIRADS3-3բալ(ցածր ռիսկ ~5%)
TIRADS4-4-6բալ(5-20% չարորակացման ռիսկ)
TIRADS5-7+բալ(20%-ից մեծ ռիսկ)
Որ՞ դեպքում անհանգստանալ …
‼️Եթե հանգույցը գնահատվում է TIRADS 3 եւ մեծ է 2,5 սմ -ից, եթե մեծ է 1սմ -ից դեռ հսկում ենք:
‼️Եթե հանգույցը գնահատվում է TIRADS 4 եւ մեծ է 1,5սմ-ից։
‼️ Եթե հանգույցը գնահատվում է TIRADS5 եւ մեծ է 1սմ-ից

#էնդոկրինոլոգ #էնդոկրինոլոգիա #էնդոկրինոլոգհայրապետյան #զոբ

03/05/2025

ՀԱՅԱՍՏԱՆԻ ԳԻՆԵԿՈԼՈԳԻԱԿԱՆ ԷՆԴՈԿՐԻՆՈԼՈԳԻԱՅԻ ԱՍՈՑԻԱՑԻԱՅԻ ԱՄԵՆԱՄՅԱ ԱՌԱՋԻՆ ԿՈՆԳՐԵՍ 03.05.2025

02/04/2025

ԺԱՄԱՆԱԿԻ ՏՆՕՐԻՆՈՒՄ …

Ժամանակները փոխվել են եւ կյանքի ռիթմը մեզ ստիպում է «գոյության» կռիվ տալ ,հատկապես՝ կանանց։ Եղի՛ր խնամված, գեղեցիկ, բարեկիրթ, լավ դուստր, կին, մամա,ընկեր ու սա անվերջ կարելի է շարունակել …
Կիսվեմ Ձեզ հետ, թե ինչպե՞ս եմ ես պլանավորում օրս , գուցե իմ օրինակը վարակի կամ դուր գա։
✅Արթնանում եմ առավոտյան 6-ին ու մոտ 20 րոպե տրամադրում ինձ ,հոգուս , մտքերիս , խնամքին եւ եթե հանկարծ երեխաները արթնանում են այդ ընթացքում տխրում եմ )):
✅Անցնում ենք խելահեղ առօրյա ռիթմին, տղաս՝դպրոց, աղջիկս՝ պարտեզ, ես՝ աշխատանքի, ի դեպ պետք է նույն հաջորդականությամբ հետ հավաքել ու վերադառնալ տուն։
✅Ամեն 10 րոպեն ինձ մոտ պլանավորված է , եթե շեղվում եմ՝ ամեն բան դուրս է գալիս շղթայից, դա կարող է լինել անմեղ երկար տեւած զրույցը կոլեգայի հետ((
✅Աշխատանքի հասնում եմ 8:20 եւ զբաղվում օտար լեզվի պարապմունքով , մինչեւ աշխատանքային ժամի սկիզբը, թեեւ բուժառուներ էլ եմ ընդունում այդ ժամին)):
✅16:00 վերցնում եմ երեխաներիս, աշխատավայրիս մոտ ենք տեղավորել ուսման, ճանապարհին լիքը զրուցում ենք, ինչպես է իրենց օրն անցել եւ տաքսու վարորդների գլուխը տանում, ամեն օր վախենում եմ , որ մի տեղ կկանգնի ու կասի ՝այլ տաքսի կանչեք🥴։
✅Երբ տուն եմ հասնում մինչեւ հավաքում եմ տունը ,միացնում եմ բոլոր հնարավոր օգնական սարքերը՝ լվացք, փոշեկուլ…Երբեք մի գործ չեմ անում, անում եմ զուգահեռ։
✅Նախորդ օրվանից ունենում եմ պատրաստած սնունդ, քանի որ երեխաները դասից հետո շա՜տ սոված են (միշտ):Մշտապես սառցախցիկում ունեմ պահեստավորած մթերքներ՝ կիսաեփ բանջարեղեններ, կիսաֆաբրիկատներ( հնարավորինս տնական, օրինակ՝ պատրաստեցի տոլմա 2 բաժին , մեկը՝ եփում եմ, մյուսը՝սառցախցիկ, նույնը ՝ կոտլետ,խաչապուրի,մսագնդիկներ):Սառցախցիկում պահում եմ անգամ կտրատած գազար, սոխ,կանաչի, սրանք կտրատում եւ պահեստավորում եմ ,երբ շատ ենք գնում,եւ՛ չենք թափում , եւ՛ ունենք արագ պատրաստելու հնարավորություն։
✅Ամեն երեխայի հետ առանձին գոնե 15-20 րոպե որեւէ բանով զբաղվում ենք։
✅Քնից առաջ «սուրբ»պարտք ունեմ ՝հեքիաթ կարդալ, բայց խորամանկում եմ աուդիոհեքիաթ եմ երբեմն միացնում))
✅Պատրաստում եմ հաջորդ օրվա հագուստները, լանչբոքս, ստուգում դպրոցի պայուսակը ։
✅Պառկելուց հետո նայում սիրելի սերիալից մի 2 րոպե и все как в тумане…
զարթուցիչը միանում է 🥰
Դուք էլ կիսվեք Ձեր փորձով սիրելիներս, օգտակար կլինի իրարից սովորել։
#մայրիկիօրագիրը #բժիշկմայրիկ

19/03/2025

ՍՈՒՐՃԻ ԴՐԱԿԱՆ ԱԶԴԵՑՈՒԹՅՈՒՆԸ
1) Հակաօքսիդանտ է
2) Տիպ 2 Դիաբետի կանխարգելում ՝ սուրճը կարող է նվազեցնել դիաբետի ռիսկը, այն բարելավում է ինսուլինի յուրացումը, ինչը նվազեցնում է շաքարախտի զարգացման հավանականությունը:
3)Պարկինսոնի հիվանդության դեպքերի հաճախականությունը նվազում է այն մարդկանց շրջանում, ովքեր օրական որոշակի քանակությամբ սուրճ են խմում: Կոֆեինը կարող է նպաստել նեյրոնների առողջությանը եւ պաշտպանել դրանք տարբեր վնասներից:
4)Սուրճը կարող է նպաստել Ալցհեյմերի հիվանդության կանխարգելմանը, քանի որ կոֆեինը կարող է բարելավել ճանաչողական ունակությունները և խթանել հիշողությունը:
5)Գլխացավեր՝ սուրճը կարող է կրճատել գլխացավերի ու միգրենի հավանականությունը, քանի որ կոֆեինը օգնում է ընդլայնել արյունատար անոթները՝ որոշ չափով նվազեցնելով ցավը: #էնդոկրինոլոգ #էնդոկրինոլոգհայրապետյան

14/03/2025