Մարգարյան Ծննդատուն / Margaryan Maternity Hospital

Home
Armenia
Yerevan
Մարգարյան Ծննդատուն / Margaryan Maternity Hospital

Для более подробной информации Вы можете посетить наш сайт www.morevmankan.am This is one of the oldest clinics in Armenia, founded in 1931.

From the date of its establishment to present time, RCMCHP has been home to formation of a school of highly qualified obstetrician-gynecologists, who laid the foundation of Armenian science and practice of obstetric aid and treatment of obstetric-gynecological pathology.

26/01/2026

Սիրելի կանայք, այս շաբաթը ողջ աշխարհում նվիրված է արգանդի պարանոցի քաղցկեղի մասին իրազեկմանը և կանխարգելմանը։
Եվ մենք՝ ևս մեկ անգամ, ուզում ենք Ձեզ հիշեցնել, որ արգանդի պարանոցի քաղցկեղը չարորակ հիվանդություն է, որի հարուցիչը 90% դեպքերում հանդիսանում է մարդու պապիլոմա վիրուսի բարձր օնկոգենություն ունեցող տիպերը։

Արգանդի պարանոցի քաղցկեղն այն հիվանդությունն է, որը հնարավոր է հեշտությամբ ախտորոշել և բուժել շատ վաղ փուլերում։

Բանն այն է, որ այս հիվանդությունը ,մեծ մասամբ , ընթանում է առանց ախտանիշների և առաջին գանգատները կնոջ մոտ կարող են ի հայտ գալ բավակականին ուշ փուլում։ Ինչը դժվարեցնում է բուժումը և նվազեցնում դրա արդյունավետությունը։
Այսպիսով, սիրելի կանայք, անպայման անցեք Ձեր տարեկան գինեկոլոգիական բուժզննումը, նույնիսկ եթե Ձեզ լավ եք զգում և գանգատներ չունեք։

📌 Շատ կարևոր է Մարդու պապիլոմա վիրուսի բարձր օնկոգեն տիպերի հայտնաբերման անալիզը։
Մեծ նշանակություն ունի արգանդի պարանոցի քաղցկեղի կանխարգելումը։
Մարդու պապիլոմա վիրուսի դեմ պատվաստումը հանդիսանում է կանխարգելման արդյունավետ և անվտանգ միջոց։

Հետազոտվեք և եղեք առողջ 🤍

25/01/2026

Մանկաբարձական պրակտիկայում կան դեպքեր, որոնք հազվադեպ են հանդիպում նույնիսկ երկարամյա փորձ ունեցող բժիշկների կյանքում։

Մեզ դիմել էր հղի կին՝ 32 շաբաթական հղիությամբ։
Նա արդեն ունեցել էր հինգ կեսարյան հատում։ Սա նշանակում էր, որ մեզ սպասվում էր վեցերորդ կեսարյան հատումը՝ զույգ պտղով։
Բ․Գ․Թ․ մանկաբարձ-գինեկոլոգ Արմեն Բադալյանի շնորհիվ վիրահատությունն անցավ հաջողությամբ և ծնվեցին զույգ աղջիկներ: 💕

Սա այն դեպքերից էր, որոնք ևս մեկ անգամ հիշեցնում են՝ երբեմն նույնիսկ ամենաբարդ ճանապարհներն ունեն ամենաերջանիկ ավարտը։

23/01/2026

Մեր բժիշկները☺️
Արտամարմնային բեղմնավորման բաժանմունք։
2004 թվականը դարձավ բեկումնային հայկական բժշկության պատմության մեջ, Մարգարյան ծննդատանը Հայաստանում առաջին անգամ կատարված արտամարմնային բեղմնավորումից լույս աշխարհ եկավ եռյակ: Պրոֆոսոր Գ. Գ. Օկոևի ղեկավարությամբ ձևավորվեց մասնագետների թիմ, ովքեր այսօր արդեն ունեն տարիների գիտելիքներ, փորձառություն, շարժվում են առաջ՝ շարունակական կրթությամբ և կատարելագործմամբ:

📌 Մեր բժիշկները համագործակցում են Իսրայելի և Ֆրանսիայի առաջատար կլինիկաների հետ և հանդիսանում են Մարդու վերարտադրողականության և սաղմնաբանության Եվրոպական ասոցիացիայի (ESHRE) անդամներ։

Մասնագիտական խորհրդատվության համար գրանցվեք՝ 📲060 68-58-48

22/01/2026

Վիրաբուժական գինեկոլոգիա՝ ժամանակակից մոտեցմամբ։
Մարգարյան ծննդատան վիրաբուժական գինեկոլոգիայի բաժանմունքում իրականացվում է գինեկոլոգիական հիվանդությունների վիրաբուժական բուժում՝
✔️ որովայնահատմամբ
✔️ լապարոսկոպիկ (որովայնադիտական)
✔️ հիստերոսկոպիկ (արգանդի խոռոչի տեսողակակ վերահսկում) և
✔️ հեշտոցային եղանակներով

1974 թվականին հենց մեր կենտրոնում է առաջին անգամ Հայաստանում իրականացվել գինեկոլոգիական լապարոսկոպիկ վիրահատություն։ Այսօր բաժանմունքը շարունակում է զարգացնել այդ ավանդույթը՝ ակտիվորեն ներդնելով նորագույն տեխնոլոգիաներ։
Բաժանմունքը հագեցած է ժամանակակից էնդովիրաբուժական համակարգերով, որոնք ապահովում են բարձր ճշգրտություն, միջամտության տեսագրում և վիրահատության որակի վերահսկում։

Լապարոսկոպիկ մեթոդով իրականացվում են՝
🔹 ախտորոշիչ և բուժական միջամտություններ
🔹 կիստաների և նորագոյացությունների հեռացում
🔹 էնդոմետրիոզի և պոլիկիստոզ ձվարանների բուժում
🔹 վիրահատություններ արտարգանդային հղիության դեպքում
🔹 միոմատոզ հանգույցների հեռացում՝ արգանդի պահպանմամբ
🔹 տարբեր տեսակների հիստերէկտոմիաներ

Հիստերոսկոպիկ մեթոդով կատարվում են՝
✔️ ներարգանդային ախտաբանությունների վաղ ախտորոշում
✔️ պոլիպների, ենթալորձային միոմաների հեռացում
✔️ արգանդի խոռոչում առկա կպումների անջատում
✔️ էնդոմետրիումի աբլացիա և բնածին արատների շտկում

Հեշտոցային և լապարատոմիկ մեթոդներով իրականացվում են՝
🔹 պլաստիկ-վերականգնողական միջամտություններ
🔹 անմիզապահության վիրաբուժական բուժում
🔹 արտաքին և ներքին սեռական օրգանների վիրահատություններ

📌 Վիրահատությունների շուրջ 95%-ը կատարվում է քիչ ինվազիվ եղանակներով, ինչը ապահովում է
✔️ստացիոնարում գտնվելու ժամանակահատվածի կրճատում
✔️ ավելի արագ ապաքինում
✔️ նվազագույն ցավ
✔️ կյանքի որակի բարելավում

Վիրահատությունից հետո հիվանդները խնամվում են հարմարավետ պայմաններում, իսկ դուրս գրումից հետո գտնվում են շարունակական բժշկական հսկողության ներքո։
—————————————
📞 +374 60 68 58 48
📍 ՀՀ, ք. Երևան, Մաշտոցի պողոտա 22

19/01/2026

Տղամարդու նախապատրաստումն ընտանիքի ձևավորման փուլում պետք է իրականացվի երկու հիմնական ուղղությամբ՝ դիագնոստիկա և առողջ ապրելակերպ։

🔹Դիագնոստիկան ներառում է մի շարք կարևոր հետազոտություններ՝
միզուղիների և արտաքին սեռական օրգանների գերձայնային հետազոտություն,
սպերմոգրամա, սեռավարակների հայտնաբերում, ԴՆԹ-ի ֆրագմենտացիայի գնահատում և այլ անհրաժեշտ քննություններ։

🔹 Առողջ ապրելակերպը ենթադրում է ալկոհոլի և ծխախոտի բացառում,
լիարժեք հանգիստ, առնվազն 8 ժամ քուն, ինչպես նաև չափավոր և կանոնավոր ֆիզիկական ակտիվություն։

Այս քայլերի համադրումը զգալիորեն բարձրացնում է վերարտադրողական առողջության մակարդակը և նպաստում առողջ ընտանիքի ձևավորմանը։

17/01/2026

Ընտանիքի ձևավորումն ամուսինների համատեղ և հավասար պատասխանատվությունն է։
Տղամարդու գործոնը վերարտադրողական առողջության մեջ ունի նույնքան կարևոր դեր, որքան կնոջը և համարվում է անպտղության պատճառ մոտ 40–50% դեպքերում։

Հենց այդ պատճառով առնվազն 3–6 ամիս առաջ անհրաժեշտ է սկսել նախապատրաստական աշխատանքները՝ ժամանակին անցնելով հետազոտություններ՝ ուշադրություն դարձնելով ընդհանուր առողջական վիճակին։

Ճիշտ և ժամանակին նախապատրաստվածությունը առողջ ընտանիք ստեղծելու կարևորագույն քայլերից է։

15/01/2026

Հղիության սովորույթային կրելախախտ

Սա վիճակ է, երբ կնոջ մոտ գրանցվում են 2 կամ ավելի հաջորդական ինքնաբերական վիժումներ մինչև հղիության 22 շաբաթականը։

Ինչո՞վ կարող է պայմանավորված լինել

🔹 Ծնողների տարիքը և դրա ազդեցությունը ձվաբջիջների ու սպերմատոզոիդների որակի վրա
🔹 Էնդոմետրիումի ախտաբանություններ կամ արգանդում նորագոյացություններ, որոնք խանգարում են իմպլանտացիային
🔹 Գենետիկ գործոններ (մինչև 80% դեպքերում)
🔹 Արգանդի կառուցվածքային խանգարումներ (օր․ Աշերմանի համախտանիշ)
🔹 Արյան մակարդելիության խանգարումներ (թրոմբոֆիլիաներ)
🔹 Աուտոիմուն հիվանդություններ (անտիֆոսֆոլիպիդային համախտանիշ)
🔹 Հորմոնալ խանգարումներ՝ հատկապես վահանագեղձի գործունեության խնդիրներ
🔹 Քրոնիկ հիվանդություններ, այդ թվում՝ շաքարային դիաբետ

Անհրաժեշտ հետազոտությունները.

Կատարվում է կոմպլեքս հետազոտություն, որը ներառում է՝
🔸 գինեկոլոգիական զննում
🔸 լաբորատոր և հորմոնալ հետազոտություններ
🔸 գենետիկ հետազոտություններ և կարիոտիպավորում
🔸 սեռավարակների սքրինինգ
🔸 մասնագետների խորհրդատվություն (էնդոկրինոլոգ, գենետիկ, հեմատոլոգ)

Հետազոտությունների արդյունքների հիման վրա ձևավորվում է անհատական բուժման ռազմավարություն՝ ուղղված առողջ հղիության պլանավորմանը։

Ժամանակին ճիշտ ախտորոշումն ու բուժումը կարող են փոխել հղիության ընթացքը։
📌 Մանրամասն խորհուրդներն ու օգտակար տեղեկատվությունը կգտնեք մեր կայքում.
https://bit.ly/hxiutyankrelaxaxt

13/01/2026

Մարգարյան ծննդատանը բժշկական զարգացումը շարունակական գործընթաց է։
Մենք պարբերաբար հյուրընկալում ենք արտասահմանից և Հայաստանից հրավիրված առաջատար մասնագետների՝ փորձի փոխանակման, համատեղ մասնագիտական քննարկումների և վերապատրաստման նպատակով։
Այս համագործակցությունները թույլ են տալիս մեր թիմին մշտապես թարմացնել գիտելիքները, ներդնել ժամանակակից մոտեցումներ և ապահովել բուժօգնության բարձր որակ՝ միջազգային չափանիշներին համապատասխան։
____________
📍 ՀՀ, ք. Երևան, Մաշտոցի պողոտա 22
📞 +374 60 68 58 48

12/01/2026

Մարգարյան ծննդատանը հաջողությամբ իրականացվել է հերթական օրգանապահպանողական վիրահատությունը։

39 տարեկան կինը, ով շուրջ 4 տարի տառապել է անպտղությամբ, դիմել է մեր կլինիկա։ Կատարվել են անհրաժեշտ կլինիկա-լաբորատոր հետազոտությունները, ախտորոշվել է արգանդի բազմահանգույց միոմա։

Միոմատոզ հանգույցները տարբեր տեղակայմամբ էին՝ սկսած սուբսեռոզ և ինտերսիցիալ հանգույցներից մինչև արգանդի խոռոչը դեֆորմացնող հանգույցներ։

Կատարվել է միոմատոզ հանգույցների հեռացում՝ արգանդի ամբողջականության լիարժեք վերականգնմամբ։ Վիրահատությունն անցել է հաջող, հիվանդը դուրս է գրվել կլինիկայից բավարար առողջական վիճակով։

Մեկ տարվա վերականգնողական շրջանից հետո կինը պատրաստ է հղիանալ և զգալ մայրության բերկրանքը։

👉 Դիմեք մեզ գինեկոլոգիական ցանկացած հարցի կամ անհանգստության դեպքում։

Մարգարյան ծննդատանը յուրաքանչյուր դեպք ուսումնասիրվում է անհատական մոտեցմամբ և ժամանակակից բժշկական չափորոշիչներով։
📞 +374 60 68 58 48
📍 ՀՀ, ք. Երևան, Մաշտոցի պողոտա 22

10/01/2026

Հետծննդաբերական դեպրեսիան կարող է առաջանալ ծննդաբերությունից հետո՝ առաջին շաբաթների կամ ամիսների ընթացքում։ Այն պարզապես «վատ տրամադրություն» չէ, այլ վիճակ, որը կարող է ազդել մոր հուզական և ֆիզիկական ինքնազգացողության վրա։

Այս շրջանում որոշ մայրեր կարող են զգալ տխրություն՝ առանց պատճառի, ուժի ու հետաքրքրությունների կորուստ, քնի կամ սնվելու ռեժիմի փոփոխություն, անհանգստություն կամ դժվարություն երեխայի հետ կապ հաստատելու մեջ։

Կարող են առաջանալ նաև անհանգստացնող մտքեր, որոնք լռեցնելու կարիք չունեն․ դրանք օգնության ազդանշաններ են։

Եթե զգում եք, որ սա պարզապես հոգնածություն չէ, կարևոր է դիմել մասնագետի։ Ժամանակին ստացած աջակցությունը կարող է իրական փոփոխություն բերել և պաշտպանել թե՛ մորը, թե՛ փոքրիկին։

Միևնույն ժամանակ պետք է հիշել՝ ոչ բոլոր մայրերն են անցնում հետծննդաբերական դեպրեսիայի միջով։
Ամենակարևորը՝ Դուք միայնակ չեք։

📌Եթե Ձեզ հետաքրքրում են ամենահաճախ տրվող հարցերը հետծննդաբերական դեպրեսիայի վերաբերյալ, կարող եք կարդալ հետևյալ հղմամբ՝
https://bit.ly/hetcnndaberakandepresia

08/01/2026

Մարգարյան ծննդատունն ընդլայնում է իր թիմը և հրավիրում է աշխատանքի Մարդկային ռեսուրսների կառավարման ավագ մասնագետի։

Հիմնական պարտականություններ
✔️ Աջակցել հավաքագրման ամբողջական գործընթացին՝ աշխատատեղերի հայտարարությունների պատրաստում, թեկնածուների նախնական ընտրություն, հարցազրույցների կազմակերպում և համագործակցություն հավաքագրող ղեկավարների հետ
✔️ Ապահովել նոր աշխատակիցների սահուն ներգրավումը և կողմնորոշում
✔️ Ծառայել որպես աշխատակիցների համար առաջին շփման կետ HR քաղաքականությունների և ընթացակարգերի վերաբերյալ
✔️ Աջակցել ղեկավարներին աշխատակիցների հարաբերությունների կառավարման, կոնֆլիկտների լուծման և արդյունավետության քննարկումների ընթացքում
✔️ Մասնակցել թիմային միջոցառումների, ներգրավվածության նախաձեռնությունների և գնահատման ու խրախուսման ծրագրերի պլանավորմանն ու կազմակերպմանը
✔️ Կազմակերպել աշխատակիցների վերապատրաստման դասընթացներ՝ համագործակցելով ղեկավարների հետ
✔️ Աջակցել կարիերայի զարգացման և հմտությունների ձևավորման նախաձեռնություններին
✔️ Վարել և պարբերաբար թարմացնել աշխատակիցների տվյալները HR համակարգերում
✔️ Ապահովել աշխատանքային օրենսդրությանը և ներքին քաղաքականություններին համապատասխանությունը
✔️ Մասնակցել HR քաղաքականությունների, ուղեցույցների և ներքին փաստաթղթերի մշակման ու ներդրման գործընթացներին

Պահանջվող որակավորումներ
✔️ Բակալավրի աստիճան՝ մարդկային ռեսուրսների կառավարման, բիզնեսի կառավարման կամ հարակից ոլորտում
✔️ Առնվազն 5 տարվա աշխատանքային փորձ HR ոլորտում (ընդհանուր մասնագետ կամ համանման դեր)
✔️ Աշխատանքային օրենսդրության և HR համակարգերի լավ իմացություն
✔️ Գերազանց կազմակերպչական և հաղորդակցման հմտություններ
✔️ Գաղտնի տեղեկատվության հետ աշխատելու կարողություն՝ բարձր պրոֆեսիոնալիզմով

📌 Բոլոր հետաքրքրված թեկնածուները կարող են CV-ն ուղարկել հետևյալ էլեկտրոնային հասցեին՝ 𝐢𝐧𝐟𝐨@𝐦𝐨𝐫𝐞𝐯𝐦𝐚𝐧𝐤𝐚𝐧.𝐚𝐦

Լրացուցիչ տեղեկությունների համար կարող եք զանգահարել՝
📱 𝟎𝟏𝟎 𝟓𝟑 𝟏𝟒 𝟕𝟐 (աշխատանքային օրերին՝ 09:00-17:00)

06/01/2026

Քրիստոս Ծնավ և Հայտնեցավ։ Ձեզ և Մեզ Մեծ Ավետիս։

Address

Mashtoc 22
Yerevan
0002

Telephone

+37410530641

Website

http://morevmankan.am/arm/1/Home, https://ivf-arm.com/arm/1/Main

Alerts

Be the first to know and let us send you an email when Մարգարյան Ծննդատուն / Margaryan Maternity Hospital posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Մարգարյան Ծննդատուն / Margaryan Maternity Hospital:

Shortcuts

Want your practice to be the top-listed Clinic in Yerevan?

Research center of maternal and child health protection

📷

It is our pleasure to introduce you to our establishment, located in the center of Yerevan, at 22 Mashtots Avenue. This is one of the oldest clinics in Armenia, founded in 1931. From the date of its establishment to present time, RCMCHP has been home to formation of a school of highly qualified obstetrician-gynecologists, who laid the foundation of Armenian science and practice of obstetric aid and treatment of obstetric-gynecological pathology. All modern technologies in obstetrics, gynecology, perinatology, intensive therapy and newborns' resuscitation, medical genetics and reproductive health were developed and introduced for the first time in Armenia in our Center. Our impeccable reputation as a highly qualified medical institution is a result of many years of successful hard work in the sphere of public health. Medical aid, diagnostic and advisory services are provided by highly qualified doctors and healthcare professionals at RCMCHP. Our Center is proud to have three Doctors of Medical Sciences, twenty Candidates of Medical Sciences (Ph.D. equivalent) and two candidates of biological sciences. Our physicians constantly improve their professional skills and raise their qualifications through trainings in Russia, France, Italy, Japan, Germany, Austria and other countries. RCMCHP's reputation as a leader was earned through day-to-day hard work, guided by the principles of highest professionalism, kind and respectful treatment of our patients and their relatives.