Dr. Juli Avetyan

19/08/2025

⭕️Կախվածություն քթի կաթիլների՞ց

Այո այո, դա հնարավոր է💔

Ձեզանից շատերը քթի փակվածության դեպքում անմիջապես դիմում են անոթասեղմիչ քթի կաթիլների օգնությանը (օր.՝ օքսիմետազոլին, քսիլոմետազոլին պարունակող դեղերը)։ Դրանք արագ ազատում են քթի փակվածությունից, սակայն դրանց երկարատև և սխալ օգտագործումը կարող է հանգեցնել ԿԱԽՎԱԾՈՒԹՅԱՆ։

⁉️Ինչպե՞ս է առաջանում կախվածությունը
• Այս կաթիլները սեղմում են քթի լորձաթաղանթի անոթները՝ վերացնելով այտուցը։
• Սակայն երկարատև օգտագործման դեպքում (ավելի քան 5-7 օր) անոթները «սովորում» են դեղորայքին, և առանց կաթիլի կրկին լայնանում են՝ առաջացնելով ավելի խիստ փակվածություն։
• Մարդը ստիպված է լինում նորից օգտագործել կաթիլը՝ մտնելով արատավոր շրջանի մեջ։

💢Հիմնական նշանները
• Քթի փակվածությունը վերադառնում է դեղամիջոցի ազդեցության ավարտից անմիջապես հետո։
• Անհրաժեշտություն առաջանում է օրական մի քանի անգամ կաթիլ օգտագործելու։
• Առանց կաթիլի քթով շնչելը գրեթե անհնար է դառնում։

⚠️Ինչ վտանգներ ունի
• Քթի լորձաթաղանթի մշտական վնասում
• Քթի լորձաթաղանթի չորություն, քթային արյունահոսություններ
• Լորձաթաղանթի հաստացում (դեղորայքային ռինիտ)
• Քնի և կյանքի որակի վատացում

🆘Ինչպե՞ս ազատվել կախվածությունից
• Դադարեցնել անոթասեղմիչ կաթիլների օգտագործումը (բժշկի հսկողությամբ)։
• Օգտվել այլ միջոցներից՝
• Աղաջրային սփրեյներ
• Կորտիկոստերոիդային քթի սփրեյներ (բժշկի նշանակմամբ)
• Ալերգիայի, սինուսիտի կամ շնչառական այլ հիվանդության բուժում՝ ըստ պատճառի։

✅Ինչպե՞ս կանխել
• Անոթասեղմիչ քթի կաթիլները օգտագործել ոչ ավելի քան 5-7 օր։
• Քթի փակվածության պատճառը պարզել և բուժել, ոչ թե միայն ժամանակավորապես վերացնել։
• Խորհրդակցել քիթ-կոկորդ-ականջաբանի հետ։

⸻

📌 Եզրակացություն․ Քթի կաթիլները արդյունավետ են միայն կարճաժամկետ օգտագործման դեպքում։ Երկարատև կիրառումը կարող է հանգեցնել «կախվածության» և լուրջ բարդությունների։ Եթե քթի փակվածությունը շարունակական է, անհրաժեշտ է գտնել և բուժել դրա իրական պատճառը։

Ձեզ հետ ձեր սիրելի բժշկուհի Ավետյանն էր👩🏻‍⚕️

Եղեք առողջ և իրազեկված🥰
_____________________________________________

📍Շենգավիթ ԲԿ (Մանանդյան 9)

📲 +(374) 77 521778

16/08/2025

❤️

15/08/2025

Խորհուրդներ քիթկոկորդականջաբանից👩🏻‍⚕️

👃 Քթի առողջության համար
• Օրական 1-2 անգամ լվացեք քթի խոռոչը աղային լուծույթով, հատկապես՝ սեզոնային ալերգիաների կամ մրսածության շրջանում։
• Խուսափեք ծխախոտի և փոշու ազդեցությունից․ դրանք վնասում են լորձաթաղանթը։
• Խոնավացրեք սենյակի օդը․ չոր օդը առաջացնում է քթում չորություն և արյունահոսություն։

🗣 Կոկորդի և ձայնալարերի համար
• Խմեք բավարար քանակությամբ ջուր՝ լորձաթաղանթը խոնավ պահելու համար։
• Մի՛ ծանրաբեռնեք ձայնը, հատկապես՝ բարձր աղմուկի պայմաններում։
• Սառը ըմպելիքները օգտագործեք չափավոր, որպեսզի կանխեք կոկորդի գրգռումը։

👂 Լսողության համար
• Մի՛ օգտագործեք բամբակյա փայտիկներ՝ ականջը մաքրելու համար․ կարող եք վնասել արտաքին լսողական անցուղին և թմբկաթաղանթը։
• Եթե ունեք աղմուկ ականջներում, մի՛ անտեսեք․ ժամանակին դիմեք մասնագետի։
• Ուժեղ ձայնային միջավայրում (երաժշտական միջոցառումներ, շինարարություն) օգտագործեք ականջակալներ կամ ձայնամեկուսիչ սարքեր։

💡 Ընդհանուր կանխարգելիչ խորհուրդներ՝
• Տարեկան գոնե մեկ անգամ այցելեք քիթկոկորդականջաբանի, նույնիսկ եթե գանգատներ չկան։
• Ցանկացած երկարատև քթի փակվածություն, կոկորդի ցավ կամ լսողության իջեցում պահանջում է բժշկի խորհրդատվություն։
• ❗️❗️❗️Մի՛ բուժվեք ինքնուրույն․ սխալ դեղամիջոցները կարող են բարդացնել վիճակը։

Սիրով Ձեր բժշկուհի Ավետյան👩🏻‍⚕️
____________________________________________

Գրանցումների համար՝

📍Շենգավիթ ԲԿ (Մանանդյան 9)

📲 +374 77 521778

#շենգավիթբկ #լօռվիրաբույժ #քիթկոկորդականջաբան #լօռ #լօռբժիշկ #քկա #քիթկոկորդականջ

09/08/2025

📌 Քրոնիկ տոնզիլիտը և ակնեն — ինչպե՞ս են կապված

Շատերը կարծում են, որ ակնեն առաջանում է միայն մաշկի խնդիրների պատճառով։ Իրականում երբեմն պատճառը կարող է թաքնված լինել մեր օրգանիզմում՝ օրինակ քրոնիկ տոնզիլիտի տեսքով։

🔍 Ի՞նչ է քրոնիկ տոնզիլիտը
Դա նշիկների երկարատև բորբոքում է, երբ դրանց մեջ մշտապես ապրում են բակտերիաներ։ Նման «թաքնված» ինֆեկցիան կարող է ամիսներով կամ տարիներով գրգռել մեր իմունային համակարգը։

⚙ Ինչպես է դա ազդում մաշկի վրա
• Մշտական բորբոքում → արյան մեջ բորբոքային նյութերի ավելացում։
• Այս նյութերը կարող են խթանել ճարպագեղձերի աշխատանքը և ուժեղացնել մաշկի բորբոքումը։
• Արդյունքում բորբոքային էլեմենտները կարող են հաճախանալ կամ դառնալ ավելի բորբոքված։

💡 Հետաքրքիր փաստ
Կան դեպքեր, երբ քրոնիկ տոնզիլիտով մարդկանց մոտ նշիկների հեռացումից հետո մաշկի վիճակը նկատելիորեն բարելավվել է։

📋 Ի՞նչ անել
• ✅Եթե ունեք ակնե և միաժամանակ նշիկների խնդիրներ (ցավ, տհաճ հոտ, հաճախակի բորբոքում), դիմեք քիթ-կոկորդ-ականջաբանի։
• ✅Տեղային քսուքներն ու բուժումները օգնում են, բայց բուն պատճառը վերացնելը կարող է տալ երկարաժամկետ արդյունք։
____________________________________________

Գրանցման համար👇🏻

📍Շենգավիթ ԲԿ (Մանանդյան 9)

📲 077521778

07/08/2025

Քթային արյունահոսություն (Էպիստաքսիս)

Քթային արյունահոսությունը քթի խոռոչից արյան արտահոսքն է, որը կարող է առաջանալ տարբեր պատճառներից։

⸻

Տեսակներ
1. Առաջային արյունահոսություն
• Ամենատարածված ձևը (մոտ 90% դեպքերում)։
• Սովորաբար առաջանում է միջնապատի առաջային հատվածի (Կիսելբախի զոնայի) միկրոտրավմաների հետևանքով։
• Արյունահոսությունը սովորաբար մեղմ է և հեշտ է կանգնեցնել։
2. Հետին արյունահոսություն
• Ավելի հազվադեպ, բայց վտանգավոր։
• Արյան հոսքը գալիս է քթի խորքից և կարող է դեպի կոկորդ հոսել։
• Հաճախ պահանջում է մասնագիտական միջամտություն։

⸻

Հիմնական պատճառներ
• Տեղային
• Քթի լորձաթաղանթի վնասում (մատը քիթը տանելը, վնասվածքներ)
• Վարակային ռինիտ, սինուսիտ
• Քթի միջնապատի ծռվածություն
• Նորագոյացություններ քթում
• Ընդհանուր
• Բարձր արյան ճնշում (հիպերտոնիա)
• Արյան մակարդման խանգարումներ (հեմոֆիլիա, թրոմբոցիտոպենիա)
• Դեղեր, որոնք դանդաղեցնում են մակարդումը (ասպիրին, հակամակարդիչներ)
• Վիտամին C-ի կամ K-ի պակաս

⸻

Ինչպես վարվել քթային արյունահոսության դեպքում
1. Նստեցնել հիվանդին, թեքելով գլուխը թեթև առաջ (‼️ոչ դեպի հետ, որպեսզի արյունը չհոսի կոկորդ)։
2. Մատներով սեղմել քթի փափուկ մասը 10–15 րոպե։
3. Դնել սառույց կամ սառը կոմպրես քթի վրա։
4. Խուսափել ուժեղ փչելուց կամ քթին ձեռք տալուց արյունահոսությունից հետո։

⸻

Ե՞րբ դիմել բժշկի
• Երբ արյունահոսությունը չի դադարում 20 րոպեի ընթացքում
• Երբ արյան կորուստը մեծ է կամ հաճախ կրկնվում է
• Երբ կա ընդհանուր թուլություն, գլխապտույտ կամ տախիկարդիա(սրտխփոցներ)
• Երբ արյունը հոսում է նաև կոկորդի հետևով

⸻

📌 Կանխարգելում
• Խոնավեցնել օդը և քթի լորձաթաղանթը (օգտագործել քթի յուղային կաթիլներ)։
• Խուսափել քթի լորձաթաղանթի վնասումից։
• Վերահսկել արյան ճնշումը։
______________________________________________

📍Շենգավիթ ԲԿ

📲 +374 77521778

30/07/2025

22/07/2025

Եկեք խոսենք մի քանի մասնագիտական միֆերի մասին⤵️

1️⃣ ՄԻՖ։ «Նշիկները(գլաններ) հանելուն պես իմունիտետը ընկնում է»
— ԻՐԱԿԱՆՈՒԹՅՈՒՆ։ Մանկության որոշակի փուլում գլանները մասնակցում են իմունային պաշտպանությանը, բայց քրոնիկ բորբոքման կամ պաթոլոգիական վիճակներում դրանց հեռացումը չի բերում իմունիտետի ընդհանուր անկման։

2️⃣ ՄԻՖ։ «Քթի կաթիլները կարելի է անընդհատ օգտագործել»
Սա վտանգավոր միֆ է։
— ԻՐԱԿԱՆՈՒԹՅՈՒՆ։ Անոթասեղմիչ կաթիլների երկարաժամկետ օգտագործումը կարող է հանգեցնել դեղորայքային ռինիտի, քթի լորձաթաղանթի վնասման և ԿԱԽՎԱԾՈՒԹՅԱՆ։

3️⃣ ՄԻՖ։ «Քթի միջնապատի ծռվածության դեպքում միշտ պետք է վիրահատություն»
— ԻՐԱԿԱՆՈՒԹՅՈՒՆ։ Քթի միջնապատի թեթև կամ աննշան շեղումները հաճախ ոչ մի ախտանիշ չեն առաջացնում և կարիք չունեն վիրաբուժական միջամտության։ Վիրահատությունն անհրաժեշտ է միայն եթե շեղումը բերում է շնչառական խանգարումների կամ այլ բարդությունների։

4️⃣ ՄԻՖ։ «Քթի արյունահոսությունը միշտ հիպերտոնիայի նշան է»
— ԻՐԱԿԱՆՈՒԹՅՈՒՆ։ Քթի արյունահոսությունը կարող է լինել տեղային գործոնների (չորություն, վնասում, լորձաթաղանթի փոփոխություններ) հետևանք, այլ ոչ միայն զարկերակային ճնշման բարձրացման։

______________________________________________
#լօռ #լօռբժիշկ #լօռվիրաբույժ #քկա #շենգավիթբկ #բժիշկ #միֆեր #իրականություն #միֆ

13/06/2025

😤 Ինչու՞ է քիթդ միշտ փակ 🧐

Քթային դժվարաշնչությունը միշտ չէ, որ կապված է մրսածության հետ։ Ահա այլ հնարավոր պատճառներից մի քանիսը՝

🔹 Ալերգիաներ — փոշի, կենդանիների մազեր, ծաղկափոշի
🔹 Քթի ստորին խեցիների մեծացում
🔹 Քթի միջնապատի ծռվածություն
🔹 Քթի և հարակից խոռոչների պոլիպներ
🔹 Քրոնիկ սինուսիտ և այլն

Եթե քթային դժվարաշնությունը դարձել է սովորական վիճակ, դա նորմալ չէ, այն վնասում է ձեր սիրտանոթային, նյարդային և այլ համակարգերը։ Այն կարող է ազդել քնի, լսողության, նույնիսկ հիշողության վրա։

📌 Մի՛ թող քթիդ փակ լինելը քեզ խանգարի ապրելու լիարժեք։

📩 Գրիր և գրանցվիր խորհրդատվության՝ հայտնաբերելու խնդրի իրական պատճառը։

#ՔիթԿոկորդԱկանջ #ԱռողջՔիթ

03/06/2025

💤 Խռմփոց. պարզապես ձա՞յն, թե՞ լուրջ ազդանշան

Շատերը խռմփոցը համարում են «անհարմար, բայց անվնաս» երևույթ։ Իրականում այն հաճախ կարող է ազդարարել լուրջ առողջական խնդիրների մասին։

📌 Ինչո՞ւ ենք խռմփացնում🤔

Խռմփոցը առաջանում է, երբ վերին շնչուղիները քնի ընթացքում նեղանում են, և օդի հոսքը առաջացնում է ձայն։ Սակայն երբեմն դա արդեն խանգարված շնչառության նշան է։

🚨 Ե՞րբ է խռմփոցը վտանգավոր⁉️

Խռմփոցը կարող է լինել քնի ապնոեի (sleep apnea) նշան։ Սա վիճակ է, երբ քնի ընթացքում շնչառությունը ժամանակավորապես դադարում է։ Արդյունքում՝
• Դուք չեք հանգստանում քնի ընթացքում։
• Արյան մեջ թթվածնի մակարդակը իջնում է։
• Բարձրանում է սրտի հիվանդությունների, զարկերակային ճնշման ռիսկը։

🔍 Հետևեք հետևյալ նշաններին👇🏻

Եթե խռմփոցն ուղեկցվում է՝
✅ Առավոտյան հոգնածությամբ
✅ Գիշերային շնչահեղձությամբ
✅ Օրվա ընթացքում քնկոտությամբ
✅ Ուշադրության պակասով,
ապա հարկավոր է դիմել մասնագետի։

🩺 Ինչ անել

Քիթ-կոկորդ-ականջաբանը կարող է գնահատել քթի ու կոկորդի վիճակը և պարզել՝ արդյոք կա՞ մեխանիկական արգելք։ Հաճախ խնդիրը կապված է👇🏻
1. քթի միջնապատի ծռվածության
2. խեցիների գերաճի
3. Ադենոիդների գերաճի(երեխաների մոտ)
4. քթի խոռոչում պոլիպների
5. փափուկ քիմքի կախվածության
6. նշիկների(գլանների) գերաճի հետ։

⸻

⁉️Հիշե’ք, խռմփոցը միշտ ունի իր պատճառները , իսկ դրանց հայտնաբերման և բուժման համար անհրաժեշտ է դիմել քիթ-կոկորդ-ականջաբանի👩🏻‍⚕️

💬 Կիսվե’ք մեկնաբանություններում ձեր փորձով, լսե՞լ եք երբևէ, որ որևէ մեկի խռմփոցը կապված է եղել առողջական խնդրի հետ։ 👇🏻👇🏻👇🏻
______________________________________________

Ձեզ հետ էր ձեր սիրելի բժշկուհի Ավետյանը👩🏻‍⚕️

Եղեք առողջ և իրազեկված💫
______________________________

📍Շենգավիթ ԲԿ (Մանանդյան 9)

📲077521778

#ԲժշկականԻրավազեկում #ՔնիԽանգարում #Խռմփոց #ՔիթԿոկորդԱկանջ #քիթկոկորդականջաբան #վիրաբույժ #շենգավիթբկ