https://www.facebook.com/109057367907164/

Dr. Ani Navasardyan Բժիշկ-մաշկաբան, Wigmore Hospital For Children , Հրաչյա Ներսիսյան փողոց, 10/7, Yerevan (2026)

10/02/2022

❗❗Խորհուրդներ Կորյակային հիվանդություն ունեցողներին

✅ Լվացեք Ձեր դեմքը օրական 2 անգամ։
✅ Լվացեք Ձեր դեմքը, երբ քրտնում եք, խուսափեք գերքրտնարտադրությունից։
✅Լվացեք մաշկը գոլ ջրով, հեղուկ օճառով կամ հատուկ ակնեի համար։ նախատեսված դեմքի լվացման գելով
✅Հեռու պահեք Ձեր ձեռքերը դեմքից ( եթե Դուք սեղմում եք և փորձում հեռացնել կորյակի պարունակությունը, ապա Դուք սրացնում եք գործընթացը, և մեծացնում սպիերի առաջացման ռիսկը )։
✅Խուսափեք արևից և սոլյարիումից, քանի որ արևայրուքը վտանգավոր է ԿՀ-ով հիվանդի մաշկի համար, բացի այդ սոլյարիումը մեծացնում է չարորակ նորագոյացությունների առաջացման ռիսկը 75%-ով։
✅Քչերը գիտեն, որ կաթն ակնե առաջացնող առաջնային գործոնն է: Փորձեք նվազեցնել կաթի օգտագործումը։
✅Կանոնավոր, կարգավորված սնվելով ՝ ոչ միայն կլավացնեք կառուցվածքը, այլև՝ կկանխարգելեք մաշկային բորոբքումները: Մեծ քանակությամբ թարմ մրգեր և բանջարեղեն կերեք:

‼Եվ վերջապես, եթե ունեք նման խնդիր, Ժամանակ մի վատնեք և անհապաղ դիմեք մաշկաբանի։ Այլընտրանքային բուժումների արդյունավետությունն ապացուցված չէ։

#մաշկաբան #մաշկ #ակնե #акне #дерматолог #կորյակայինհիվանդություն #խորհուրդներ #դեմք #ախտորոշում #բուժում #ռոզացեա #պսորիազ #էկզեմա

27/01/2022

Ակնե կամ Կորյակային հիվանդություն

‼Ակնեն խրոնիկական կրկնվող և երկարատև ընթացքով, կլինիկական տարատեսակությամբ, բազմագործոնային, ինչպես նաև բազմամաբարդ ախտածագմամբ հիվանդություն է, որի դեպքում հիվանդի մոտ նկատվում է մազի ֆոլիկուլների և ճարպագեղձերի բորբոքում։

✅ Ակնեի պատճառները

🔸️ Ճարպագեղձերի հիպերտրոֆիան (ճարպագեղձերի չափազանց ակտիվ աշխատանքը)
🔸️ ֆոլիկուլային խողովակի ախտաբանական հիպերկերատոզը
🔸️ Cutibacterium (Propionibacterium) acnes մանրէներով ճարպագեղձերի ծորանների գաղութացումը

Նպաստող գործոններ կարող են լինել նաև
🔸️հորմոնալ ֆոնի խանգարումը
🔸️ իմունիտետի թուլացումը
🔸️ սթրեսները
🔸️ մարսողական համակարգի օրգանների տարատեսակ հիվանդություններ

✅ Ախտանշանները

Ակնեի ախտանշաններ են հանդիսանում
🔸️ Ոչ բորբոքային ձևաբանական տարրերը ( բաց (սև) և փակ (սպիտակ) կոմեդոնները, միլիումները)
🔸️ Բորբոքային ձևաբանական տարրեր
( ֆոլիկուլային հանգույցիկներ, ֆոլիկուլային թարախաբշտիկներ, ինդուրատիվ հանգույցներ, գնդաձև կամ կոնգլոբատ հանգույցներ )
Ցանն ուղեկցվում է ցավով, քորով, կարմրությամբ և ախտահարված հատվածի այտուցվածությամբ:

✅ Ակնեի ախտորոշումը կատարում է բժիշկ-մաշկաբանը, անցկացնում է պացիենտի զննում, անամնեզի հավաքագրում, հարցազրույց: Ակնեի կլինիական պատկերը շատ բնորոշող է:

✅ Ակնեի բուժումն անհրաժեշտ է իրականացնել համակարգային, համադրելով դեղամիջոցային բուժումը սարքավորումային մեթոդների, սննդային վարքի և հորմոնալ ֆոնի կարգավորման հետ:

#ակնե #մաշկաբան #ախտորոշում #բուժում #մաշկիխնամք #ֆոլիկուլիտ
#դեմքիխնամք #քրոնիկ #բորբոքային #հիվանդություն #акне

10/08/2021

🥰 Շատ հետաքրքիր և օգտակար նյութ

‼ Դերմատոսկոպիան (դերմոսկոպիա էպիլյումինեսցենտային մանրադիտում) մաշկային հիվանդությունների (մաշկի բորբոքային և ոչ բորբոքային, նախաուռուցքային, ուռուցքային) ախտորոշման ժամանակակից, ոչ ինվազիվ, օպտիկական մեթոդ է։

✅ Այս մեթոդը հիմնականում օգտագործվում է մելանոցիտային և ոչ մելանոցիտային գոյացությունները հետազոտելու համար։

✅ Դերմատոսկոպիան իրականացվում է հատուկ սարքի միջոով ՝ դերմատոսկոպի (դերմոսկոպի) միջոցով։ Սարքը հնարավորություն է տալիս վիզուալիզացնել անզեն աչքով անտեսանելի մաշկային կառույցները։

✅ Դերմատոսկոպը բաղկացած է խոշորացույցից, լույսի աղբյուրից (բևեռացված կամ ոչ բևեռացված), թափանցիկ թիթեղից և երբեմն հեղուկ միջավայրից ՝ գործիքի և մաշկի միջև:

‼ Այս մեթոդը ունի իր առավելություները։

❗Դրանք են՝ այն չի պահանջում վիրաբուժական միջամտություն, մաշկի ամբողջականությունը խախտելու անհրաժեշտություն չկա:

1️⃣ Մելանոմայի ախտորոշում վաղ փուլերում:

2️⃣ Գործընթացը բավականին արագ է։

3️⃣ Հիվանդը արագ է ստանում արդյունքը։

4️⃣ Օգտագործման համար հակացուցումներ չկան, այն իրականացվում է անկախ տարիքից, սեռից, ուղեկցող հիվանդությունների առկայությունից։

5️⃣ Այն անցավ է, չի պահանջում ցավազրկում։

6️⃣ Բարդություններ և վերականգնման ժամանակահատվածներ չկան։

7️⃣ Գործընթացին հատուկ նախապատրաստություն չի պահանջվում։

8️⃣ Թույլ է տալիս իրականացնել մաշկի նորագոյացությունների զարգացման դինամիկա:

#դերմատոսկոպիա #մաշկաբան #ախտորոշում #дерматоскопия

12/04/2021

🥰 Մաշկային խնդիրների մասին ավելին տեղեկացված լինելու համար հետևեք իմ էջին։

Այսօր կխոսենք նորածնի մաշկի առանձնահատկությունների մասին։

✅ Ինչպես մեծահասակների մոտ, երեխաների մաշկը ևս բաղկացած է 3 շերտից ՝ էպիդերմիս (վերնամաշկ), դերմա (բուն մաշկ), հիպոդերմա (ենթամաշկային ճարպաբջջանք) , իրեն բնորոշ առանձնահատկություններով։

❇ Էպիդերմիսը բաղկացած է 3 շերտից (բազալ շերտ, փշաձև բջիջների շերտ, եղջերային շերտ)։

💥 Մնացած շերտերն առաջանում են ավելի ուշ ՝ նախ ափերին ու ներբաններին, ապա նաև մարմնի մնացած մասերին։ Այդ իսկ պատճառով բջիջները արագորեն հասնում են մաշկի վերին շերտեր, առանց ժամանակ ունենալու ավելի խիտ և ամուր դառնալու, դիմակայելու արտաքին միջավայրի ազդեցությանը, ինչպես մեծահասակների մոտ է։

👉 Էպիդերմիսի և դերմայի միջև կապը փխրուն է, ուստի ինֆեկցիոն պրոցեսների ընթացքւմ հեշտությամբ են ձևավորվում բշտեր։ Ծնվելուց անմիջապես հետո մաշկի ph-ը չեզոք է, միայն 2-3 ամսվա ընթացքում է այն տեղաշարժվում դեպի թթվայինը, ինչը բարձրացնում է մաշկի պաշտպանիչ հատկությունները։

✅ Երեխաների մոտ ճարպագեղձերը և քրտնագեղձերը ձևավորված են, սակայն նրանք շատ ակտիվ չեն գործում, պայմանավորված նրանց գործունեությունը կարգավորող նյարդային համակարգի անհասության պատճառով։ Մաշկի չզարգացած քրտնագեղձերը հեշտությամբ հանգեցնում են նորածնի գերտաքացմանը:

❇ Մաշկի գեղձերի կողմից արտադրվող սեկրետի մանրէասպան հատկությունները թույլ են արտահայտված, սա ևս մի պատճառ է մանրէների հանդեպ ցածր դիմակայության։

💥 Երեխաների մաշկը պարունակում է մեծ քանակությամբ ջուր, բարակ պատերով շատ անոթներ։ Մաշկի լավ արյունամատակարարումը ոչ միայն թույլ է տալիս մաշկին , այլ նաև նպաստում է վարակի արագ ներթափանցմանը արյան մեջ:

👶 Նորածնի մաշկը շատ նուրբ, բարակ վերջնականապես չձևավորված հյուսվածք է, նրա անհասությունը, բարձր զգայունությունը և թափանցելիությունը պահանջում են հատուկ խնամք։
Ժամանակի ընթացքում նորածնի մաշկը ավելի շատ նմանվում մեծահասակների մաշկին։ Արդեն առաջին ամսվա ընթացքում ձևավորվում են էպիդերմիսի բոլոր շերտերը, դրանց հաստությունը աստիճանաբար ավելանում է։ Կյանքի առաջին տարում մաշկի մեջ ջրի քանակը և անոթային թափանցելիությունը նվազում են:

✅ Լիպիդային անբավարար շերտի պատճառով պաշտպանական ֆուկցիան թույլ է արտահայտված։ Նորածնի մարմինը մաշկի միջոցով 8-10 անգամ ավելի թթվածին է ստանում, քան մեծահասակը։

#մաշկաբան #ախտորոշում #խնամք #բուժում #դեմքիխնամք #նորածին

09/03/2021

👉 Իսկ Դուք գիտեք որ, մաշկը համարվում է մարդու օրգանիզմի ամենամեծ օրգանը։ Ամբողջ մարմնի քաշի 20%-ը կշռում է մաշկը՝ առանց ենթամաշկային ճարպաբջջանքի, իսկ վերջինիս հետ այն կազմում է մարմնի քաշի ավելի քան 50%-ը։ Չափահաս մարդու մաշկի մակերեսը 1,5-22 է, հաստությունը՝ 0,5-4 մմ։

✅ Մաշկը կազմված է երեք շերտերից. էպիդերմիս (վերնամաշկ), դերմա (բուն մաշկ) և հիպոդերմա (ենթամաշկային ճարպաբջջանք)։

✔ Էպիդերմիսը բաղկացած է 5 շերտից ՝ բազալ, փշաձև բջիջների շերտ, հատիկավոր, փայլուն և եղջերային շերտից։ Դերմայում առանձնացնում են 2 շերտ ՝ պտիկակային և ցանցաձև։ Վերնամաշկի եղջերային գոյացումներ են մազերը և եղունգները։ Բուն մաշկում գտնվում են ճարպագեղձեր, քրտնագեղձեր, մազապարկեր, ընկալիչներ, արյունատար և ավշային անոթներ։

✅ Մարմնի ամբողջ մակերեսը (մոտ 95 %), բացառությամբ շրթունքների, ափերի, ներբանների, ծածկված են մազերով։ Մազերն ունեն պաշտպանական նշանակություն, փոքրացնում են ջերմատվությունը։

✔ Մարդու մաշկի մեջ կան ավելի քան 2 միլիոն քրտնագեղձեր, որոնք օրական արտադրում են մոտ 1,2 լ քրտինք, որի միջոցով հեռանում է օրգանիզմում առաջացած հավելյալ ջերմությունը։

✔ Ճարպագեղձերի արտազատուկը՝ մաշկային ճարպը, օծում է մազեր, վերնամաշկի արտաքին շերտը, փափկացնում դրանք։ Ճարպն արգելում է ջրի և այլ հեղուկների ներթափանցումը մաշկով։

👉 Մաշկը պաշտպանում է մեզ մեխանիկական, քիմիական վնասվածքներից, խոչընդոտում կողմնակի նյութերի, ախտածին մանրէների ներթափանցումն օրգանիզմ։ Այն մասնակցում է օրգանիզմի ջերմակարգավորմանը նաև շնչառությանը։

✅ Մաշկում ( էպիդերմիսում ) ուլտրամանուշակագույն ճառագայթների ազդեցությամբ սինթեզվում է վիտ D3-ը՝ խոլեկալցիֆերոլը,որն այնուհետև ներծծվում է արյան մեջ և տեղափոխվում լյարդ, որտեղ էլ շարունակվում է վիտամինի սինթեզը։

💥 Եվ ամենակարևորը մաշկը (էպիդերմիսում առկա մելանոցիտները) պաշտպանում է մեզ արևի ուլտրամանուշակագույն ճառագայթների բացասական ազդեցությունից, ինչպիսիք են` մաշկի ծերացումը, կնճռոտվածությունը, մաշկի նորագոյացությունների զարգացումը։ Մելանինը ընտրողաբար կլանում է արևային ճառագայթման ուլտրամանուշակագույն սպեկտրը։

✅ Իսկ գիտեք, որ մաշկի գույնը պայմանավորված է ոչ թե էպիդերմիսում մելանոցիտների քանակով (որը հաստատուն է տարբեր ռասայի ներկայացուցիչների մոտ), այլ մելանոսոմների՝ մելանինով հագեցվածությամբ։

05/03/2021

Էջում կարող եք գտնել նյութեր, հոդվածներ, նորություններ՝ մաշկային հիվանդությունների, մանկական մաշկաբանության, բարորակ և չարորակ նորագոյացությունների, խալերի ախտորոշման, ինչպես նաև մաշկի խնամքի վերաբերյալ։ Նյութերը նախատեսված են բժիշկների, պացիենտների, մայրիկների համար։ Կարող եք հղել Ձեզ հուզող բոլոր հարցերը, վստահ եղեք Դուք կգտնեք դրանց պատասխանները։ 🥰

Dr. Ani Navasardyan Բժիշկ-մաշկաբան

10/02/2022

27/01/2022

10/08/2021

12/04/2021

09/03/2021

05/03/2021

Address

Website

Alerts

Contact The Practice

Shortcuts

Share

Category