Dr. Anna Khachikyan

01/09/2025

👩🏻‍⚕️Շատ կանայք մտածում են, որ վերարտադրողական շրջանից հետո գինեկոլոգիական հետազոտություններն այլևս անհրաժեշտ չեն։

Իրականում լրիվ հակառակն է՝ տարիքի հետ գինեկոլոգիական մի շարք խնդիրների վտանգը մեծանում է։ Դրանց ռիսկը գնահատելու, վաղ փուլերում հայտնաբերելու և բուժելու համար պարբերաբեր անցեք համապատասխան հետազոտություններ։

🔬 Ներկայացնում եմ մի քանի հետազոտություն, որոնք խորհուրդ են տրվում 50 տ-ից բարձր բոլոր կանանց՝ անկախ առողջության ընթացիկ վիճակից՝

🔹 Փոքր կոնքի օրգանների ուլտրաձայնային հետազոտություն, ինչը կարող է ամբողջովին գնահատել հեշտոցային հյուսվածքների, արգանդի վզիկի, արգանդի, ձվարանների վիճակը՝ դրանց հետ առնչվող խնդիրներից խուսափելու համար։

🔹 ՊԱՊ քսուքի թեստ և մարդու պապիլոմա վիրուսի (HPV) սքրինինգ՝ արգանդի վզիկի անոմալիաները կամ HPV-ը վաղ հայտնաբերելու և քաղցկեղի զարգացման ռիսկը գնահատելու համար։

🔹Կրծքագեղձի հետազոտություն (մամոգրաֆիա)՝ կրծքագեղձի քաղցկեղի ընթացիկ ռիսկը գնահատելու, այն զարգացման վաղ փուլում հայտնաբերելու և բուժելու համար։

Սիրելիներս, եղեք հետևողական և ուշադիր ձեր առողջության նկատմամբ՝ անկախ տարիքից։ ❤️

💭Ապագայում ի՞նչ թեմաներով հրապարակումներ կցանկանաք տեսնել էջում․ գրեք մեկնաբանությունների բաժնում։ ⬇️

27/08/2025

❤️ Սիրելի՛ ներկա և ապագա մայրիկներ, այսօր խոսելու ենք մեր իրականության մեջ հակասական մեկնաբանությունների արժանացող, բայց շատ կարևոր մի թեմայից՝ երեխայի սեռական դաստիարակությունից։
❓Ե՞րբ և ինչպե՞ս սկսել
❓Ի՞նչ թեմաների մասին խոսել
❓Ի՞նչ չափով ինֆորմացիա տալ
📚 Որպես մասնագետ և, ինչու չէ, նաև մայրիկ՝ ձեզ եմ ներկայացնում մի քանի հուշումներ, որոնք կօգնեն այս բարդ և պատասխանատու գործը կազմակերպելու հարցում՝
Երեխայի հետ խոսեք վստահ և առանց ավելորդ լարվածության։ Ձեր անվստահությունը, խուսափողականությունը կարող են նվազեցնել երեխայի վստահությունը ձեր փոխանցած տեղեկատվության և ձեր հանդեպ։

20/08/2025

🤍 👩🏻‍⚕️ Սիրելիներս, հաճախ եք հարցնում՝ արդյո՞ք դաշտանի ընթացքում կարելի է մարզվել կամ զբաղվել սպորտով։

Նախ նշեմ, որ ֆիզիկական ակիտիվությունը խրախուսելի է ամսվա ցանկացած հատվածում, պարզապես ամեն հատված ունի իր առանձնահատկությունները։

🩸Դաշտանային ցիկլի օրերին՝

▫️ Խորհուրդ են տրվում մարզաձևեր, որոնք չեն պահանջում մեծ ջանքեր և չեն առաջացնում ծանրաբեռնվածություն՝ քայլք, յոգա, պիլատես,

▫️ Խորհուրդ չեն տրվում ֆիզիկական մեծ ջանքեր պահանջող վարժությունները, ինչպես նաև այն մարզաձևերը, որոնք ներառում են ծանրությունների հետ աշխատանք։

🧘🏻‍♀️Ի՞նչ դրական ազդեցություն է ունենում ներդաշնակ ֆիզիկական ակտիվությունը ձեր օրգանիզմի վրա դաշտանի օրերին՝

▫️ Շնորհիվ էնդորֆին հորմոնի արտազատման՝ բարձրացնում է տրամադրությունը,

▫️ Պայքարում է դաշտանային ցավերի դեմ,

▫️ Նվազեցնում է նախադաշտանային ախտանշանները։

❕ Դաշտանը բարդ ժամանակահատված է հորմոնալ տեսանկյունից․ պրոգեստերոնը և էստրոգենը ձեր օրգանիզմում հասնում են ամենացածր մակարդակին։ Սրա արդյունքում կարող եք սովորականից շուտ հոգնել։ Այս դեպքում շատ օգտակար են սովորական աերոբիկ վարժանքները։

14/08/2025

🟢Իրականում․ Երեխայի սեռը որոշվում է բեղմնավորման պահին և որովայնի ձևը չի կարող վկայել այս կամ այն սեռի մասին:
🟢Պետք է ուտել երկուսի համար, բայց ոչ կրկնակի։
Կալորիաների փոքր ավելացում բավական է։
🟢Ճիշտ ընտրված վարժությունները շատ օգտակար են և կարող են հեշտացնել հղիության և ծննդաբերության ընթացքը:

13/08/2025

🤰🏻 Հղիությունը ցանկացած կնոջ կյանքում ամենագեղեցիկ, բայց միաժամանակ ամենաբարդ փուլերից է։

Ըստ ուսումնասիրությունների՝ ապագա մայրիկների մինչև 20%-ն ունենում է տրամադրության խանգարումներ, դեպրեսիա, անհանգստություն և տագնապային գրոհներ։

❗ Դրանք կարող են ազդել պտղի վրա՝ առաջացնելով այնպիսի խնդիրներ, ինչպիսիք են՝ ցածր քաշը, վաղաժամ ծննդաբերությունը և վաղ մանկության վարքային խնդիրները։

🌸✨ Ինչպե՞ս բալանսավորել հոգեկան առողջությունն այս կարևոր փուլում՝ բարդություններից խուսափելու համար։

✔️ Ինքնախնամք։ Բավարար քունը, առողջ սննդակարգը, նախածննդյան վիտամինների ընդունումը և դրական տրամադրվածությունը կենսական տարրեր են հոգեկան բալանսի պահպանման գործում։

✔️ Մարզումներ։ Ֆիզիկական չափավոր ակտիվությունն ու թեթև վարժությունները՝ քայլք, լող, նախածննդյան յոգա, նվազեցնում են դեպրեսիայի, անհանգստության և տագնապային գրոհների ռիսկը մի քանի անգամ։ Բացի այդ՝ դրանք բարելավում են քնի որակը և ընդհանուր ինքնազգացողությունը։

✔️ Աջակցություն դրսից և ներսից։ Սիրելիներից ստացած աջակցությունն այս փուլում անգին է․ դիմեք նրանց, երբ ծանրաբեռնված եք կամ սթրես եք զգում: Կարևոր է նաև ինքներդ ձեզ ոգևորելը․ զբաղվեք մեդիտացիայով, կատարեք շնչառական վարժություններ, կենտրոնացեք միայն դրական մտքերի ու էմոցիաների վրա։

11/08/2025

🤰🏻 Սիրելի՛ ապագա մայրիկներ, այսօր խոսելու ենք ձեզ համար անչափ կարևոր մի թեմայի՝ սննդակարգի մասին։

Չէ՞ որ այն, ինչ դուք ուտում եք այս փուլում, ոչ միայն սնուցում է ձեզ, այլև ապահովում է ձեր փոքրիկի ներդաշնակ աճն ու զարգացումը։

🍏 Ձեր սննդակարգը պետք է լինի առողջ, բալանսավորված, պարունակի բավարար քանակությամբ ածխաջրեր, սպիտակուցներ, ճարպեր, վիտամիններ և հանքանյութեր։

✅ Ինչպե՞ս ճիշտ սնվել

▪️ Օրվա մեջ սնվեք 4-5 անգամ, ցանկալի է՝ փոքր չափաբաժիններով՝ այրոցի և ծանրության զգացողությունները նվազեցնելու համար։

▪️ Ձեր սննդակարգում պարտադիր ներառեք մսամթերք, ձկնամթերք, կաթնամթերք, մրգեր և բանջարեղեն՝ ընտրելով միայն թարմ և որակյալ արտադրանքներ։

▪️ Նախապատվություն տվեք խաշված կամ ջերմային բավարար մշակում անցած սննդին։

▪️ Օրվա ընթացքում խմեք 1,5-2 լ ջուր՝ միաժամանակ սահմանափակելով սուրճի և թեյի քանակը։
‌
❌ Ինչի՞ց խուսափել՝

▪️ Բավարար ջերմային մշակում չանցած կամ ապխտած սնունդ,
▪️ Դժվարամարս կերակուրներ, չպաստերիզացված կաթ, պահածոներ,
▪️ Ալկոհոլային և գազավորված ըմպելիքներ,
▪️ Արագ սնունդ և շաքարի բարձր քանակությամբ քաղցրավենիքներ։

10/08/2025

Պահպանեք գրառումը, եթե գտնվում հղիության 3-րդ եռամսյակում կամ մոտենում եք դրան 🤗
 
Հղիության 3-րդ եռամսյակը ներառում է 7-րդ, 8-րդ և 9-րդ ամիսները՝ 29-40-րդ շաբաթներ։
 
🤰🏻Նախ հիշեք, որ կապված հորմոնալ ֆոնի հետ՝ ձեր զգացողություններն այս շրջանում հակված են տատատանումների՝ հոգնածությունից մինչև էներգետիկ բում, անհանգստությունից մինչև ոգևորություն, տրամադրության անկումից մինչև անչափելի ուրախություն։

10/08/2025

20/07/2025

Ցիստիտ․ հակաբիոտիկնե՞ր, թե՞ ոչ

💡 Վերջին հետազոտությունները ցույց են տվել, որ պարզ, չբարդացած ցիստիտի դեպքում ոչ միշտ է անհրաժեշտ հակաբիոտիկների կիրառում։ Հաճախ բավական է լինում հակաբորբոքային դեղորայքի օգտագործումը և հեղուկի շատ օգտագործումը։

✅ Սա օգնում է խուսափել հակաբիոտիկների ավելորդ օգտագործումից։

🔬 Աղբյուր՝ European Urology Guidelines (2024).

14/02/2025

Սերն ինքնին տոն է, որ մեզ հետ է ամեն օր 🥰

Բացահայտեք իրար բոլոր կողմերից, ճանաչեք իրար՝ որպես զուգընկեր, զրուցակից և պարզապես մարդ: Եվ մի մոռացեք լցնել ամեն օրը հոգատարությամբ ու փոխըմբռնմամբ:

Շնորհավոր Սուրբ Վալենտին 🤍

28/01/2025

Խաղաղ լուսաբացներ քեզ, սահմանը կամ թիկունքը պահող հա՛յ զինվոր 🕊️

Մենք ամուր ու հպարտ ենք քեզնով ✊🏻 🇦🇲

22/01/2025

Ահա թե ով է իմ պասիվ լինելու «պատճառը» ☺️☀️

Սիրելիներս, ես վերադառնում եմ իմ սիրելի աշխատանքին՝ թարմ ուժերով և մեծ մոտիվացիայով լիցքավորված:
Սպասեք նորությունների, օգտակար և հետաքրքիր տեղեկատվության 🫶🏻