Mindful mental health counseling

03/11/2025

Հետծննդյան շրջանը կնոջ կյանքի այն փուլն է, երբ նա ոչ միայն խնամում է իր փոքրիկին, այլև վերականգնվում է ֆիզիկապես, անցնում է հարմարվողականության խանգարման էտապով, հարմարվում նոր դերին և վերագտնում իրեն։ Այդ փուլում բնական են տարբեր զգացմունքներ՝ հոգնածությունից և անհանգստությունից մինչև մեղավորության կամ դատարկության զգացում։
Շատ հաճախ կանայք չեն կարողանում վերագտնել ներքին անդորրն ու առերեսվում են ոչ միայն ներքին, այլ նաև արտաքին աշխարհի կողմից դժվարությունների արժեզրկմանը։
Այս խումբը ստեղծվել է հենց դրա համար՝ լինել ապահով, աջակցող և հասկացող միջավայր կանանց համար, որոնք անցնում են այս կարևոր փուլը։

🫂Խմբային հանդիպումները կօգնեն․
կիսվել փորձով և զգացողություններով՝ առանց քննադատության վախի,
ճանաչել և ընդունել սեփական զգացմունքները,
սովորել հոգ տանել ինքներդ ձեր մասին,
վերականգնել ներքին հավասարակշռությունը և վստահությունը մայրական դերի մեջ, չկորցնելով սեփական ԵՍ-ը։

👩‍⚕️ Խումբը վարելու է հոգեբույժ-հոգեթերապևտ Անետա Մելքոնյանը,
ով ունի նեղ մասնագիտացում պերինատալ շրջանի (հղիություն, ծննդաբերություն, հետծննդյան շրջան) հոգեկան խանգարումների և հուզական դժվարությունների հետ աշխատանքի ոլորտում։

📍 Կազմակերպվում են երկու ձևաչափով խմբեր․
Առերես (օֆլայն) խումբ՝ առավելագույնը 5 մասնակից,
Օնլայն խումբ՝ առավելագույնը 5 մասնակից։
Յուրաքանչյուր խումբ լինելու է միջավայր, որտեղ կկարողանաք գտնել փոխըմբռնում, աջակցություն և ամենակարևորը, մասնագիտական օգնություն։

30/10/2025

💚 Mindful-ի պաշտոնական կայքէջը՝ mindfulme.am

09/09/2025

Ծանոթացեք ✨ Սվետլանա Նիկողոսյանն է, «Մայնդֆուլ» հոգեկան առողջության խորհրդատվական կենտրոնի co-working-ի կլինիկական հոգեբաններից

👩‍🎓 Բարձրագույն կրթություն՝
2023թ․ - մինչ օրս IU Internationale Hochschule, կլինիկական հոգեբանություն, Գերմանիա
2021 - 2025թթ․ ԵՊՀ կլինիկական հոգեբանություն և հոգեթերապիա
2017 - 2021թթ․ ԵՊՀ հոգեբանություն

🧠 Մասնագիտացումը կլինիկական հոգեբան

Սվետլանա Նիկողոսյանը մասնագիտական գործունեությունում կենտրոնացած է հետևայլ խնդիրների վրա՝ մշակութային ադապտացիայի դժվարություններ, ինքնության ճգնաժամ՝ մշակութային պատկանելիության շուրջ, դեպրեսիա, տագնապային խանգարում, պոստտրավմատիկ սթրեսային խանգարում (PTSD), նարցիստիկ և օբսեսիվ-կոմպուլսիվ անձնային խանգարումներ

👩‍💼 Աշխատանքային փորձ՝
2025թ.- մինչ օրս Mindful հոգեկան առողջության խորհրդատվություն հոգեբան-հոգեթերապևտ
2022 - 2025թթ․ Անհատական թերապիաների իրականացում

📜 Վերապատրաստումներ՝
2024թ․ - մինչ օրս Կոգնիտիվ-վարքաբանական հոգեթերապիա ԵՊՀ Կիրառական հոգեբանության կենտրոն
2023 - 2025թթ․ Արտ թերապիա ԵՊՀ Կիրառական հոգեբանության կենտրոն

Հոգեբանի մոտ այց գրանցելու համար գրեք կամ զագահարեք այս հեռախոսահամարով՝ 044181230, 033181230 📞
#հոգեբան #հոգեթերապևտ

18/08/2025

😢🙂 #Բիպոլյար խանգարումը (հին անվանումով՝ մանիակալ-դեպրեսիվ փսիխոզ) հոգեկան առողջության հիվանդություն է, որը բնութագրվում է տրամադրության, շարժողական և մտավոր ակտիվության ծայրահեղ տատանումներով։ Հիվանդի մոտ հերթագայում են մանիակալ/հիպոմանիակալ փուլերը (ավելացած էներգիա, ակտիվություն, քնի նվազում, երբեմն՝ ռիսկային վարքագիծ) և դեպրեսիվ փուլերը (հոգնածություն, հետաքրքրությունների կորուստ, ընկճված տրամադրություն, ինքնավստահության անկում)։

📊 Տարածվածություն
- Բիպոլյար խանգարումը հանդիպում է բնակչության մոտավորապես 1–2%-ի մոտ։
- Այն կարող է ի հայտ գալ ցանկացած տարիքում, բայց առավել հաճախ սկսվում է երիտասարդ հասակում (18–30 տարեկան)։
- Տղամարդկանց և կանանց մոտ հանդիպման հաճախականությունը մոտավորապես նույնն է։

Կան մի քանի կլինիկական տիպեր 👇․
- Բիպոլյար խանգարում I տիպի` առնվազն մեկ մանիակալ փուլ, հաճախ՝ հաջորդող դեպրեսիվ փուլերով։
- Բիպոլյար խանգարում II տիպի` առնվազն մեկ հիպոմանիակալ փուլ և դեպրեսիվ փուլեր, առանց լիարժեք մանիայի։

💊 Բուժում և թերապիա

- Հիմնական բուժումը ներառում է դեղորայքային թերապիա(տրամադրության կայունացնողներ, հակադեպրեսանտներ որոշ դեպքերում, հակապսիխոտիկ պրեպարատներ)։
- Հոգեթերապիան կարևոր է երկարաժամկետ արդյունքի համար։
- Սուր մանիակալ կամ ծանր դեպրեսիվ փուլերում, երբ հնարավոր են նույնիսկ փսիխոտիկ էլեմենտներ, հոգեթերապիան ինքնուրույն արդյունավետ չէ, երբեմն, չի թույլատրվում, քանի որ մարդը հաճախ չի կարող ակտիվ մասնակցել․ այդ փուլերում առաջնային է դեղորայքային կայունացումը։ Թերապիան առավել օգտակար է հիվանդության կայուն փուլում, երբ մարդը կարող է մշակել վարքի ռազմավարություն, վերահսկել ռեցիդիվները և բարելավել կյանքի որակը։

ℹ Կարևոր է հիշել, որ Բիպոլյար խանգարումը քրոնիկ վիճակ է, սակայն ճիշտ բուժման և աջակցման դեպքում մարդիկ կարող են ապրել լիարժեք և արդյունավետ կյանքով։

#հոգեբանություն #հոգեբուժություն #հոգեթերապիա

04/08/2025

✨Ծանոթացեք Լիլիթ Խաչատրյանի հետ՝ «Մայնդֆուլ» հոգեկան առողջության խորհրդատվական կենտրոնի սոցիալական մեդիայի բովանդակություն ստեղծողը (Social Media Content Creator)։

Մեր գրառումները ստեղծվում են Լիլիթի ստեղծագործական մտքի ու վիզուալ ճաշակի շնորհիվ։

Նա է ապահովում «Մայնդֆուլի» ներկայությունը թվային հարթակներում։

14/07/2025

🍼 ԿՐԾՔՈՎ ԿԵՐԱԿՐՄԱՆ ՀԵՏ ԿԱՊՎԱԾ ՄԻՖԵՐ — ՄԱՍ 3 🍼

❌ 11. Սթրեսից կաթը «փչանում» կամ «դառնանում» է
✅ Սթրեսը կարող է ազդել կաթի արտահոսքի վրա, կապված օքսիտոցինի արտադրության նվազմամբ, բայց ոչ կաթի որակի։ Նույնիսկ սթրեսային իրավիճակում մայրիկի կաթը մնում է օգտակար ու համապատասխան երեխայի կարիքներին։

❌ 12. Մայրիկը պետք է շուտ վերադառնա «նորմալ կյանքին»
✅ Կրծքով կերակրումն ու մայրությունը «նորմալ կյանքի» մասն են։ Դրա համար էլ համայնքն ու ընտանիքը պետք է աջակցեն մայրիկին, ոչ թե շտապեցնեն մայրիկին։

❌ 13. Կրծքով կերակրելը խանգարում է ամուսնական հարաբերություններին
✅ Երեխայի ծնվելուց հետո ընտանիքում նոր դերեր ու փոխհարաբերություններ են ձևավորվում։ Կրծքով կերակրումը խանգարող չէ այս փուլում, այլ բնական փուլ, որն առավել հեշտ է անցնում սիրո ու աջակցության շնորհիվ։

❌ 14. Մայրիկը պետք է «հասկանա, երբ ժամանակն է կտրելու»
✅ Կարևոր է, որ և՛ մայրիկը, և՛ երեխան պատրաստ լինեն կրծքով կերակրումը ավարտին։ Բնական ավարտը միշտ ավելի հանգիստ ու մեղմ ընթացք է ունենում, ի տարբերություն կտրուկ կրծքով կերակրման դադարի, որը սթրեսայինի թե՛ երեխայի, թե մայրի՛կի համար։

Մի շտապեք։ Տվեք Ձեզ և Ձեր երեխային ժամանակ հարմարվելու, պատրաստվելու կյանքի այդ նոր փուլին։

#հոգեբանություն #հոգեբուժություն #հոգեթերապիա

06/07/2025

20/06/2025

🍼 ՄԻՖԵՐ ԿՐԾՔՈՎ ԿԵՐԱԿՐՄԱՆ ՄԱՍԻՆ — ՄԱՍ 2 🍼

❌ 6. Երեխան «սոված է», եթե հաճախ է ուզում կուրծք
✅ Հաճախակի կրծքի պահանջը նորմալ է։ Դա ոչ միայն սնունդ է, այլև հանգստություն, ջերմություն, կապ երեխայի համար։

❌ 7. Մեկ կուրծքից պետք է 15 րոպեից ավել չտալ
✅ Կաթի հոսքը յուրաքանչյուր կնոջ մոտ տարբեր է։ Երեխան ինքը գիտի՝ երբ է կուշտ։ Ժամանակը չափանիշ չէ։

❌ 8. Ցավ նշանակում է՝ երեխայի բերանակցումը կրծքին սխալ է, պետք է դադարեցնել կրծքով կերակրումը
✅ Ցավը նշան է, որ հնարավոր է տեխնիկայի ուղղման կարիք կա։ Բայց դա չի նշանակում, որ պետք է դադարեցնել։ Ճիշտ օգնությամբ ցավը անցնում է։

❌ 9. Գիշերային կերակրումները խանգառում են երեխայի քունը
✅ Ընդհակառակը՝ գիշերային կերակրումը հանգստացնում է երեխային, ապահովում է հորմոնալ հավասարակշռություն և կաթի կայուն արտադրություն։

❌ 10. Կրծքով կերակրող մայրիկը պետք է խիստ դիետա պահի
✅ Մայրիկը պետք է սնվի առողջ և բազմազան։ Որքան առողջ է մայրիկը սնվում հղիության և կրծքով կերակրման ժամանակ, այնքան առողջ կսնվի հետագայում փոքրիկը՝ հավելյալը սկսելիս։

#հոգեբանություն #հոգեբուժություն #հոգեթերապիա

05/06/2025

🤱 Առավել հաճախ հանդիպող միֆեր կրծքով կերակրման ժամանակ, որոնք հաճախ շփոթեցնում են մայրերին, իսկ իրականում գիտական հիմք չունեն։

❌ 1. Մարդու կաթը «ջուր է»․ 12 ամսից հետո այն սննդարար չէ
✅ Իրականում մայրական կաթը փոխվում է երեխայի կարիքներին համապատասխան՝ պահպանելով պաշտպանական և սննդային արժեքը մինչև 2–3 տարեկանը և ավելին։

❌ 2. Պետք է կերակրել 3 ժամը մեկ, ոչ թե ըստ պահանջի
✅ Երեխայի կրծքով կերակրումը պետք է լինի ըստ պահանջի՝ և՛ ցերեկը, և՛ գիշերը։ Սա օգնում է կաթի ճիշտ արտադրությանը և ապահովում է երեխայի հուզական անվտանգությունը։

❌ 3. Եթե կաթը «չի հերիքում», պետք է միանգամից հավելել կաթնախառնուրդով
✅ Շատ հաճախ դա ժամանակավոր իրավիճակ է։ Խելացի աջակցության և հաճախակի կրծքին մոտեցման շնորհիվ կաթն ավելանում է։

❌ 4. Կրծքով կերակրելը փչացնում է կրծքի ձևը
✅ Կրծքի ձևը փոխվում է հղիության ընթացքում, ոչ թե կերակրման։ Բնական կերակրումը չի փչացնում կուրծքը։ Կրծքով կերակրման ավարտից հետո կուրծքը 2-3 տարվա ընթացքում կվերականգնի իր տեսքը։

❌ 5. Եթե մայրիկը հիվանդ է կամ դեղ է խմում, պետք է դադարեցնել կրծքով կերակրումը
✅ Շատ հիվանդությունների և դեղորայքների դեպքում կարելի է շարունակել կերակրումը։ Կարևոր է խորհրդակցել մասնագետի հետ, ոչ թե ինքնուրույն դադարեցնել։

#հոգեբանություն #հոգեբուժություն #հոգեթերապիա