Dr.Hasmik Hayrapetyan/Էնդոկրինոլոգ-Դիետոլոգ

19/02/2026

05/02/2026

Իմ արև, իմ փոքրիկ հրաշք Էլեն 💖

Այսօր դու դարձար 5 տարեկան, բայց իմ սրտում դու միշտ այն փոքրիկ բալիկն ես, ով առաջին անգամ ժպտաց ինձ։ Քո յուրաքանչյուր ծիծաղով տունը լցվում է լույսով, քո յուրաքանչյուր հարցով աշխարհը դառնում է ավելի հետաքրքիր։

Թող քո ճանապարհը լինի գունավոր, հեքիաթներով ու բարի մարդկանցով լի։ Թող քո երազանքները մեծ լինեն, իսկ սիրտդ՝ միշտ ջերմ ու բարի։

Շնորհավոր ծնունդդ, իմ Էլեն 🎂
Սիրում եմ քեզ անսահման 🤍

01/02/2026

31/01/2026

Խոսենք Պոլիկիստոզի բուժման ժամանակակից ուղեցույցերից‼️
✅Կենսակերպը՝ բուժման հիմք
• Հավասարակշռված սննդակարգ՝ ցածր գլիկեմիկ ինդեքսով։
• Կանոնավոր ֆիզիկական ակտիվություն՝ առնվազն 150 րոպե շաբաթական։
• Քնի ռեժիմի կարգավորում և սթրեսի նվազեցում։
• Մարմնի զանգվածի նույնիսկ 5–10% նվազումը կարող է բարելավել դաշտանային ցիկլը և օվուլյացիան։

✅Դաշտանային ցիկլի կարգավորում
• Եթե հղիություն չի պլանավորվում՝ առաջին գծի բուժում են համարվում Կոմբինացված հորմոնալ հակաբեղմնավորիչները (кок)
• Որպես այլընտրանք՝ կարող է կիրառվել ցիկլիկ պրոգեստերոն՝ էնդոմետրիումի պաշտպանության նպատակով։

✅Ինսուլինառեզիստենտություն և նյութափոխանակության կարգավորում
• Մետֆորմին՝ ավելորդ քաշի, ինսուլինառեզիստենտության, նախադիաբետի կամ դիաբետի ռիսկի դեպքում։
• Գլյուկոզայի, լիպիդների և զարկերակային ճնշման կանոնավոր վերահսկում։

✅Հիպերանդրոգենիզմ (ակնե, հիրսուտիզմ)
• Հակաբեղմնավորիչներ ՝հակաանդրոգենային բաղադրիչով ։
• Անհրաժեշտության դեպքում՝ հակաանդրոգենների ավելացում ։

✅Եթե նպատակը հղիությունն է
• Ռեպրոդուկտոլոգի խորհրդատվություն եւ օվուլյացիայի խթանում։
• Անարդյունավետության դեպքում՝ գոնադոտրոպիններ կամ վերարտադրողական օժանդակ տեխնոլոգիաներ (эко)։

✅Հոգեբանական առողջություն‼️

✅Երկարաժամկետ հսկողություն , քանի որ ՊԿՁ-ն քրոնիկ վիճակ է՝ պահանջում է հորմոնալ և նյութափոխանակային ցուցանիշների պարբերական վերահսկում։
#էնդոկրինոլոգ #էնդոկրինոլոգհայրապետյան #հորմոններ #հորմոններնուես #դաշտանայինցիկլ

22/01/2026

Պոլիկիստոզ ձվարանների համախտանիշ

Պոլիկիստոզ ձվարանների համախտանիշը հորմոնալ և մետաբոլիկ խանգարում է,ոչ թե պարզապես «կիստաներ» ուլտրաձայնային հետազոտությամբ։

Ախտորոշում (Rotterdam criteria)
✅ՊՁՀ ախտորոշումը դրվում է, եթե առկա է 3 չափանիշներից գոնե 2-ը…
✔ դաշտանային ցիկլի խանգարում / օվուլյացիայի բացակայություն
✔ հիպերանդրոգենիա
 մազակալում,ակնե
✔ ձվարանների պոլիկիստոզ փոփոխություն ուլտրաձայնային հետազոտությամբ
ԿԱՐԵՒՈՐ Է ՀԻՇԵԼ
❌ «կիստաներ» ուլտրաձայնային հետազոտությամբ ≠ պոլիկիստոզ ձվարանների համախտանիշ
❌ Կանոնավոր դաշտանային ցիկլը ≠ ՊՁՀ-ի բացակայություն
❌ Միայն ուլտրաձայնային փոփոխությունները բավարար չեն ախտորոշման համար
❌ Դեռահասների մոտ ուլտրաձայնային հետազոտությունը չի համարվում ախտորոշման չափանիշ։
Ինչպե՞ս կարող է դրսևորվել ՊՁՀ-ն:
✔ անկանոն դաշտան
✔ մազակալում, ակնե
✔ հղիանալու դժվարություն
✔ քաշի ավելացում
✔ ինսուլինռեզիստենտություն

Ինչու՞ է կարևոր վաղ ախտորոշումը
ՊՁՀ-ն կապված է՝
✔ երկրորդ տիպի շաքարային դիաբետի զարգացման ռիսկի հետ
✔ մետաբոլիկ համախտանիշի հետ
✔ հոգեբանական խանգարումների հետ #էնդոկրինոլոգ #էնդոկրինոլոգհայրապետյան #պոլիկիստոզ #դաշտանայինցիկլ #ճարպակալում

17/01/2026

Վահանաձև գեղձի հիվանդությունները Հայաստանում բավականին տարածված են։ Յոդի հարաբերական պակասը, ժառանգական գործոնները, սթրեսը և հորմոնալ փոփոխությունները նպաստում են հիպոթիրեոզի, հիպերթիրեոզի և հանգուցային փոփոխությունների առաջացմանը։ Շատ դեպքերում հիվանդությունը երկար ժամանակ կարող է ընթանալ առանց ակնհայտ գանգատների և ուշ ախտորոշվել։ Վահանաձև գեղձի խնդիրների դեպքում պարտադիր է դիմել բժշկի, քանի որ ինքնաբուժությունը կարող է վտանգավոր լինել և հանգեցնել լուրջ բարդությունների։ Ժամանակին ճիշտ ախտորոշումն ու բուժումը առողջության պահպանման հիմնարար պայման են։ #էնդոկրինոլոգհայրապետյան #էնդոկրինոլոգ #հորմոններ #սննդաբան #առողջապրելակերպ #հորմոններնուես #զոբ #վահանաձևգեղձ

15/01/2026

Կանացիությունը չի ապրում կարճ կիսաշրջազգեստի, ոչ էլ գոռացող գույների կամ վուլգար ժեստերի մեջ։
Այն երբեք չի ձգտում ուշադրության —
այն պարզապես ներկա է։
Կանացիությունը հայացքի լռության մեջ է,
կեցվածքի նրբության մեջ,
խոսքի ընտրության պարզության մեջ,
ինքնավստահության եւ հանգիստ շնչառության մեջ։
Այն չի ցուցադրվում — այն զգացվում է։
Իսկական կանացիությունը էլեգանտ է,
իսկ էլեգանտությունը երբեք բացատրություններ չի տալիս։
#բժշկիօրագիր

12/01/2026

📌 ԱՄՆ սննդային ուղեցույց
2025–2030թթ հիմնական փոփոխությունները.

✅Իրական սնունդ՝ որպես հիմք‼️
Բնական, ավանդական սնունդ՝ առանց «ֆունկցիոնալ» և վերամշակված մթերքների։

✅Սննդային բուրգի վերադարձ
Շեշտը դրված է սննդի հիերարխիայի, ոչ թե հավասար բաժանման վրա։

✅Սպիտակուցը՝ առաջնային սննդատեսակ‼️
Յուրաքանչյուր սննդընդունոգմ պետք է պարունակի սպիտակուց։
Առաջարկվող քանակը՝ 1.2–1.6 գ/կգ/օր՝ հիմնականում կենդանական աղբյուրներից։

✅Կաթնամթերք՝ նորմալ յուղայնության‼️
Առանց ավելացված շաքարի, մոտ 3 չափաբաժին օրական։

✅Ճարպերի վերագնահատում‼️
Թույլատրվում են կարագը և կենդանական ճարպերը։
Հագեցած ճարպեր՝ մինչև 10% էներգիայի։

✅Ածխաջրեր՝ միայն ամբողջահատիկ‼️
Սպիտակ ալյուրն ու քաղցրավենիքը, թխվածքները խիստ սահմանափակել։
✅Ընդունվում է ցածր ածխաջրային սննդակարգերի կիրառելիությունը քրոնիկ հիվանդությունների դեպքում։

✅Ուլտրավերամշակված սնունդ՝ խուսափել❌

✅Միկրոբիոմ և մանկական սնուցում
Բջջանյութ, ֆերմենտացված սնունդ, լիարժեք ճարպեր, զրո ավելացված շաքար։

‼️Շեշտը տեղափոխվել է սահմանափակումներից դեպի սննդային հիերարխիա և բնական սնունդ։
#էնդոկրինոլոգ #էնդոկրինոլոգհայրապետյան #սննդակարգ #սննդաբան #ճարպակալում #դիետոլոգ

09/01/2026

Այսօր նիհարեցման մոտեցումները ամբողջ աշխարհում փոխվել են․ ճարպակալումը ճանաչվում է որպես հիվանդություն, ոչ թե միայն կամքի կամ էսթետիկայի հարց։
Ժամանակակից, գիտականորեն հիմնավորված մեթոդների շնորհիվ քաշի կառավարումը դարձել է ավելի արդյունավետ, անվտանգ և վերահսկելի։ Կարևորը՝ ճիշտ մոտեցում և մասնագիտական աջակցություն: #էնդոկրինոլոգհայրապետյան #էնդոկրինոլոգ #հորմոններ #սննդաբան #հորմոններնուես #սննդակարգ #հորմոններնուես #առողջսնունդ #օզեմպիկ #ճարպակալում