Վերլուծական Հոգեբանության Հայկական Ասոցիացիա

05/08/2025

Արդեն շա՜տ շուտով՝ օգոստոսի 24-29-ը, տեղի կունենա Վերլուծական հոգեբանության միջազգային ասոցիացիայի հերթական համաժողովը, որին մասնակցում են յունգյան հոգեբաններ ամբողջ աշխարհից։ Կ․Գ․ Յունգի ծննդյան 150 ամյակի առթիվ այս տարի համաժողովը լինելու է հենց Ցյուրիխում։ Վերլուծական հոգեբանութան հայկական ասոցիացիայի 9 անդամներ մասնակցելու են համաժողովին՝ այլևս առերես շարունակելու մասնագիտական հաղորդակցությունը միջազգային գործընկերների հետ, որը պաշտոնապես սկսվել էր 2021թ-ից։

27/07/2025

ՎՀՀԱ համահիմնադիր-անդամ, հոգեբան Լիլիթ Մանուկյանին շնորհավորում ենք ՎՀՄԱ Յունգյան Վերլուծության հեռակա ծրագրում իր վերապատրաստման ճանապարհին ևս մեկ կարևոր նվաճում ունենալու առիթով․ վերջերս նա բարեհաջող հանձնեց ծրագրով նախատեսված միջանկյալ քննությունը։
Շնորհավո՜ր։

26/07/2025

Կարլ Գուստավ Յունգը հոգեբանական մտքի այն մարմնավորումն է, որը, որպես մեծ նվեր, պատկանում է աշխարհին առհավետ։
Այսօր Կ․Գ․ Յունգի ծննդյան 150 ամյակն է, որը նշում են այն բոլոր մարդիկ, որոնք իրենց հոգու արտացոլանքը գտել են նրա տեսության մեջ։ Շնորհավո՜ր։

13/07/2025

ՎՀՀԱ նախագահ, հոգեբան Մերի Սմբատյանը հանդես է գալու զեկուցմամբ օգոստոսի 2-ին և 3-ին կայանալիք The International Society for Psychology as the Discipline of Interiority-ի օնլայն գիտաժողովի ժամանակ։ Մասնագիտական ասոցիացիան հիմնված է գերմանացի յունգյան վերլուծող Վոլֆգանգ Գիգերիխի աշխատանքների հիման վրա։ https://www.ispdi.org/giegerich-for-beginners
Ռուսերեն առցանց հասանելի են մի շարք էսսեներ և գրքերից բաժիններ, ինչպես նաև կարող եք կարդալ թարգմանությամբ` Вольфганг Гигерих, ''Логическая жизнь души. На пути к точному понятию психологии'', և ''Невроз. Логика метафизической болезни''
https://www.ispdi.org/

Essential to psychology is the recognition that the psyche is not only the object of psychological investigation, but at the same time, and recursively so, its subject. Having no point of perspective outside the psyche to view it from objectively, and no substrate or pre-suppositional base in anythi...

01/07/2025

ԹԱՐՄԱՑՈՒՄ․ Այս վեբինարը չեղարկվել է։

Լիլիթ Սիմոնյանը կներկայացնի «Արխետիպային արժեքաբանություն, փիլիսոփայության «երկրորդ ճանապարհը»» բանախոսությունը։
Գրանցվեք այստեղ՝ https://forms.gle/e5snr1AvMpGiZq2Q9

«Ո՞րն է կյանքի իմաստը» հարցը անձի կայացման ընթացքում կարող է ստանալ տարբեր պատասխաններ: Կոլեկտիվային անգիտակցականը, սակայն, ունի իր զգացմունքային չափանիշը – նումինոզությունը – որով հաստատում է արժեքի անպայմանական բնույթը։ Այդ գործոնը, որը չի ենթարկվում խոսքով արտահայտելու եղանակին, բայց որը ցնցում և փոխում է կյանքն ու աշխարհայացքը, ընդունակ է կոմպենսացնել ցանկացած դժվարություն։ Այն նման է հրաշքի և հաճախ ուղեկցում է հրաշքին (օրինակ, սինքրոնության երևույթին), դրանով իսկ կարծես հաստատելով կյանքի հրաշալիությունը։ Այն մոտիվացնում և ոգևշնչում է, հանդիսանալով ամենահզոր հոգեկան ռեսուրսը։
Հրաշալիության արժեքաբանությունը հակասության մեջ է մտնում փիլիսոփայական բոլոր ընդունված համակարգերին, ահա թե ինչու պրագմատիկ արժեքաբանության տեսանկյունից Կ․ Գ․ Յունգի տեսությունը երբեմն համարվում է «ոչ-գիտական»։ Սակայն մյուս կողմից կյանքի մասին պատկերացումը, գոյի և գործնականի բոլոր դրսևորումները կարող են ամփոփ լինել միայն, եթե դրանք ներառնում են նաև հրաշալին ու անբացատրելին։

19/06/2025

«Երկուսով» հոգեբանական կենտրոնի հոգեթերապևտ Մարիա Բաբայանը կներկայացնի «Բարդույթի գաղափարը Կ. Գ. Յունգի տեսության մեջ. անհատական և մշակութային բարդույթներ» բանախոսությունը։
Գրանցվեք այստեղ՝ https://forms.gle/e5snr1AvMpGiZq2Q9

Կ.Գ. Յունգի մոտեցումը «բարդույթ» հասկացությանը էականորեն տարբերվում էր մինչ այդ գոյություն ունեցող մոտեցումներից: Իր մշակած ազատ զուգորդումների թեստի օգնությամբ նա կարողանում էր մարդկանց մոտ հայտնաբերել այն բարդույթները, որոնք առաջ էին բերում մտքի ազատ հոսքի խափանումներ: Բարդույթն ունի ինքնավար բնույթ և ունակ է խաթարել մարդու առողջ կենսագործունեությունը: Բանախոսության ընթացքում անդրադարձ կարվի անհատական և մշակութային բարդույթներին, կներկայացվեն դրանց ծագումն ու ազդեցությունը պատկերող օրինակներ:

15/06/2025

Լիլիթ Սիմոնյանը կներկայացնի «Կ․ Գ․ Յունգի «հեղափոխական» մարդասիրությունը» բանախոսությունը։
Գրանցվեք այստեղ՝ https://forms.gle/e5snr1AvMpGiZq2Q9

Քրիստոնյա առաջին իսկ փիլիսոփաներն ու աստվածաբանները առաջ են քաշել չարի՝ որպես «բարու պակասի» գաղափարը, որն ըստ Կ․ Գ․ Յունգի անպաշտպան է դարձնում քրիստոնյային չարի առաջ։ Փոխարենը նա առաջարկում է ընդունել չարի ինքնավարությունը որպես առանձին բևեռ, որի համեմատ էլ մարդը կողմնորոշվում է իր և այլ մարդկանց քայլերի բարոյականության հարցում։ Այս տեսանկյունով է Յունգը դիտում նաև կոնֆլիկտը՝ որպես երբեմն հարց լուծելու անհրաժեշտ և անխուսափելի միջոց։ Կոնֆլիկտն առանձին նշանակություն է ստանում մարդամերժության դեպքերում, երբ այն ստանում է ինքնահարգանքի պահպանման միակ ձևը։ Այս ճանապարհով յունգյան մարդասիրությունը ենթադրում է բախում, «հեղափոխություն», որը դիտարկվում է որպես խթանող մեխանիզմ անձի զարգացման ճանապարհին։

13/06/2025

Հոգեբան Վերոնիկան Ժուրավլյովան կներկայացնի «Миф и архетип в творчестве Сергея Параджанова» բանախոսությունը։ Լեզուն՝ ռուսերեն։
Գրանցվեք այստեղ՝ https://forms.gle/e5snr1AvMpGiZq2Q9

Творчество Сергея Параджанова — это не только киноработы и пластическое искусство. Параджанову удалось создать собственный язык в кино, особый сплетающийся из мифов, архетипов, культурных символов и личной судьбы художника. Его фильмы, изобразительные работы, перформативный практики и письма становятся ключом к пониманию национальных пластов коллективного бессознательного.
На лекции мы рассмотрим:
• каким образом Параджанов работает с мифологическими структурами и образами;
• как в его творчестве проявляются ключевые архетипы;
• почему его произведения можно читать как процесс индивидуации;
• как судьба режиссера отразилась в его работах.
Лекция основана на результатах многолетнего исследования, а также на материалах кандидатской диссертации, архивных документах, письмах и редких визуальных работах режиссера.

12/06/2025

Մատենադարանի ավագ գիտաշխատող Հայկ Հակոբյանը կներկայացնի «Սրբերի վարքը Կ․ Գ․ Յունգի ստեղծագործության մեջ» բանախոսությունը։
Գրանցվեք այստեղ՝ https://forms.gle/e5snr1AvMpGiZq2Q9

Սրբերի ծնունդը, կյանքը և մահը նկարագրող ստեղծագործությունները կոչվում են վարքագրություններ։ Դրանք ունեն իրենց կառուցվածքը, ստեղծման դրդապատճառները, պատմական համատեքստը։ Բանախոսությունը նվիրված է լինելու այդ ամենի վերլուծությանը, նաև դեկոնստրուկցիային՝ ըստ Կարլ Յունգի ստեղծագործությունների և հոգեբանական մեթոդաբանության։

11/06/2025

Հոգեթերապևտ Գայանե Խաչատրյանը կներկայացնի «Անգիտակցականի դերը գեղարվեստական գրականության մեջ» բանախոսությունը։
Գրանցվեք այստեղ՝ https://forms.gle/e5snr1AvMpGiZq2Q9

Գեղարվեստական գրականությունը կարող է դիտարկվել որպես անգիտակցականի յուրօրինակ դրսևորում, երբ թաքնված հոգեկան շարժառիթներն ու ներքին պատկերները վերածվում են սիմվոլների, կերպարների և պատմությունների։ Անալիտիկ հոգեբանության տեսությունը, հիմնված Կարլ Յունգի գաղափարների վրա, առաջարկում է գործիքներ և մոտեցումներ գրական տեքստերում Ստվերի, Անիմայի/Անիմուսի և այլ արխետիպերի բացահայտման համար։
Ելույթի ընթացքում կդիտարկվի, թե ինչպես են այս դրսևորումները արտահայտվում ինչպես հեղինակի ստեղծագործական շարժառիթներում, այնպես էլ ընթերցողի ընկալման գործընթացում։ Վերլուծությունը կանցկացվի տեսական և կիրառական հենքի վրա՝ ընդլայնելով կապը գրականության, հոգեբանության և բիբլիոթերապիայի միջև։ Այս տեսլականը կարող է նոր ուղիներ առաջարկել անալիտիկ հոգեթերապիայի գործնական կիրառման համար։

10/06/2025

Հոգեբան, ազգագրագետ Լիլիթ Սիմոնյանը կներկայացնի «Ի մխիթարություն (աշխարհի ժողովուրդների թաղման ծեսերը)» բանախոսությունը։
Գրանցվեք այստեղ՝ https://forms.gle/e5snr1AvMpGiZq2Q9

Գլոբալիստական էթնոկենտրոնության միջավայրում, երբ ոչ միայն հանգուցյալները, այլև տարեց մարդիկ դիտարկվում են որպես բեռ և թափոն և հետզհետե դադարում են արժեք ներկայացնել, սիրելի անձի կորուստը դառնում է մեկ մարդու անձնական ու միայնակ ողբերգությունը։ Այս պարագաներում արժե վերհիշել այն ավանդույթները, որոնք կապված են մահվան հետ։ Զանազան բնական մշակույթները իրենց հանգուցյալների մարմինները հանձնել են տարերքներին՝ հողին, կրակին, օդին, ջրին, տեղադրել են ծառերի կամ քարերի մեջ և հավատացել են, որ այդպես նրանց հոգիներն ավելի հեշտ կգտնեն ճանապարհը դեպի հոգիների անդրշիրիմյան կյանքի վայրերը։ Այդպիսի ծեսերը ժամանակակից մարդուն կարող են անհեթեթ, նույնիսկ սարսափելի թվալ, սակայն արխետիպերի վերլուծության լույսով ակնհայտ է դառնում, որ դրանք բոլորը ծառայում են կորուստ ապրողների մխիթարությանը, և գրեթե բոլոր դեպքերում հանրությունը սգում է անհատի հետ միասին։

09/06/2025

Հոգեթերապևտ Սոսե Ասատրյանը կներկայացնի «Մոր արխետիպ․ Մայրական բարդույթ» բանախոսությունը։
Գրանցվեք այստեղ՝ https://forms.gle/e5snr1AvMpGiZq2Q9

Վերլուծական հոգեբանության շրջանակներում մոր կերպարը հանդիսանում է կոլեկտիվ անգիտակցականում ամենահզոր և խորհրդանշականորեն հագեցած արխետիպերից մեկը: Կառլ Յունգն իր «Մոր արխետիպ» էսսեում այս կերպարը դիտարկում է ոչ միայն որպես անձնական կամ կենսագրական ֆիգուր, այլև որպես համընդհանուր հոգեբանական օրինաչափություն, որը դրսևորվում է տարբեր մշակույթներում, առասպելներում, երազներում և անհատի հոգեկան զարգացման ընթացքում:
Ուսումնասիրելու ենք Մոր արխետիպի երկակի կառուցվածքը` որպես տրանսպերսոնալ խորհրդանշական մոտիվ, և մայրական բարդույթ՝ որպես անհատի կողմից իր մոր հետ ունեցած իրական փորձառություններով պայմանավորված հոգեկան բովանդակության համախումբ: Տարբերակելով արխետիպայինը անձնականից՝ Յունգն ընդգծում է, որ մայրական կերպարը կարող է միևնույն ժամանակ հանդես գալ և՛ որպես սնուցման և փոխակերպման աղբյուր, և՛ որպես հոգեբանական կոնֆլիկտի և պաթոլոգիայի պոտենցիալ օջախ:
Հենվելով Յունգի բնօրինակ հայեցակարգերի, ինչպես նաև հետյունգյան մեկնաբանությունների վրա՝ վերլուծելու ենք, թե ինչպես է Մոր արխետիպն արտահայտվում խորհրդանշական կերպարներում, ինչպիսիք են Մեծ Մայրը, Սարսափելի Մայրը և Իմաստուն Ծեր Կինը: Նաև անդրադառնալու ենք նրան, թե մոր շուրջ ձևավորված բարդույթներն ինչպես կարող են ազդել ինքնության ձևավորման, հուզական հարաբերությունների և հոգեկանի կառուցվածքի վրա՝ նշանակալի հետևանքներ ունենալով ինչպես կլինիկական պրակտիկայի, այնպես էլ մշակութային վերլուծության վրա: