Genetic Forensic Center Գենետիկական Փորձագիտական Կենտրոն

31/12/2025

Հարգելի գործընկերներ, բուժառուներ և հայրենակիցներ,

Նոր տարվա շեմին Գենետիկական փորձագիտական կենտրոնը շնորհավորում է Ձեզ և հայտնում իր երախտագիտությունը վստահության և համագործակցության համար։ Անցնող տարում մեր նպատակը եղել է որակյալ, ժամանակակից և հասանելի ախտորոշման ապահովումը՝ ի շահ Ձեր առողջության։

Թող Նոր տարին պարգևի առողջություն, վստահություն վաղվա օրվա հանդեպ և նոր հնարավորություններ։ Մաղթում ենք խաղաղություն, բարօրություն և լավագույն արդյունքներ։

Շնորհավոր Ամանոր և Սուրբ Ծնունդ։
Հարգանքով՝
Գենետիկական փորձագիտական կենտրոն

17/12/2025

🔍 Գիտեի՞ք, որ մեկ փոքրիկ գենետիկական փոփոխությունը կարող է ազդել խոսքի, վարքի, մտավոր զարգացման և նույնիսկ ամբողջ ընտանիքի առողջ ապագայի վրա։

Փխրուն X քրոմոսոմի համախտանիշը (Fragile X Syndrome) գենետիկական խանգարում է, որի դեպքում դիտվում է յուրահատուկ արտաքին տեսք, մտավոր և ճանաչողական զարգացման հապաղում, խոսքի հապաղում, հիպերակտիվություն, ուշադրության պակաս և աուտիզմին բնորոշ հաղորդակցական և վարքային առանձնահատկություններ։

Այն առաջանում է FMR1 գենի մուտացիայի հետևանքով, երբ գենի ներսում գտնվող CGG կրկնությունների թիվը գերազանցում է նորման։ Արդյունքում դադարում է արտադրվել FMRP սպիտակուցը, որն էլ հանգեցնում է նյարդահոգեբանական և զարգացման խանգարումներին։

55–200 CGG կրկնություն ունեցող անձինք համարվում են նախամուտացիայի կրողներ և ունեն ռիսկ ունենալու Փխրուն X համախտանիշով երեխաներ։
Նախամուտացիան նաև մեծացնում է որոշ առողջական խնդիրների ռիսկը ինչպես կանանց, այնպես էլ տղամարդկանց մոտ։

Կանանց մոտ նախամուտացիան առաջացնում է ձվարանների առաջնային անբավարարություն՝ դաշտանային ցիկլի խանգարումներով և վաղ դաշտանադադարով (FXPOI)։

Տղամարդկանց մոտ նախամուտացիան առաջացնում է դողով և հավասարակշռության խանգարմամբ ուղեկցվող նյարդաբանական համախտանիշ (FXTAS), որը սկսվում է 50–60 տարեկանից հետո։

⚠️ FXTAS-ը հաճախ շփոթվում է Parkinson-ի կամ Alzheimer-ի հետ։

Ճիշտ գենետիկական ախտորոշումը թույլ է տալիս խուսափել անհարկի բուժումներից, գնահատել ժառանգական ռիսկերը և ապահովել նպատակային խնամք ու աջակցություն։

08/12/2025

GNB1 համախտանիշը հազվադեպ գենետիկական խանգարում է՝ աշխարհում հայտնի մոտ 100 դեպքով։

Այն կարող է դրսևորվել զարգացման և խոսքի հապաղմամբ, մկանային թուլությամբ, ցնցումներով և վարքային առանձնահատկություններով։

🧬 Գենետիկական թեստավորումը հնարավորություն է տալիս ստանալ ճշգրիտ ախտորոշում և ընտրել նպատակային բուժում։

GNB1 Foundation միջազգային կազմակերպությունը միավորում է GNB1 համախտանիշ ունեցող երեխաների ընտանիքներին՝ տրամադրելով տեղեկատվություն, աջակցություն և կապ նման խնդիրներ ունեցող ընտանիքների հետ։

🌐 Լրացուցիչ տեղեկությունների համար՝ gnb1foundation.org

14/11/2025

🔔 Նոյեմբերի 17-ից մեկնարկում է ՀՀ ԱՆ ԱԱԻ Արյունաբանության և տրանսֆուզիոն բժշկության ամբիոնի և Գենետիկական Փորձագիտական Կենտրոնի համատեղ կազմակերպած երկշաբաթյա կրեդիտավորված դասընթացը (ձևաչափը՝ առկա):

🎓 Մասնակիցներին կշնորհվի 30 տեսական կրեդիտ։

🔍 Թեմա՝ «Արյան չարորակ հիվանդությունների բջջագենետիկական և մոլեկուլային գենետիկական ախտորոշման հիմունքները»։

Դասընթացը նախատեսված է՝
✅ Արյունաբանների
✅ Մանկաբույժների
✅ Ընտանեկան բժիշկների
✅ Լաբորատոր բժիշկների համար։

Դասընթացը կվարի՝
👩‍⚕️ Գենետիկական Փորձագիտական Կենտրոնի մոլեկուլային գենետիկայի լաբորատորիայի ղեկավար, կլինիկական լաբորատոր գենետիկ, կ.գ.թ. Աննա Հովհաննիսյանը

📅 Նոյեմբեր 17–28, 2025 (երկուշաբթի–ուրբաթ)
🕑 15:00–17:00
📍 ՀՀ ԱՆ ԱԱԻ Արյունաբանության և տրանսֆուզիոն բժշկության ամբիոն
📍 Գենետիկական Փորձագիտական Կենտրոն

📞 Մանրամասների համար՝ 095 511 885

🚨 ՇՏԱՊԵՔ ԳՐԱՆՑՎԵԼ մինչև երկուշաբթի 🚨

🔔 Մայիսի 6-ից մեկնարկում է ՀՀ ԱՆ ԱԱԻ Արյունաբանության և տրանսֆուզիոն բժշկության ամբիոնի և Գենետիկական Փորձագիտական Կենտրոնի համատեղ կազմակերպած երկշաբաթյա կրեդիտավորված դասընթացը (ձևաչափը՝ առկա):

🎓 Մասնակիցներին կշնորհվի 30 տեսական կրեդիտ։

🔍 Թեմա՝ «Արյան չարորակ հիվանդությունների բջջագենետիկական և մոլեկուլային գենետիկական ախտորոշման հիմունքները»։

Դասընթացը նախատեսված է՝
✅ Արյունաբանների
✅ Մանկաբույժների
✅ Ընտանեկան բժիշկների
✅ Լաբորատոր բժիշկների
համար։

Դասընթացը կվարեն՝
👨‍⚕️ԱԱԻ Արյունաբանության և տրանսֆուզիոն բժշկության ամբիոնի վարիչ, Հայկական արյունաբանական ասոցիացիայի նախագահ, բ.գ.թ. Երվանդ Հակոբյանը:

👩‍⚕️Գենետիկական Փորձագիտական Կենտրոնի մոլեկուլային գենետիկայի լաբորատորիայի ղեկավար, կլինիկական լաբորատոր գենետիկ, կ.գ.թ. Աննա Հովհաննիսյանը:

📅 06.05.2025
🕑 14:00
📍ՀՀ ԱՆ ԱԱԻ Արյունաբանության և տրանսֆուզիոն բժշկության ամբիոն
📍Գենետիկական Փորձագիտական Կենտրոն

Մանրամասների համար՝
📞 095 511 885

❗️ՈւՇԱԴՐՈՒԹՅՈՒՆ
Հարգելի՛ բուժաշխատողներ, եթե դասընթացը հետաքրքրեց ձեզ, սակայն ժամկետները հարմար չեն, կարող եք առցանց լրացնել նախնական մասնակցության հայտը՝ հետևելով մեր էջում տեղադրվող հայտարարություններին։
🔗 https://forms.gle/r69ibTQh6kp3KLtc8

29/10/2025

Մանկական զարգացման հապաղում (GDD). երբ երեխայի խոսքային, շարժողական և ճանաչողական զարգացումը ընթանում է դանդաղ։

Շատ դեպքերում պատճառը գենետիկական է։

Վաղ գենետիկական ախտորոշումը օգնում է կանխատեսել հիվանդության ընթացքը և ընտրել նպատակային, արդյունավետ լուծումներ։

20/08/2025

🌍 Օգոստոսը՝ Քաղցկեղի աջակցման համաշխարհային ամիս է։

Այս ամիսը հիշեցնում է, որ քաղցկեղի դեմ պայքարը միայն բժշկական չէ․ այն նաև հոգեբանական, էմոցիոնալ և սոցիալական է։ Ամեն խոսք, ամեն ժպիտ և ամեն ձեռքսեղմում արժեք ունի։

Եկե՛ք միասին տարածենք հույս ու համբերություն։ 💜

12/08/2025

Հոկտեմբեր ամսին «Գենետիկական Փորձագիտական Կենտրոն»-ի հրավերով Հայաստան կժամանի Կրծքագեղձի և ձվարանների ընտանեկան քաղցկեղի գերմանական կոնսորցիումի (Deutsches Konsortium Familiärer Brust- und Eierstockkrebs - FBREK) կողմից որակավորված բժիշկ,
Բեռլինի Charité Համալսարանական կլինիկայի Մարդու և Բժշկական գենետիկայի ինստիտուտի բժիշկ, բնական գիտությունների դոկտոր Թամարա Գրիգորյանը։

🧬 Այցի շրջանակում բժիշկ Գրիգորյանը կկատարի՝

✅ Հիվանդության ընտանեկան և անհատական պատմությունների վերլուծություն և ժառանգական քաղցկեղի ռիսկերի գնահատում,

✅ Թեստավորման նպատակահարմարության գնահատում և գենետիկական հետազոտության վերաբերյալ խորհրդատվություն,

✅ Գենետիկական խորհրդատվություն՝ թեստավորումից առաջ և հետո, ինչպես նաև թեստավորման արդյունքների վերլուծություն,

✅ Կրծքագեղձի և ձվարանի քաղցկեղի գենետիկական խորհրդատվություն և անհատական ռիսկի հաշվարկ,

✅ Ռիսկի խմբում գտնվող ընտանիքի անդամների խորհրդատվություն։

📍 Խորհրդատվությունները հասանելի են միայն նախապես գրանցված և վճարում կատարած այցելուների համար։ Տեղերի քանակը խիստ սահմանափակ է։

📞 Մանրամասների և գրանցման համար կարող եք կապ հաստատել մեզ հետ հետևյալ հեռախոսահամարով՝
‪+374 95 511885‬,
գրել մեզ հաղորդագրություն կամ այցելել մեր կայքը։

03/07/2025

Մեկ կենտրոն – 500+ գենետիկական հետազոտություններ և ծառայություններ։

Հազվագյուտ հիվանդություններից մինչև անհատականացված բժշկություն՝ մեր կենտրոնում մեկտեղված են գենետիկական բոլոր ուսումնասիրությունները։

Մենք առաջարկում ենք՝

✅ Ճշգրիտ ախտորոշում

✅ Նորարարական լուծումներ

✅ Արդյունքների տրամադրման սեղմ ժամկետներ։

Առողջության քո պատասխանը այստեղ է։

#ԳենետիկականՀետազոտություն #ԲժշկականԳենետիկա

08/05/2025

Մայիսի 8-ը Թալասեմիայի դեմ պայքարի համաշխարհային օրն է։

🧬 Թալասեմիան ժառանգական արյան հիվանդություն է, որն ազդում է հեմոգլոբինի շղթաների սինթեզի վրա՝ առաջացնելով քրոնիկ սակավարյունություն և թթվածնային քաղց։

Մինչ երեխայի պլանավորումը, զույգերի մոտ հեմոգլոբինոպաթիաների գենային մուտացիաների կրելիության թեստը հնարավորություն է տալիս բացահայտել հիվանդ երեխա ունենալու ռիսկը։

Գենային մուտացիաների կրելիության հաստատման դեպքում հնարավոր է իրականացնել նպատակային նախածննդյան գենետիկական ախտորոշում՝ առողջ սերունդ ունենալու հնարավորությունները մեծացնելու նպատակով։

🤝 Իրազեկվածությունն ու աջակցությունը կարևոր են՝ կյանքեր փոխելու և որակյալ բուժում ապահովելու համար։

📣 Գենետիկական Փորձագիտական Կենտրոնի Մոլեկուլային գենետիկայի լաբորատորիան մասնակցում է եվրոպական CA22119 – HELIOS ծրագրին, որի նպատակը գիտական, կլինիկական և տեխնոլոգիական փորձի համախմբումն է՝ թալասեմիայի և այլ հեմոգլոբինոպաթիաների գենետիկական ախտորոշման և կառավարման մեթոդները արդիականացնելու և ստանդարտիզացնելու նպատակով։

HELIOS-ը հնարավորություն է ստեղծում Եվրոպական լավագույն փորձն ու լուծումները հասանելի դարձնել նաև Հայաստանում։

08/05/2025

Ի՞նչ գիտեք գենետիկական թեստերի մասին։ 🤔

Դրանք շատ են ու տարբեր, և ճիշտ ընտրությունը կախված է Ձեր հարցից 👇

🩸 Ախտորոշիչ թեստ՝ երբ կասկածում եք ժառանգական/գենետիկական հիվանդություն։

🧬 Կրելիության թեստ՝ պարզելու՝ արդյոք կրում եք ընտանիքում առկա գենային մուտացիան թե ոչ։

🤰 Ընտանիքի պլանավորում՝ գնահատելու զույգի մոտ գենետիկական հիվանդությամբ երեխա ունենալու ռիսկերը։

🎯 Թիրախային թեստ՝ հաստատված հիվանդության դեպքում թիրախային բուժման ընտրության համար։

👩‍🔬 Կանխարգելիչ թեստ՝ պարզելու Ձեզ մոտ առկա գենետիկական ռիսկերը՝ հիվանդությունները կանխարգելու համար։

Մեզ մոտ կարող եք գտնել պատասխան Ձեզ հուզող հարցերին։

06/05/2025

Որքանո՞վ է ԴՆԹ ապացույցը հանդիսանում բացարձակ ճշմարտություն։ Որքանո՞վ են հուսալի ԴՆԹ հետազոտության արդյունքները և հնարավո՞ր է դրանք վիճարկել դատարանում։

Այս դասընթացը կխորանա ԴՆԹ-ի ուժի և սահմանափակումների մեջ՝ սկսած քրեական հետաքննություններից մինչև քաղաքացիական գործեր։ Սովորեք հիմնական դատագենետիկական հասկացությունները, ուսումնասիրեք իրական փորձաքննության եզրակացություններ և քննարկեք գենետիկական ապացույցների դերը իրավական պրակտիկայում։

📅 Գրանցվեք մինչև մայիսի 16-ը հետևյալ հղումով ՝ https://forms.gle/eC2ULeCmNffatyyd9

Որքանո՞վ է ԴՆԹ ապացույցը հանդիսանում բացարձակ ճշմարտություն։ Որքանո՞վ են հուսալի ԴՆԹ հետազոտության արդյունքները և հնարավո՞ր է դրանք վիճարկել դատարանում։

Այս դասընթացը բացահայտում է ԴՆԹ ապացույցի ուժը և սահմանափակումները՝ քրեական հետաքննություններից մինչև քաղաքացիական գործեր, ներկայացնելով հիմնական հասկացությունները և առկա մարտահրավերները։

Մասնակիցները կուսումնասիրեն դատագենետիկական եզրակացությունների օրինակներ և կքննարկեն գենետիկական ապացույցների դերը դատավարական պրակտիկայում և արդարադատության համակարգում։

Գրանցվել մինչև մայիսը 16-ը հետևյալ հղումով` https://forms.gle/eC2ULeCmNffatyyd9