Ալերգոլոգ Մարիամ Մովսիսյան/ Allergologist Mariam Movsisyan

07/10/2025

Ժառանգական անգիոայտուցի մասին պատմում է ալերգոլոգ Արմինե Հակոբյանը:

29/04/2025

15/08/2024

❗️Եթե ունեք սննդային ալերգիա, ապա այս տեսահոլովակը ձեզ համար է: Սննդային ալերգիան կոնկրետ սննդամթերքի օգտագործումից հետո առաջացող ռեակցիա է:

04/05/2023

Բժիշկ- ալերգոլոգ Մարիամ Մովսիսյանը նշում է,- «Ասթման կառավարելի հիվանդություն է, ուստի ալերգոլոգի և թոքաբանի համատեղ ջանքերի շնորհիվ հնարավոր է վերականգնել պացիենտի կյանքի որակը և հնարավորություն տալ ապրել առանց սահմանափակումների»:

📍Հասցե ՝ Աբովյան 60 Վիրաբուժական մասնաշենք Ալերգոլոգիայի և իմունոլոգիայի կլինիկա
📱 Հեռախոսահամար ՝ 010 301 000 ներքին ՝ 387
📨 Էլ. փոստ ՝ allergy.arm@gmail.com

11/11/2021

Մի քանի խորհուրդներ ասթմա ախտորոշում ունեցող պացիենտների համար եղանակային փոփոխություններին ընդառաջ ☺️

📢 Առջևում ձմեռ է, հաճախանում են շնչառական վիրուսները, ենթարկվում ենք երկարատև սառը օդի ազդեցությանը, ինչը կարող է դառնալ ասթմայի սրացման պատճառ։

👩‍⚕️Ալերգոլոգիայի և իմունոլոգիայի կլինիկայի բժիշկ, Կլինիկական ալերգոլոգիայի ամբիոնի ասիստենտ Մարիամ Մովսիսյանն անդրադարձել է բրոնխիալ ասթմա տարածված հիվանդությանը:
Ասթման քրոնիկ հիվանդություն է, որը հանգեցնում է շնչուղիների բորբոքման ՝ դժվարացնելով շնչելը:
👉Հիմնական ախտանիշներն են ՝ հազը, շնչառության դժվարացումը և կրծքավանդակում սեղմոցի զգացումը։

Ալերգիկ ասթմայի դեպքում կան կոնկրետ ալերգեններ, որոնք հարուցում են ասթմա։

Ալերգիկ ասթմա առաջացնող ալերգեններն են⤵️
• փոշին
• ծաղկափոշին
• տնային կենդանիները
•բորբոսասնկերը
•խավարասերները։

Ալերգոլոգի խոսքով՝ ասթմայի ախտանիշները կարող են ի հայտ գալ այն ժամանակ, երբ ենթարկվում եք ալերգենների ազդեցությանը: Շրջակա միջավայրի ազդակները ևս կարող են հանգեցնել ասթմայի նոպայի առաջացման: Չնայած մարդիկ ալերգիա չունեն այս գործոնների հանդեպ, սակայն դրանք կարող են գրգռել արդեն իսկ բորբոքված, զգայուն շնչուղիները:

Դրանց թվին են պատկանում⤵️
• ծխախոտի ծուխը
• ուժեղ գոլորշիները կամ սուր հոտերը (օրինակ ՝ ներկ, բենզին, օծանելիք և բուրավետ օճառներ)
• քիմիական նյութերը,
•շնչառական վիրուսները,
•սառը օդը, եղանակի ծայրահեղ փոփոխությունները,
•սթրեսը,
• ֆիզիկական վարժությունները:

Որոշ դեղամիջոցներ, օրինակ, ասպիրինը և ոչ ստերոիդային հակաբորբոքային դեղերը, ևս կարող են լինել ասթմայի առաջացման պատճառ: Դրանք կարող են դժվարացնել ասթմայի վերահսկումը:

🏥Ասթմայի հաստատման համար կարեւոր ախտորոշիչ մեթոդ է սպիրոմետրիան։
🔵 Բուժում
Ասթմա ախտորոշումով պացիենտները սովորաբար հսկվում են ալերգոլոգի կամ թոքաբանի մոտ: Բժշկի հետ միասին մշակվում է ասթման վերահսկելու ծրագիր։
Ասթմայի վերահսկման լավագույն միջոցը հարուցող գործոններից խուսափումն է և այնպիսի դեղամիջոցների օգտագործումը, որոնք նախատեսված են ախտանիշները կանխելու եւ ընթացքը բարելավելու համար: Մեկ այլ կարևոր հանգամանք է շնչահեղձության նոպային պատրաստ լինելը, եթե այն առաջանա:

🔵Ասթմայի նոպաները նվազեցնելու կամ կանխելու համար հարկավոր է խուսափել կամ սահմանափակել ձեզ հայտնի ալերգենների հետ շփումը:

👩‍🔬Ասթմայի նոպան կանխելու լավագույն միջոցը ձեր բուժման ծրագրին հետևելն է: Կարեւոր է իմանալ խթանիչ ազդակները և խուսափել դրանցից, ընդունել ալերգիայի և ասթմայի դեղերը, երբ դա անհրաժեշտ է: Օգտագործել արագ գործող դեղը ախտանիշներ նկատելուց անմիջապես հետո։
Ասթմայով պացիենտներին խոհուրդ է տրվում կատարել գրիպի դեմ պատվաստում, շնչառական վիրուսով վարակվելու հավանականությունը եւ նոպայի սրացումը կանխելու նպատակով:

☎️Հարցերի դեպքում կամ խորհրդատվության համար կարող եք դիմել Կլինիկական իմունոլոգիայի և ալերգոլոգիայի կլինիկա
(+374010) 301 000, ներքին՝ 3-87:

05/05/2021

📰Մայիսի 5-ը ասթմայի համաշխարհային օրն է:

Բրոնխիալ ասթման ԱՀԿ-ի կողմից ճանաչվել է որպես կարևոր առողջապահական խնդիր: Ըստ ԱՀԿ-ի, տվյալների ավելի քան 339 միլիոն մարդ աշխարհում ունի ասթմա, իսկ 2016 թ.-ին ասթմայի պատճառով գրանցվել է 417 918 մահ:

Չնայած ասթման չի բուժվում, սակայն այն հնարավոր է կառավարել ՝ նվազեցնելով և կանխելով ասթմայի նոպաները:

Ասթմայի համաշխարհային 🌍օրվա այս տարվա կարգախոսն է ՝ «Բացահայտել ասթմայի սխալ պատկերացումները»:

Ասթմայի վերաբերյալ տարածված սխալ առասպելներից են.

🚫Ասթման մանկական հիվանդություն է. այն անցնում է, երբ երեխանա մեծանում է:
🚫Ասթման վարակիչ է:
🚫Ասթմայով տառապողները չպետք է մարզվեն:
🚫Ասթման վերահսկվում է միայն բարձր դոզաներով համակարգային ստերոիդների կիրառման դեպքում:

Ճշմարտությունն հետեևյալն է.

✅Ասթմա կարող է առաջանալ ցանկացած տարիքում (երեխաների, դեռահասների, մեծահասակների և տարեցների մոտ)

✅Ասթման վարակիչ չէ: Այնուամենայնիվ, վիրուսային շնչառական վարակները (ինչպիսիք են սովորական մրսածությունը և գրիպը) կարող են առաջացնել ասթմայի նոպաներ:

✅Երբ ասթման լավ վերահսկվում է, ասթմատիկ պացիենտները կարող են մարզվել և նույնիսկ զբաղվել պրոֆեսիոնալ սպորտով:

✅Ասթման հիմնականում հնարավոր է վերահսկել ցածր դոզայի ինհալյացիոն ստերոիդներով:

17/05/2020

↪Փորձել եմ հնարավորինս հակիրճ ներկայացնել ալերգիաներին վերաբերող մի քանի հաճախ տրվող հարցեր 😊։

👩‍⚕️Եթե հարցազրույցից հետո նոր հարցեր առաջանան, կփորձեմ դրանց ևս հետագայում անդրադառնալ 😉

Ալերգիա իմուն համակարգի գերակտիվ պատասխանն է այն մասնիկների հանդեպ, որոնք մարդկանց մեծամասնության համար անվնաս են: Այդ մասնիկները կոչվում են ալերգեններ:

16/05/2020

ℹ Այսօր ժառանգական անգիոայտուցի իրազեկման օրն է։ Եկեք վերհիշենք այս հիվանդության մասին և լինենք իրազեկ 😊

🤔Ժառանգական անգիոայտուցը(HAE) հազվադեպ հանդիպող հիվանդություն է, որը բնութագրվում է մաշկի և լորձաթաղանթների կրկնվող այտուցներով:

▶️Նոպաները հիմնականում դրսևորվում են ընդգրկելով օրգանիզմի երեք տարբեր հատվածներ.

☑️Մաշկ - հիմնական ախտահարման օջախներն են դեմքը (մասնավորապես շրթունքնենը և կոպերը), ձեռքերը, ոտքերը, սեռական օրգանները և հոդերը: ️Մաշկի այտուցը կարող է առաջացնել ցավ, ֆունկցիայի խանգարում կամ ձևախախտում, սակայն սովորաբար արագ անցնում է:

☑️Ստամոքս-աղիքային համակարգ - ստամոքսը և աղիները կարող են ընդգրկվել պրոցեսի մեջ, որը կարող է առաջացնել սրտխառնոց, փսխումներ, դիարեա և որովայնի ցավ:

☑️Վերին շնչուղիներ- մասնավորապես կոկորդը և լեզուն, որը կարող է բերել վերին շնչուղիների օբստրուկցիայի և վտանգավոր լինել կյանքի համար:

08/05/2020

Կրկին արդիական ❗

🔎Նկատում եք հազ, փռշտոց և խզզոցներ, իսկ գիտեք, որ դրանք կարող են լինել ասթմայի ախտանիշներ ❓

👉 Ալերգիաներն ինքնուրույն կարող են անհանգստություն պատճառել պացիենտին, սակայն երբեմն, գործոնները, որոնք առաջացնում են ալերգիա, կարող են ավելի լուրջ հիվանդության` ասթմայի պատճառ հանդիսանալ:
⚠ Երբ Ձեզ մոտ դիտվում է ✔փռշտոց,
✔խզզոցներ,
✔շնչառության դժվարացում, ապա հնարավոր է Դուք ունեք ասթմա❗
🔎Կան մի քանի կարևոր փաստեր, որոնց մասին կարևոր է իմանալ`
↪ 1. Ասթման սովորաբար զուգակցվում է ալերգիկ ռինիտի հետ.
👉 Միջավայրային ալերգենները ազդում են շնչուղիների վրա, մասնավորապես
✅ ալերգիկ ռինիտի դեպքում այն ախտահարում է քթի և հարակից խոռոչների լորձաթաղանթը` առաջացնելով փռշտոց, քթի փակվածություն, քթըմպանի և աչքերի քոր;
✅ ասթմայի դեպքում ախտահարվում են թոքերը և ի հայտ է գալիս հազ, խզզոցներ, ճնշման զգացում կրծքավանդակում, շնչառության դժվարացում կամ հաճախաշնչություն:
✅ Իսկ եթե Դուք ունեք ալերգիկ ասթմա, ապա Ձեզ մոտ կարող են դրսևորել վերոգրյալ երկու ախտանիշները միասին:
👶👦 Երեխաների մոտ ախտանիշները կարող են աննկատ լինել, օրինակ 《Եթե նրա հասակակիցները վազվզում են🏃 բակում, իսկ նա ասում է, որ հոգնած է և ուզում է մնալ🏡 տանը, ապա հնարավոր է նա ունի խնդիրներ շնչառության հետ կապված, ուստի ծնողները պետք է ուշադիր լինեն🔍》,- ասում է ալերգոլոգ իմունոլոգ Ռոնալդ Փարսլը:
↪2. Թեև ալերգենները տարբեր են, բայց ունեն ընդհանուր առանձնահատկություն.
👉ալերգենները մեզ շրջապատող միջավայրում են, այլ ոչ թե սննդի🍞🍎 կամ դեղորայքի💊 մեջ:
🐶🐱Կենդանիների մաշկի թեփուկներ, տնային փոշու տիզ, խավարասերներ, բորբոսասնկեր և ծաղկափոշի🌿- այս բոլորը կարող են լինել Ձեր ասթմայի պատճառ: Ընդ որում եթե Ձեր ալերգենը ծաղկափոշին🌾🌾 է կամ բորբոսասունկը, ապա Ձեր ասթման կարող է լինել սեզոնային, ➡մնացած դեպքերում` ամբողջ տարվա ընթացքում:
↪3. Կարևոր է նվազեցնել ալերգենների ազդեցությունը.
💉Ալերգիկ թեստերը կարող են օգնել պարզել, թե որոնք ❓ են Ձեր ալերգենները:
👆 Երբ դուք գիտեք, որ դուք ունեք ալերգիկ ասթմա և գիտեք նաև որն❓ է Ձեր ալերգենը, ապա հնարավորինս նվազեցնելով վերջինիս հետ շփումը, կարող եք վերահսկել ձեր ախտանիշները:
↪4. Սովորեք կառավարել Ձեր ախտանիշները.
☝ Ի ուրախություն բոլորիս, այսօր առկա դեղորայքը բավական արդյունավետ է, ուստի Դուք
🚫 Միակ տարբերակը, որն անընդունելի է թույլ տալ դա այն է, որ Ձեր ալերգիկ ասթման ազդի Ձեր կյանքի որակի վրա:
💬 «Պետք է կառավարել ձեր վիճակը այնպես, որ երբեք չսահմանափակվեն այն ​​գործողությունները🏊🏃, որոնք Դուք սիրում եք🏄, միայն այն պատճառով, որ դրանք կարող են սրել Ձեր ասթման», - ասում է բժիշկ Փարսլը:
📋 Ձեր բժշկի հետ աշխատելը կօգնի ձեզ գտնել բուժման համապատասխան սխեմա❗

03/05/2020

Ամբողջ 🌏 աշխարհում կորոնավիրուսի համաճարակը շարունակվում է և մինչ այս պահը մարդկանց մեծամասնությունը օրվա 90-100% անցկացնում էր տանը🏠։ ↪Ալերգիկ պացիենտները ևս բացառություն չէին❗
ℹ Սա այն կարևոր հանգամանքներից էր, ինչի արդյունքում սեզոնային ալերգիկ ռինիտով շատ պացիենտներ միգուցե այս գարնանը դեռ գանգատներ չեն ունեցել 🚫 կամ դրանք շատ թեթև են եղել։
⚠️Մայիսի 4 -ից իրավիճակը կարող է փոխվել, քանզի շատ սահմանափակումներ կհանվեն և շատերը օրվա զգալի մասը կսկսեն անցկացնել դրսում🤾‍♀️🚵‍♂️։ Սա կարող է նպաստել ալերգիայի ախտանիշների⬆️ սրացմանը, ուստի կարևոր է տարբերակել սեզոնային 🔸️ալերգիկ ռինիտը 🔸️կորոնավիրուսային վարակից։

🤔Ինչպե՞ս տարբերակել Ձեր ախտանիշները ալերգիայի դրսևորումներ են, թե COVID-19:❓

Գարունը՝ ծաղկած 🌳ծառերով և տաք եղանակով, մեզանից շատերի համար նշանակում է ալերգիայի սեզոն👃: Երբ բակում ավելանում են ծաղկած ծառերը🌳, նշանակում է աճելու է նաև օդում ծաղկափոշու քանակը⬆️:

🔸️Կան երկու կարևոր ցուցանիշներ, որոնք ենթադրում են, որ ձեզ մոտ ալերգիա է.
⭕եթե նախկինում ունեցել եք գարնանային ալերգիա
⭕եթե քորը կարևոր տեղ է զբաղեցնում ձեր ախտանիշների ցանկում❗

Ալերգիա ունեցող մարդիկ հաճախ զուգակցված ունենում են արցունքահոսություն, 👁քոր աչքերի և քթի շրջանում, 👃քթահոսություն և քթի փակվածություն։ Երբ կարող է դիտվել նաև կոկորդում քերոցի զգացում և հազ։

🤔Ինչպե՞ս կարող եք վստահ լինել, որ ալերգիա ունեք❓

Ալերգիաների ախտորոշման լավագույն միջոցը ալերգենների միջոցով մաշկային թեստավորումն է ալերգոլոգի կողմից:
ℹԵթե ​​նախորդ տարիներին օգտագործել եք հակահիստամինային դեղամիջոցներ💊 կամ քթի սպրեյեր, որոնք արդյունավետ են եղել և հիմա ևս վերացնում են ձեր գանգատները, դա վկայում է այն մասին, որ ձեզ մոտ սեզոնային ալերգիայի սրացում է❗
Քանզի ալերգիայի գանգատները երկարատև են, ապա հիվանդության տևողությունը ևս կարող է որոշիչ լինել։

⚠️Ի տարբերություն ալերգիկ ռինիտի, կորոնավիրուսի դեպքում ավելի հաճախ դիտվում է ջերմության⬆️ բարձրացում, հազ և հևոց։ Երբեմն կարող է գումարվել նաև հոգնածության զգացումը, ախորժակի և հոտառության և համի կորուստը։

Եթե կասկած ունեք, արդյոք ձեր ալերգիայի սրացումն է, թե ոչ, ապա խորհրդակցեք ձեր 👩‍⚕️ալերգոլոգի հետ։

Առողջ եղեք։


#ալերգոլոգ

13/04/2020

Անկեղծ պատասխաններ հանրային ռադիոյի «Հաջողության նոտա» հաղորդման շրջանակներում☺️

Զրույց բժիշկ-ալերգոլոգ, ԵՊԲՀ գիտության գծով պրոռեկտորի օգնական Մարիամ Մովսիսյանի հետ: Իրավաբանի և մանկավարժի ընտանիքում մշտապես առանձնահատուկ ուշադրություն է...