29/07/2025
⁉️ԻՆՉՊԵ՞Ս Է ԱՐՏԱՀԱՅՏՎՈՒՄ ԱԶԴՐԻ ԲՆԱԾԻՆ ՀՈԴԱԽԱԽՏԸ
📍Ազդրի բնածին հոդախախտը (կոնքոսկրային հոդի դիսպլազիա) մանկական օրթոպեդիկ ամենատարածված խնդիրներից է, որը վաղ հայտնաբերման դեպքում բուժվում է ամբողջությամբ՝ առանց վիրահատական միջամտության։
📍Երբ երեխան սկսում է քայլել կաղալով՝ այսպես կոչված «բադի քայլվածքով», հաճախ հենց այդ փուլում էլ ծնողները առաջին անգամ դիմում են բժշկի։ Սակայն այս փուլում հիվանդությունը արդեն զարգացած է, և բուժումը դառնում է ավելի երկարատև ու բարդ։
❓ Ի՞նչ անել, եթե երեխային դեռ նորածին է՝
📌Նորածնի շրջանում՝ ճիշտ ժամանակին ախտորոշման դեպքում, բավական է լինում օրթոպեդիկ զատիչ սարքի կամ անգամ մի քանի տակդիրի օգնությամբ ապահովել կոնքոսկրային հոդի ճիշտ զարգացում, 3–4 ամսում հնարավոր է լիարժեք ապաքինում՝ առանց միջամտությունների։
❓Ինչպե՞ս բուժել, եթե երեխան արդեն 1–2 տարեկան է՝
Այս տարիքում բուժումը պահանջում է երկարատև օրթոպեդիկ և երբեմն վիրահատական միջամտություններ։ Համաշխարհային վիճակագրությամբ՝ ուշ հայտնաբերման դեպքում մինչև 10% երեխաների մոտ անհրաժեշտ է լինում վիրահատություն։
✅Հիվանդությունը վաղ հայտնաբերելու համար ընդհամենը երեխային պետք է ժամանակին ստուգումների տանել:
✅Կոնքոսկրային հոդի ստուգում պետք է կատարել 15 օրեկանում, 1.5 ամսեկանում, 2.5, 3.5 ամսեկանում, 9 ամսեկանում և մեկ տարեկանում:
__________________________
✅բ.գ.դ., պրոֆեսոր Արա Այվազյան` օրթոպեդ-վնասվածքաբան
«Արմենիա» ՀԲԿ, մանկական օրթոպեդիայի և վնասվածքաբանության բաժանմունքի ղեկավար
Ինստագրամ՝ dr.ara_ayvazyan
Հեռ.՝ 091412772
💠Գրանցման համար զանգահարել՝
096650631
091046368
