Dr. Marina Ghajoyan Cardiologist

15/08/2024

Շաքարային դիաբետի առկայությունը մեծացնում է ինֆարկտի և ինսուլտի ռիսկերը։

Կան որոշակի ռիսկի գործոններ, որոնք շաքարային դիաբետի առկայության դեպքում հուշում են հնարավոր առաջացող խնդիրների մասին, դրանցից են՝ զարկերակային բարձր ճնշումը, խոլեստերինի բարձր մակարդակը:

Սակայն, այս ամենը հսկողության տակ պահելու դեպքում (արյան մեջ գլյուկոզայի մակարդակի հսկումը, պարբերաբար խոլեստերինի ցուցանիշների ստուգումը, ինչպես նաև ծխախոտի բացառումը, քանի որ դա անոթների համար ավելորդ ծանրաբեռնվածություն է), հնարավոր է կանխել առաջանալիք խնդիրները:

✔️Դիաբետի և սրտային հիվանդությունների միջև հիմնական կապը այն է, որ գլյուկոզայի չափազանց մեծ քանակը ժամանակի ընթացքում բերում է արյունատար անոթների և նյարդային վերջույթների վնասմանը, որի հետևանքով խախտվում է նաև սրտի բնականոն աշխատանքը:

Ավելի երիտասարդ տարիքում դիաբետով հիվանդների մոտ ավելի մեծ են սրտային հիվանդությունների ռիսկերը, քան դիաբետի բացակայության դեպքում:

❗️Չնայած այս ամենին, միշտ հնարավոր է խուսափել հնարավոր առաջացող խնդիրներից, և դա իհարկե մշտական հետևողականության և զգոնության շնորհիվ:

Եղե՛ք առողջ❤️

Հարցերի դեպքում📥

10/07/2024

Առողջ 🫀 10 կանոն

1. Հրաժարվել ալկոհոլից և ծխախոտից։

2. Մագնեզիում. Մագնեզիումը շատ կարևոր տարր է սրտի համար, ուստի այն պետք է ներառվի ամենօրյա սննդակարգում։

3. Սթրեսի նվազեցումը և բավարար որակյալ քունը կարող են բարելավել կյանքի որակը և կանխել առաջին և կրկնվող սրտի կաթվածները: Անհրաժեշտ է քնել օրական առնվազն 7 ժամ։

4. Ֆիզիկական ակտիվություն. Սիրտը մկան է, ինչպես մյուսները, ուստի այն ևս պետք է մարզել։

5. Ճիշտ սնուցում. Բոլոր բանջարեղեններն🥦 ու մրգերը🥝 հարուստ են վիտամիններով, որոնք կբարելավեն սրտի աշխատանքը։ Բայց դրա ամենամեծ օգուտը գալիս է ծովամթերքից, հատկապես ձկից, քանի որ այն պարունակում է հսկայական քանակությամբ օմեգա-3 թթուներ:

6.Զբոսանք. Սիրտը առողջ պահելու համար հարկավոր է ավելի շատ ժամանակ տրամադրել դրսում զբոսնելուն: Մաքուր օդը բարելավում է մարմնի և սրտի վիճակը:

7.Հետևեք արյան ճնշմանը, խոլեստերինի և գլյուկոզայի ցուցանիշներին։

8. Պահպանեք առողջ քաշ։

9.Պոզիտիվ, բարեսիրտ մարդկանց հետ շփումը և նույնիսկ հումորային հաղորդումների ու կատակերգությունների դիտումը կօգնի պահպանել առողջ սիրտը:

10.Սրտանոթային հիվանդությունների ընտանեկան պատմությունը կարող է կրկնապատկել ձեր սեփական ռիսկը: Դուք կարող եք նվազեցնել ձեր ապագա սրտանոթային ռիսկը սկրինինգային թեստերի և ապրելակերպի փոփոխությունների միջոցով:

Իսկ դուք նշվածներից ո՞ր կետերն եք պահպանում♥️

02/07/2024

Գրեթե յուրաքանչյուր երեխա մանուկ հասակում երազել է բժիշկ դառնալ։

Ժամանակի ընթացքում այս ցանկությունը ոմանց մոտ անհետանում է, իսկ ոմանք էլ գնում են դեպի իրենց նպատակակետը։

Ես այդ մարդկանցից մեկն եմ։🙃

Բժիշկ դառնալու որոշումը կայացրել էի դեռևս մանկության տարիներին և հստակ գիտեի, որ ապագայում բժիշկ եմ դառնալու:

Դե իսկ ծնողների կողմից միայն ոգևորություն եմ ստացել, ինչն ավելի է ինձ մոտեցրել իմ նպատակին:☺️

Բժիշկը պետք է սիրի և հասկանա մարդկանց, պատրաստ լինի ամենադժվար իրավիճակներին, անքուն գիշերներին, ռիսկերին և նյարդային լարվածությանը։

Եթե նորից ընտրության հնարավորություն ունենայի, նույն ճանապարհը կընտրեի:😊

10/03/2024

1 or 2⤵️

03/02/2024

Այսօր ուզում եմ պատմել,
թե ինչպես է ազդում տոնզիլիտը/ անգինա/ սրտի վրա:

✅Տոնզիլիտը քիմքային նշագեղձերի բորբոքումն է
և առավել հաճախ առաջանում է վիրուսային կամ բակտերիալ վարակի հետևանքով:
✅Հիմնական կլինիկական ախտանշաններն են՝ կոկորդի ցավ, ջերմություն, կարմիր, այտուցված նշիկներ, ցավ կլման ժամանակ, կոկորդում չորության զգացողություն, պարանոցային ավշահանգույցների մեծացում:
✅Տոնզիլիտի առաջացմանը նպաստում է քթային շնչառության դժվարացումը (քթի միջնապատի թեքվածություն, ադենոիդներ) հայմորիտը, ատամների կարիեսը, ցածր իմունիտետը, ինչպես նաև ժառանգականությունը:

‼️Տոնզիլիտի ոչ հազվադեպ բարդություններից են միոկարդիտը, ռևմատիզմը, գլոմերուլոնեֆրիտը և այն:

🔺Միոկարդիտի դեպքում /սրտամկանի բորբոքում/ հնարավոր են սրտի շրջանում ցավեր, սրտի ռիթմի խանգարումներ, սրտխփոցի, հևոցի, թուլության, արագ հոգնելիության գանգատներ: Նշված երևույթները սաստկանում են ֆիզիկական լարվածությունից:

🔺Ռևմատիզմի ժամանակ ախտահարվում է սիրտը, իսկ որոշ դեպքերում հիվանդությունն արտահայտվում է հոդերի բորբոքումով: Ռևմատիզմի արդյունքում ախտահարվում են սրտի փականները /կլապաններ/ և զարգանում են սրտի ձեռքբերովի արատներ: Օր. Երկփեղկ փականի ախտահարումով հիվանդների  շրջանում հայտնաբերում է փեղկերի հաստացում /ստենոզ/ և միտրալ  անբավարարության զարգացում: Աորտալ փականի ախտահարումը ևս կարող է արտահայտվել ստենոզով և ռեգուրգիտացիայով :
🔺Սրտի մկանների և փականների աշխատանքի խանգարումը հանգեցնում է շնչահեղձության, հաճախասրտության, առիթմիայի, կրծքավանդակում ցավերի:

❗️Շատ դեպքերում պացիենտները տոնզիլիտի նշանները անտեսում են և հետագայում արդեն բախվում են ավելի բարդացած և անհսկելի իրավիճակի հետ:
🔺Այսպիսի իրավիճակում բուժումը երկարատև է և ոչ հեշտ:
🔺Սուր տոնզիլիտի դեպքում ինքնաբուժությամբ զբաղվելը արգելվում է, իսկ հակաբիոտիկների ընդունումը միայն բշժկի ցուցումով :

📌Ախտորոշելու համար անհրաժեշտ հետազոտություններն են
* Էլեկտրասրտագրություն
* Էխոսրտագրություն
* Արյան լաբորատոր հետազոտություններ

Եղե՛ք առողջ💚

Հարցերի դեպքում գրել⬇️📩

02/02/2024

Փորոքային տախիկարդիա
Փորոքային տախիկարդիան (ՓՏ) երեք եւ ավելի փորոքային կոմպլեքսների առկայությունն է, որի հաճախականությունը կազմում է 100 զ/ր ավելի:
☑️ՓՏ-ի առաջացման պատճառներից են սրտամկանի իշեմիան, սրտամկանի ինֆարկտը, փականային հիվանդությունները, սրտային անբավարարությունը, կարդիոմիոպաթիաները, էլեկտրոլիտային խանգարումները, դեղորայքային թունավորումները:

☑️ՓՏ-ն կարող է հանկարծամահության պատճառ դառնալ:
ՓՏ լինում է՝
✔️անկայուն տեսակ - ՓՏ-ն ընդհատվում է ինքնուրույն մինչեւ 30 վրկ. ընթացքում ,
✔️կայուն տեսակ -ՓՏ-ն տեւում է 30 վրկ. ավելի եւ կամ պահանջում է ընդհատում հեմոդինամիկ անկայունության հետեւանքով մինչեւ 30 վրկ.:

☑️ՓՏ-ի առկայությամբ հիվանդը կարող է լինել ✔️հեմոդինամիկ կայուն
✔️անկայուն՝ հիպոտենզիայի առկայությամբ եւ պուլսի բացակայությամբ:

✅Բուժման հիմնական նպատակն է
սրտի նորմալ ռիթմը վերականգնելը կարդիովերսիայի օգնությամբ։ Այն կարող է լինել էլեկտրական կամ դեղորայքային։
✔️Էլեկտրական կարդիովերսիան՝ հոսանքի ազդեցությամբ վերականգնվում է սրտի էլեկտրական ակտիվությունը։
✔️Դեղորայքային կարդիովերսիան սրտի ռիթմի վերականգնումն է դեղորայքի
/հակաառիթմիկ/ օգնությամբ։

ԷՍԳ օրինակներ տեսնելու համար թերթել👉👉

19/01/2024

Յուպերիո💊
Սակուբիտրիլ/Վալսարտան- երկու դեղանյութ պարունակող համակցված դեղահաբ է։ Սակուբիտրիլը պատկանում է թաղանթային էնդոպեպտիդազ նեպրիլիզինի պաշարիչների դեղաբանական խմբին, իսկ Վալսարտանը` անգիոտենզինային ընկալիչների պաշարիչների դեղաբանական խմբին։

💊Օրգանիզմում առաջացնում է անոթալայնիչ և նատրիուրետիկ ազդեցություն, նվազեցնում է զարկերակային ճնշումը, շրջանառող արյան ծավալը, սրտի նախա- և հետբեռնվածությունը։
💊Ապացուցվել է այս համակցության արդյունավետությունը քրոնիկական սրտային անբավարարությամբ պացիենտների շրջանում։ Այս պացիենտների շրջանում դեղի շարունակական կիրառումը կարող է նվազեցնել հոսպիտալացման ռիսկը և սիրտ- անոթային մահացությունը։
❗️Այն մշտապես պետք է նշանակվի բժշկի կողմից` ըստ ցուցման, հաշվի առնելով նաև պացիենտի ուղեկցող հիվանդությունները և նրա կողմից ընդունվող այլ դեղերը, քանի որ կարող են դիտվել դեղորայքային տարբեր փոխազդեցություններ։
Օրինակ` սակուբիտրիլ/վալսարտան ընդունելու ընթացքում խորհուրդ չի տրվում զուգահեռ ընդունել անգիոտենզին փոխակերպող ֆերմենտի պաշարիչներ` կապտոպրիլ, էնալապրիլ, ռամիպրիլ, լիզինոպրիլ, պերինդոպրիլ և այլն։

#юперио #յուպերիո
#սրտաբանություն

16/01/2024

❇️Միտրալ պրոլապսը ուղեկցվում է սրտի ձախ նախասրտի և ձախ փորոքի միջև գտնվող  միտրալ/ կամ երկփեղկ/ փականի ֆունկցիայի խանգարմամբ։ Նորմայում , երբ նախասիրտը կծկվում է , միտրալ փականը բացվում  է, արյունը լցվում է փորոք, այնուհետև երբ փականները փակվում են, տեղի է ունենում փորոքի կծկում և արյունը լցվում է աորտա, որն էլ արյունամատակարարում է ամբողջ օրգանիզմը: Միտրալ փականի պրոլապսի ժամանակ, երբ փականը փակ է, փեղկերը այսպես կոչված ''ճկվում ''են դեպի ձախ նախասիրտ։ Այն երբեմն կարող է ուղեկցվել արյան հետհոսքով, որը նորմալ չէ։
 
🔅Սովորաբար միտրալ պրոլապսն ընթանում է 
անախտանիշ, սակայն  կարող  են նկատվել․
 
• Հևոց, օդի պակասի զգացում
• Հաճախասրտություն, սրտխփոցի զգացում
• Ուշաթափություն
• Գլխապտույտ
• Դյուրհոգնելիություն
• Ցավեր ստրի շրջանում

▶️Ըստ ստատիստիկայի առավել հաճախ հանդիպում է կանանց մոտ:
▶️Միտրալ պրոլապսի ախտորոշումը կատարվում է 
էխոսրտագրությամբ։
▶️Լինում է 3 աստիճանի

🔅Բուժում՝ հիմնկանում չի պահանջվում։ Բժշկի կողմից ակտիվ միջամտություն պահնջվում է, եթե կա սրտի ռիթմի խանգարում կամ այլ արտահայտված գանգատներ։

2-3 րդ աստիճաննեի դեպքում, երբ առկա է նաև փականային հետհոսք՝ 3-4 աստիճանի, կարիք կլինի վիրաբուժական միջամտության/ փականի պրոթեզավորում/
 
‼️Միտրալ փականի պրոլապսը /1-ին աստիճան/
չի հանդիսանում արատ, և պետք չէ անհանգստանալ, այն ուղղակի առիթ է ավելի ուշադիր լինելու  սրտին: Կարելի է ապրել լիարժեք ։  

Ցանկալի է պրոֆիլակտիկ 1-2 տարին մեկ անցնել էխոսրտագրություն ։

Հարցերի դեպքում գրել այստեղ ⬇️
Եղեք առողջ💚

14/01/2024

13/01/2024

✅Զարկերակային գերճնշումը բարձր տարածվածություն ունեցող հիվանդություն է : Աշխարհում բնակչության համարյա25-30%-ը (մոտ մեկ միլիարդ մարդ)ունի նման խնդիր:

✔️Բժշկի պետք է դիմել հենց առաջին, նույնիսկ թեթև բարձրացումների ժամանակ, որպեսզի հնարավոր լինի հայտնաբերել զարկերակային բարձր ճնշման առաջացման պատճառը, խուսափել բարդություններից և ստանալ համապատասխան բուժում: