02/08/2025
«Պրոտոն» ախտորոշիչ և գիտակրթական կենտրոնի Վանաձորի նորաբաց մասնաճյուղում սիրով հյուրընկալեցինք ՀՀ առողջապահության նախարար տիկին Անահիտ Ավանեսյանին, նախարարի տեղակալ պարոն Լևոն Հակոբյանին, Վանաձոր բժշկական կենտրոնի տնօրեն պարոն Մեսրոպ Հազրոյանին, «Պրոտոն» ախտորոշիչ և գիտակրթական կենտրոնի համահիմնադիր պարոն Ալեքսանդր Ուռումյանին, Վանաձորի քաղաքապետի ժամանակավոր պաշտոնակատար պարոն Արկադի Փելեշյանին, Լոռու մարզպետի աշխատակազմի առողջապահության և սոցիալական ոլորտի հարցերի վարչության պետ տիկին Ռուզաննա Պողոսյանին և հարգարժան բուժաշխատողներին: Շրջայցի ընթացքում կենտրոնի համահիմնադիր-տնօրեն Նարեկ Մատինյանը ներկայացրեց մասնաճյուղի կառուցվածքը, տեխնոլոգիական հագեցվածությունն ու մասնագիտական ներուժը։ Հյուրերին ցուցադրվեց նաև գերմանական Սիմենս ընկերության 3 տեսլա հզորությամբ ՄՌՏ սարքը, հագեցած, ոչ միայն մարզում, այլ նաև տարածաշրջանում առաջին և միակ Էմբիենթ համակարգով: Հյուրերը բարձր գնահատեցին կենտրոնի հնարավորությունները՝ հատկապես առանձնացնելով նորագույն գերհզոր սարքավորումները, փորձառու մասնագետների ներգրավվածությունն ու կրթական ծրագրերի հեռանկարները։ ՄՌՏ հետազոտության հասանելությունը Վանաձորի բժշկական կենտրոնի տարածքում նոր հորիզոններ է բացում վաղ ախտորոշման և արդյունավետ բուժման համար: Այն, ՀՏ հետազոտության հետ համատեղ անփոխարինելի մեթոդ է նաև կաթվածի վաղ ախտորոշման և բուժման արդյունավետությունը ճիշտ գնահատման հարցում: «Պրոտոն» ախտորոշիչ և գիտակրթական կենտրոն – միասին մենք կտեսնենք անտեսանելին:
