Dr. Galust Baraghamyan / Անոթային վիրաբույժ

22/09/2025

Վիրաբուժական միջամտության ենթարկված բուժառուների կրիտիկական նեղացումների ԿՏ-անգիոգրաֆիկ պատկերները` վիրահատությունից առաջ։

03/05/2025

Գիտե՞ս, որ որոշ բնական մթերքներ կարող են նպաստել արյան շրջանառության բարելավմանը և նվազեցնել թրոմբների առաջացման հավանականությունը։
Ահա դրանցից մի քանիսը՝

1. Սխտոր, կոճապղպեղ, կծու պղպեղ, ճակնդեղ
2. Ճարպոտ ձկնեղեն
3. Հատապտուղներ և ցիտրուսային մրգեր
4. Ընկուզեղեն և սերմեր
5. Կանաչեղեն

Սննդակարգում այս մթերքների ներառումը օգտակար է և կարևոր սրտանոթային համակարգի առողջության պահպանման համար։

08/03/2025

ՇՆՈՐՀԱՎՈՐ ՄԱՐՏԻ 8!!!
Գարունը լույս է, արև, ջերմություն, զարթոնք, ապագայի շունչ...
Սիրելի կանայք, կրեք այդ ամենը ձեր մեջ` այն փոխանցելով ձեր ընտանիքին և շրջապատին: Թող երբեք չմարի ձեր հոգու ու մտքի լույսը։ Եղեք առողջ ու երջանիկ։

03/02/2025

Առավելությունները`
✅️Կատարվում է ամբուլատոր պայմաններում։
✅️Տեղային անզգայացմամբ։
✅️Քիչ ինվազիվ է (չկան կտրվածքներ, կարեր)
✅️2 ժամ հետո բուժառուն տուն է գնում։

25/11/2024

Ե՞րբ է պացիենտին ցուցվում կոմպրեսիոն տրիկոտաժ։

Կոմպրեսիոն տրիկոտաժի կիրառումը նշանակալի դեր ունի անոթային հիվանդությունների համալիր բուժման գործընթացում։

🔵Բժշկի կողմից կարող է ցուցվել

*ստորին վերջույթներում հոգնածության զգացողության

*անոթային աստղիկների

*արդեն իսկ արտահայտիչ դարձած երակի առկայության

*ավշային կանգի

*վարիկոզ հիվանդության
այլ ախտահարումների ժամանակ։

Էլաստիկ տրիկոտաժը կարող է կիրառվել նաև որոշ բարդությունների կանխարգելման նպատակով, ինչպես նաև` որպես հետվիրահատական թերապիա։

Անոթային խնդիրները կանխելու կամ վերահսկելու նպատակով կոմպրեսիոն տրիկոտաժը կիրառվում է նաև նախա- և հետծննդաբերական շրջանում գտնվող պացիենտների դեպքում։

📲 Կոնսուլտացիայի համար կարող եք զանգահարել 091 17 13 27:

#երակ #վարիկոզ #զուգագուլպա , #անոթաբան

15/11/2024

Ստորին վերջույթների այտուցը հանդիսանում է հաճախ հանդիպող ախտանիշներից մեկը: Սակայն ոչ միշտ է այն հանդիսանում լուրջ առողջական խնդրի հետեւանք և կարող է առաջանալ պարզունակ պատճառներից որոնցից են.
1.Կենսակերպը (երկար ոտքի վրա լինելը, երկար հարկադրական նստած դիրքը՝ ոտքը ոտքին գցած կամ ցածր աթոռին նստած)։
2. Ոչ առողջ սննդակարգը (նաև մեծ քանակությամբ հեղուկի օգտագործումն օրվա ընթացքում)
3. Կոշիկները (նեղ կամ բարձրակրունկ կոշիկներ կրելու ժամանակ ոտնաթաթը ընդունում է ոչ բնական դիրք՝ վատթարացնելով ստորին վերջույթների արյան շրջանառությունը)։
4. Նյութափոխանակության տարաբնույթ խանգարումները։
5. Գերքաշը։
6. Հղիությունը։
Վերոնշյալ բոլոր դեպքերը կարելի է շտկել վերացնելով առաջացման պատճառները(բացառությամբ հղիությունը) ինչպես նաեւ կրելով համապատասխան էլաստիկ տրիկուրաժ։
Ուրախ կլինեմ մանրամասնել, եթե կունենաք հարցեր։
Անոթային վիրաբույժ, բժշկական գիտությունների թեկնածու՝ Գալուստ Բարաղամյան
Հասցե՝ Հակոբ Հակոբյան 3/15, էլիտ Մեդ բժշկական կենտրոն
#դուպլեքս #անոթաբան
Հեռ.՝ +374 91 17 13 27,

12/11/2024

#սկլերոթերապիա
Ի՞նչ է սկլերոթերապիան և ե՞րբ է այն ցուցված։
Սկլերոթերապիան կոսմետիկ ֆլեբոլոգիայի մեթոդներից է: Այս դեպքում գործ ունենք էսթետիկ անհանգստություն պատճառող խնդրի հետ, երբ հիվանդը կարիք չունի դեղորայքային բուժման կամ վիրահատական միջամտության:

Այստեղ խնդիրը ոչ թե հիմնական երակների ցողուններն են, այլ առանձին փոքր ճյուղերը, որոնք առավել հաճախ հանդիպում են կանանց շրջանում և պայմանավորված են հաճախակի հորմոնալ տեղաշարժերով: Քրոնիկ երակային անբավարարությունը ևս կարող է պատճառ դառնալ արտահայտված մազանոթային ցանցի:

Սովորաբար, առավել գոհացնող արդյունքի հասնելու համար սկլերոթերապիան համակցվում է ռադիոալիքային թերմոօբլիտերացիայի կամ մինիֆլեբէկտոմիայի հետ, իհարկե, կախված պացիենտի մաշկի գույնից, մազանոթային ցանցի տեղակայումից, երակի դիամետրից:
1-2.5 մմ տրամաչափի մանր երակների պարագայում սլերոթերապիան կարող է ապահովել հիանալի էսթետիկ արդյունք:

🔹️Ժամանակակից ֆոամ սկլերոթերապիա

Սրա առավելությունն այն է, որ մեթոդի կիրառմամբ նախ երակի լուսանցքը դատարկվում է արյունից, թույլ է տալիս, որ դեղի և անոթի պատի կոնտակտը լինի առավել արտահայտված:

🔹️Ի՞նչ հակացուցումներ կան

Սկլերոթերապիայի հակացուցումներից են խիստ բարակ երակները, սիրտ-անոթային հիվանդությունները, հղիությունը, կրծքով կերակրումը, դեկոմպենսացված շաքարային դիաբետը… Եվս մեկ անգամ հիշեցնենք, որ այս կերպ լուծում է տրվում միայն էսթետիկ խնդրին, երբ չկա առողջական ցուցում:

🔹️Մեկանգամյա միջամտությու՞ն, թե՞ կուրս

Կախված պրոբլեմատիկ հատվածի ծավալից, չի բացառվում, որ կարիք լինի 3-4 այցելության, հետագա վերահսկողության:
Բուն պրոցեդուրան տևում է շուրջ 15 րոպե, որից հետո որոշակի ժամանակահատված հարկավոր է կրել կոմպրեսիոն տրիկոտաժ։

🔹️Կարևոր է իմանալ, որ սկլերոթերապիայի վերջնական արդյունքը անմիջապես տեսանելի չէ և պետք է պլանավորել սկլերոթերապիան կյանքի կարևոր իրադարձություններից ԱՌՆՎԱԶՆ երկու ամիս առաջ։

Խորհրդատվության և հետազոտության համար, կամ պարզապես մեթոդին առավել մանրամասն ծանոթանալու համար կարող եք զանգահարել՝ 091 17 13 27:

Գալուստ Սեմյոնի Բարաղամյան,
անոթային վիրաբույժ, բ.գ.թ.

05/11/2024

09/10/2024

Աշխատանքային...
Ստորին վերջույթների վարիկոզ հիվանդության վիրաբուժական միջամտության կարևորագույն փուլերից մեկը գծանշումն է, որը կատարվում է ուլտրաձայնային հետազոտության ներքո։ Վիրահատական մաքսիմալ լավ արդյունք ստանալու և հիվանդության կրկնությունից խուսափելու համար անչափ կարևոր է պրոֆեսիոնալ, ճիշտ գծանշումը։ Գծանշումն է վիրաբույժին տալիս լիարժեք պատկերացում վարիկոզ ախտահարված երակների տեղակայման մասին։
Այդ իսկ պատճառով լավագույն արդյունք ստացվում է այն դեպքում երբ գծանշումը կատարում է վիրահատող բժիշկը, վիրահատությունից անմիջապես առաջ, ինչպես ընդունված է ժամանակակից բժշկության մեջ։

Անոթային վիրաբույժ, բժշկական գիտությունների թեկնածու ՝Գալուստ Բարաղամյան։
_____________________________

📲091171327
🏥 Էլիտ-Մեդ ԲԿ
🗺Հակոբ Հակոբյան 3/15

#վարիկոզ, #անոթային #անոթային

06/10/2024

#ԹՐՈՄԲՈՖԼԵԲԻՏ
ՀԻՆԳ ԱԽՏԱՆՇԱՆՆԵՐ, ՈՐՈՆՔ ԲՆՈՐՈՇ ԵՆ ԹՐՈՄԲՈՖԼԵԲԻՏՒՆ
Հիվանդների ճնշող մեծամասնությանը հետաքրքրում է այն փաստը թե ունեն արդյոք թրոմբոֆլեբիտ՝ «թրոմբ»: Վերջինս կլինիկորեն ճշտելը շատ դեպքերում բավականին հեշտ է: Ահա այն հիմնական հինգ սիմպտոմները, որոնք ձեզ թույլ կտան ախտորոշել մակերեսային երակների թրոմբոֆլեբիտը.
1. Ցավ լայնացած երակների ուղղությամբ
2. Կարմրություն վարիկոզ փոփոխված երակների երկայնությամբ
3. Տեղային ջերմաստիճանի բարձրացում (այրոցի զգացում)
4. Շոշափելի կոշտություն , որը սեղմելիս ցավում է
5. Վերջույթի փոքր ինչ այտուց վարիկոզ փոփոխված երակների ուղղությամբ:

Նման սիմպտոմների առկայության դեպքում անհապաղ անհրաժեշտ է դիմել անոթաբանի:
Անոթային վիրաբույժ, բ.գ.թ.՝ Գալուստ Բարաղամյան, հեռ.՝ 091171327։
, #թրոմբոֆլեբիտ, ։

25/09/2024

Ինչու՞ է #վարիկոզը համարվում ՎԻՐԱԲՈՒԺԱԿԱՆ ՀԻՎԱՆԴՈՒԹՅՈՒՆ։

Մարդու օրգանիզմում տեղի են ունենում փոփոխություններ, որոնց մի մասը հանդիսանում են ԱՆԴԱՌՆԱԼԻ։ Անդառնալի փոփոխություններից մեկն էլ ենթամաշկային երակների պատերի հանգուցային դեֆորմացիան է, որը հայտնի է վարիկոզ հիվանդություն անվամբ։ Ինչպես չեն վերականգնվում նյարդային բջիջները, այնպես էլ ՉԵՆ ՎԵՐԱԿԱՆԳՆՎՈՒՄ անոթների դեֆորմացիաները։ Այսինքն գոյություն չունեն դեղամիջոցներ, որոնք կվերականգնեն անոթների հանգուցային դեֆորմացիաները։ Այդ իսկ պատճառով վարիկոզ հիվանդությունը հանդիսանում է օրգանական խնդիր, իսկ ներկայումս գոյություն ունեցող ԴԵՂԱՄԻՋՈՑՆԵՐԸ միայն փոքր ինչ ԹԵԹԵՎԱՑՆՈՒՄ են հիվանդի գանգատները այլ ոչ թե բուժում: Եվ վերջիններիս օգտագործման ընդհատման ֆոնի վրա բոլոր գանգատները կրկին ի հայտ են գալիս։ Խնդրի լիարժեք բուժման ՄԻԱԿ ԵՂԱՆԱԿԸ դա ՎԻՐԱՀԱՏՈՒԹՅՈՒՆՆ Է։

Վիրահատական եղանակներն այսօր բազմաթիվ են և բարեբախտաբար հասանելի Հայաստանում: Դրանք են՝
✅մինի ֆլեբեկտոմիան (վիրահատություն անցքերի միջոցով),
✅լազերային թերմոօբլիտերացիան,
✅ռադիոալիքային թերմոօբլիտերացիան,
✅երակների սոսնձումն,
✅մեխանիկա-քիմիական ✅սկլերոթերապիան:
Բոլոր վերոնշյալ եղանակներն էֆֆեկկտիվ են և կատարվում են Էլիտ-Մեդ Բ.Կ.-ում:
📒Խորհրդատվության և հետազոտության, կամ պարզապես մեթոդներին առավել մանրամասն ծանոթանալու համար կարող եք զանգահարել՝ 091 17 13 27:

Գալուստ Սեմյոնի Բարաղամյան,
անոթային վիրաբույժ, բ.գ.թ
#վարիկոզ

#անոթաբան #վիրաբույժ #երակ #անոթներ , #սկլերոթերապիա, , #մինիֆլեբեկտոմիա