https://www.facebook.com/182403505982409/

Կրծքավանդակի օրգանների վիրաբուժություն Thoracic surgery

Home
Armenia
Yerevan
Կրծքավանդակի օրգանների վիրաբուժություն Thoracic surgery

Contact information, map and directions, contact form, opening hours, services, ratings, photos, videos and announcements from Կրծքավանդակի օրգանների վիրաբուժություն Thoracic surgery, Medical Center, Yerevan.

04/07/2025

Շնչափողի հետինտուբացիոն ստենոզ։ Նեղացած հատվածը հստակ երևում է ձայնաճեղքից (նկար 1,2)։ Շնչափողի բուժավորումից և ստենտավորումից հետո (նկար3,4)։

05/04/2025

Բուրհավեյի սինդրոմ. Կերակրափողի սպոնտան պատռվածք։

Այն կերակրափողի բոլոր շերտերի սպոնտան պատռումն է, որն ուղեկցվում է կրծքավանդակի շրջանում դաշույնի հարվածի նմանվող կտրուկ առաջացած ցավով, որը ճառագայթում է դեպի մեջք և էպիգաստրալ շրջան։ Ավելի հաճախ խնդիրն առաջանում է ալկոհոլի օգտագործումը չարաշահող, մեծ քանակությամբ միարժամանակ սնունդ օգտագործող մարդկանց շրջանում փսխման ժամանակ։ (Ալկոհոլի անվտանգ չափաբաժին գոյություն չունի. ԱՀԿ)

Համաճարակաբանություն.
-1 դեպք 6000 արտակարգ հոսպիտալացումներից
- 80% պացիենտները 40-60 տարեկան տղամարդիկ են
- Մահացությունը. մինչև 50%, եթե բուժումը հետաձգվում է >24 ժամ

Պատճառներ.
✅ Փսխում (70% դեպքերում)
✅ Ծանրություն բարձրացնել
✅ Ծննդաբերություն, էպիլեպտիկ նոպա
✅ Բժշկական միջամտություններ (էնդոսկոպիա)

Պաթոգենեզ.
Կերակրափողի ճնշման կտրուկ աճ → պատռվածք թույլ հատվածում (ձախ հետա-կողմնային հատված ստոծանու վերևում)→ օդի և ստամոքսի պարունակության արտահոսք միջնորմ → մեդիաստինիտ→ սեպսիս։

Ախտորոշում
🔹 Մաքլերի տրիադա՝ փսխում + ցավ + ենթամաշկային էմֆիզեմա
🔹 Ռենտգեն. պնևմոմեդիաստինում, հիդրոթորաքս
🔹 Կրծքավանդակի ՀՇ (ոսկե ստանդարտ)
🔹 էզոֆագոգրաֆիա (կոնտրաստի արտահոսք)

Բուժում.
- Առաջին 24 ժամ. անհետաձգելի վիրահատություն (կարում + դրենավորում)
- Ուշ դիմելու դեպքում. երկփուլ բուժում (դրենավորում + ուշ պլաստիկա)
- Լայն սպեկտրի հակաբիոտիկներ

01/04/2025

Ենթամաշկային հակաբեղմնավորիչ իմպլանտի հազվադեպ հանդիպող բարդություն՝ միգրացիա դեպի թոքային զարկերակ

Ենթամաշկային հակաբեղմնավորիչ իմպլանտը փոքրիկ պլաստիկ ձող է՝ մոտավորապես 4 սմ երկարությամբ, որը ազատում է պրոգեստին և տեղադրվում է բազկի վերին 1/3-ի միջային կողմում՝ մոտ 7 սմ հեռավորության վրա արմունկից։

Nexplanon-ը ռադիո-թափանցիկ, չկենսաքայքայվող, միայն պրոգեստոգեն պարունակող իմպլանտ է, որը պարունակում է 68 մգ էտոնոգեստրել և 15 մգ բարիումի սուլֆատ, վերջինս ապահովում է իմպլանտի ռադիոտեսանելիությունը։ Այն համարվում է արդյունավետ հակաբեղմնավորիչ միջոց 3 տարի ժամկետով։

Հազվադեպ բարդություններից է իմպլանտի միգրացիան, որը սահմանվում է որպես տեղաշարժ՝ ավելի քան 2 սմ, հիմնականում իջնելով տեղադրման կետից։ Բացառիկ դեպքերում այն կարող է ներթափանցել երակային համակարգ և տեղափոխվել թոքեր՝ առաջացնելով էմբոլիզացիա։

Վերջինիս ախտանիշներն են հազը, շնչահեղձություն, կրծքավանդակի ցավ և արյունախխում։ Այլ բարդություններ կարող են լինել տեղադրման վայրում վարակ, սպիի առաջացում, հեմատոմա, արյունատար անոթների և նյարդերի վնասում։

Դեպքի ներկայացում

30-անց կինը դիմել էր բժշկի՝ նշելով, որ չի շոշափում իր ձախ բազկի ենթամաշկային հակաբեղմնավորիչ իմպլանտը, որը տեղադրվել էր 6 տարի առաջ։ Իմպլանտը տեղադրվել էր ձախ բազկի շրջանում, սակայն 1 շաբաթ անց արդեն շոշափելի չէր։ Այն ժամանակ նա դա չէր հայտնել, և լրացուցիչ հետազոտություններ չէին իրականացվել։

Որևէ այլ գանգատ չի ներկայացրել։ Տեղադրումից հետո մի քանի ամիս անկանոն արյունահոսություն է ունեցել ցիկլի ժամանակ, ինչը համարվում է նորմալ պատասխան։ Հետագայում ցիկլը դարձել էին թեթև, ինչը նույնպես սպասվող արձագանք է։ Վերջին 3 տարիների ընթացքում նրա դաշտանային ցիկլը դարձել է կանոնավոր, ինչը ցույց է տալիս, որ իմպլանտն այժմ հորմոնալ առումով ակտիվ չէ։

Հետազոտություններ

Ձախ բազկի ռետգեն հետազոտությամբ ենթամաշկային իմպլանտը չի հայտնաբերվել։ Կրծքավանդակի ռենտգեն հետազոտությամբ վիզուալիզացվել է իմպլանտը ձախ ստորին թոքադաշտում։

Կատարվել է կրծքավանդակի ՀՇ ներերակային կոնտրաստավորմամբ, վիզուալիզացվել է հակաբեղմնավորիչ իմպլանտը ձախ թոքի ստորին բլթի սուբսեգմենտար զարկերակներից մեկում։

Հաշվի առնելով որ տեղադրումից մեկ շաբաթ անց այն արդեն ենթարկվել էր միգրացիայի, և քանի որ պացիենտը չուներ գանգատներ որոշվեց ընտրել սպասողական տակտիկա, հսկելով ՀՇ հետազոտությամբ հնարավոր բարդությունների առաջացումը։

Դեպքը՝

https://doi.org/10.1136/bcr-2024-262771

31/01/2025

Կալցիֆիկացիա պոպկորնի տիպի կամ պոպկորնի ախտանիշ

Վրադրված բազմաթիվ կալցիֆիկատներ են, անհարթ, ոչ ճիշտ եզրերով։
Այս ախտանիշը բնորոշ է հետևյալ պաթոլոգիաներին՝ թոքի համարտոմա, կրծքագեղձի ֆիբրոադենոմա։

14/12/2024

Պնևմոթորաքսի, դրա ախտորոշման և բուժման արդիական մեթոդներին նվիրված դասախոսությունը ԵՊԲՀ ուսանողների կլինիկական օրդինատորների և բժիշկների համար։

19/11/2024

Պլևրայի էմպիեմայի, դրա ախտորոշման և բուժման արդիական մեթոդներին նվիրված դասախոսությունը ԵՊԲՀ ուսանողների կլինիկական օրդինատորների և բժիշկների համար։

02/11/2024

Նասսի վիրահատության արդյունքները։

Կրծքավանդակի բնածին դեֆորմացիաների` ձագարաձև կրծքավանդակի ուղղում։ Վիրահատությունն իրականացվում է կրծքավանդակի երկու կողմից փոքր կտրվածքների միջոցով։ Նկարներում ԲԿ-ի կրծքային վիրաբուժության բաժանմունքում կատարված Նասսի վիրահատություններից մեկի արդյունքներն են։

Կրծքային վիրաբուժություն
fb.com/thoarcic.am

27/10/2024

Առնետի պոչի ախտանիշը (Rat-tail sign) կամ թռչնի կտուցի ախտանիշ դիտվում է ախալազիայի ժամանակ` վիզուալիզացվում է կերակրափողի տերմինալ հատվածի սահուն եզրերով և կտրուկ նեղացում։ Լորձաթաղանթի անհարթությունները կամ տերմինալ հատվածից վեր նեղացումը կարող է պայմանավորված լինել կերակրափողի քաղցկեղով։

26/10/2024

ՀՀ Առողջապահության նախարարության ԱԱԻ Առողջապահության և բժշկագիտության հայկական հանդեսում հրապարակվել է հոդվածը։ «Աստղիկ» բժշկական կենտրոնի Թորակալ վիրաբուժության բաժանմունքում 2022թ-ի հունվարից մինչև 2023թ-ի ապրիլ ամիսներին կատարված վիդեոմեդիաստինոսկոպիաներից ընտրվել են այն բուժառուները, որոնց մոտ ըստ CT և PET CT -ի ենթադրվել է թոքի կոնտրոնական կամ ծայրամասային քաղցկեղ և միջնորմային ավշային հանգույցների ախտահարում, առանց հեռավոր մետաստազիˋ M₀ և որոնք դեռևս չեն ունեցել հյուսվածքաբանական ախտորոշում:

Հոդվածն ամբողջությամբ
https://ahms.am/hy/%D5%B0%D5%A1%D5%BF%D5%B8%D6%80-4-1/

24/09/2024

Իդիոպաթիկ պլևրոպարենքիմատոզ ֆիբրոէլաստազ

Հազվադեպ հանդիպող հիվանդություն է։ Թոքերի ախտահարումը սկսվում է վերին բլթերից և դանդաղ պրոգրեսիվում։ Պացինետները նշում են դժվարաշնչություն, չոր հազ և շնչուղիների հաճախակի ինֆեկցիաներ։ Ախտորոշման համար ցուցված է կրծքավանդակի օրգանների համակարգչային տոմոգրաֆիա և բիոպսիա թոքի ախտահարված հատվածից (1):

Հիվանդության էթիոլոգիան անհայտ է, սակայն հետազոտությունները թույլ են տալիս ենթադրել, որ կապված է ռեցիդիվող թոքային ինֆեկցիաների հետ։ Պացինետները մեծամասնությունը ծխող չեն։ Հաճախակի բարդանում է պնևմոթորաքսի առաջացմամբ։ էթիոտրոպ բուժում ցավոք չկա։
5 տարվա ապրելիությունը կազմում է 25-ից 60% (2):

Աղբյուր`
1. Travis WD, Costabel U, Hansell DM, et al: An Official American Thoracic Society/European Respiratory Society Statement: Update of the International Multidisciplinary Classification of the Idiopathic Interstitial Pneumonias. Am J Respir Crit Care Med 188 (6):733–748, 2013.

2. Kinosh*ta Y, Ikeda T, Miyamura T, et al. A proposed prognostic prediction score for pleuroparenchymal fibroelastosis. Respir Res 22: 215, 2021. https://doi.org/10.1186/s12931-021-01810-z

27/08/2024

Այվոր Լյուիսի վիրահատության էտապները էնդոսկոպիկ եղանակով (նկարներ)։

Այս վիրահատությունը ենթադրում է կերակրափողի մասնակի հեռացում որովայնային և կրծքային մուտքերով։ Քիչ ինվազիվ մեթոդները, այսինքն 1-4սմ երկարությամբ մուտքերի միջոցով, հնարավորություն են տալիս արագ ապաքինվել, ցավի զգացումը, բարդությունների հավանականությունը ավելի քիչ են։

Վիրահատությունն իրականացվում է կերակրափողի քաղցկեղի, տարբեր պատճառներով նեղացումների և վնասվածքների ժամանակ։

Կրծքային վիրահատության բաժանմունք

30/12/2023

ՀՀ Առողջապահության նախարարության ԱԱԻ Առողջապահության և բժշկագիտության հայկական հանդեսում հրապարակվել է մեր երկրում նախկինում բավարար ուշադրության չարժանացած, բայց ակտուալ խնդրին վերաբերող հոդված։ Հոդվածը ներկայացնում է «Աստղիկ» բժշկական կենտրոնի Թորակալ վիրաբուժության բաժանմունքում 2022-2023թթ. ախտորոշված կատամենիալ պնևմոթորաքսի 3 դեպք, ինչպես նաև գրականության տվյալների համառոտ վերլուծություն:

Հոդվածն ամբողջությամբ
https://ahms.am/volume-3-2/?fbclid=IwAR3Qlt5xxfiYm3iySR8jXYyHwsM3PmCNHmzuv96ITaYSv5pHTKNJfkFpzRQ

Ruben Stepanyan Шаген Даниелян Gevorg Voskanyan Sergey Matikyan Gor Geghamyan Hike Kobelyan Gagik Arakelyan

Address

Yerevan

Telephone

+37495844555

Website

facebook.com

Alerts

Be the first to know and let us send you an email when Կրծքավանդակի օրգանների վիրաբուժություն Thoracic surgery posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Կրծքավանդակի օրգանների վիրաբուժություն Thoracic surgery:

Shortcuts

Want your practice to be the top-listed Clinic in Yerevan?