28/06/2025
Հաստատ ուզու՞մ եք չէ, որ ձեր երեխաները մեծանան ինքնավստահ։
Օրինակը բերեմ իմ երեխայի վրա, ով 1 տարեկան 10 ամսական է։
Բոլոր երեխաները ունեն բոլոր նախադրյալները ինքնավստահ լինելու։
Եվ մենք` ծնողներս, մեծահասակներս, կամ աջակցում ենք դրան, կամ խոչընդոտում։
Իմ Արեգը շատ համառ է, նպատակասլաց, սկզբունքային, կազմակերպված։ Ինքը չի հարմարվում իրավիճակին, եթե իրեն դուր չի գալիս։ Ինքը իրեն մոտ չի թողնում ոչ ոքի, մինչև որ չվստահի։
Իրեն մոտ չթողնելը արտահայտում է լացով, իմ գրկում հայտնվելով և այլն։
Եթե ինչ որ բան դուր չի գալիս ասում է, հասկացնում է, իր ուզածին է հասնում, և ես իհարկե դեմ չեմ լինում, եթե դա իր համար վտանգ չի ներկայացնում։
Այդպես նա իր բնավորությունն է ցույց տալիս։
Եթե ես հիմա ճնշեմ իր ցանկությունները, ապա մեկ, երկու արդեն ինքը կթուլանա։ Եթե ասեմ, որ ես եմ որոշում, թե դու ինչ անես ու ինչպես անես, ինքը կխեղճանա։
Գուցե դա հիմա հեշտացնի մեր` ծնողներիս կյանքը, բայց հետո շատ կդժվարացնի իր կյանքը։
Կդառնա հանդուրժող, ենթարկվող, խելոք, հարմարվող, իսկ նման մարդիկ մոտ ապագայում դառնում են անվստահ և իհարկե ունենում են լիքը ներքին կոնֆլիկներ։
2֊3 տարեկան երեխաներին ասված ցանկացած խոսքը, նախադասություն, վերաբերմունք հավերժ դրոշմվում է իրենց ենթագիտակցական դաշտում։
Եթե իրենց ասենք, որ իրենք ուժեղ են, համառ են ու իրենց մոտ ամեն ինչ կստացվի, հավատացեք այդ համոզմունքը կտանեն մինչև հասուն տարիք, բայց եթե հակառակը ասենք պատժենք, "ֆիզիկական պատիժ" տանք, հավատացեք իրենք կկորցնեն իրենց իրական ուժը և հասուն տարիքում հակառակ վերաբերմունքը կտան մեզ։
Եկեք ծնված օրից երեխաներին սովորեցնենք լինել ուժեղ, սովորեցնենք արժևորել իրենց սեփական անձը և օգնենք , որ լինեն ԻՆՔՆԱՎՍՏԱՀ։
Համաձա՞յն եք ինձ հետ
Եթե ուզում եք դառնալ ինքնավստահ, ապա միացեք✅️
