Emerte Clinic

Emerte Clinic ▫️Նորագույն սարք-սարքավորումներով ախտորոշիչ կենտրոն
▫️ՄՌՏ-3 տեսլա
▫️Signa Pioneer տոմոգրաֆ
▫️Նեղ մասնագետների խորհրդատվություն
(1)

25/03/2026

🎙️Արգանդի վզիկի քաղցկեղ․ վաղ ախտորոշում, սքրինինգ և ՄՌՏ-ի դերը | EMERTÉ Podcast #17

Այս թողարկման հյուրը D'Clinic բժշկական կենտրոնի բժիշկ-ուռուցքաբան Մարիամ Մաիլյանն է։

Մասնագետի հետ զրուցել ենք կանանց առողջության մասին՝ հատկապես անդրադառնալով արգանդի վզիկի քաղցկեղին, դրա վաղ ախտորոշման կարևորությանը և սքրինինգների դերին։ Քննարկել ենք նաև կանխարգելման և արդյունավետ բուժման մոտեցումները, ՄՌՏ հետազոտության նշանակությունը ճիշտ ախտորոշման և հետագա բուժման ռազմավարության ընտրության գործում, ինչպես նաև PAP թեստը՝ երբ և ինչ նպատակով է այն իրականացվում։

Առանձին անդրադարձել ենք նաև այն հարցին, թե ինչպես պետք է պացիենտին ներկայացնել ախտորոշման մասին տեղեկությունը։

Դիտե՛ք թողարկումը, կիսվե՛ք այն ձեր շրջապատի հետ և մեկնաբանություններում գրե՛ք հարցերը, որոնց կցանկանաք, որ անդրադառնանք հաջորդ փոդքասթներում։

Բաժանորդագրվեք նաև մեր YouTube ալիքին՝ www.youtube.com/ :

Մեր կլինիկա ուղղորդված պացիենտը երկար ժամանակ ունեցել էր քթի փակվածության զգացողություն, դժվարաշնչություն և քթանցքներից...
23/03/2026



Մեր կլինիկա ուղղորդված պացիենտը երկար ժամանակ ունեցել էր քթի փակվածության զգացողություն, դժվարաշնչություն և քթանցքներից արտահոսքեր։ 🤧

Բժշկի ցուցմամբ իրականացված ԿՏ հետազոտությունը չէր տվել բավարար տեղեկատվություն, ինչից հետո պացիենտը ուղղորդվել էր ՄՌՏ հետազոտության։

Իրականացված ՄՌՏ-ն արդեն հնարավորություն էր տվել ենթադրելու #Շնեյդերյան պապիլոմայի (շրջված պապիլոմա) առկայությունը, իսկ նախնական ախտորոշումը հետագայում հաստատվել էր բիոպսիայի միջոցով։ 🔬

ՄՌՏ հետազոտությունը կարևոր դեր ունի բարդ դեպքերի ճշգրիտ ախտորոշման մեջ, հատկապես երբ այլ մեթոդները բավարար տեղեկատվություն չեն տալիս։

Վաղ փուլում դիմելը և ժամանակին հետազոտվելը հնարավորություն են տալիս հայտնաբերել հիվանդությունը վաղ շրջանում և ընտրել առավել արդյունավետ բուժում։ ⏱️💚

18/03/2026

🎙️Վնասվածքներ և ՄՌՏ․ երբ է այն անհրաժեշտ, իսկ երբ՝ ոչ | EMERTÉ Podcast #16

Այս թողարկման հյուրը «Վալիդուս» բժշկական կենտրոնի հիմնադիր-տնօրեն, վնասվածքաբան-օրթոպեդ Բժիշկ Արտակ Օհանյան/Dr. Artak Ohanyanն է:

Զրույցի ընթացքում անդրադարձել ենք վնասվածքաբանության և ռադիոլոգիայի կարևոր կապին՝ պարզելով, թե որ դեպքերում է առավել արդյունավետ ՄՌՏ հետազոտությունը, իսկ երբ պետք է նախապատվությունը տալ այլ ախտորոշիչ մեթոդների։

Խոսել ենք նաև՝
🔹 վիրահատական միջամտությունների և վերականգնման մասին,
🔹 բժիշկ–պացիենտ արդյունավետ հաղորդակցության կարևորության մասին,
🔹 խորքային խորհրդատվության դերի մասին ճիշտ բուժման ընտրության մեջ:

Առանձնահատուկ անդրադարձ ենք կատարել վնասվածքաբան–ռադիոլոգ համագործակցությանը, ինչպես նաև ՄՌՏ պատկերների ճիշտ նկարագրմանը, որպեսզի ախտորոշումը լինի առավել ճշգրիտ և օգտակար։

Դիտե՛ք թողարկումը, կիսվե՛ք այն ձեր շրջապատի հետ և մեկնաբանություններում գրե՛ք հարցերը, որոնց կցանկանաք, որ անդրադառնանք հաջորդ փոդքասթներում։

Բաժանորդագրվեք նաև մեր YouTube ալիքին՝ www.youtube.com/ :

👏 «EMERTÉ» քլինիքը ներկայացված էր European Congress of Radiology 2026-ում«EMERTÉ» քլինիքի ռադիոլոգիական թիմի հեղինակությ...
16/03/2026

👏 «EMERTÉ» քլինիքը ներկայացված էր European Congress of Radiology 2026-ում

«EMERTÉ» քլինիքի ռադիոլոգիական թիմի հեղինակությամբ և համահեղինաությամբ 6 գիտական աբստրակտներ ներկայացվել են մարտի 4–8-ը Վիեննայում անցկացված Եվրոպայի ամենախոշոր ռադիոլոգիական գիտաժողովներից մեկի՝ European Congress of Radiology 2026-ի շրջանակում։

Գիտաժողովը կազմակերպվում է European Society of Radiology-ի ( )կողմից և համարվում է բժշկական պատկերավորման ոլորտի ամենահեղինակավոր միջազգային հարթակներից մեկը։ Այս տարվա համագումարը անցկացվել է «Գիտելիքի ճառագայթներ» (“Rays of Knowledge”) խորագրի ներքո՝ ընդգծելով գիտելիքի փոխանակման, նորարարության և միջազգային համագործակցության կարևորությունը ռադիոլոգիայում։

👩🏼‍⚕️👩🏼‍⚕️«EMERTÉ» քլինիքի բժիշկ-ռադիոլոգներ Անի Աբրահմայանն ու Նարե Իսաղուլյանը ներկա են գտնվել կոնգրեսին, իսկ բժիշկ Աբրահամյանը նաև
հանդես է եկել բանավոր զեկույցներով՝ ներկայացնելով հետազոտությունների արդյունքները։

Ներկայացված գիտական աշխատանքները վերաբերել են՝

👉ոսկրամկանային համակարգի պատկերային հետազոտություններին,
👉որովայնային օրգանների ախտորոշմանը,
👉ինչպես նաև մանկական վասկուլոպատիաների պատկերային գնահատմանը։

📌Միջազգային նման գիտաժողովներին հայկական բժշկական կենտրոնների մասնակցությունը կարևոր քայլ է՝ գիտական համագործակցության ընդլայնման, փորձի փոխանակման և նորագույն բժշկական տեխնոլոգիաների կիրառման տեսանկյունից։

🌸 ՀԱՏՈՒԿ ԱՌԱՋԱՐԿ ԿԱՆԱՆՑ ՀԱՄԱՐ 🌸Ձեր առողջությունը առաջնահերթ է։ Բաց մի թողեք այս շահավետ հնարավորությունը՝ անցնելու կարևո...
13/03/2026

🌸 ՀԱՏՈՒԿ ԱՌԱՋԱՐԿ ԿԱՆԱՆՑ ՀԱՄԱՐ 🌸

Ձեր առողջությունը առաջնահերթ է։ Բաց մի թողեք այս շահավետ հնարավորությունը՝ անցնելու կարևոր ուլտրաձայնային հետազոտություններ հատուկ արժեքով:

Հետազոտություններ՝
🌿Վահանաձև գեղձի ՈՒՁՀ
🌿Կրծքագեղձի ՈՒՁՀ
🌿Որովայնի խոռոչի և փոքր կոնքի ՈՒՁՀ:

Հատուկ արժեք՝ սահմանափակ ժամանակով (մարտի 13-ից ապրիլի 13-ը ներառյալ).

✨ Ցանկացած 2 հետազոտություն՝ ընդամենը 10 000 ֏
Բոլոր 3 հետազոտությունները միասին՝ ընդամենը 15 000 ֏:

💚 Մի հետաձգեք ձեր հետազոտությունը։

📱 +374 12 910303 | +374 96 910303
📧 info@emerte.am
📍 Հալաբյան 9/7
🌐 www.emerte.am

11/03/2026

🎙️ Մանկական նյարդաբանություն և էպիլեպսիա․ ՄՌՏ-ի կարևորությունը ճիշտ ախտորոշման համար | EMERTÉ Podcast #15

Այս թողարկման հյուրն է Wigmore Women's and Children's Hospital -ի մանկական նյարդաբանության ծառայության պատասխանատու Նունե Կույումջյանը։

Մասնագետի հետ զրուցել ենք մանկական նյարդաբանության արդիական հարցերի շուրջ՝ անդրադառնալով ուսուցիչների և մենթորների կարևորությանը, շարունակական կրթությանն ու մասնագիտական մշտական զարգացման անհրաժեշտությանը։ Խոսել ենք նաև հիվանդությունների վարման ճիշտ ուղու ընտրության գործընթացում ռադիոլոգի և նյարդաբանի համագործակցության, ինչպես նաև, ընդհանուր առմամբ, թիմային աշխատանքի կարևորության մասին։

Անդրադարձել ենք նաև լայն հետաքրքրություն ներկայացնող թեմայի՝ մանկական էպիլեպսիային, դրա առաջացման հինգ հիմնական պատճառներին, ինչպես նաև ՄՌՏ-ի դերին՝ ճիշտ ախտորոշման և արդյունավետ բուժման ռազմավարության մշակման գործում։

Զրույցի ընթացքում խոսել ենք նաև էնցեֆալիտների մասին։

Դիտե՛ք թողարկումը, կիսվե՛ք այն ձեր շրջապատի հետ և մեկնաբանություններում գրե՛ք հարցերը, որոնց կցանկանաք, որ անդրադառնանք հաջորդ փոդքասթներում։

Բաժանորդագրվեք նաև մեր YouTube ալիքին՝ www.youtube.com/ :

Այս շաբաթ ներկայացնում ենք հազվադեպ, բայց կլինիկապես կարևոր դեպք՝ վերին շնչուղիների շրջանում զարգացած բարորակ գոյացությ...
10/03/2026


Այս շաբաթ ներկայացնում ենք հազվադեպ, բայց կլինիկապես կարևոր դեպք՝ վերին շնչուղիների շրջանում զարգացած բարորակ գոյացության մասին։

Մեր կլինիկա էր դիմել մի պացիենտ, ով մի քանի ամիս շարունակ նկատել էր աստիճանաբար զարգացող ախտանշաններ՝

կոկորդում օտար մարմնի զգացում,
կուլ տալու դժվարություն (դիսֆագիա),
ձայնի փոփոխություն կամ խռպոտություն,
կոկորդում ճնշման զգացում,
երբեմն՝ շնչառության դժվարություն, հատկապես պառկած դիրքում:

Սովորական ԼՕՌ գանգատների նման այս նշանները հաճախ անուշադրության են մատնվում, սակայն երկարատև պահպանվելու դեպքում անհրաժեշտ է խորացված հետազոտություն։ Բուժող բժշկի ցուցումով պացիենտը անցավ ՄՌՏ, որը նման դեպքերում առանցքային ախտորոշիչ մեթոդ է։

🧲 ՄՌՏ-ն թույլ տվեց հստակ գնահատել գոյացության տեղակայումը, չափերը և հարաբերությունը շրջակա կառուցվածքների հետ։ Արդյունքում հայտնաբերվեց ռետրոֆարինգեալ տարածության #լիպոմա, որը տարածվում էր դեպի արիէպիգլոտիկ ծալքի շրջան։

Նման դեպքում ցուցվում է վիրահատական հեռացում, որը ապահովում է արագ և անվտանգ վերականգնում։

📌 Ուշադրություն. Վաղ ախտորոշումն անչափ կարևոր է, քանի որ նույնիսկ բարորակ գոյացությունները կարող են երկար ժամանակ զարգանալ առանց արտահայտված ախտանիշների, բայց հետագայում առաջացնել կուլ տալու և շնչառական խնդիրներ։

Սիրելի՛ կանայք և աղջիկներ, 💐Շնորհավորում ենք ձեզ գարնանային այս գեղեցիկ տոնի՝ Կանանց միջազգային օրվա առթիվ։Մաղթում ենք, ...
08/03/2026

Սիրելի՛ կանայք և աղջիկներ, 💐

Շնորհավորում ենք ձեզ գարնանային այս գեղեցիկ տոնի՝ Կանանց միջազգային օրվա առթիվ։

Մաղթում ենք, որ ձեր ընտանեկան հարկի տակ միշտ իշխեն սերն ու ջերմությունը, և որ կյանքն ամեն օր պարգևի ուրախություն, ներդաշնակություն ու նոր հաջողություններ։

Միշտ եղեք առողջ, սիրված և գնահատված:

Ջերմ բարեմաղթանքներով,
«EMERTÉ» քլինիք 💚

04/03/2026

🎙️ Ժամանակակից պատկերում․ ուրոլոգիա, ՄՌՏ և բժշկական ծառայությունների հասանելիություն | EMERTÉ Podcast #14

Այս թողարկման հյուրն է բ.գ.դ., պրոֆեսոր, ՀՀ ԱՆ գլխավոր ուրոլոգ, Իզմիրլյան բժշկական կենտրոն Izmirlian Medical Center-ի ուրոլոգիական բաժանմունքի վարիչ Արթուր Գրաբսկին, ում հետ խոսել ենք Հայաստանում ուրոլոգիական ծառայությունների զարգացման միտումների, ոլորտում արձանագրված առաջընթացի և բուժօգնության հասանելիության մասին։

Անդրադարձել ենք նաև ուրոլոգիական հիվանդությունների ախտորոշման մեջ ՄՌՏ հետազոտության դերին՝ պարզաբանելով, թե ինչ դեպքերում է այն հատկապես կարևոր և ինչ հնարավորություններ է ստեղծում ժամանակակից բժշկության համար։

Բացի մասնագիտական քննարկումից, բժիշկ Գրաբսկին կիսվել է նաև իր մասնագիտության ընտրության պատմությամբ և մասնագիտական ուղու հետաքրքիր դրվագներով։

Դիտե՛ք թողարկումը, կիսվե՛ք այն ձեր շրջապատի հետ և մեկնաբանություններում գրե՛ք հարցերը, որոնց կցանկանաք, որ անդրադառնանք հաջորդ փոդքասթներում։

Բաժանորդագրվեք նաև մեր YouTube ալիքին՝ www.youtube.com/ :

«EMERTÉ» քլինիքը նշում է իր 1-ամյակը 🎉«EMERTÉ»-ն հիմնվեց հստակ առաքելությամբ՝ ապահովել բարձր ճշգրտությամբ ՄՌՏ հետազոտութ...
02/03/2026

«EMERTÉ» քլինիքը նշում է իր 1-ամյակը 🎉

«EMERTÉ»-ն հիմնվեց հստակ առաքելությամբ՝ ապահովել բարձր ճշգրտությամբ ՄՌՏ հետազոտություններ, մատչելի արժեք, արագ սպասարկում և պացիենտակենտրոն մոտեցում՝ ստեղծելով նոր չափանիշ ախտորոշման ոլորտում։

Այս մեկ տարին դարձավ նվիրվածության, աճի և հազարավոր մարդկային պատմությունների ճանապարհ։ Պատմություններ մարդկանց, ովքեր եկել են անհանգստությամբ և հեռացել վստահությամբ։
Պատմություններ ճիշտ պահին իրականացված հետազոտությունների, որոնք դարձան առողջացման առաջին ու ամենակարևոր քայլը։

🌿 Այսօր մենք հպարտ ենք մեր փորձառու մասնագիտական թիմով, ժամանակակից տեխնոլոգիաներով և հազարավոր իրականացված հետազոտություններով։

Շնորհակալ ենք մեր բժիշկ-ռադիոլոգներին, բուժքույր-տեխնիկներին և ամբողջ անձնակազմին՝ բարձր պրոֆեսիոնալիզմի, պատասխանատվության և անմնացորդ նվիրումի համար, ինչպես նաև մեր պացիենտներին ու գործընկեր բժիշկներին և բուժհաստատություններին՝ վստահության և համագործակցության համար։

🚀 Առջևում՝ նոր հնարավորություններ, շարունակական զարգացում և էլ ավելի բարձր որակ։

✨ Շնորհավոր մեկամյակ, «EMERTÉ» քլինիք։

25/02/2026

🎙️Ռադիոլոգի մասնագիտական ուղին․ փորձ, կրթություն, միջազգային հարթակներ | EMERTÉ Podcast #13

Այս թողարկման ընթացքում մեր կլինիկայի ռադիոլոգները` Մերի Թալանյանը, Շուշանիկ Գրիգորյանը և Անի Աբրահամյանը կիսվում են իրենց մասնագիտական փորձով, որն առավելապես կապված է միջազգային տարբեր ձևաչափերին մասնակցությանը, տարբեր ասոցիացիաներին, այդ թվում` Ռադիոլոգների հայկական ասոցիացիային անդամակցելու կարևորությանը: Մասնագետներն անդրադառնում են նաև գիտական աբստրակտներ գրելու տեխնիկական պահանջներին:

Սիրելի՛ կլինիկական օրդինատորներ, այս թողարկումը հենց ձեզ համար է՝ կարևոր խորհուրդներ այն մասին, թե ինչպես մասնակցել միջազգային կոնֆերանսների և սեմինարների, որոնք կարող են օգտակար փորձառություն ապահովել ձեր մասնագիտական կայացման ճանապարհին։

Դիտե՛ք թողարկումը, կիսվե՛ք այն ձեր շրջապատի հետ և մեկնաբանություններում գրե՛ք հարցերը, որոնց կցանկանաք, որ անդրադառնանք հաջորդ փոդքասթներում։

Բաժանորդագրվեք նաև մեր YouTube ալիքին՝ www.youtube.com/ :

#Գործկա«EMERTÉ» քլինիքն իր թիմը համալրելու նպատակով հրավիրում է աշխատանքի փորձառու բուժքույր-տեխնիկի։Պահանջներն են․✅Մաս...
24/02/2026

#Գործկա

«EMERTÉ» քլինիքն իր թիմը համալրելու նպատակով հրավիրում է աշխատանքի փորձառու բուժքույր-տեխնիկի։

Պահանջներն են․

✅Մասնագիտական կրթություն և/կամ վերջին տարիներին համապատասխան վերապատրաստումների առկայություն, ինչպես նաև գործող հավաստագիր:

✅Աշխատանքային փորձ General Electric և Siemens ընկերությունների ՄՌՏ սարքերի հետ:

‼️Եթե չունեք նման փորձ, սակայն համապատասխանում եք մնացած բոլոր պահանջներին, ձեզ կտրամադրվի համապատասխան անվճար fellowship անցնելու հնարավորություն, որի հաջող ավարտի դեպքում լավագույն թեկնածուները կստանան աշխատանքի առաջարկ:

✅Ms Office ծրագրերի իմացությունը պարտադիր է:

✅Հիվանդներին բարեհամբույր սպասարկման հմտություն:

✅Կազմակերպության էթիկայի կանոնակարգի պահպանման կարողություն:

✅Պարտաճանաչություն, ճշտապահություն և բծախնդրություն:

Դիմելու կարգը

Հետաքրքրված անձիք կարող են իրենց ինքնակենսագրականներն (CV) ուղարկել 📧 balayan.hayk@emerte.am և info@emerte.am էլ. հասցեներին՝ թեմա դաշտում պարտադիր նշելով՝ «Բուժքույր-տեխնիկ»։

👉Հարցազրույցի կհրավիրվեն միայն նախնական ընտրություն անցած թեկնածուները։

📍Աշխատավայրը՝ ք․ Երևան, Հալաբյան 9/7:

🗓️Աշխատանքային օրերը՝ երկուշաբթիից կիրակի՝ հերթափոխային գրաֆիկով:

👉Մենք ապահովում ենք լավագույն աշխատանքային պայմաններն ու մրցակցային աշխատավարձ:

☎️Լրացուցիչ տեղեկությունների համար զանգահարեք +374 12 910303 | +374 96 910303 (երկուշաբթիից կիրակի՝ 07:00–23:00):

Address

9/7 Halabyan Str
Yerevan
0038

Opening Hours

Monday 07:00 - 23:00
Tuesday 07:00 - 23:00
Wednesday 07:00 - 23:00
Thursday 07:00 - 23:00
Friday 07:00 - 23:00
Saturday 07:00 - 23:00
Sunday 07:00 - 23:00

Telephone

+37412910315

Website

Alerts

Be the first to know and let us send you an email when Emerte Clinic posts news and promotions. Your email address will not be used for any other purpose, and you can unsubscribe at any time.

Shortcuts

Share

Category