27/10/2023
Ապրիլ ամսին կինը դիմել է մեզ ՝ գանգատվելով 3 տարվա անպտղությունից։
Գինեկոլոգիական խորհրդատվությունն անցնելուց հետո պարզվեց, որ նա արդեն ունեցել է արհեստական սերմնավորման (ինսեմինացիա) և արտամարմնային բեղմնավորման անհաջող փորձեր։
Հարց #1.
-Ունե՞ք ներհեշտոցային սոնոգրաֆիայի պատասխան:
Պատասխան.
-Ո’չ, ես հրաժարվել եմ սոնոգրաֆիայի ներհեշտոցային տարբերակից , ինձ հետազոտել են սոնոգրաֆիայի միայն որովայնային եղանակով։
Դա նշանակում է , որ իրականացվել է թերի հետազոտություն։ Ապացուցված է , որ փոքր կոնքի լիարժեք հետազոտման և ճիշտ ախտորոշման համար նեհեշտոցային սոնոգրաֆիան պարտադիր է ։
Հարց #2.
-Ստուգե՞լ եք արգանդափողերի անցանելիությունը մինչ արհեստական սերմնավորումը :
Պատասխան.
-Այո’, սոնոգրաֆիայի ժամանակ ստուգեցին և ասացին, որ արգանդափողերն անցանելի են :
Սոնոգրաֆիայի միջոցով հնարավոր չէ գնահատել արգանդափողերի անցանելիությունը։ Անհրաժեշտ է հավելյալ հետազոտություն ՝ սոնոսալպինգոգրաֆիա , երբ դեպի արգանդափողեր ներարկվում է ֆիզիոլոգիական լուծույթ և ըստ այդ լուծույթի հոսքի գնահատվում է արգանդափողեր անցանելիությունը։
Պացիենտի համաձայնությունն ստանալուց հետո իրականացրեցինք՝
1. ներհեշտոցային սոնոգրաֆիա
2. սոնոհիստերոգրաֆիա (սոնոգրաֆիայի մի տեսակ , որի ժամանակ արգանդի խոռոչ ներարկվում է ֆիզիոլոգիական լուծույթ ։ Հեղուկի առկայությունը թույլ է տալիս ավելի ճշգրիտ ախտորոշել արգանդի խոռոչի պաթոլոգիաները )
3. սոնոսալպինգոգրաֆիա (արգանդափողերի անցանելիությունը գնահատելու համար) ։
ՈՒՁՀ-յան ժամանակ արգանդի խոռոչում նկատվեց փոքր գոյացություն և ավելի մանրակրկիտ հետազոտության համար իրականացվեց սոնոհիստերոգրաֆիա, որից պարզ դարձավ , արգանդի խոռոչում առկա է էնդոմետրիումի պոլիպ , որը հաճախ կարող է հանդիսանալ անպտղության պատճառ ։
Հուլիս ամսին վիրահատական միջամտության միջոցով հեռացվեց էնդոմետրիումի պոլիպը, իսկ այսօր ունենք արդեն 7 շաբաթական զույգ պտղով հղիություն ։ 🤰🏻
Վերարտադրողական առողջության, մանկաբարձության և գինեկ?
